၂ ယိၤဟၣ် 1:9 - Sgaw Karen Common Bible

⁹ ပှၤတဂၤဂ့ၤတဂၤဂ့ၤလၢအတအိၣ်ဆိးဘၣ်လၢခရံာ်အတၢ် သိၣ်လိသီလိအပူၤ, ဒီးလဲၤခါပတာ်ကွံာ်အီၤန့ၣ်, ကစၢ်ယွၤတအိၣ်ဒီးအီၤဘၣ်. မတၤတဂၤဂ့ၤတဂၤဂ့ၤလၢအအိၣ်ဆိးဒီးအတၢ်သိၣ်လိသီလိန့ၣ်, ပၢ်ဒီးဖိခံဂၤလၢာ်အိၣ်ဒီးအီၤလီၤ.

၂ ယိၤဟၣ် 1:9 Iomraidhean Croise

လံာ်မးသဲ 11:27

ယပၢ်ဟ့ၣ်လီၤလံယၤတၢ်ခဲလၢာ်လံ. မ့တမ့ၢ်ဘၣ်ပၢ်ဘၣ်ဒီး ပှၤတသ့ၣ်ညါဘၣ်ဖိခွါနီတဂၤဘၣ်. မ့တမ့ၢ်ဘၣ်ဖိခွါဒီး ပှၤလၢဖိခွါဃုထၢလီၣ်ဖျါထီၣ်န့ၢ်အီၤဘၣ်ဒီး, ပှၤတသ့ၣ်ညါဘၣ်ပၢ်နီတဂၤဘၣ်.

လံာ်လူၤကၣ် 10:22

ယပၢ်ဟ့ၣ်လီၤလံယၤလၢတၢ်ကိးမံၤဒဲးလံ. ဖိခွါမ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ထဲပၢ်တဂၤဧိၤလီၤ. ဒီးပၢ်မ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ဝဲထဲဖိခွါဒီးပှၤသ့ၣ်တဖၣ်လၢဖိခွါသးအိၣ် ပာ်ဖျါထီၣ်ပၢ်လၢအီၤန့ၣ်လီၤ.”

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

လံာ်ယိၤဟၣ် 15:6

ပှၤတဂၤလၢ်လၢ်လၢအတအိၣ်ဆိးလၢယပူၤန့ၣ်, ကဘၣ်တၢ်စူးကွံာ်အီၤဒ်သ့ၣ်ဒ့အသိးဒီးကဃ့ထီကွံာ် ဝဲလီၤ. သ့ၣ်ဒ့ဒ်န့ၣ်အသိးတဖၣ်ကဘၣ်တၢ်ထၢဖှိၣ်အီၤ ဒီးကွံာ်နုာ်အီၤဆူမ့ၣ်အူပူၤဒီးမ့ၣ်အူကအီၣ်ကွံာ်အီၤဖဲ န့ၣ်လီၤ.

လံာ်ယိၤဟၣ် 5:23

ဒ်သိးပှၤခဲလၢာ်ကယူးယီၣ်ဖိခွါဒ်အယူးယီၣ်ပၢ်အသိး န့ၣ်လီၤ. ပှၤလၢတယူးယီၣ်ဘၣ်ဖိခွါန့ၣ်, တယူးယီၣ်ဘၣ်ပၢ်လၢအမၢလီၤအီၤတဂၤန့ၣ်ဘၣ်.

လံာ်ယိၤဟၣ် 8:31

မၤသးဒ်န့ၣ်ဒီး, ယ့ၣ်ၡူးစံးဘၣ်ပှၤယူဒၤဖိလၢအစူၢ်က့ၤနာ်က့ၤအီၤ တဖၣ်, “သုမ့ၢ်စူၢ်ယတၢ်သိၣ်လိသီလိဒီးသုမ့ၢ်နီၢ်နီၢ်ယပျဲၢ် ယဘီၣ်တဖၣ်လီၤ.

