၂ ကရံၣ်သူး 8:9 - Sgaw Karen Common Bible

⁹ သုသ့ၣ်ညါပကစၢ်ယ့ၣ်ၡူးခရံာ်အဘျုးအဖှိၣ်လီၤ. အဝဲဒၣ်ထူးတီၤဆံးအါသနာ်က့, လၢသုဃိ, လၢသုဂီၢ်အဝဲဒၣ်မၤဖှီၣ်လီၤအသးဒ်သိးအကဒုး ထူးထီၣ်တီၤထီၣ်သုခီဖျိအဝဲအတၢ်ဖှီၣ်တၢ်ယာ်န့ၣ်လီၤ.

၂ ကရံၣ်သူး 8:9 Iomraidhean Croise

လံာ်ယၡါယၤ 53:2

မ့ၢ်တၢ်ဘၣ်ယွၤအသးလၢအခ့အပှၤကဒိၣ်ထီၣ် ဒ်သ့ၣ်တထံးစဲၤလီၤအဂံၢ်လၢဟီၣ်ခိၣ်ဃ့ထီအပူၤအသိးန့ၣ်လီၤ. အသူးအသ့ၣ်မ့ၢ်ဂ့ၤ, အတၢ်ဃံတၢ်လၤမ့ၢ်ဂ့ၤ လၢပကပာ်သူၣ်ပာ်သးအီၤအဂီၢ်န့ၣ် တအိၣ်ဘၣ်နီတမံၤဘၣ်. တအိၣ်ဘၣ်ဒီးတၢ်နီတမံၤလၢအလီၤထုးသူၣ်ထုးသး, ဒီးတၢ်လၢအကထုးန့ၢ်ပှၤဆူအအိၣ်တအိၣ် နီတမံၤဘၣ်.

လံာ်ယၡါယၤ 62:1

ယကကတိၤထီၣ်ဖျဲးတၢ်လၢတၢ်ဟ့ၣ်ဂံၢ်ဟ့ၣ်ဘါဝ့ၢ် ယရူၤၡလ့ၣ်အဂီၢ်, တုၤလၢအဝဲဘၣ်တၢ်အုၣ်က့ၤခီၣ်က့ၤအီၤတစုန့ၣ်, ယတအိၣ်ဘှီၣ်ကလာ်ဘၣ်, ဒီးအတၢ်မၤနၢၤန့ၣ်ကပီၤထီၣ်ဝဲလီၤဂာ်ဒ်ဆှီတခါ လၢမုၢ်နၤခါအသိးန့ၣ်လီၤ.

လံာ်ယၡါယၤ 65:8

ယွၤစံးဝဲဒၣ်, “စပံးသၣ်လၢအဂ့ၤတဖၣ်န့ၣ်ပှၤ တမၤဟးဂီၤကွံာ်နီတဂၤဘၣ်. အခိၣ်တလိာ်, အဝဲသ့ၣ်ဒုးကဲထီၣ်စပံးထံလၢစပံးသၣ်တဖၣ်အံၤလီၤ. ဒ်န့ၣ်အသိးယတမၤဟးဂီၤယပှၤဂီၢ်မုၢ်ခဲလၢာ်ဘၣ်, ယကအုၣ်က့ၤခီၣ်က့ၤပှၤသ့ၣ်တဖၣ်လၢအမၤန့ၢ်ယၤ လၢတၢ်ခ့တၢ်ပှၤအတၢ်မၤန့ၣ်လီၤ.

လံာ်မးသဲ 17:27

ဘၣ်ဆၣ်ဒီး, ဒ်သိးပသုတမၤတမုာ်ဘၣ်အဝဲသ့ၣ်အသးတဂ့ၤအဂီၢ်န့ၣ်, လဲၤဆူပီၣ်လဲၣ်, ဒီးစဲၤလီၤနတခွဲဘိတက့ၢ်. ဟံးန့ၢ်ညၣ်အဆိကတၢၢ်လၢနတခွဲန့ၢ်အီၤတဘ့ၣ်, ဒီးအိးထီၣ်အကိာ်ပူၤ, ဒီးနကထံၣ်န့ၢ်စ့တဘ့ၣ်လၢအကလၢဝဲလၢတၢ်လုၢ်ဟံၣ်အခိအသွဲလၢနဂီၢ်, ဒီးလၢယဂီၢ်လီၤ. ဟံးန့ၢ်စ့အဝဲန့ၣ်ဒီး, ဟ့ၣ်လီၤတၢ်လုၢ်ဟံၣ်အခိအသွဲလၢယၤဒီးနၤအဂီၢ်တက့ၢ်.”

