၂ ကရံၣ်သူး 9:5 - Sgaw Karen Common Bible

⁵ လၢတၢ်န့ၣ်အဃိ, ယဆိကမိၣ်အလီၢ်အိၣ်လၢယကမၢန့ၢ်ဆီၣ်ခံဒီပုၢ်ဝဲၢ်သ့ၣ် တဖၣ်အံၤလၢအကလဲၤဆိလၢယမဲာ်ညါဒီးအိၣ်ကတဲာ် ကတီၤဆိပာ်စၢၤတၢ်ဟ့ၣ်လၢသုအၢၣ်လီၤတ့ၢ်လၢသု ကဟ့ၣ်သုဝဲန့ၣ်လီၤ. တုၤနုၤတစု, ဖဲယဟဲတုၤယဲအဆၢ ကတီၢ်န့ၣ်, ကအိၣ်ကတဲာ်ကတီၤလံအသး, ဒီးကမၤ ဖျါထီၣ်လၢသုဟ့ၣ်တၢ်မ့ၢ်လၢသုသးအိၣ်အဃိ, ဒီးတမ့ၢ်လၢတၢ်လီၤဘၣ်သုအဃိဘၣ်န့ၣ်လီၤ.

၂ ကရံၣ်သူး 9:5 Iomraidhean Croise

လံာ်တၢ်ကဲထီၣ်အခီၣ်ထံး 33:11

ဝံသးစူၤတူၢ်လိာ်တၢ်ဟ့ၣ်လၢယဟဲစိာ်လၢနဂီၢ်န့ၣ်တက့ၢ်. ကစၢ်ယွၤသူၣ်ကညီၤသးကညီၤတ့ၢ်ယၤဒီးဟ့ၣ်တ့ၢ်ယၤကယဲၢ်တၢ်လၢ ယလိၣ်ခဲလၢာ်န့ၣ်လီၤ.” စီၤယၤကိာ်ဃ့ကညးအီၤသပှၢ်ပှၢ်တုၤလၢစီၤဧ့ၡီၤတူၢ်လိာ်ဝဲ န့ၣ်လီၤ.

လံာ်စီၤပၤခံဘ့ၣ်တဘ့ၣ် 5:15

အဝဲက့ၤကဒါက့ၤဆူစီၤအလံၤၡါအအိၣ်ဃုာ်ဒီးအပှၤခဲလၢာ်ဒီး စံးဝဲဒၣ်, “ခဲကနံၣ်အံၤယသ့ၣ်ညါလၢ, လၢပှၤအံၣ်စရ့လးဖိအကစၢ်ယွၤအမဲာ် ညါန့ၣ်ကစၢ်အဂၤတအိၣ်နီတဂၤဘၣ်န့ၣ်လီၤ. လၢတၢ်န့ၣ်အဃိတၢ်ဒိၣ်ဧၢ, တူၢ်လိာ်ဘၣ်ယတၢ်ဟ့ၣ်တမံၤတက့ၢ်.”

1 ကရံၣ်သူး 16:2

ကိးမုၢ်အိၣ်ဘှံးနံၤဒဲးန့ၣ်, သုဝဲတဂၤဘၣ်တဂၤ, ကဘၣ်ပာ်လီၤဆီတိၢ် တနီၤ, ဒ်အကြၢးအဘၣ်ဒီးတၢ်လၢအဒိးန့ၢ်ဘၣ်တ့ၢ်ဝဲခီဖျိ အတၢ်ဖံးတၢ်မၤအသိး, ဒီးပာ်ဖှိၣ်ပာ်စၢၤဒ်သိးဖဲယဟဲန့ၣ်, အလီၢ်သုတအိၣ်လၢယကထၢဖှိၣ်တိၢ်တဂ့ၤအဂီၢ်န့ၣ်လီၤ.

