၂ ကရံၣ်သူး 9:6 - Sgaw Karen Common Bible

⁶ သ့ၣ်နီၣ်ထီၣ်သုဝဲလၢပှၤလၢအဖှံတၢ်ချံစှၤဖျၢၣ်န့ၣ်ကကူး ဘၣ်တၢ်စှၤ, မ့မ့ၢ်ပှၤလၢအဖှံတၢ်ချံအါဖျၢၣ်ကကူးဘၣ် တၢ်အါအါဂီၢ်ဂီၢ်န့ၣ်တက့ၢ်.

၂ ကရံၣ်သူး 9:6 Iomraidhean Croise

တၢ်ကတိၤဒိ. 11:18

ပှၤတတီတလိၤတဖၣ်န့ၣ်တမၤန့ၣ်စဲဃဲၤတၢ်နီတမံၤဘၣ်. ဘၣ်ဆၣ်ဒီးနမ့ၢ်မၤတၢ်အဘၣ်န့ၣ်, နကဘၣ်ဘျုးဘၣ်ဖှိၣ်သ ပှၢ်ကတၢၢ်လီၤ.

တၢ်ကတိၤဒိ. 19:17

ဖဲနဟ့ၣ်တၢ်ဆူပှၤဖှီၣ်ဖိယာ်ဖိဒီး, တၢ်န့ၣ်မၤအသးဒ်တၢ်ဟ့ၣ် လီၤတၢ်ဆူယွၤအအိၣ်အသိးန့ၣ်လီၤ. ဒီးယွၤကဟ့ၣ်ကဒါက့ၤနတၢ်လီၤ.

တၢ်ကတိၤဒိ. 22:9

ဟ့ၣ်ညီတၢ်လၢတၢ်သူၣ်အိၣ်သးအိၣ်အပူၤဒီးနီၤဟ့ၣ်နတၢ်အီၣ်ဒီး ပှၤဖှီၣ်ဖိယာ်ဖိတက့ၢ်. နကဘၣ်ဆိၣ်ဂ့ၤလၢတၢ်န့ၣ်အဃိလီၤ.

လံာ်ပှၤစံၣ်တဲၤတဲလီၤတၢ် 11:1

ကွံာ်နကိၣ်လၢထံဖံးခိၣ်တက့ၢ်. အါနံၤအါသီဒီးနကထံၣ်န့ၢ် က့ၤအီၤလီၤ.

လံာ်ပှၤစံၣ်တဲၤတဲလီၤတၢ် 11:6

သူၣ်လီၤဖျးလီၤတၢ်လၢမုၢ်ဂီၤဒီးလၢမုၢ်ဟါစ့ၢ်ကီးတက့ၢ်. အဂ့ၢ်ဒ်အံၤ, ကဒိၣ်ထီၣ်ဂ့ၤဂ့ၤခဲလၢာ်ဧါ, မ့တမ့ၢ်, ကဂ့ၤတနီၤ, တဂ့ၤတနီၤဧါန့ၣ်, နတသ့ၣ်ညါနီတစုဘၣ်.

လံာ်လူၤကၣ် 6:38

ဟ့ၣ်တၢ်လၢပှၤဂၤတက့ၢ်. ဒီးကစၢ်ယွၤကဟ့ၣ်တၢ်လၢသုလီၤ. သပှၢ်ကတၢၢ် သုကဒိးန့ၢ်ဘၣ်တၢ်လၢအဘၣ်တၢ်ဃီၣ်အီၤ ပှဲၤထီၣ်ပှဲၤထီဒီးတၢ်ကဟ့ၣ်လီၤသုတၢ်အါအါဂီၢ်ဂီၢ်ဒီး ကလူလီၤအီၤလၢသုစုပူၤထဲသိးသုဟံးဃာ်အီၤသ့ဝဲန့ၣ်လီၤ. အဂ့ၢ်ဒ်အံၤ, ကစၢ်ယွၤကဃီၣ်ဟ့ၣ်တၢ်လၢသုပှဲၤသိးသိး သုဃီၣ်ဟ့ၣ်တၢ်လၢပှၤဂၤန့ၣ်လီၤ.”

1 ကရံၣ်သူး 1:12

တၢ်လၢယအဲၣ်ဒိးစံးန့ၣ်မ့ၢ်ဒ်အံၤလီၤ. သုဝဲတဂၤဒီးတဂၤသုစံး, “ယဲယဘၣ်ဃးဒီးစီၤပီလူး,” မ့တမ့ၢ်, “ယဲယဘၣ်ဃးဒီး စီၤအပီးလိၤ,” မ့တမ့ၢ်, “ယဲယဘၣ်ဃးဒီးစီၤပ့းတရူး,” မ့တမ့ၢ်, “ယဲယဘၣ်ဃးဒီးခရံာ်” န့ၣ်လီၤ.

1 ကရံၣ်သူး 15:20

ဘၣ်ဆၣ်ဒီး, တၢ်မ့ၢ်တၢ်တီန့ၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ် သမူထီၣ်တ့ၢ်လံအီၤဒ်အမ့ၢ်တၢ်အုၣ်ခီၣ်အသးလၢပှၤမံလၢတၢ်သံ အပူၤတဖၣ်ကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤစ့ၢ်ကီး န့ၣ်လီၤ.