လံာ်မးသဲ 20:28

ဒ်ပှၤကညီဖိခွါအသိး, လၢအဟဲဝဲတမ့ၢ်ဘၣ်လၢပှၤကမၤန့ၢ်တၢ်အခ့အပှၤ အတၢ်မၤလၢအဂီၢ်ဘၣ်. မ့ၢ်ဒ်သိးကမၤတၢ်အခ့အပှၤအတၢ်မၤလၢပှၤဂၤ အဂီၢ်, ဒီးကဟ့ၣ်လီၤအသးသမူလၢကအုၣ်က့ၤခီၣ်က့ၤပှၤအါဂၤအသးသမူ အဂီၢ်လီၤ.”

လံာ်မးသဲ 8:20

ယ့ၣ်ၡူးစံးဆၢအီၤဒီးစံး, “ထွံၣ်မံၤတဖၣ်အိၣ်ဒီးအပူၤဒီးထိၣ်လၢတၢ်ဖးဖီတဖၣ်အိၣ်ဒီးအသွံတဖၣ်လီၤ. ဘၣ်ဆၣ်ဒီးပှၤကညီဖိခွါအံၤထဲအကပာ်လီၤအခိၣ်ဒၣ်လဲာ်တၢ်လီၢ် တအိၣ်ဘၣ်.”

လံာ်မၢ်ကူး 6:3

ပှၤအံၤတမ့ၢ်ပှၤစုသ့တဂၤလၢအမ့ၢ်နီၢ်မၤရံအဖိခွါ, လၢအဒီပုၢ်ဝဲၢ်ဒီးစီၤယၤကိာ်, စီၤယိၤစ့, စီၤယူဒၤဒီးစီၤၡံမိၣ်တဖၣ်န့ၣ်ဘၣ်ဧါ. ဒီးအဒီပုၢ်ဝဲၢ်မုၣ်တဖၣ်အိၣ်ဒၣ်လၢပသိးပကျါဖဲအံၤလီၤတမ့ၢ် ဘၣ်ဧါ. ဒီးအဝဲသ့ၣ်အသးက့ၣ်ယ့ၣ်ၡူးဒီးတပာ်ကဲလၢၤအီၤဘၣ်.”

လံာ်လူၤကၣ် 16:11

မ့မ့ၢ်ဒ်န့ၣ်ဒီး, လၢတၢ်ကွၢ်ထွဲပၢဆှၢဟီၣ်ခိၣ်အတၢ်ထူးတၢ်တီၤအပူၤ န့ၣ်သုမ့ၢ်တတီတ့ၢ်သုဝဲဒီး, တၢ်နာ်န့ၢ်သုလၢတၢ်ထူးတၢ်တီၤနီၢ်နီၢ် အဂီၢ်န့ၣ်, ကသ့ဝဲလၢကျဲဒ်လဲၣ်.

လံာ်လူၤကၣ် 2:7

အဝဲဒၣ်ဆံးစၢ်ထီၣ်အဖိခွါဝဲၢ်ကိတဂၤ, ဒီးဘိၣ်ဘံဃာ်အီၤလၢတၢ်ကံးယာ်ဒီး ပုာ်မံလီၤအီၤလၢကျီၢ်အီၣ်ဆၣ်အကျိးအပူၤလီၤ. အဂ့ၢ်ဒ်အံၤ, ဖဲပှၤသမှံၤအဘျီၣ်ပူၤန့ၣ်ဒၢးတအိၣ် ကလီလၢအဝဲသ့ၣ်အဂီၢ်နီတဖျၢၣ်ဘၣ်.

