၂ ကရံၣ်သူး 8:7 - Sgaw Karen Common Bible

⁷ လၢတၢ်အိၣ်ဒီးသုခဲလၢာ်အပူၤ, လၢတၢ်စူၢ်တၢ်နာ်, တၢ်စံးတၢ်ကတိၤဒီးတၢ်သ့ၣ်ညါနၢ်ပၢၢ်အပူၤ, လၢသုတၢ် သးဆူၣ်မၤစၢၤတၢ်, ဒီးလၢသုတၢ်အဲၣ်ဘၣ်ပှၤအပူၤန့ၣ်, သုထူးဝဲတီၤဝဲဒိၣ်မးလီၤ. ဒီးလၢတၢ်န့ၣ်အဃိပအဲၣ်ဒိးလၢသုကအိၣ်ဒီးတၢ်သးအိၣ် အတၢ်ဟ့ၣ်တၢ်အါ, လၢတၢ်အဲၣ်အတၢ်ဖံးတၢ်မၤတမံၤအံၤ အပူၤစ့ၢ်ကီးန့ၣ်လီၤ.

၂ ကရံၣ်သူး 8:7 Iomraidhean Croise

လံာ်မးသဲ 25:22

တၢ်အခ့အပှၤလၢအဒိးန့ၢ်စ့ခံတၤလၣ်တဂၤစ့ၢ်ကီးဟဲဝဲဒီး စံး, ‘ကစၢ်ဧၢ, နဟ့ၣ်ယၤစ့ခံတၤလၣ်လီၤ. အအံၤတခီမ့ၢ်စ့အဂၤခံတၤလၣ်လၢယမၤအါထီၣ်န့ၣ်လီၤ.’

ရိမ့ၤ 15:14

ယဒီပုၢ်ဝဲၢ်သ့ၣ်ဧၢ, ယကစၢ်ဒၣ်ယဲယနာ်လၢသုလၢပှဲၤဒီးတၢ်ဂ့ၤတၢ်ဝါ, ဒီးတၢ်သ့ၣ်ညါအိၣ်ပှဲၤသုပူၤ ဒီးသုသိၣ်လိလိာ်သုသးတဂၤ ဒီးတဂၤသ့ဝဲန့ၣ်လီၤ.

1 ကရံၣ်သူး 1:5

အဂ့ၢ်ဒ်အံၤ, လၢတၢ်ပာ်ဖှိၣ်ဃုာ်သုသးတဖျၢၣ်ဃီဒီးခရံာ်အပူၤ န့ၣ်, သုထူးထီၣ်တီၤထီၣ်တ့ၢ်လၢတၢ်ကိးမံၤဒဲးအပူၤ, ဃုာ်ဒီးတၢ်စံးတၢ်ကတိၤခဲလၢာ်, ဒီးတၢ်သ့ၣ်ညါနၢ်ပၢၢ်ခဲလၢာ် န့ၣ်လီၤ.

1 ကရံၣ်သူး 12:13

လၢကျဲတဘိဃီန့ၣ်, ပဝဲကိးနီၢ်ဂၤဒဲး, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, ကုၢ်မ့ၢ်ဂ့ၤ, ပှၤသဘျ့မ့ၢ်ဂ့ၤ, ပဘၣ်တၢ်ဒိးဘျၢတ့ၢ်ပှၤဆူနီၢ်ခိတဂၤဃီလၢသးစီဆှံတဂၤဃီ, ဒီးပဝဲကိးဂၤဒဲးပဘၣ်တၢ်ဟ့ၣ်တ့ၢ်ပှၤသးစီဆှံတဂၤဃီ လၢပကအီအီၤအဂီၢ်န့ၣ်လီၤ.

1 ကရံၣ်သူး 12:8

သးစီဆှံဟ့ၣ်ပှၤတဂၤတၢ်ကစီၣ်လၢအလၢပှဲၤဒီးတၢ်ကူၣ်ဘၣ်ကူၣ် သ့, ဖဲပှၤတဂၤဒၣ်ဘၣ်တၢ်ဟ့ၣ်အီၤတၢ်ကစီၣ်လၢပှဲၤဒီး တၢ်သ့ၣ်ညါနၢ်ပၢၢ်, လၢသးစီဆှံတဂၤဃီလီၤ.

1 ကရံၣ်သူး 13:2

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.

1 ကရံၣ်သူး 13:8

တၢ်အဲၣ်တၢ်ကွံန့ၣ်မ့ၢ်တၢ်လၢအအိၣ်ကၢအိၣ်ခိးဝဲလီၤထူလီၤ ယိာ်လီၤ. တၢ်ကတိၤလၢဝံအကျိာ်တဖၣ်အိၣ်ဝဲ, ဘၣ်ဆၣ်ဒီး တၢ်သ့ၣ်တဖၣ်န့ၣ်မ့ၢ်ဒၣ်တၢ်တစိၢ်တလီၢ်လီၤ. တၢ်ဟ့ၣ်တဖၣ်လၢ အဘၣ်ဃးဒီးတၢ်ကတိၤလၢကျိာ်လၢပှၤတနၢ်ပၢၢ်အိၣ်ဝဲ, ဘၣ်ဆၣ်ဒီးတၢ်သ့ၣ်တဖၣ်န့ၣ်ကဆိကတီၢ်ဝဲဒၣ်လီၤ. တၢ်သ့ၣ်ညါနၢ်ပၢၢ်န့ၣ်အိၣ်ဝဲ, ဘၣ်ဆၣ်ဒီးကလဲၤပူၤကွံာ်ဝဲဒၣ် လီၤ.

