လံာ်စီၤပၤခံဘ့ၣ်တဘ့ၣ် 1:16 - Sgaw Karen Common Bible

¹⁶ ဒီးစံးဘၣ်အီၤ, “အအံၤမ့ၢ်တၢ်လၢယွၤစံးဝဲလီၤ. မ့ၢ်လၢနဆှၢလီၤပှၤစိာ်တၢ်ကစီၣ်တဖၣ်ဆူပှၤဧ့ကြိၣ်ဖိအကစၢ်ဘဧၤ လးစဘူာ်အအိၣ်လၢကဃ့တၢ်ဟ့ၣ်ကူၣ်အဃိ, တၢ်မၤအသးဒ်သိးကစၢ်တအိၣ်နီတဂၤလၢကီၢ်အံၣ်စရ့လးအပူၤလၢ နကဃ့တၢ်ဟ့ၣ်ကူၣ်ဘၣ်လီၤ. အဃိဒီးနတဘျါက့ၤဘၣ်. နကသံလီၤ.”

လံာ်စီၤပၤခံဘ့ၣ်တဘ့ၣ် 1:16 Iomraidhean Croise

လံာ်စီၤပၤအခီၣ်ထံးတဘ့ၣ် 22:28

စီၤမံၤကါယၤစံးဝဲ, “နမ့ၢ်ဟဲက့ၤမုာ်မုာ်န့ၣ်ဒီးယွၤတကတိၤဘၣ်တၢ်ခီဖျိယၤန့ၣ်ဘၣ်.” ဒီးစံးအါထီၣ်ဝဲ, “ပှၤကိးဂၤဒဲးဧၢ, ဒိကနၣ်တၢ်လၢယစံးတ့ၢ်န့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 1:6

အဝဲသ့ၣ်စံးဆၢဝဲဒၣ်, “ပဘၣ်တၢ်ဟဲသဂၢၢ်ပှၤလၢပှၤတဂၤလၢအတဲ ဘၣ်ပှၤလၢပကဟဲက့ၤကဒါက့ၤဒီးတဲဘၣ်နၤလၢယွၤစံးဘၣ်ဝဲ, ဘၣ်မနုၤလၢနဆှၢလီၤနပှၤစိာ်တၢ်ကစီၣ်တဖၣ်ဆူ ပှၤဧ့ကြိၣ်အကစၢ်ဘဧၤလးစဘူာ်အအိၣ်လၢကဃ့န့ၢ်တၢ်ဟ့ၣ်ကူၣ်န့ၣ် လဲၣ်. တၢ်န့ၣ်မ့ၢ်နဆိကမိၣ်လၢကစၢ်တအိၣ်နီတဂၤလၢကီၢ်အံၣ်စရ့လး အပူၤအဃိန့ၣ်ဧါ. နတဘျါက့ၤဘၣ်လၢနတၢ်ဘၣ်ဒိဘၣ်ထံးန့ၣ်ဘၣ်. နကသံလီၤ.”

လံာ်စီၤပၤခံဘ့ၣ်တဘ့ၣ် 20:1

ဖဲတၢ်ဆၢကတီၢ်အပူၤအတ့ၤအံၤ, စီၤပၤဃံးစကံယၤဆါထီၣ်ဝဲ ဒီးဘူးတ့ၢ်မးလၢအကသံန့ၣ်လီၤ. စီၤအၤမိာ်အဖိခွါဝံယၡါယၤလဲၤဆူအအိၣ်ဒီးစံးဘၣ်အီၤ, “ယွၤတဲဘၣ်နၤလၢနကဘၣ်သုးကျဲၤပာ်တၢ်ခဲလၢာ်ဘၣ်လီၢ်ဘၣ်စး, မ့ၢ်လၢနတဘျါက့ၤလၢၤဘၣ်အဃိလီၤ. အိၣ်ကတဲာ်ကတီၤနသးလၢနကသံအဂီၢ်န့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 5:21

