၂ ယိၤဟၣ် 1:8 - Sgaw Karen Common Bible

⁸ လၢတၢ်န့ၣ်အဃိ, ပလီၢ်သုသးဒ်သိးတၢ်လၢသုမၤန့ၢ်တ့ၢ်တဖၣ် အသုတလီၤမၢ်ကွံာ်န့ၢ်သုတဂ့ၤ, ဒီးဒ်သိးသုကဒိးန့ၢ်ဘၣ်သုခိၣ်ဖး လၢလၢပှဲၤပှဲၤအဂီၢ်န့ၣ်တက့ၢ်.

၂ ယိၤဟၣ် 1:8 Iomraidhean Croise

လံာ်ဒၤနံးယ့လး 12:3

ပှၤခိၣ်ပှၤနၢ်လၢအကူၣ်သ့ကူၣ်ဘၣ်တဖၣ်ကကပီၤထီၣ်ဒ်မူခိၣ်အတၢ် ကပီၤကပြုၢ်ကပြီၤထီၣ်န့ၣ်လီၤ. ဒီးပှၤလၢအဒုးဃၣ်က့ၤပှၤ အါဂၤဆူတၢ်တီတၢ်လိၤတဖၣ်ကကပီၤထီၣ်ဒ်ဆၣ်တဖၣ်လီၤစိၤ လီၤထီန့ၣ်လီၤ.

လံာ်မးသဲ 24:4

ယ့ၣ်ၡူးစံးဆၢအဝဲသ့ၣ်, “ပလီၢ်သုသးဒ်သိးပှၤသုတလီန့ၢ်သုနီတဂၤတဂ့ၤ.

လံာ်မၢ်ကူး 13:23

ပလီၢ်သုသးတက့ၢ်. တချုးတၢ်တဖၣ်အံၤမၤဒံးအသးဘၣ်ဒီး, ယတဲပလီၢ်တ့ၢ်သုတၢ်ကိးမံၤဒဲးလံ.

လံာ်မၢ်ကူး 13:9

ကစၢ်ဒၣ်သုဝဲ, သုဘၣ်ပလီၢ်သုသးလီၤ. တၢ်ကဖီၣ်သုဒီးတၢ် ကဆှၢထီၣ်သုဆူသူၣ်က့သးပှၢ်အခိၣ်အနၢ်တဖၣ်အမဲာ်ညါလီၤ. သုကဘၣ်တၢ်ဒိတၢ်တီၢ်သုလၢဘူၣ်ဘျီၣ်လၢအမ့ၢ်တၢ်ဘါ အလီၢ်တဖၣ်အပူၤလီၤ. လၢယဃိသုကဘၣ်အိၣ်ဆၢထၢၣ်လၢကီၢ် ပဒိၣ်ဖးဒိၣ်ဒီးစီၤပၤတဖၣ်အမဲာ်ညါလၢတၢ်ကစံၣ်ညီၣ်သုအဂီၢ်, ဒီးသုကကဲထီၣ်ပှၤအုၣ်အသးတဖၣ်လၢအဝဲသ့ၣ်အမဲာ်ညါလီၤ.

လံာ်လူၤကၣ် 19:19

အဝဲဒၣ်စံးဘၣ်တၢ်ခ့တၢ်ပှၤတဂၤအံၤ, ‘နကပၢဘၣ်ဝ့ၢ်ယဲၢ်ဖျၢၣ်လီၤ.’

လံာ်လူၤကၣ် 21:8

ယ့ၣ်ၡူးစံးဝဲ, “အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲပှၤလီန့ၢ်သုတဂ့ၤ. အဂ့ၢ်ဒ်အံၤ, ပှၤအါဒံအါဂၤကဟဲလၢယမံၤဒီးစံးဝဲ, ‘ယမ့ၢ်အဝဲဒၣ်လီၤ.’ ဒီး ‘တၢ်ဆၢကတီၢ်ဟဲတုၤလံ’ န့ၣ်လီၤ. ဘၣ်ဆၣ်ဒီးတဘၣ်ပိာ်အဝဲသ့ၣ်အခံတဂ့ၤ.

လံာ်ယိၤဟၣ် 4:36

ပှၤလၢအကူးဘုတဂၤန့ၣ်, န့ၢ်ဘၣ်တၢ်အဘူးအလဲဒီးပာ်ဖှိၣ်တၤသူတၤသၣ်တဖၣ် လၢတၢ်မူအထူအယိာ်အဂီၢ်, ဒ်သိးပှၤလၢအဖှံတၢ်ဒီးပှၤလၢအကူးက့ၤတၢ်ခံဂၤလၢာ် ကသးခုသကိးဝဲအဂီၢ်လီၤ.