မၤတၢ် 2:42

အဝဲသ့ၣ်ဟံးန့ၢ်တၢ်ဆၢကတီၢ်လၢကမၤလိန့ၢ်တၢ်လၢ ပှၤတၢ်မၢဖိတဖၣ်အအိၣ်, ကရ့လိာ်မုာ်လိာ်သကိးအသး, ကအီၣ်သကိးအီသကိး, ဒီးကဘါထုကဖၣ်သကိးတၢ်အဂီၢ်န့ၣ်လီၤ.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

တံတူး 2:10

ဒီးတဘၣ်ဟုၣ်အတၢ်ဘၣ်. မ့မ့ၢ်တခီ, အဝဲသ့ၣ်ကဘၣ်ဒုးနဲၣ်ဝဲလၢမ့ၢ်ပှၤအဂ့ၤအဝါဒီး အကလုၢ်တီဒီးအကစၢ်ထီဘိဒ်သိးလၢအတၢ်မၤခဲလၢာ် အပူၤန့ၣ်, ပှၤကစံးထီၣ်ပတြၢၤတၢ်သိၣ်လိသီလိဘၣ်ထွဲဒီး ကစၢ်ယွၤ, ပတၢ်အုၣ်က့ၤခီၣ်က့ၤကစၢ်အဂီၢ်န့ၣ်လီၤ.

ဧ့ၤဘြံၤ 3:14

အဂ့ၢ်ဒ်အံၤ, ပမ့ၢ်ဟံးဃာ်ပတၢ်သူၣ်ဂၢၢ်သးကျၢၤလၢပဒိးန့ၢ်တ့ၢ်လံလၢ တၢ်အခီၣ်ထံးလံၤလံၤတုၤအကတၢၢ်န့ၣ်, ပကမ့ၢ်ပှၤလၢအဘၣ်ဃးဒီး ခရံာ်န့ၣ်လီၤ.

ဧ့ၤဘြံၤ 6:1

မၤသးဒ်န့ၣ်ဒီးမ်ပသုတအိၣ်လၢၤဒၣ်ဖဲတၢ်ဘၣ်ဃးဒီး တၢ်စူၢ်တၢ်နာ်ခရံာ်အခီၣ်ထံးန့ၣ်တဂ့ၤ, မ်ပလဲၤသကိးဆူတၢ်ဒိၣ်တုာ်ခိၣ်ပှဲၤအပူၤန့ၣ်တက့ၢ်. မ်ပသုတက့ၤကဒါက့ၤဆူတၢ်ပာ်လီၤကဒီးတၢ်အခီၣ်ထံးလၢ အမ့ၢ်, တၢ်ပီၢ်ယၢ်လီၤက့ၤပသး, တၢ်ဃၣ်ကဒါက့ၤသးလၢတၢ်သံအတၢ်ဖံးတၢ်မၤဆူတၢ်နာ် ကစၢ်ယွၤအအိၣ်,

၁ ယိၤဟၣ် 1:3

တၢ်လၢပထံၣ်ဘၣ်ဒီးနၢ်ဟူဘၣ်တ့ၢ်လံန့ၣ်, ပစံးဘၣ်တဲဘၣ် စ့ၢ်ကီးသု, ဒ်သိးသုကရ့လိာ်မုာ်လိာ်သုသးဒီးပှၤန့ၣ်လီၤ. ပတၢ်ရ့လိာ်အံၤမ့ၢ်ပရ့လိာ်ပသးဒီးပၢ်, ဒီးအဖိခွါယ့ၣ်ၡူးခရံာ် န့ၣ်လီၤ.

၃ ယိၤဟၣ် 1:9

ယကွဲးတ့ၢ်လံလံာ်ပရၢဖုၣ်ဖုၣ်တဘ့ၣ်ဆူတၢ်အိၣ်ဖှိၣ်အအိၣ်, ဘၣ်ဆၣ်ဒီးစီၤဒံအိၤတြ့ၤဖံလၢအသးအိၣ်ကဲအဝဲသ့ၣ်အခိၣ်အနၢ်တဂၤ, တကနၣ်ဃုာ်တၢ်လၢယစံးဘၣ်တဲဘၣ်တဖၣ် န့ၣ်ဘၣ်.