၂ ကရံၣ်သူး 9:15 - Sgaw Karen Common Bible

¹⁵ မ်ပကစံးဘျုးယွၤလၢအတၢ်ဟ့ၣ်လၢအဒိၣ်မးဝဲတုၤပဒွး အလုၢ်အပှ့ၤတသ့ဘၣ်အဃိန့ၣ်တက့ၢ်.

၂ ကရံၣ်သူး 9:15 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:35

စံးဘၣ်အီၤ, အုၣ်က့ၤခီၣ်က့ၤပှၤတက့ၢ်, ကစၢ်ယွၤ, ပတၢ်အုၣ်က့ၤခီၣ်က့ၤကစၢ်ဧၢ. ပာ်ဖှိၣ်ပှၤတပူၤဃီ, မၤပူၤမၤဖျဲးပှၤလၢပှၤကလုာ်တဖၣ်, ဒ်သိးပကစံးဘျုးနၤဒီးစံးထီၣ်ပတြၢၤနမံၤစီဆှံန့ၣ်တ က့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 16:8

ဟ့ၣ်ယွၤလၢတၢ်စံးဘျုးစံးဖှိၣ်, ဒုးဟူထီၣ်သါလီၤအတၢ်ဒိၣ်တၢ်မုၢ်, တဲဘၣ်ပှၤကလုာ်တဖၣ်တၢ်လၢ အဝဲမၤတ့ၢ်ဝဲန့ၣ်တက့ၢ်.

စံးထီၣ်ပတြၢၤ 30:12

ဒ်သိးယသးအသုတအိၣ်ဘှီၣ်တဂ့ၤ ဒီးကစံးထီၣ်ပတြၢၤနၤအဂီၢ်လီၤ. ယွၤ, ယကစၢ်ယွၤဧၢ, ယကစံးထီၣ်ပတြၢၤနၤလီၤထူလီၤယိာ်လီၤ.

စံးထီၣ်ပတြၢၤ 30:4

သးဝံၣ်စံးထီၣ်ပတြၢၤယွၤ, ကယဲၢ်အပှၤဂီၢ်မုၢ်လၢ အသူၣ်တီသးလိၤသ့ၣ်ဧၢ သ့ၣ်နီၣ်ထီၣ်တၢ်လၢ ကစၢ် ယွၤမၤဝဲ, ဒီးစံးဘျုးအီၤတက့ၢ်. ယွၤအပှၤစီဆှံသ့ၣ်ဧၢ, သးဝံၣ်စံးထီၣ်ပတြၢၤယွၤ, ကယဲၢ်အပှၤဂီၢ်မုၢ်လၢ အသူၣ်တီသးလိၤဧၢ သ့ၣ်နီၣ်ထီၣ်အမံၤစီဆှံ ဒီးစံးထီၣ်ပတြၢၤအီၤတက့ၢ်.

စံးထီၣ်ပတြၢၤ 92:1

ယွၤဧၢ, တၢ်စံးဘျုးစံးဖှိၣ်နၤ, တၢ်သးဝံၣ်မၤလၤကပီၤ တၢ်ထီကတၢၢ်ကစၢ်ယွၤ,

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 9:6

ဖိသၣ်တဂၤအိၣ်ဖျဲၣ်လၢပဂီၢ်, တၢ်ဟ့ၣ်လီၤပှၤလၢဖိခွါတဂၤလီၤ. ဒီးအဝဲဒၣ်ကမ့ၢ်ပပှၤပၢတၢ်လီၤ. အဝဲကဘၣ်တၢ်ကိးအီၤလၢ “ပှၤလီၤလး ” “တၢ်ကူၣ်လိာ်တၢ်”, “စိဒိၣ်ကမီၤထီကစၢ်ယွၤ”, “ပၢ်အထူအယိာ်”, “တၢ်ဃူတၢ်ဖိးအစီၤပၤ” န့ၣ်လီၤ.

လံာ်လူၤကၣ် 2:14

“တၢ်လၤကပီၤမ်အဘၣ်ကစၢ်ယွၤလၢ တၢ်လီၢ်အထီကတၢၢ်, လၢမူခိၣ်န့ၣ်တက့ၢ်. ဒီးမ်တၢ်ဃူတၢ်ဖိးအိၣ်ထီၣ်လၢဟီၣ်ခိၣ်ချၢ လၢပှၤလၢအဝဲဒၣ်ဘၣ်အသးတဖၣ် အသိးအကျါတက့ၢ်.”