လၢတၢ်န့ၣ်အဃိအဝဲဟးထီၣ်လူၤပိာ်ထွဲစီၤနဧၤမၣ်အခံန့ၣ်လီၤ. တုၤစီၤနဧၤမၣ်ထံၣ်ဘၣ်လၢပှၤတဂၤဟဲဃ့ၢ်ပိာ်ထွဲအခံန့ၣ်, အဝဲစံၣ်လီၤလၢအလ့ၣ်ကဟၣ်အလိၤလၢကသဂၢၢ်အီၤအဂီၢ်ဒီးသံကွၢ် အီၤ, “မ့ၢ်တၢ်လဲၤကမၣ်အသးတမံၤမံၤဧါ.”

လံာ်စီၤပၤခံဘ့ၣ်တဘ့ၣ် 8:10

စီၤအလံၤၡါစံးဆၢဝဲဒၣ်, “ယွၤလီၣ်ဖျါထီၣ်န့ၢ်ယၤလၢအဝဲ ဒၣ်ကသံဝဲလီၤ. ဘၣ်ဆၣ်က့ၤဆူအအိၣ်ဒီးတဲဘၣ်အီၤလၢအဝဲ ကဘျါက့ၤန့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 8:8

စီၤပၤစံးဘၣ်စီၤဃစ့လးလၢအမ့ၢ်အဝဲအပဒိၣ်အကျါတဂၤဒ်အံၤ, “လဲၤစိာ်တၢ်ဟ့ၣ်တမံၤဆူဝံအအိၣ်, ဒီးမၢအသံကွၢ်ယွၤလၢတၢ် ကသ့ၣ်ညါဘၣ်လၢယကဘျါက့ၤဧါမ့တမ့ၢ်တဘျါက့ၤဘၣ်လဲၣ်အဂ့ၢ်န့ၣ် တက့ၢ်.”

စံးထီၣ်ပတြၢၤ 132:3

လၢအစံးဝဲ, “ယတက့ၤဆူဟံၣ်မ့ၢ်ဂ့ၤ ဆူလီၢ်မံခိၣ်မ့ၢ်ဂ့ၤ,

တၢ်ကတိၤဒိ. 11:19

ပှၤတဂၤလၢ်လၢ်လၢအပာ်လီၤအသးဒ်သိးကမၤတၢ်လၢအဘၣ်န့ၣ်ကမူဝဲ လီၤ. မ့မ့ၢ်, ပှၤတဂၤလၢ်လၢ်လၢအပာ်အသးဆၢဆူၣ်ဆၢမနၤလၢကမၤ အၢတၢ်န့ၣ်ကသံဝဲလီၤ.

လံာ်ယဃ့းစက့လး 14:4

ခဲကနံၣ်အံၤကတိၤတၢ်ဒီးအဝဲသ့ၣ်ဒီးတဲဘၣ်အဝဲသ့ၣ်တၢ်လၢ, ယၤ, ယွၤပၢဘၣ်တၢ်ခဲလၢာ်ကစၢ်စံးဘၣ်အဝဲသ့ၣ်န့ၣ်တက့ၢ်. ပှၤအံၣ်စရ့လးဖိကိးဂၤလၢအဟ့ၣ်လီၤအသးဆူတၢ်ဂီၤတၢ်ဖီၣ်တဖၣ် အအိၣ်ဒီးပျဲအဝဲသ့ၣ်ဆှၢအီၤဆူတၢ်ဒဲးဘးအပူၤ, ဝံၤဒီးဟဲဃ့တၢ်ဟ့ၣ်ကူၣ်ဟ့ၣ်ဖးလၢဝံတဂၤအအိၣ်န့ၣ်, ကမၤန့ၢ်တၢ်စံးဆၢတမံၤလၢယအိၣ်, တၢ်စံးဆၢလၢအဝဲအတၢ်ဂီၤတၢ်ဖီၣ်တဖၣ်ကြၢးဒိးန့ၢ်ဘၣ်ဝဲန့ၣ်လီၤ.