၂ ယိၤဟၣ် 1:7 - Sgaw Karen Common Bible

⁷ ပှၤလီတၢ်ဝ့ၤတၢ်အါဂၤအိၣ်ထီၣ်ဝဲလၢဟီၣ်ခိၣ်ချၢလီၤ. အဝဲသ့ၣ်မ့ၢ်ပှၤတဖၣ်လၢအတအၢၣ်လီၤအီလီၤဝဲလၢ ယ့ၣ်ၡူးခရံာ်ဟဲဝဲလၢတၢ်ဖံးတၢ်ညၣ်အပူၤဘၣ်. ပှၤဒ်န့ၣ်သိးတဂၤ, မ့ၢ်ပှၤလီတၢ်ဒီးမ့ၢ်ခရံာ်အဒုၣ်အဒါ န့ၣ်လီၤ.

၂ ယိၤဟၣ် 1:7 Iomraidhean Croise

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

၁ ယိၤဟၣ် 2:26

ယကွဲးန့ၢ်သုတၢ်အံၤ, ဘၣ်ဃးဒီးပှၤလၢအကျဲးစၢးလီန့ၢ်သုတဖၣ် အဂ့ၢ်န့ၣ်လီၤ.

လံာ်လီၣ်ဖျါ 12:9

ပယိၤဖးဒိၣ်, ဂုၢ်လၢပျၢၤတဘိ, လၢအမံၤမ့ၢ်ဝဲ, မုၣ်ကီၤလံၢ် မ့တမ့ၢ်စၤတၣ်, လၢအလီန့ၢ်ဟီၣ်ခိၣ်ဒီဘ့ၣ်န့ၣ်, ဘၣ်တၢ်တ့ၢ်လီၤကွံာ်အီၤလီၤ. အဝဲဘၣ်တၢ်တ့ၢ်လီၤကွံာ်အီၤ ဆူဟီၣ်ခိၣ်ချၢ, ဃုာ်ဒီးအကလူးတဖၣ်ခဲလၢာ်လီၤ.

လံာ်လီၣ်ဖျါ 13:14

ဒီးအဝဲဒၣ်လီန့ၢ်ကယဲၢ်ပှၤအိၣ်ဝဲဆိးဝဲလၢဟီၣ်ခိၣ်ချၢ ခီဖျိတၢ်လီၤလးလၢတၢ်ပျဲအမၤဝဲလၢတၢ်ဒူတၢ်ဃိၤ တၢတဒုအမဲာ်ညါန့ၣ်လီၤ. တၢ်ဒူတၢ်ဃိၤခံဒုတဒုအံၤမၢအဝဲသ့ၣ်ဘှီန့ၢ်က့ၢ်ဂီၤ တခါလၢတၢ်ကမၤလၤကပီၤတၢ်ဒူတၢ်ဃိၤလၢအဘၣ် တၢ်မၤဘၣ်ဒိအီၤလၢနး, ဘၣ်ဆၣ်ဒီးအိၣ်မူဒံးဝဲတဒုန့ၣ် အဂီၢ်လီၤ.