1 ကရံၣ်သူး 14:12

မ့ၢ်လၢသုသးဆူၣ်ဒိးန့ၢ်ဘၣ်သးစီဆှံအတၢ်ဟ့ၣ်အဃိ, သုကဘၣ်ဂုာ်ကျဲးစၢးအါန့ၢ်တၢ်အဂၤ, လၢသုကသူအါထီၣ်တၢ်ဟ့ၣ်သ့ၣ်တဖၣ်လၢအကမၤ စၢၤတၢ်ဒုးဒိၣ်ထီၣ်ထီထီၣ်တၢ်အိၣ်ဖှိၣ်န့ၣ်လီၤ.

1 ကရံၣ်သူး 4:7

မ့ၢ်မတၤတဂၤဒုးလီၤဆီနၤဒီးပှၤအဂၤတဖၣ်လဲၣ်. တၢ်ခဲလၢာ်ခဲဆ့လၢအအိၣ်ဒီးသုန့ၣ်ကစၢ်ယွၤဟ့ၣ်သုတမ့ၢ်ဘၣ်ဧါ. မ့မ့ၢ်ဒ်န့ၣ်ဒီး, သုကတိၤပာ်ကဖၢလၢသုသးဒ်တၢ်အိၣ်ဒီး သုတမ့ၢ်တၢ်ဟ့ၣ်န့ၣ်ကသ့ဝဲလၢကျဲဒ်လဲၣ်.

၂ ကရံၣ်သူး 7:7

တၢ်လၢအမၤသးခုပှၤန့ၣ်တမ့ၢ်ထဲအဝဲအတၢ်ဟဲတမံၤဧိၤ ဘၣ်. မ့မ့ၢ်တခီမ့ၢ်စ့ၢ်ကီးအဝဲအတၢ်ပာ်ဖျါထီၣ်ဘၣ်ဃး သုဟ့ၣ်ဆူၣ်ထီၣ်အဂံၢ်အဘါဒ်လဲၣ်အဂ့ၢ်လီၤ. အဝဲဒၣ်တဲဘၣ်ပှၤလၢသုဆၢထံၣ်ဘၣ်ယၤဆံးအါ, သုသးအုးလီၤက့ၤသုသးဆံးအါ, ဒီးသုအိၣ်ကတဲာ်ကတီၤသုသးလၢသုကကဟုကယာ် ယၤဆံးအါအဂ့ၢ်, သတးဒီးခဲကနံၣ်အံၤယသူၣ်ခုသးခုဒိၣ်န့ၢ် အလီၢ်န့ၣ်လီၤ.

၂ ကရံၣ်သူး 8:6

လၢတၢ်န့ၣ်အဃိ, ပသဆၣ်ထီၣ်စီၤတံတူးလၢအစးထီၣ်တၢ်မၤတမံၤအံၤတဂၤန့ၣ် အခံဒ်သိးအကမၤဒံးဝဲဒီးမၤစၢၤသုလၢသုကမၤလၢမၤပှဲၤ တၢ်အဲၣ်အတၢ်ဖံးတၢ်မၤလီၤဆီတမံၤအံၤန့ၣ်လီၤ.

၂ ကရံၣ်သူး 9:14

ဒီးလၢတၢ်န့ၣ်အဃိ, လၢတၢ်အဲၣ်တၢ်ကွံအဒိၣ်အယိာ် အပူၤ, အဝဲသ့ၣ်ကဃ့ဘါထုကဖၣ်တၢ်လၢသုဂီၢ်, အဂ့ၢ်မ့ၢ်လၢကစၢ်ယွၤဒုးနဲၣ်တ့ၢ်သုတၢ်ဘျုးတၢ်ဖှိၣ်လီၤတိၢ် လီၤဆီအဃိန့ၣ်လီၤ.

၂ ကရံၣ်သူး 9:8

ဒီးကစၢ်ယွၤအိၣ်ဒီးတၢ်သ့တၢ်ဘၣ်လၢအကဟ့ၣ်သုတၢ် အါန့ၢ်တၢ်လၢသုလိၣ်ဘၣ်သုဝဲ, ဒ်သိးထီဘိန့ၣ်သုကအိၣ်ဒီးတၢ်ခဲလၢာ်လၢသုလိၣ်ဘၣ်လၢ သုနီၢ်ကစၢ်ဒၣ်သုဝဲအဂီၢ်ဒီးအါန့ၢ်တၢ်လၢအလိၣ်လၢတၢ်မၤဂ့ၤ တမံၤလၢ်လၢ်အဂီၢ်န့ၣ်လီၤ.