လံာ်လူၤကၣ် 2:38

ဖဲအနၣ်ရံၣ်တကတီၢ်ဃီအဝဲန့ၣ်, အဝဲဒၣ်ဟဲတုၤဒီးစံးထီၣ်ပတြၢၤယွၤ, ဒီးကတိၤတၢ်ဘၣ်ဃးဖိသၣ်တဂၤန့ၣ်အဂ့ၢ် လၢပှၤကိးဂၤဒဲးလၢအအိၣ်ခိးကစၢ်ယွၤ အကဒုးထူၣ်ဖျဲးထီၣ်ကွံာ်ဝ့ၢ်ယရူၤၡလ့ၣ်န့ၣ်လီၤ.

လံာ်ယိၤဟၣ် 1:16

လၢအဝဲဒၣ်အတၢ်ဘျုးတၢ်ဖှိၣ်အတၢ်လၢတၢ်ပှဲၤအပူၤန့ၣ်, ပဝဲခဲလၢာ်ပဒိးန့ၢ်တၢ်ဘျုးတၢ်ဖှိၣ်တမံၤဝံၤတမံၤန့ၣ်လီၤ.

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

ရိမ့ၤ 5:15

ဘၣ်ဆၣ်တၢ်ခံမံၤအံၤတမ့ၢ်တၢ်ဒ်သိးသိးဘၣ်, မ့ၢ်လၢကစၢ်ယွၤအတၢ်ဟ့ၣ်ကလီတဒ်သိးဒီးစီၤ အၤဒၣ်အတၢ်ဒဲးဘးအဃိန့ၣ်လီၤ. မ့ၢ်ဝဲတီဝဲလၢပှၤအါဂၤသံလၢပှၤတဂၤအံၤအတၢ် ဒဲးဘးအဃိလီၤ. ဘၣ်ဆၣ်ကစၢ်ယွၤအဘျုးအံၤဒိၣ် ဒၣ်တၢ်တက့ၢ်, ဒီးအတၢ်ဟ့ၣ်ကလီပှၤအါဒံအါ ဂၤတၢ်ဘျုးတၢ်ဖှိၣ်ခီဖျိပှၤတဂၤလၢအမ့ၢ်ယ့ၣ်ၡူး ခရံာ်န့ၣ်, ဒိၣ်ဒံးဒၣ်တၢ်တက့ၢ်န့ၣ်လီၤ.

ရိမ့ၤ 6:23

အဂ့ၢ်ဒ်လဲၣ်န့ၣ်, တၢ်ဒဲးဘးအဘူးအလဲမ့ၢ်တၢ်သံလီၤ. မ့မ့ၢ်ကစၢ်ယွၤအတၢ်ဟ့ၣ်ကလီမ့ၢ်တၢ်မူအထူအယိာ် လၢပကစၢ်ယ့ၣ်ၡူးခရံာ်အပူၤန့ၣ်လီၤ.

ရိမ့ၤ 8:32

အဝဲတဟံးဃာ်က့ၤအဖိခွါဒၣ်ဝဲဒၣ်လဲာ်ဘၣ်, မ့မ့ၢ်လုၢ်ထီၣ် အီၤဒ်တၢ်လုၢ်အသိးလၢပဝဲခဲလၢာ်အဂီၢ်န့ၣ်လီၤ. အဝဲဒၣ်ဟ့ၣ်လီၤပှၤအဖိခွါဒၣ်ဝဲလံသတးဒီး, မ့ၢ်အတဟ့ၣ်ကလီစ့ၢ်ကီးပှၤလၢတၢ်အဂၤခဲလၢာ်န့ၣ်ဘၣ်ဧါ.

1 ကရံၣ်သူး 15:57

ဘၣ်ဆၣ်ဒီး ကစၢ်ယွၤလၢအဟ့ၣ်ပှၤတၢ်မၤနၢၤခီဖျိပကစၢ် ယ့ၣ်ၡူးခရံာ်တဂၤန့ၣ်, မ်အဘၣ်တၢ်စံးဘျုးစံးဖှိၣ်အီၤတက့ၢ်.