1 ကရံၣ်သူး 15:8

လၢခံကတၢၢ်န့ၣ်, အဝဲလီၣ်ဖျါထီၣ်စ့ၢ်ကီးအသးလၢယၤ, လၢယမ့ၢ်လီၤဂာ်သနာ်က့ဒီးပှၤတဂၤလၢအတအိၣ်ဖျဲၣ် ထီၣ်ဘၣ်ဆၢဘၣ်ကတီၢ်ဘၣ်န့ၣ်လီၤ.

1 ကရံၣ်သူး 3:14

တၢ်လၢအဘၣ်တၢ်သူၣ်ထီၣ်အီၤလၢတၢ်အခီၣ်ထံးအလိၤ မ့ၢ်တဘၣ်တၢ်မၤဟးဂီၤကွံာ်အီၤလၢမ့ၣ်အူဘၣ်ဒီးပှၤသူၣ်ထီၣ် တၢ်ဖိကဒိးန့ၢ်ဘၣ်ခိၣ်ဖးလီၤ.

1 ကရံၣ်သူး 3:8

ပှၤလၢအဖှံတၢ်ချံ, ဒီးပှၤလၢအလူထံ, ပှၤခံဂၤန့ၣ်အဘၢၣ်စၢၤ, တၢ်လီၤဆီတအိၣ်ဘၣ်. ကစၢ်ယွၤကဟ့ၣ်ဘူးဟ့ၣ်လဲအဝဲသ့ၣ် တဂၤဒီးတဂၤဒ်အကြၢးဒီးတၢ်ဖံးတၢ်မၤလၢအမၤဝဲန့ၣ်လီၤ.

ကလၤတံ 3:4

သုတၢ်လဲၤခီဖျိခဲလၢာ်အခီပညီတအိၣ်နီတမံၤလၢၤဘၣ်ဧါ. သပှၢ်ကတၢၢ်အခီပညီကအိၣ်တမံၤမံၤသၢၣ်.

ကလၤတံ 4:11

ယသူၣ်ကိၢ်သးဂီၤလၢသုဂီၢ်လီၤ. မ့ၢ်ကယဲၢ်တၢ်လၢယမၤ တ့ၢ်အီၤလၢသုဂီၢ်ကဲထီၣ်တၢ်ကလီကလီလံဧါ.

ဖံလံးပံၤ 3:16

ဒ်လဲၣ်ဂ့ၤဒ်လဲၣ်ဂ့ၤန့ၣ်, မ်ပကလဲၤတၢ်ဆူညါဒ်တၢ်ဘျၢတမံၤဃီလၢပပိာ်ထွဲတ့ၢ်အီၤတုၤခဲ ကနံၣ်အံၤန့ၣ်တက့ၢ်.

ဧ့ၤဘြံၤ 10:32

ဘၣ်ဆၣ်ဒီးသ့ၣ်နီၣ်ထီၣ်မုၢ်နံၤလၢအပူၤကွံာ်တဖၣ်, ဖဲသုသးဘၣ်တၢ်မၤကပီၤထီၣ်အီၤဝံၤအလီၢ်ခံ, ဖဲသုဘၣ်ကွၢ်ဆၢၣ်မဲာ်ဒီးတၢ်နးတၢ်ဖှီၣ်အဒိၣ်အအါသနာ် က့သုတူၢ်အီၤပှဲၤကစီဒီန့ၣ်တက့ၢ်.

ဧ့ၤဘြံၤ 10:35

မၤသးဒ်န့ၣ်ဒီး တဘၣ်ညိကွံာ်သုတၢ်သးခူတလ့ၣ် လၢအအိၣ်ဒီးအဘူးအလဲဒိၣ်ဒိၣ်ကလဲာ်န့ၣ်တဂ့ၤ.

ဧ့ၤဘြံၤ 12:15

ပလီၢ်သုသးဒ်သိးပှၤသုတဃၣ်ဒူချၢကွံာ်အသးလၢ ကစၢ်ယွၤအဘျုးအဖှိၣ်နီတဂၤတဂ့ၤ, ဒီးဒ်သိးတၢ်အခၣ်တမုၢ်န့ၣ်အသုတမဲထီၣ်လၢသုသိးသုကျါဒီး ကဲထီၣ်တၢ်ကီတၢ်ခဲလၢသုဂီၢ်ဒီးတၢ်မၤဘၣ်အၢသုန့ၣ်တဂ့ၤ.

လံာ်လီၣ်ဖျါ 3:11

တယံာ်ဘၣ်န့ၣ်ယကဟဲယဲလီၤ. ဟံးဃာ်ဂၢၢ်ကျၢၤတၢ်လၢအအိၣ် ဒီးနၤ, ဒ်သိးပှၤသုတဂုာ်န့ၢ်နတၢ်မၤနၢၤအခိၣ်ဖးတဂ့ၤန့ၣ်တက့ၢ်.