လံာ်လူၤကၣ် 8:3

စီၤဃူၤစါလၢအကွၢ်ထွဲစီၤပၤအတၢ်ဖိတၢ်လံၤလၢ စီၤပၤဟ့ၤရိာ်အနီပူၤတဂၤအမါနီၢ်ယိၤအၣ်နၣ်, ဒီးနီၢ်စူၤစၣ်နၤဒီးပိာ်မုၣ်အဂၤအါဒံအါဂၤလၢ အသူအတၢ်စုလီၢ်ခီၣ်ခိၣ်ဒၣ်ဝဲလၢအကမၤစၢၤယ့ၣ်ၡူးဒီး အပျဲၢ်အဘီၣ်တဖၣ်, ပိာ်အဝဲဒၣ်အခံစ့ၢ်ကီးလီၤ.

လံာ်လူၤကၣ် 9:58

ယ့ၣ်ၡူးစံးဘၣ်အီၤ, “ထွံၣ်ဟီၣ်ခိၣ်တဖၣ်အိၣ်ဒီးအပူၤတဖၣ်, ဒီးထိၣ်တဖၣ်အိၣ်ဒီးအသွံတဖၣ်လီၤ. မ့မ့ၢ်ပှၤကညီဖိခွါအံၤ ထဲအကမံလီၤဒီးအိၣ်ဘှံးအိၣ်သါအဂီၢ်ဒၣ်လဲာ်, တၢ်လီၢ်တၢ်ကျဲတအိၣ်နီတပူၤဘၣ်.”

လံာ်ယိၤဟၣ် 1:10

တၢ်ကလုၢ်အံၤအိၣ်ဝဲလၢဟီၣ်ခိၣ်အပူၤ ဒီးကစၢ်ယွၤဒုးကဲထီၣ်ဟီၣ်ခိၣ်ခီဖျိအီၤဘၣ်ဆၣ်, ဟီၣ်ခိၣ်တသ့ၣ်ညါဘၣ်အီၤဘၣ်.

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

လံာ်ယိၤဟၣ် 12:30

ဘၣ်ဆၣ်ဒီးယ့ၣ်ၡူးစံးဘၣ်အဝဲသ့ၣ်, “တၢ်ကလုၢ်အဝဲအံၤသီၣ်ထီၣ်တမ့ၢ်လၢယဂီၢ်ဘၣ်. မ့ၢ်ဒၣ်လၢသုဂီၢ်န့ၣ်လီၤ.

လံာ်ယိၤဟၣ် 16:15

တၢ်လၢအအိၣ်ဒီးပၢ်ခဲလၢာ်န့ၣ်, မ့ၢ်ယတၢ်လီၤ. လၢတၢ်န့ၣ်အဃိ, ယစံးတ့ၢ်လၢယွၤအသးကဟံးန့ၢ်တၢ်လၢယဟ့ၣ်လီၤအီၤ ဒီးစံးဘၣ်တဲဘၣ်သုန့ၣ်လီၤ.

လံာ်ယိၤဟၣ် 17:19

ယပာ်စီဆှံယသးလၢအဝဲသ့ၣ်အဂီၢ်, ဒ်သိးအဝဲသ့ၣ်စ့ၢ်ကီးကပာ်စီဆှံအသးနီၢ်နီၢ်အဂီၢ်န့ၣ်လီၤ.

ရိမ့ၤ 11:12

ပှၤယူဒၤဖိတဖၣ်အတၢ်ဒဲးဘးဟဲစိာ်တၢ်ဆိၣ်ဂ့ၤအထူး အတီၤတဖၣ်ဆူဟီၣ်ခိၣ်ချၢ, ဒီးအဝဲသ့ၣ်အတၢ်ဖှီၣ်တၢ်ယာ်လၢသူၣ်လၢသးဟဲစိာ်တၢ်ဆိၣ်ဂ့ၤ အထူးအတီၤတဖၣ်ဆူပှၤကလုာ်ဂၤတဖၣ်အအိၣ်န့ၣ်လီၤ. မ့မ့ၢ်ဒ်န့ၣ်ဒီး, ပှၤယူဒၤဖိတဖၣ်မ့ၢ်တုၤက့ၤလၢတၢ်အုၣ်က့ၤခီၣ်က့ၤခဲလၢာ်ဒီး ကကဲထီၣ်တၢ်ဆိၣ်ဂ့ၤအါန့ၢ်အန့ၣ်တက့ၢ်ဆံးဒိၣ်လဲၣ်.

