၂ ကရံၣ်သူး 9:2 - Sgaw Karen Common Bible

² ယသ့ၣ်ညါလၢသုသးဆူၣ်မၤစၢၤသုဝဲ, ဒီးယကတိၤပာ်ကဖၢလၢလံယသးလၢသုဂ့ၢ်လၢ ပှၤမၤက့းဒနံဖိတဖၣ်အမဲာ်ညါန့ၣ်လီၤ. ယစံးယဲ, “ဒီပုၢ်ဝဲၢ်လၢကီၢ်အဃါယၤတဖၣ်အသးဆူၣ် ဟ့ၣ်တ့ၢ်လံတၢ်မၤစၢၤလၢအပူၤကွံာ်တနံၣ်လံၤလံၤလီၤ” သုတၢ်သးဆူၣ်န့ၣ်ထိၣ်ဟူးထိၣ်ဂဲၤလံအဝဲသ့ၣ်အါဒံ အါဂၤအသးလံန့ၣ်လီၤ.

၂ ကရံၣ်သူး 9:2 Iomraidhean Croise

မၤတၢ် 18:12

ဖဲစီၤကးလံၤအိၣ် ဘၣ်တၢ်ဒုးကဲထီၣ်အီၤလၢရိမ့ၤအပဒိၣ် ဖးဒိၣ်လၢအပၢကီၢ်အဃါယၤန့ၣ်, ပှၤယူဒၤဖိတဖၣ်ပာ်ဖှိၣ်ထီၣ် အသး, ဖီၣ်စီၤပီလူးဒီးဆှၢအီၤဆူကွီၢ်ဘျီၣ်လီၤ.

မၤတၢ် 24:17

ယဟးဖးဒီးဝ့ၢ်ယရူၤၡလ့ၣ်ယံာ်ဝဲဒၣ်စှၤနံၣ်ဝံၤအလီၢ်ခံ, ယလဲၤကဒီးဖဲန့ၣ်ဒ်သိးယကလဲၤဆှၢကျိၣ်စ့တနီၤဆူယပှၤ ကလုာ်ဒၣ်ယဲအအိၣ်ဒီးလၢယကလုၢ်ထီၣ်ပာ်ထီၣ်တၢ် အဂီၢ်လီၤ.

ရိမ့ၤ 15:26

အဂ့ၢ်ဒ်လဲၣ်န့ၣ်, တၢ်အိၣ်ဖှိၣ်လၢကီၢ်မၤက့းဒနံဒီးကီၢ်အဃါယၤတဖၣ် အသးအိၣ်ထီၣ်ဒၣ်ဝဲလၢအကဟ့ၣ်မၤဘူၣ်ဝ့ၢ်ယရူၤၡလ့ၣ်အပှၤစီဆှံ လၢအဖှီၣ်အယာ်တဖၣ်န့ၣ်လီၤ.

1 ကရံၣ်သူး 16:15

သုသ့ၣ်ညါဘၣ်ဃးစီၤစတ့းဖနၣ်ဒီးအဒူၣ်ဖိထၢဖိအဂ့ၢ်လီၤ. အဝဲသ့ၣ်မ့ၢ်ပှၤအဆိကတၢၢ်တဖုလၢအကဲထီၣ်ပှၤခရံာ်ဖိလၢကီၢ် အဃါယၤအပူၤ, ဒီးဟ့ၣ်လီၤတ့ၢ်အသးဆူယွၤအပှၤဂီၢ်မုၢ်တဖၣ် အတၢ်ဖံးတၢ်မၤအပူၤလီၤ. ယဃ့ကညးသု, ယဒီပုၢ်ဝဲၢ်သ့ၣ်ဧၢ,

၂ ကရံၣ်သူး 1:1

လၢစီၤပီလူး, ယ့ၣ်ၡူးခရံာ်အပှၤတၢ်မၢဖိတဂၤခီဖျိ ကစၢ်ယွၤအတၢ်ဘၣ်အသး, ဒီးလၢပဒီပုၢ်ဝဲၢ်စီၤတံၤမသ့း, ဆူကစၢ်ယွၤအတၢ်အိၣ်ဖှိၣ်လၢဝ့ၢ်ကရံၣ်သူး, ဒီးဆူကစၢ်ယွၤအပှၤဂီၢ်မုၢ်ခဲလၢာ်လၢအအိၣ်ဝဲသကုၤဆးဒးကီၢ် အဃါယၤ,

၂ ကရံၣ်သူး 7:14

ယကတိၤပာ်ကဖၢလၢစဲဃဲၤယသးလၢသုဂ့ၢ်လၢအဝဲဒၣ် အမဲာ်ညါ, ဒီးသုတမၤဟးဂီၤတ့ၢ်ယသးဘၣ်. ထီဘိန့ၣ်ပစံးဘၣ်တဲဘၣ်သုလၢတၢ်မ့ၢ်တၢ်တီဒီးလၢကျဲ တဘိဃီန့ၣ်, ပတၢ်ကတိၤပာ်ကဖၢလၢပသးလၢစီၤတံတူး အမဲာ်ညါအံၤမ့ၢ်ဝဲတီဝဲလံ.

