လံာ်စီၤပၤခံဘ့ၣ်တဘ့ၣ် 1:14 - Sgaw Karen Common Bible

¹⁴ သုးခိၣ်အဂၤခံဂၤဒီးအဝဲသ့ၣ်အပှၤတဖၣ်ဘၣ်တၢ်အီၣ်သံကွံာ်လၢ မ့ၣ်အူလၢအဟဲလီၤလၢမူခိၣ်န့ၣ်လီၤ. ဘၣ်ဆၣ်ဝံသးစူၤသူၣ်ကညီၤသးကညီၤယၤတက့ၢ်.”

လံာ်စီၤပၤခံဘ့ၣ်တဘ့ၣ် 1:14 Iomraidhean Croise

လံာ်စီၤပၤခံဘ့ၣ်တဘ့ၣ် 1:13

မၤကဒီးတဘျီ, စီၤပၤဆှၢလီၤသုးခိၣ်တဂၤဒီးပှၤအဂၤယဲၢ်ဆံ န့ၣ်လီၤ. အဝဲလဲၤထီၣ်ဆူတၢ်လူၢ်ဒီခိၣ်, ဒီးတီၤလီၤကဒွံ ကျိာ်လၢစီၤအ့ၤလံယၤအမဲာ်ညါဒီးဃ့ကညးအီၤဒ်အံၤ, “ကစၢ်ယွၤအပှၤကညီဧၢ, သူၣ်ကညီၤသးကညီၤယၤဒီးယပှၤတဖၣ်န့ၣ်တ က့ၢ်. မၤပူၤဖျဲးပသးသမူတဖၣ်တက့ၢ်.

လံာ်စီၤပၤခံဘ့ၣ်တဘ့ၣ် 1:15

ယွၤအကလူးတဂၤစံးဘၣ်စီၤအ့ၤလံယၤဒ်အံၤ, “လဲၤလီၤဒီးအီၤဒီးပျံၤတၢ်တဂ့ၤ,” လၢတၢ်န့ၣ်အဃိစီၤအ့ၤလံယၤလဲၤတၢ်ဒီးသုးခိၣ်တဂၤန့ၣ်ဆူ စီၤပၤအအိၣ်,

စံးထီၣ်ပတြၢၤ 116:15

အပှၤစီဆှံတဖၣ်အတၢ်သံန့ၣ် မ့ၢ်တၢ်လုၢ်ဒိၣ်ပှ့ၤဒိၣ်လၢယွၤအမဲာ်ညါလီၤ.

စံးထီၣ်ပတြၢၤ 49:8

အဂ့ၢ်ဒ်အံၤ, တၢ်အပှ့ၤလၢပှၤကညီအသးသမူ အဂီၢ်အံၤဒိၣ်ဝဲအါမးန့ၣ်လီၤ. တၢ်အပှ့ၤလၢအဟ့ၣ်ဝဲန့ၣ်တလၢပှဲၤနီတဘျီလၢ,

စံးထီၣ်ပတြၢၤ 72:14

အဝဲပှ့ၤက့ၤအဝဲသ့ၣ်အသးသမူလၢ ပှၤမၤနးမၤဖှီၣ်တၢ်အစုပူၤ ဒီးအသွံၣ်န့ၣ်မ့ၢ်တၢ်လုၢ်ဒိၣ်ပှ့ၤဒိၣ် လၢအမဲာ်ညါလီၤ.

တၢ်ကတိၤဒိ. 6:26

ပှၤတဂၤဒိးလဲဃဲသဲမုၣ်တဂၤလၢကိၣ်တလိၣ်အပှ့ၤသ့ဝဲ, ဘၣ်ဆၣ်တၢ်အဲၣ်ဘၢမါအဲၣ်ဘၢဝၤအပှ့ၤကလံၤန့ၣ်ကမ့ၢ်တၢ်လၢ အအိၣ်ဒီးအီၤခဲလၢာ်လီၤ.

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:21

စီၤစီလူးစံးဆၢဝဲဒၣ်, “ယမၤကမၣ်တ့ၢ်တၢ်လံ. ဟဲက့ၤကဒါက့ၤစီၤဒၤဝံး, ယဖိခွါဧၢ, ယတမၤဆါကဒီးနၤနီတစုလၢၤဘၣ်. အဂ့ၢ်ဒ်အံၤ, နပျဲပူၤဖျဲးယသးသမူလၢတနၤအံၤအဃိလီၤ. ယမ့ၢ်တ့ၢ်ပှၤအမၢးတဂၤလီၤ. ယမၤတ့ၢ်တၢ်အၢတၢ်သီဖးဒိၣ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 26:24

ဒ်ယပျဲပူၤတ့ၢ်နသးသမူတနံၤအံၤအသိး, မ်ယွၤမၤတၢ်တမံၤဃီ လၢယၤဒီးမၤပူၤမၤဖျဲးယၤလၢကယဲၢ်တၢ်ကီတၢ်ခဲတဖၣ်ခဲလၢာ် န့ၣ်တက့ၢ်.”