ရိမ့ၤ 15:3

အဂ့ၢ်ဒ်လဲၣ်န့ၣ်, ခရံာ်တလူၤအသးဒၣ်ဝဲဘၣ်. အခိၣ်တလိာ်ဒ်တၢ်ကွဲးအသးစီဆှံစံးဝဲအသိး, ‘တၢ်ဒုၣ်ဒွဲၣ်တဖၣ်လၢပှၤဂၤတဖၣ်ဒုၣ်ဒွဲၣ်နၤန့ၣ်လီၤဘၣ်လၢ ယလိၤလံ.’

ရိမ့ၤ 5:8

ဘၣ်ဆၣ်ဒီးကစၢ်ယွၤဒုးနဲၣ်လံပှၤလၢအအဲၣ်ပှၤထဲလဲၣ်န့ၣ်လီၤ. ဖဲပမ့ၢ်ဒံးပှၤတၢ်ဒဲးဘးဖိတဖၣ်အဖၢမုၢ်န့ၣ်, ခရံာ်တူၢ်သံတ့ၢ် အသးလၢပဂီၢ်န့ၣ်လီၤ.

ရိမ့ၤ 8:32

အဝဲတဟံးဃာ်က့ၤအဖိခွါဒၣ်ဝဲဒၣ်လဲာ်ဘၣ်, မ့မ့ၢ်လုၢ်ထီၣ် အီၤဒ်တၢ်လုၢ်အသိးလၢပဝဲခဲလၢာ်အဂီၢ်န့ၣ်လီၤ. အဝဲဒၣ်ဟ့ၣ်လီၤပှၤအဖိခွါဒၣ်ဝဲလံသတးဒီး, မ့ၢ်အတဟ့ၣ်ကလီစ့ၢ်ကီးပှၤလၢတၢ်အဂၤခဲလၢာ်န့ၣ်ဘၣ်ဧါ.

1 ကရံၣ်သူး 1:4

ထီဘိန့ၣ်, ယစံးဘျုးစံးဖှိၣ်ယကစၢ်ယွၤလၢသုဂီၢ်အဂ့ၢ်မ့ၢ်လၢ တၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်သုခီဖျိယ့ၣ်ၡူးခရံာ် အဃိန့ၣ်လီၤ.

1 ကရံၣ်သူး 15:47

စီၤအၤဒၣ်အဆိကတၢၢ်တဂၤလၢအဘၣ်တၢ်တ့အီၤလၢဟီၣ်ခိၣ်န့ၣ်, ဟဲလၢဟီၣ်ခိၣ်, မ့မ့ၢ်စီၤအၤဒၣ်ခံဂၤတဂၤန့ၣ်ဟဲလၢမူခိၣ်လီၤ.

၂ ကရံၣ်သူး 6:10

တၢ်မၤသးအုးပှၤဘၣ်ဆၣ်ဒီး ပသးခုပဝဲထီဘိလီၤ. ပအိၣ်ဖျါဖှီၣ်ယာ်ဘၣ်ဆၣ်ဒီးပဒုးထူးဒုးတီၤထီၣ်ပှၤအါဒံ အါဂၤလီၤ. အိၣ်ဖျါလၢတၢ်တအိၣ်ဒီးပှၤနီတမံၤ, ဘၣ်ဆၣ်ဒီးအနီၢ်နီၢ်တခီပအိၣ်ဒီးတၢ်ခဲလၢာ်ခဲဆ့န့ၣ်လီၤ.

အ့းဖ့းစူး 2:7

ယွၤမၤတၢ်အံၤမ့ၢ်ဒ်သိးအကလီၣ်ဖျါထီၣ်န့ၢ်စိၤလၢ အကဟဲခဲလၢာ်လၢအဝဲအတၢ်အဲၣ်ပှၤလၢအလီၣ်ဖျါထီၣ်ဝဲလၢ ယ့ၣ်ၡူးခရံာ်အပူၤန့ၣ်, အဘျုးအဖှိၣ်ဒိၣ်ဝဲအါဝဲလီၤတိၢ်လီၤဆီ အဂ့ၢ်လီၤ.

