၂ ကရံၣ်သူး 9:12 - Sgaw Karen Common Bible

¹² အဂ့ၢ်ဒ်အံၤ, တၢ်လၢသုမၤတမံၤအံၤန့ၣ်, တမ့ၢ်ထဲအမၤလၢထီၣ်ပှဲၤထီၣ် ကစၢ်ယွၤအပှၤဂီၢ်မုၢ်အတၢ်လိၣ်တဖၣ်ဧိၤဘၣ်. မ့မ့ၢ်, ဒုးအိၣ်ထီၣ်တၢ်စံးဘျုးစံးဖှိၣ်ကစၢ်ယွၤအတၢ်ပုာ်ထီၣ်ယွၤလီၤန့ၣ်လီၤ.

၂ ကရံၣ်သူး 9:12 Iomraidhean Croise

၂ ကရံၣ်သူး 1:11

မ့ၢ်လၢသုမၤစၢၤပှၤခီဖျိသုတၢ်ထုကဖၣ်လၢပဂီၢ် အဃိန့ၣ်လီၤ. လၢတၢ်န့ၣ်အဃိ, တၢ်ကမၤအသးလၢတၢ်ထုကဖၣ်အါယုၢ်လၢပဂီၢ်ကဘၣ် တၢ်စံးဆၢအီၤ, ဒီးကစၢ်ယွၤကဆိၣ်ဂ့ၤပှၤဒီးပှၤအါဒံအါဂၤ ကထုထီၣ်အကလုၢ်ဆူအအိၣ်လၢတၢ်စံးဘျုးစံးဖှိၣ်အီၤလၢ ပဂီၢ်န့ၣ်လီၤ.

၂ ကရံၣ်သူး 1:5

ဒ်ပဒိးန့ၢ်ဃုာ်တၢ်လၢခရံာ်အတၢ်တူၢ်ဘၣ်တၢ်အါအါဂီၢ်ဂီၢ် အပူၤအသိးခီဖျိခရံာ်န့ၣ်, ပဒိးန့ၢ်ဃုာ်တၢ်လၢကစၢ်ယွၤအတၢ်မၤစၢၤအဒိၣ်အမုၢ်အပူၤ န့ၣ်လီၤ.

၂ ကရံၣ်သူး 8:4

အဝဲသ့ၣ်ဃ့ကညးပှၤဒီးဃ့န့ၢ်တၢ်အခွဲးအယာ်လၢအကမၤသကိး ဘၣ်တၢ်လၢတၢ်မၤစၢၤကစၢ်ယွၤအပှၤဂီၢ်မုၢ်ဖဲကီၢ်ယူဒၤအပူၤန့ၣ်လီၤ.

၂ ကရံၣ်သူး 9:1

အလီၢ်တအိၣ်နီၢ်နီၢ်လၢယကကွဲးတဲသုဘၣ်ဃးတၢ်မၤ စၢၤလၢအဘၣ်တၢ်ဆှၢလီၤအီၤဆူယွၤအပှၤဂီၢ်မုၢ်ဖဲကီၢ် ယူဒၤတဖၣ်အဂ့ၢ်န့ၣ်ဘၣ်.

ဖံလံးပံၤ 2:25

ယဆိကမိၣ်တ့ၢ်လၢအလီၢ်အိၣ်ဝဲဒၣ်လၢယကဆှၢလီၤပဒီပုၢ်ဝဲၢ် စီၤအ့းပၤဖရီးဒံတူးဆူသုအိၣ်, ပှၤလၢအမၤတ့ၢ်တၢ်ဒီးဒုးတ့ၢ်တၢ်ဒီးယၤဒီးမ့ၢ်တ့ၢ်သုခၢၣ် စးလၢအဟဲမၤစၢၤယၤန့ၣ်လီၤ.

၁ ယိၤဟၣ် 3:17

ပှၤအထူးအတီၤတဂၤမ့ၢ်ထံၣ်အဒီပုၢ်ဝဲၢ်လိၣ်ဘၣ်တၢ်, ဘၣ်ဆၣ်တသးကညီၤအီၤဘၣ်န့ၣ်, ကစၢ်ယွၤအတၢ်အဲၣ်တၢ်ကွံအိၣ်လၢအပူၤကသ့ဒ်လဲၣ်.