၂ ကရံၣ်သူး 2:14

ဘၣ်ဆၣ်ဒီး, မ်ကစၢ်ယွၤဘၣ်တၢ်စံးဘျုးစံးထီၣ်ပတြၢၤ အီၤတက့ၢ်. အဂ့ၢ်ဒ်အံၤ, လၢတၢ်ပာ်ဖှိၣ်ဃုာ်ပသးလၢခရံာ် အပူၤန့ၣ်, ပဘၣ်တၢ်ဆှၢပှၤတွၤပှၤထီဘိလၢကစၢ်ယွၤဒ် ပှၤဘၣ်စၢဃာ်လၢဖဲခရံာ်အတၢ်မၤနၢၤအတၢ်လဲၤထီၣ်အပူၤ အသိးန့ၣ်လီၤ. ကစၢ်ယွၤသူပှၤဒ်သိးအကရၤလီၤတၢ်သ့ၣ်ညါ ဘၣ်ဃးခရံာ်အဂ့ၢ်, လၢတၢ်လီၢ်ကိးပူၤဒဲးဒ်တၢ်နၢမူနၢဆှီ အသိးန့ၣ်လီၤ.

၂ ကရံၣ်သူး 9:11

အဝဲဒၣ်ကဒုးထူးဒုးတီၤသုထီဘိထဲသိးဒီးအလီၢ်အိၣ်ဝဲလၢသု ကဟ့ၣ်တၢ်အါအါလၢတၢ်သးအိၣ်အပူၤတဘိယူၢ်ဃီအဂီၢ်, ဒ်သိးပှၤအါဂၤကစံးထီၣ်ပတြၢၤကစၢ်ယွၤလၢသုတၢ်ဟ့ၣ်လၢ အဒိးန့ၢ်ဝဲလၢပအိၣ်တဖၣ်အဃိအဂီၢ်န့ၣ်လီၤ.

၂ ကရံၣ်သူး 9:14

ဒီးလၢတၢ်န့ၣ်အဃိ, လၢတၢ်အဲၣ်တၢ်ကွံအဒိၣ်အယိာ် အပူၤ, အဝဲသ့ၣ်ကဃ့ဘါထုကဖၣ်တၢ်လၢသုဂီၢ်, အဂ့ၢ်မ့ၢ်လၢကစၢ်ယွၤဒုးနဲၣ်တ့ၢ်သုတၢ်ဘျုးတၢ်ဖှိၣ်လီၤတိၢ် လီၤဆီအဃိန့ၣ်လီၤ.

အ့းဖ့းစူး 5:20

လၢပကစၢ်ယ့ၣ်ၡူးခရံာ်အမံၤအပူၤန့ၣ်, စံးဘျုးကစၢ်ယွၤလၢအမ့ၢ်ပပၢ်လၢတၢ်ခဲလၢာ်အဃိထီဘိတက့ၢ်.

ယၤကိာ် 1:17

တၢ်ဟ့ၣ်အဂ့ၤဒီးတၢ်ဟ့ၣ်အလၢအပှဲၤကိးမံၤဒဲးန့ၣ်ဟဲလၢမူခိၣ်, လၢကစၢ်ယွၤလၢအတ့လီၤမူခိၣ်အတၢ်ကပီၤတဖၣ်အအိၣ် န့ၣ်လီၤ. ကစၢ်ယွၤတကဒံကဒါဒီးတဒုးအိၣ်ထီၣ်ဘၣ်တၢ်ခံး တၢ်နၤခီဖျိအဃၣ်ဒူချၢအသးန့ၣ်ဘၣ်.

လံာ်လီၣ်ဖျါ 4:9

တၢ်အိၣ်ဒီးအသးသမူလွံၢ်ဒုအံၤသးဝံၣ်တၢ်သးဝံၣ်မၤလၤကပီၤ, တၢ်ယူးယီၣ်ဒီးတၢ်စံးထီၣ်ပတြၢၤဆူပှၤတဂၤလၢ အဆ့ၣ်နီၤဝဲလၢလီၢ်ပစိာ်အဖီခိၣ်အအိၣ်, လၢအမူဝဲလီၤစိၤလီၤထီန့ၣ်လီၤ. ဖဲအဝဲသ့ၣ်သးဝံၣ်တၢ်ဒ်အံၤအဆၢကတီၢ်န့ၣ်,