အ့းဖ့းစူး 3:19

မ်သုကသ့ၣ်ညါဘၣ်ယွၤအတၢ်အဲၣ်, လၢပှၤသ့ၣ်ညါအီၤလၢလၢပှဲၤပှဲၤတသ့နီတစုဘၣ်, ဒ်သိးသုကလၢထီၣ်ပှဲၤထီၣ်ဒီးကစၢ်ယွၤအတၢ်လၢ တၢ်ပှဲၤခဲလၢာ်အဂီၢ်န့ၣ်တက့ၢ်.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

၁ တံၤမသ့း 6:18

မၤလိာ်အဝဲသ့ၣ်လၢကမၤတၢ်ဂ့ၤ, ကထူးထီၣ်တီၤထီၣ်လၢတၢ်မၤဂ့ၤ တဖၣ်, ကဟ့ၣ်ညီတၢ်ဒီးအိၣ်ကတဲာ်ကတီၤအသးလၢကဟ့ၣ်နီၤ တၢ်လၢပှၤဂၤတဖၣ်အဂီၢ်န့ၣ်တက့ၢ်.

ဧ့ၤဘြံၤ 1:2

ဘၣ်ဆၣ်ဒီးလၢခံကတၢၢ်လၢပဆၢပကတီၢ်အံၤကစၢ်ယွၤ ကတိၤတၢ်ဒီးပှၤခီဖျိအဖိခွါလီၤ. အဝဲမ့ၢ်ပှၤလၢကစၢ်ယွၤဃုထၢတ့ၢ်လံလၢအကန့ၢ်သါဘၣ် တၢ်ခဲလၢာ်ဒီးခီဖျိအီၤန့ၣ်, ကစၢ်ယွၤတ့လီၤတ့ၢ်လံဟီၣ်ခိၣ်မူခိၣ်ဒီးတၢ်ခဲလၢာ်န့ၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

လံာ်လီၣ်ဖျါ 2:9

ယသ့ၣ်ညါနတၢ်ကီတၢ်ခဲတဖၣ်လီၤ, ယသ့ၣ်ညါလၢနဖှီၣ် နယာ်, ဘၣ်ဆၣ်ဒီးနီၢ်နီၢ်တခီနထူးနတီၤလီၤ. ယသ့ၣ်ညါပှၤသ့ၣ်တဖၣ်လၢအစံးလီၤအသးလၢအမ့ၢ်ပှၤ ယူဒၤဖိဘၣ်ဆၣ်တမ့ၢ်ဘၣ်တဖၣ်, အတၢ်စံးအၢစံးသီနၤ တဖၣ်လီၤ. အဝဲသ့ၣ်မ့ၢ်ပှၤတဖုတကရၢလၢအဘၣ်ဃးဒီး မုၣ်ကီၤလံၢ်န့ၣ်လီၤ.

လံာ်လီၣ်ဖျါ 21:7

ပှၤတဂၤလၢ်လၢ်လၢအဒိးန့ၢ်တၢ်မၤနၢၤန့ၣ်ကဒိးန့ၢ် ဘၣ်တၢ်တမံၤအံၤလၢယအိၣ်လီၤ. ယကမ့ၢ်အဝဲဒၣ် အကစၢ်ယွၤ, ဒီးအဝဲဒၣ်ကမ့ၢ်ယဖိခွါလီၤ.

လံာ်လီၣ်ဖျါ 3:18

လၢတၢ်န့ၣ်အဃိယဟ့ၣ်ကူၣ်နၤလၢနကပှ့ၤန့ၢ်ထူလၢယအိၣ်, ထူလၢအဘၣ်တၢ်ပှံၢ်စီအီၤ, ဒ်သိးနကထူးကတီၤအဂီၢ်လီၤ. ပှ့ၤစ့ၢ်ကီးတၢ်ကူတၢ်ကၤအဝါလၢနကကူသိးအဂီၢ်ဒ်သိးနကမၤ ဘၢနတၢ်အိၣ်ဘ့ၣ်ဆ့လၢအလီၤမဲာ်ဆှးန့ၣ်တက့ၢ်. ပှ့ၤစ့ၢ်ကီးနဲမဲာ်ချံအကသံၣ်ဒ်သိးနကဒၢနုာ်လၢနမဲာ်ချံ အပူၤလၢနကထံၣ်တၢ်အဂီၢ်န့ၣ်တက့ၢ်.