၂ ကရံၣ်သူး 9:4 - Sgaw Karen Common Bible

⁴ ဘၣ်ဆၣ်ဒီးပှၤကီၢ်မၤက့းဒနံဖိတဖၣ်မ့ၢ်ဟဲပိာ်ယခံ ဒီးထံၣ်လၢသုတအိၣ်ကတဲာ်ကတီၤဒံးသုသးန့ၣ်, ပကမဲာ်ဆှးပဝဲဆံးဒိၣ်လဲၣ်. ပတတဲဒံးလၢသုတၢ်မဲာ်ဆှး အဂ့ၢ်ဘၣ်. အဂ့ၢ်မ့ၢ်လၢပနာ်တ့ၢ်လံလၢာ်လၢာ်ဆ့ဆ့လၢ သုကအိၣ်ကတဲာ်ကတီၤသုသးအဃိန့ၣ်လီၤ.

၂ ကရံၣ်သူး 9:4 Iomraidhean Croise

ရိမ့ၤ 15:26

အဂ့ၢ်ဒ်လဲၣ်န့ၣ်, တၢ်အိၣ်ဖှိၣ်လၢကီၢ်မၤက့းဒနံဒီးကီၢ်အဃါယၤတဖၣ် အသးအိၣ်ထီၣ်ဒၣ်ဝဲလၢအကဟ့ၣ်မၤဘူၣ်ဝ့ၢ်ယရူၤၡလ့ၣ်အပှၤစီဆှံ လၢအဖှီၣ်အယာ်တဖၣ်န့ၣ်လီၤ.

1 ကရံၣ်သူး 16:2

ကိးမုၢ်အိၣ်ဘှံးနံၤဒဲးန့ၣ်, သုဝဲတဂၤဘၣ်တဂၤ, ကဘၣ်ပာ်လီၤဆီတိၢ် တနီၤ, ဒ်အကြၢးအဘၣ်ဒီးတၢ်လၢအဒိးန့ၢ်ဘၣ်တ့ၢ်ဝဲခီဖျိ အတၢ်ဖံးတၢ်မၤအသိး, ဒီးပာ်ဖှိၣ်ပာ်စၢၤဒ်သိးဖဲယဟဲန့ၣ်, အလီၢ်သုတအိၣ်လၢယကထၢဖှိၣ်တိၢ်တဂ့ၤအဂီၢ်န့ၣ်လီၤ.

၂ ကရံၣ်သူး 11:17

သပှၢ်ကတၢၢ်, တၢ်လၢယစံးကတိၤယဲခဲကနံၣ်အံၤန့ၣ် တမ့ၢ်ဝဲဒ်ကစၢ်အဲၣ်ဒိးယကကတိၤအီၤအသိးန့ၣ်ဘၣ်. ဖဲလၢအဘၣ်ဃးဒီးတၢ်ကတိၤတၢ်ကဖၢလၢဒ်အံၤအသိး န့ၣ်ယကတိၤစဲဃဲၤယဲတၢ်ဒ်တၢ်ပျုၢ်တဂၤအသိးလီၤ.

၂ ကရံၣ်သူး 8:24

ပာ်ဖျါထီၣ်သုတၢ်အဲၣ်တၢ်ကွံလၢအဝဲသ့ၣ်အဖီခိၣ်, ဒ်သိးတၢ်အိၣ်ဖှိၣ်ကိးဖုဒဲးကသ့ၣ်ညါဘၣ်လီၤတံၢ်သုတၢ်အဲၣ်တၢ် ကွံအဂ့ၢ်, ဒီးသ့ၣ်ညါလၢ, ပတၢ်ကတိၤပာ်ကဖၢလၢပသး လၢသုဂ့ၢ်န့ၣ် မ့ၢ်ဝဲတီဝဲကစီဒီန့ၣ်တက့ၢ်.

၂ ကရံၣ်သူး 9:2

ယသ့ၣ်ညါလၢသုသးဆူၣ်မၤစၢၤသုဝဲ, ဒီးယကတိၤပာ်ကဖၢလၢလံယသးလၢသုဂ့ၢ်လၢ ပှၤမၤက့းဒနံဖိတဖၣ်အမဲာ်ညါန့ၣ်လီၤ. ယစံးယဲ, “ဒီပုၢ်ဝဲၢ်လၢကီၢ်အဃါယၤတဖၣ်အသးဆူၣ် ဟ့ၣ်တ့ၢ်လံတၢ်မၤစၢၤလၢအပူၤကွံာ်တနံၣ်လံၤလံၤလီၤ” သုတၢ်သးဆူၣ်န့ၣ်ထိၣ်ဟူးထိၣ်ဂဲၤလံအဝဲသ့ၣ်အါဒံ အါဂၤအသးလံန့ၣ်လီၤ.

ဖံၤလ့မိၣ် 1:19

ယကွဲးတၢ်အံၤလၢယစုဒၣ်ယဲလီၤ. ယၤ, စီၤပီလူးကလိးက့ၤနၤလီၤ. (ဖဲလၢအဘၣ်ဃးဒီးနကမၢ်လၢအအိၣ်ဒီးယၤလၢအမ့ၢ်တၢ်လၢနကြၢးမၤဆၢက့ၤယၤန့ၣ်, ယတသးအိၣ်ယၢၤထီၣ်အီၤဘၣ်.)