၂ ကရံၣ်သူး 8:6

လၢတၢ်န့ၣ်အဃိ, ပသဆၣ်ထီၣ်စီၤတံတူးလၢအစးထီၣ်တၢ်မၤတမံၤအံၤတဂၤန့ၣ် အခံဒ်သိးအကမၤဒံးဝဲဒီးမၤစၢၤသုလၢသုကမၤလၢမၤပှဲၤ တၢ်အဲၣ်အတၢ်ဖံးတၢ်မၤလီၤဆီတမံၤအံၤန့ၣ်လီၤ.

၂ ကရံၣ်သူး 9:3

မ့မ့ၢ်ခဲကနံၣ်အံၤ, ယဆှၢလီၤယဲဒီပုၢ်ဝဲၢ်သ့ၣ်တဖၣ် အံၤဒ်သိးပတၢ်ပာ်ကဖၢလၢပသးလၢသုဃိဘၣ်ဃးဒီး တၢ်ဂ့ၢ်တမံၤအံၤသုတကဲထီၣ်တၢ်ကတိၤကလီကလီတၢ် တဂ့ၤအဂီၢ်န့ၣ်လီၤ. ဘၣ်ဆၣ်ဒီး, ဒ်ယစံးတ့ၢ်ယဲအသိး, သုကအိၣ်ကတဲာ်ကတီၤသုသးလၢသုကမၤစၢၤတၢ်အဂီၢ် န့ၣ်လီၤ.

၂ ကရံၣ်သူး 9:6

သ့ၣ်နီၣ်ထီၣ်သုဝဲလၢပှၤလၢအဖှံတၢ်ချံစှၤဖျၢၣ်န့ၣ်ကကူး ဘၣ်တၢ်စှၤ, မ့မ့ၢ်ပှၤလၢအဖှံတၢ်ချံအါဖျၢၣ်ကကူးဘၣ် တၢ်အါအါဂီၢ်ဂီၢ်န့ၣ်တက့ၢ်.

ဖံလံးပံၤ 4:17

တၢ်အံၤတမ့ၢ်ယသးအိၣ်ထဲလၢယကဒိးန့ၢ်တၢ်ဟ့ၣ်တဖၣ်န့ၣ်ဘၣ်. မ့မ့ၢ်တခီ, ယသးအိၣ်ထံၣ်ဘၣ်အါထီၣ်သုတၢ်မၤဂ့ၤတဖၣ်အဃိလီၤ.

လံာ်ပှၤစံၣ်ညီၣ်ကွီၢ် 1:15

ဒီးအဝဲစံးဘၣ်အီၤ, “ယသးလီထံပူၤတနီၤလီၤ. တၢ်လီၢ်လၢနဟ့ၣ်တ့ၢ်ယၤန့ၣ်အိၣ်လၢကီၢ်အဃ့ထီတဘ့ၣ်အပူၤလီၤ.” မၤသးဒ်န့ၣ်ဒီးစီၤကၤလ့းဟ့ၣ်အီၤလၢထံထီၣ်ပၢၢ်လၢထးခီဒီး လာ်ခီတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:27

တၢ်ဒိၣ်ဧၢ, ဝံသးစူၤတူၢ်လိာ်တၢ်ဟ့ၣ်ကနၢၤလၢယဟဲစိာ်ဆူန အိၣ်, ဒီးဟ့ၣ်လီၤနပှၤတဖၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 30:26

ဖဲစီၤဒၤဝံးဟဲက့ၤဆူဝ့ၢ်စံကလးန့ၣ်အဝဲဆှၢလီၤ, တၢ်ဂုာ်န့ၢ်တနီၤဆူအတံၤသကိးပှၤခိၣ်ပှၤနၢ်တဖၣ်လၢကီၢ်ယူဒၤ အအိၣ်ဃုာ်ဒီးတၢ်ကစီၣ်စံးဝဲ, “အအံၤမ့ၢ်တၢ်ဟ့ၣ်တမံၤလၢသုဂီၢ်လၢပဟဲက့ၤစိာ်အီၤလၢ ယွၤအဒုၣ်အဒါတဖၣ်အအိၣ်န့ၣ်လီၤ.”