၂ ကရံၣ်သူး 9:13 - Sgaw Karen Common Bible

¹³ ဒီးလၢတၢ်အုၣ်အသးလၢသုတၢ်မၤတမံၤအံၤဟ့ၣ်ထီၣ်ဝဲအဃိ, ပှၤအါဒံအါဂၤကဟ့ၣ်တၢ်လၤကပီၤဆူကစၢ်ယွၤလၢသုတၢ်သး တီဒီးခရံာ်အတၢ်သးခုကစီၣ်လၢသုအၢၣ်လီၤပာ်ဖျါသုဝဲဖျါဖျါ အဃိဒီးလၢသုတၢ်နီၤဟ့ၣ်တၢ်ဆူအဝဲသ့ၣ်ဒီးဆူပှၤကိးဂၤဒဲး အအိၣ်အပူၤန့ၣ်, သုဟ့ၣ်တၢ်အါအါဂီၢ်ဂီၢ်လၢတၢ်သးအိၣ် အဃိန့ၣ်လီၤ.

၂ ကရံၣ်သူး 9:13 Iomraidhean Croise

စံးထီၣ်ပတြၢၤ 50:23

ပှၤလၢအဟဲစိာ်တၢ်စံးဘျုးစံးဖှိၣ်ဒ်တၢ်လုၢ်အသိးန့ၣ် မၤလၤကပီၤယၤလီၤ. ဒီးပှၤလၢအကတဲာ်ကတီၤအကျဲန့ၣ် ယကဒုးနဲၣ်အီၤလၢ ယတၢ်အုၣ်က့ၤခီၣ်က့ၤလီၤ.”

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

လံာ်လူၤကၣ် 6:46

“ဘၣ်မနုၤအဃိသုကိးယၤ, ‘ကစၢ်ဧၢ, ကစၢ်ဧၢ,’ ဒီးသုတမၤတၢ်လၢယတဲသုန့ၣ်လဲၣ်.

လံာ်ယိၤဟၣ် 15:8

ယပၢ်အလၤကပီၤဘၣ်တၢ်ဒုးနဲၣ်ဖျါထီၣ်အီၤခီဖျိလၢ သုသၣ်ထီၣ်အါမး, ဒီးလၢတၢ်အံၤအဃိ, သုကဲထီၣ် ယပျဲၢ်ယဘီၣ်တဖၣ်လီၤ.

မၤတၢ် 11:18

ဖဲအဝဲသ့ၣ်နၢ်ဟူဘၣ်တၢ်ဂ့ၢ်တမံၤအံၤန့ၣ်, အဝဲသ့ၣ်ဆိကတီၢ်ကွံာ်အတၢ်ကတိၤပာ်တၢ်ကမၣ်, ဒီးစံးထီၣ်ပတြၢၤယွၤဒီးစံးဝဲ, “မ့မ့ၢ်ဒ်န့ၣ်ဒီးကစၢ်ယွၤဟ့ၣ်စ့ၢ်ကီးလံပှၤကလုာ်ဂၤတဖၣ် တၢ်အခွဲးအယာ်လၢအကပီၢ်ယၢ်ဒီးဃၣ်လိၤက့ၤအသးဒီးကမူဝဲအဂီၢ် န့ၣ်လီၤ.”

မၤတၢ် 4:21

အန့ၣ်ဒီးကီၣ်ကးကတိၤဟ့ၣ်ပလီၢ်အဝဲသ့ၣ်ဆူၣ်န့ၢ်အလီၢ်တက့ၢ်ဝံၤဒီး ပျၢ်ထူၣ်ဖျဲးကွံာ်အဝဲသ့ၣ်လီၤ. လၢကစံၣ်ညီၣ်စီၤပ့းတရူးဒီးစီၤယိၤဟၣ်န့ၣ်သ့ၣ်ညါဝဲလၢတသ့ လ့ၤတက့ၤဘၣ်, အဂ့ၢ်မ့ၢ်လၢပှၤခဲလၢာ်စံးထီၣ်ပတြၢၤကစၢ်ယွၤ, လၢတၢ်လၢအမၤတ့ၢ်အသးအဃိန့ၣ်လီၤ.