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

ဖံလံးပံၤ 1:11

သုတၢ်အိၣ်မူတဖၣ်ကဘၣ်တၢ်မၤပှဲၤအီၤဒီးတၢ်ဂ့ၤ တၢ်ဝါနီၢ်နီၢ်တဖၣ်လၢထဲဒၣ်ယ့ၣ်ၡူးခရံာ်ဒုးအိၣ်ထီၣ် အီၤသ့, လၢယွၤလၤကပီၤဒီးတၢ်စံးထီၣ်ပတြၢၤကစၢ်ယွၤ အဂီၢ်န့ၣ်လီၤ.

ဖံလံးပံၤ 1:9

ယဃ့ဘါထုကဖၣ်ဒ်သိးသုတၢ်အဲၣ်တၢ်ကွံကဒိၣ်ထီၣ် အါထီၣ်ဆူညါကွ့ၢ်ကွ့ၢ်, ဃုာ်ဒီးတၢ်သ့ၣ်ညါအမ့ၢ်အတီ ဒီးတၢ်စံၣ်ညီၣ်ပဲာ်ဖးနီၤဖးတၢ်ဘၣ်အပူၤ,

၂ သ့းစၤလနံ 1:3

ဒီပုၢ်ဝဲၢ်သ့ၣ်ဧၢ, ပဘၣ်စံးဘျုးကစၢ်ယွၤကိးဆၢကိးကတီၢ် ဒဲးလၢသုဃိလီၤ. မ့ၢ်တၢ်အကြၢးအဘၣ်တမံၤလၢပဂ့ၤမၤ အီၤလီၤ. အဂ့ၢ်ဒ်အံၤသုတၢ်စူၢ်တၢ်နာ်ဒိၣ်ထီၣ်ဝဲအဒိၣ်အအါ, ဒီးသုတၢ်အဲၣ်လိာ်ကွံလိာ်သုသးဒိၣ်ထီၣ်အါထီၣ်ဝဲဒၣ်လီၤ.

၂ တံၤမသ့း 2:1

မ့မ့ၢ်နဲဒၣ်ယဖိခွါဧၢ, အိၣ်ဒီးနဂံၢ်ဆူၣ်ဘါဆူၣ်ခီဖျိတၢ်ဘျုး တၢ်ဖှိၣ်လၢအအိၣ်ဒီးပှၤလၢပတၢ်အိၣ်မူလၢယ့ၣ်ၡူးခရံာ် အပူၤန့ၣ်တက့ၢ်.

ဧ့ၤဘြံၤ 12:28

လၢတၢ်န့ၣ်အဃိ, ဂ့ၤလၢပသးအံၤပှဲၤဒီးတၢ်စံးဘျုးစံးဖှိၣ်, အဂ့ၢ်မ့ၢ်လၢပဒိးန့ၢ်ဘၣ်ဘီမုၢ်လၢတၢ်မၤဟူးမၤဝးအီၤ တန့ၢ်ဘၣ်အဃိန့ၣ်လီၤ. မ်ပသ့ၣ်ညါဆၢတၢ်ဘျုးတၢ်ဖှိၣ်ဒီးဘူၣ်ထီၣ်ဘါထီၣ် ကစၢ်ယွၤဖဲဒၣ်တၢ်ဘၣ်ကစၢ်ယွၤအသးလၢတၢ်ယူးယီၣ်ပာ်ကဲဒီး တၢ်ပျံၤကစၢ်ယွၤအပူၤန့ၣ်တက့ၢ်.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

၂ ပ့းတရူး 3:18

မ့မ့ၢ်ဒိၣ်ထီၣ်ဒံးသုဝဲလၢတၢ်ဘျုးတၢ်ဖှိၣ်ဒီးတၢ်သ့ၣ်ညါ ပကစၢ်ဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်အပူၤန့ၣ် တက့ၢ်. မ်တၢ်လၤကပီၤဘၣ်လၢ်အီၤအခဲအံၤဒီးဆူညါ အစိၤစိၤအဃၣ်ဃၣ်တက့ၢ်. အၤမ့ၣ်.

လံာ်လီၣ်ဖျါ 3:17

နစံးနဲ, ‘ယထူးယတီၤဒီးယတၢ်စုလီၢ်ခီၣ်ခိၣ်တဖၣ် အါထီၣ်ဂီၢ်ထီၣ်ဝဲဒၣ်ဒိၣ်ဒိၣ်အါအါလီၤ. ယအိၣ်ဒီးတၢ်လၢယလိၣ်ဘၣ်အီၤခဲလၢာ်လံ.’ ဘၣ်ဆၣ်ဒီး, နဘၣ်ဖှီၣ်ဘၣ်ယာ်, ဒီးနလီၤသးကညီၤနဲဆံးအါန့ၣ်နတသ့ၣ်ညါ နဲဘၣ်. နဖှီၣ်နယာ်, နအိၣ်ဘ့ၣ်ဆ့ဒီးနမဲာ်ဘျီၣ်လီၤ.