၂ ကရံၣ်သူး 7:4

ယနာ်န့ၢ်သုအဒိၣ်အမုၢ်လီၤ. ယပာ်ကဖၢလၢမးယသးလၢ သုဃိလီၤ. လၢပတၢ်ကီတၢ်ခဲတၢ်နးတၢ်ဖှီၣ်ခဲလၢာ်အပူၤ န့ၣ်, ယလၢပှဲၤဒံးယဲဒီးတၢ်သးဒူလီၤ. ယပှဲၤလုာ်ကွံာ်ယဲဒီး တၢ်သးဖှံလီၤ.

၂ ကရံၣ်သူး 8:10

ယတၢ်ထံၣ်မ့ၢ်ဝဲ, ကဂ့ၤတက့ၢ်လၢသုကမၤဝံၤက့ၤတၢ်လၢ သုစးထီၣ်တ့ၢ်သုဝဲဖဲအပူၤကွံာ်တနံၣ်န့ၣ်, ခဲကနံၣ်အံၤလီၤ. သုမ့ၢ်ပှၤအဆိကတၢၢ်, တမ့ၢ်ထဲလၢတၢ်စးထီၣ်မၤတၢ် တကပၤဧိၤဘၣ်. မ့ၢ်စ့ၢ်ကီးလၢတၢ်သးဆူၣ်မၤတၢ်တကပၤန့ၣ်လီၤ.

၂ ကရံၣ်သူး 8:11

လၢတၢ်န့ၣ်အဃိ, လဲၤဆူညါဒီးမၤဝံၤက့ၤတၢ်မၤတက့ၢ်. အိၣ်ဒီးတၢ်သးဆူၣ်လၢသုကမၤဝံၤအီၤဒ်သုအိၣ်တ့ၢ်သုဝဲဒီး တၢ်သးဆူၣ်လၢသုကကူၣ်ထီၣ်ဖးလီၤလၢအဂ့ၢ်အသိးန့ၣ် တက့ၢ်. ဒီးမၤအီၤလၢတၢ်လၢအအိၣ်ဒီးသုခဲကနံၣ်အံၤန့ၣ် တက့ၢ်.

၂ ကရံၣ်သူး 8:19

ဒီးလၢတၢ်ဝဲန့ၣ်အမဲာ်ညါ, အဝဲဘၣ်တၢ်ဃုထၢထီၣ်တ့ၢ်အီၤလၢတၢ်အိၣ်ဖှိၣ် တဖၣ်ဒ်သိးအကလဲၤတၢ်က့ၤတၢ်ဒီးပှၤ, ဖဲပစိာ်တၢ်အဲၣ်တၢ်ကွံအတၢ်ဖံးတၢ်မၤတမံၤအံၤ လၢကစၢ်ယွၤအလၤကပီၤအဂီၢ်ဒီးဒ်သိးပကပာ်ဖျါ ပတၢ်သးအိၣ်မၤစၢၤတၢ်အဆၢကတီၢ်န့ၣ်လီၤ.

၂ ကရံၣ်သူး 8:24

ပာ်ဖျါထီၣ်သုတၢ်အဲၣ်တၢ်ကွံလၢအဝဲသ့ၣ်အဖီခိၣ်, ဒ်သိးတၢ်အိၣ်ဖှိၣ်ကိးဖုဒဲးကသ့ၣ်ညါဘၣ်လီၤတံၢ်သုတၢ်အဲၣ်တၢ် ကွံအဂ့ၢ်, ဒီးသ့ၣ်ညါလၢ, ပတၢ်ကတိၤပာ်ကဖၢလၢပသး လၢသုဂ့ၢ်န့ၣ် မ့ၢ်ဝဲတီဝဲကစီဒီန့ၣ်တက့ၢ်.

၂ ကရံၣ်သူး 8:8

ယတပာ်လီၤတၢ်သိၣ်တၢ်သီဒီးတၢ်ဘျၢနီတမံၤဘၣ်. မ့မ့ၢ်, ခီဖျိယပာ်ဖျါထီၣ်ပှၤဂၤတဖၣ်သးဆူၣ်ဟ့ၣ်တၢ်ဆံးအါ အဂ့ၢ်န့ၣ်, ယဂုာ်ကျဲးစၢးဃုသ့ၣ်ညါယဲသုတၢ်အဲၣ်တၢ်ကွံ ဒၣ်ဝဲမ့ၢ်တၢ်နီၢ်နီၢ်ဆံးအါလဲၣ်အဂ့ၢ်န့ၣ်လီၤ.

၁ သ့းစၤလနံ 1:7

လၢတၢ်န့ၣ်အဃိ, သုကဲထီၣ်တၢ်ဒိတၢ်တဲာ်လၢပှၤစူၢ်က့ၤနာ်က့ၤ ခရံာ်ခဲလၢာ်ဖဲကီၢ်မၤက့းဒနံဒီးကီၢ်အဃါယၤတဖၣ်အဂီၢ်န့ၣ်လီၤ.

ဧ့ၤဘြံၤ 10:24

မ်ပကွၢ်တၢ်လၢတဂၤဒီးတဂၤအဂီၢ်ဒီးထိၣ်ဂဲၤလိာ်ပသးဒ်သိး ပကအိၣ်ဒီးတၢ်အဲၣ်တၢ်ကွံဒီးတၢ်မၤဂ့ၤတၢ်န့ၣ်တက့ၢ်.