ရိမ့ၤ 10:16

ဘၣ်ဆၣ်ဒီး, ပှၤတတူၢ်လိာ်တၢ်သးခုအကစီၣ်အံၤကိးဂၤ ဒဲးဘၣ်. ဝံယၡါယၤအကစၢ်ဒၣ်ဝဲစံး, “ကစၢ်ဧၢ, မ့ၢ်မတၤစူၢ်က့ၤနာ်က့ၤပတၢ်ကစီၣ်လဲၣ်” (ၡါ ၅၃:၁)

ရိမ့ၤ 12:8

မ့မ့ၢ်တၢ်ဟ့ၣ်ဂံၢ်ဟ့ၣ်ဘါပှၤဂၤတဖၣ်ဒီး, ပကဘၣ်ဟ့ၣ်ဂံၢ်ဟ့ၣ် ဘါတၢ်လီၤ. ပှၤတဂၤလၢ်လၢ်လၢအနီၤဟ့ၣ်တၢ်လၢအအိၣ်ဒီး အီၤလၢပှၤဂၤတဖၣ်န့ၣ်, ကဘၣ်မၤဝဲလၢတၢ်သူၣ်အိၣ်သးအိၣ် အပူၤန့ၣ်လီၤ. မ့မ့ၢ်ခိၣ်နၢ်တဂၤဂၤဒီး, ကဘၣ်မၤတၢ်ဆူၣ်ဆူၣ် လီၤ. ပှၤတဂၤလၢ်လၢ်လၢအဒုးနဲၣ်တၢ်သးကညီၤလၢပှၤဂၤ တဖၣ်န့ၣ်, ကဘၣ်မၤဝဲလၢတၢ်သူၣ်ခုသးခုအပူၤလီၤ.

ရိမ့ၤ 15:31

ဘါထုကဖၣ်ဒ်သိးယကပူၤဖျဲးဒီးပှၤယူဒၤဖိလၢအတစူၢ် တနာ်ယ့ၣ်ၡူးခရံာ်တဖၣ်အတၢ်မၤအၢမၤသီ, ဒီးဒ်သိးယတၢ်ဖံးတၢ်မၤဖဲဝ့ၢ်ယရူၤၡလ့ၣ်အပူၤကဘၣ်တၢ်တူၢ်လိာ် အီၤလၢကစၢ်ယွၤအပှၤစီဆှံဖဲန့ၣ်တဖၣ်အဂီၢ်န့ၣ်တက့ၢ်.

ရိမ့ၤ 16:26

ဘၣ်ဆၣ်ခဲအံၤ, တၢ်မ့ၢ်တၢ်တီအဝဲန့ၣ်ဘၣ်တၢ်ထုးထီၣ်ပာ်ဖျါ အီၤခီဖျိဝံအတၢ်ကွဲးတဖၣ်, ဒီးခီဖျိကစၢ်ယွၤအထူအယိာ်တဂၤ အတၢ်မၤလိာ်န့ၣ်, ဘၣ်တၢ်ဒုးသ့ၣ်ညါအီၤလၢပှၤကိးကလုာ်ဒဲး, ဒ်သိးပှၤခဲလၢာ်ကစူၢ်က့ၤနာ်က့ၤတၢ်အဂီၢ်န့ၣ်လီၤ.

၂ ကရံၣ်သူး 10:5

ပဒုးလီၤမၢ်ကွံာ်ကယဲၢ်တၢ်တြီမၤတံာ်တာ်လၢအအိၣ်ဒီးတၢ်ပာ် ကဖၢလၢသးတမံၤလၢ်လၢ်, လၢအဘၣ်တၢ်ယူာ်ထီၣ်အီၤထီဒါတၢ်သ့ၣ်ညါဘၣ်ဃးဒီး ကစၢ်ယွၤ, ပဖီၣ်န့ၢ်ကယဲၢ်တၢ်ဆိကမိၣ်တမံၤလၢ်လၢ်ဒီးစူၢ်အီၤလၢ ခရံာ်အကလုၢ်န့ၣ်လီၤ.