1 ကရံၣ်သူး 7:29

တၢ်လၢယသးအိၣ်စံးယဲန့ၣ်, ယဒီပုၢ်ဝဲၢ်သ့ၣ်ဧၢ, မ့ၢ်ဒ်အံၤလီၤ. တၢ်ဆၢကတီၢ်တအိၣ်တ့ၢ်အါကဲၣ်ဆိးဘၣ်. ဒီးစးထီၣ်ခဲအံၤဒီး ဆူညါန့ၣ်, ပှၤပိာ်ခွါလၢအမါအိၣ်တဖၣ်ကြၢးအိၣ်ဝဲဒ်အမါ တအိၣ်ဘၣ်အသိး,

၂ ကရံၣ်သူး 9:10

ဒီးကစၢ်ယွၤလၢအဟ့ၣ်တၢ်ချံလၢတၢ်ကဖှံလီၤအီၤအဂီၢ်, ဒီးကိၣ်လၢတၢ်ကအီၣ်အီၤအဂီၢ်န့ၣ်, ကဟ့ၣ်စ့ၢ်ကီးသုတၢ်ချံလၢသုလိၣ်ဘၣ်အီၤခဲလၢာ်ဒီးကဒုးမဲ ထီၣ်အီၤဒီးဒုးအိၣ်ထီၣ်အသူအသၣ်အါအါဂီၢ်ဂီၢ်ခီဖျိတၢ်ဟ့ၣ် တၢ်အါအါဂီၢ်ဂီၢ်လၢတၢ်သးအိၣ်အပူၤန့ၣ်လီၤ.

၂ ကရံၣ်သူး 9:5

လၢတၢ်န့ၣ်အဃိ, ယဆိကမိၣ်အလီၢ်အိၣ်လၢယကမၢန့ၢ်ဆီၣ်ခံဒီပုၢ်ဝဲၢ်သ့ၣ် တဖၣ်အံၤလၢအကလဲၤဆိလၢယမဲာ်ညါဒီးအိၣ်ကတဲာ် ကတီၤဆိပာ်စၢၤတၢ်ဟ့ၣ်လၢသုအၢၣ်လီၤတ့ၢ်လၢသု ကဟ့ၣ်သုဝဲန့ၣ်လီၤ. တုၤနုၤတစု, ဖဲယဟဲတုၤယဲအဆၢ ကတီၢ်န့ၣ်, ကအိၣ်ကတဲာ်ကတီၤလံအသး, ဒီးကမၤ ဖျါထီၣ်လၢသုဟ့ၣ်တၢ်မ့ၢ်လၢသုသးအိၣ်အဃိ, ဒီးတမ့ၢ်လၢတၢ်လီၤဘၣ်သုအဃိဘၣ်န့ၣ်လီၤ.

ကလၤတံ 3:17

တၢ်လၢယအဲၣ်ဒိးစံးန့ၣ်မ့ၢ်ဝဲ, ကစၢ်ယွၤမၤတၢ်အၢၣ်လီၤအီလီၤဒီးစီၤအၤဘြၤဟၣ်ဒီး အၢၣ်လီၤအီလီၤလၢကမၤလၢပှဲၤဝဲလီၤ. တၢ်သိၣ်တၢ်သီလၢအဘၣ်တၢ်ဟ့ၣ်လီၤအီၤလၢခံ အနံၣ်လွံၢ်ကယၤသၢဆံန့ၣ်, မၤဟးဂီၤကွံာ်တၢ်အၢၣ်လီၤအီလီၤအဝဲန့ၣ်ဒီးကစၢ်ယွၤ အတၢ်စံးပာ်တသ့ဘၣ်.

ကလၤတံ 5:16

တၢ်လၢယစံးမ့ၢ်တၢ်အံၤလီၤ. ပျဲယွၤအသးပၢဆှၢသုတၢ်အိၣ်မူ တဖၣ်တက့ၢ်. ဒီးသုတမၤလၢထီၣ်ပှဲၤထီၣ်သုဖံးသုညၣ်အတၢ်သူၣ် လီသးကွံတဖၣ်တဂ့ၤ.

အ့းဖ့းစူး 4:17

မ့ၢ်လၢတၢ်အံၤအဃိ, လၢကစၢ်အမံၤအပူၤန့ၣ်, ယမၢန့ၢ်ဆီၣ်ခံသုလၢသုသုတအိၣ်မူလၢၤဒ်ပှၤတစူၢ်တနာ်ယွၤလၢ အတၢ်ဆိကမိၣ်ဆိကမးအဘျုးတအိၣ်ဘၣ်တဖၣ်အသိးန့ၣ်တဂ့ၤ.

ကလီးစဲ 2:4

ယစံးဘၣ်တဲဘၣ်သုတၢ်တဖၣ်အံၤမ့ၢ်ဒ်သိးသုသုတပျဲပှၤဆှၢ ကမၣ်သုလၢတၢ်ဂ့ၢ်လိာ်ဘှီလိာ်ကဘျံးကဘျၣ်လၢအဖျါဂ့ၤဖျါဘၣ် တဖၣ်န့ၣ်တဂ့ၤ.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.