၂ ကရံၣ်သူး 2:12

ဖဲယဟဲတုၤလၢဝ့ၢ်တြိၤအါဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးခရံာ်အဂ့ၢ်န့ၣ်, ယထံၣ်ဘၣ်ယဲလၢကစၢ်အိးဟိထီၣ်တ့ၢ်ကျဲလၢတၢ်ဖံးတၢ်မၤဖဲန့ၣ် အဂီၢ်လီၤ.

၂ ကရံၣ်သူး 8:4

အဝဲသ့ၣ်ဃ့ကညးပှၤဒီးဃ့န့ၢ်တၢ်အခွဲးအယာ်လၢအကမၤသကိး ဘၣ်တၢ်လၢတၢ်မၤစၢၤကစၢ်ယွၤအပှၤဂီၢ်မုၢ်ဖဲကီၢ်ယူဒၤအပူၤန့ၣ်လီၤ.

၂ ကရံၣ်သူး 9:14

ဒီးလၢတၢ်န့ၣ်အဃိ, လၢတၢ်အဲၣ်တၢ်ကွံအဒိၣ်အယိာ် အပူၤ, အဝဲသ့ၣ်ကဃ့ဘါထုကဖၣ်တၢ်လၢသုဂီၢ်, အဂ့ၢ်မ့ၢ်လၢကစၢ်ယွၤဒုးနဲၣ်တ့ၢ်သုတၢ်ဘျုးတၢ်ဖှိၣ်လီၤတိၢ် လီၤဆီအဃိန့ၣ်လီၤ.

ကလၤတံ 1:24

မၤသးဒ်န့ၣ်ဒီး, အဝဲသ့ၣ်စံးထီၣ်ပတြၢၤယွၤလၢယဃိန့ၣ်လီၤ.

၁ တံၤမသ့း 6:12

တၢ်စူၢ်တၢ်နာ်အတၢ်ဃ့ၢ်န့ၣ်ဃ့ၢ်အီၤအဂ့ၤကတၢၢ်, ဒီးမၤန့ၢ်တၢ်မူအထူအယိာ်လၢနကစၢ်ဒၣ်နဲအဂီၢ်တက့ၢ်. အဂ့ၢ်ဒ်လဲၣ်န့ၣ်, ကစၢ်ယွၤကိးတ့ၢ်နၤဆူတၢ်မူအဝဲအံၤ အပူၤဖဲနအၢၣ်လီၤဒီးမၤဂၢၢ်မၤကျၢၤနတၢ်စူၢ်တၢ်နာ်လၢပှၤအုၣ် အသးအါဂၤအမဲာ်ညါအခါန့ၣ်လီၤ.

၁ တံၤမသ့း 6:13

လၢကစၢ်ယွၤလၢအဒုးမူတၢ်ခဲလၢာ်တဂၤအမဲာ်ညါ, ဒီးပှၤလၢအအၢၣ်လီၤဒီးမၤဂၢၢ်မၤကျၢၤအတၢ်စူၢ်တၢ်နာ်လၢ စီၤပီၢ်တံၤပံၤလးအမဲာ်ညါ, လၢအမ့ၢ်ယ့ၣ်ၡူးခရံာ်တဂၤန့ၣ် အမဲာ်ညါ, ယမၤလိာ်နၤ,

ဧ့ၤဘြံၤ 10:23

မ်ပဟံးဃာ်ပတၢ်မုၢ်လၢ်လၢပအၢၣ်လီၤအီလီၤ, ပူၤဖျဲးဒီး တၢ်သးဒ့ဒီတက့ၢ်. အဂ့ၢ်ဒ်အံၤ, ပှၤလၢအစံးပာ်တၢ်တဂၤမ့ၢ်ပှၤလၢအကလုၢ်တီဝဲလီၤ.

ဧ့ၤဘြံၤ 13:16

တဘၣ်သးပ့ၤနီၣ်မၤဂ့ၤတၢ်ဒီးဟ့ၣ်နီၤတၢ်ဒီးပှၤဂၤတဂ့ၤ. အဂ့ၢ်ဒ်အံၤတၢ်လုၢ်ဒ်န့ၣ်တဖၣ်န့ၣ်ဘၣ်ကစၢ်ယွၤအသး လီၤ.

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.

ဧ့ၤဘြံၤ 4:14

ဒ်ပအိၣ်ဒီးပှၤလုၢ်တၢ်အခိၣ်အဒိၣ်ကတၢၢ်ယ့ၣ်ၡူးကစၢ်ယွၤ အဖိခွါတဂၤလၢအလဲၤခီဖျိတ့ၢ်မူခိၣ်, ယွၤအိၣ်တၢ်အလီၢ် အသိးန့ၣ်, မ်ပကဟံးဃာ်ဂၢၢ်ဂၢၢ်ကျၢၤကျၢၤပတၢ်စူၢ်တၢ်နာ် တက့ၢ်.

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

၁ ပ့းတရူး 2:9

ဘၣ်ဆၣ်ဒီး, သုမ့ၢ်ပှၤတကလုာ်လၢအဘၣ်တၢ်ဃုထၢ ထီၣ်အီၤ, စီၤပၤအပှၤလုၢ်တၢ်အခိၣ်တဖၣ်, ပှၤစီဆှံတကလုာ် (ဟးထီၣ် ၁၉:၆), ယွၤအပှၤဂီၢ်မုၢ်ဒၣ်ဝဲလၢအဘၣ်တၢ်ဃုထၢထီၣ်အီၤလၢ အကတဲဖျါယွၤအတၢ်မၤလီၤလးတဖၣ်, ယွၤလၢအကိးထီၣ်သုလၢတၢ်ခံးတၢ်နၤဆူအကစၢ်ဒၣ်ဝဲ အတၢ်ကပီၤလီၤလးအပူၤန့ၣ်လီၤ.

၁ ပ့းတရူး 4:11

ပှၤတဂၤဂ့ၤတဂၤဂ့ၤလၢအစံၣ်တဲၤတဲလီၤတၢ်န့ၣ်, ကဘၣ်စံၣ်တဲၤတဲလီၤကစၢ်ယွၤအတၢ်ကစီၣ်တဖၣ်, ဒီးပှၤတဂၤဂ့ၤတဂၤဂ့ၤလၢအမၤတၢ်ခ့တၢ်ပှၤအတၢ်မၤန့ၣ်, ကဘၣ်မၤဝဲလၢတၢ်ဂံၢ်တၢ်ဘါလၢကစၢ်ယွၤဟ့ၣ်လီၤအီၤ အပူၤ, ဒ်သိးလၢတၢ်ခဲလၢာ်အပူၤယွၤကဘၣ်တၢ်စံးထီၣ်ပတြၢၤ အီၤခီဖျိယ့ၣ်ၡူးခရံာ်န့ၣ်လီၤ. တၢ်လၤကပီၤဒီးတၢ်စိတၢ်ကမီၤ န့ၣ်, မ့ၢ်အဝဲဒၣ်အတၢ်အစိၤစိၤအဃၣ်ဃၣ်လီၤ. အၤမ့ၣ်.

လံာ်နီၢ်ရူၤသး 2:19

ဒီးနီၢ်နၤဧမံသံကွၢ်အီၤ, “တနံၤညါအံၤနလဲၤထၢဘုဖဲလဲၣ်. နလဲၤမၤတၢ်လၢမတၤအစံာ်ပျီပူၤလဲၣ်. မ်ယွၤဆိၣ်ဂ့ၤပှၤတဂၤလၢ အသူၣ်အိၣ်သးအိၣ်နၤန့ၣ်တက့ၢ်.” ဒီးနီၢ်ရူၤသးစံးဘၣ်အမံၤပှၢ်ပိာ်မုၣ်လၢတနံၤညါအံၤအဝဲလဲၤ မၤတၢ်လၢပှၤတဂၤအမံၤမ့ၢ်စီၤဘိၤဧးအစံာ်ပျီပူၤန့ၣ်လီၤ.