၂ ကရံၣ်သူး 8:5 - Sgaw Karen Common Bible

⁵ မ့ၢ်တၢ်လၢအဒိၣ်န့ၢ်အါန့ၢ်တၢ်လၢပမုၢ်လၢ်ပဝဲကသ့တက့ၢ်လီၤ. အဆိကတၢၢ်အဝဲသ့ၣ်ဟ့ၣ်လီၤအသးဆူကစၢ်အအိၣ်, ဒီး အန့ၣ်ဝံၤအလီၢ်ခံ, လၢကစၢ်ယွၤအတၢ်ဘၣ်အသးအပူၤ, ဟ့ၣ်လီၤအသးဆူပအိၣ်စ့ၢ်ကီးန့ၣ်လီၤ.

၂ ကရံၣ်သူး 8:5 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 12:18

ကစၢ်ယွၤအသးဟဲလီၤဘၣ်လၢပှၤလၢအဝဲသ့ၣ်အကျါတဂၤ, စီၤဧၤမၤစဲအလိၤလီၤ. ပှၤအံၤလၢခံကဲထီၣ်ပှၤသၢဆံအသုး ခိၣ်, ဒီးအဝဲဒၣ်ကိးထီၣ်ဝဲ, “စီၤယံးၡဲအဖိခွါစီၤဒၤဝံးဧၢ, ပမ့ၢ်နပှၤတဖၣ်လီၤ. မ်နၤဒီးပှၤလၢအမၤစၢၤနၤတဖၣ်မၤန့ၢ်မၤနၢၤတၢ်တက့ၢ်. ကစၢ်ယွၤအိၣ်လၢနအိၣ်တခီလီၤ.” စီၤဒၤဝံးတူၢ်လိာ်မုာ်အဝဲသ့ၣ်ဒီးဒုးကဲထီၣ်အဝဲသ့ၣ်လၢသုး ခိၣ်တဖၣ်လၢအသုးမုၢ်အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:12

ကစၢ်ယွၤမၤစ့ၢ်ကီးတၢ်လၢကီၢ်ယူဒၤအပူၤဒီးပာ်ဖှိၣ်က့ၤပှၤ ဂီၢ်မုၢ်ခီဖျိလၢအဝဲသ့ၣ်အတၢ်ပာ်လီၤအသးလၢကစူၢ်အဝဲအတၢ်ဘၣ် သူၣ်ဘၣ်လၢတၢ်မၤထွဲစီၤပၤဒီးအပဒိၣ်ပပှၢ်တဖၣ်အတၢ်မၤလိာ်တဖၣ် န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:8

မၤကိၤသုခိၣ်ဒ်အဝဲသ့ၣ်အသိးတဂ့ၤ, မ့မ့ၢ်စူၢ်ယွၤတက့ၢ်. ဟဲဆူယွၤအတၢ်လုၢ်ဟံၣ်လၢဝ့ၢ်ယရူၤရှလ့ၣ်အပူၤ, လၢယွၤသုကစၢ်ယွၤမၤကဆှီတ့ၢ်ဝဲတဘိယူာ်ဃီဒီးဘူၣ်ထီၣ်ဘါ ထီၣ်အီၤဒ်သိးအဝဲသုတသးဒိၣ်ထီၣ်ဘၣ်လၢၤသုနီတစုတဂ့ၤန့ၣ်တ က့ၢ်.

လံာ်ယံးရမံယၤ 31:33

တၢ်အၢၣ်လီၤအီလီၤ အသီလၢ ယကမၤဒီး ကီၢ်အံၣ်စရ့လး အပှၤဂီၢ်မုၢ်န့ၣ် ကမ့ၢ်အအံၤလီၤ. ယကပာ်ယတၢ်သိၣ်တၢ်သီ လၢအဝဲသ့ၣ်အသးကံၢ်ပူၤဒီး ကွဲးလီၤအီၤလၢ အဝဲသ့ၣ်အသး ဘ့ၣ်ဘၣ်အလိၤန့ၣ်လီ. ယကမ့ၢ်အဝဲသ့ၣ် အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

ရိမ့ၤ 6:13

တဘၣ်ဟ့ၣ်လီၤသုနီၢ်ခိအက့ၢ်အဂီၤတဖၣ်ဆူတၢ်ဒဲးဘး အစုပူၤလၢတၢ်ကသူအီၤလၢတၢ်အၢတၢ်သီအဂီၢ်နီတမံၤ တဂ့ၤ. မ့မ့ၢ်, ဟ့ၣ်လီၤသုသးဆူကစၢ်ယွၤအစုပူၤဒ်ပှၤသ့ၣ် တဖၣ်လၢအဘၣ်တၢ်မၤမူထီၣ်က့ၤအီၤလၢတၢ်သံ, ဒီးဟ့ၣ်လီၤသုသးဒီးနီၢ်ခိဒီဂၤညါဆူအစုပူၤဒ် သိးတၢ်ကသူအီၤလၢတၢ်တီတၢ်လိၤအဂီၢ်န့ၣ်တက့ၢ်.

1 ကရံၣ်သူး 1:1

လၢစီၤပီလူး, လၢအဘၣ်တၢ်ကိးအီၤခီဖျိကစၢ်ယွၤအတၢ်ဘၣ် အသး, ဒ်သိးအကကဲထီၣ်ယ့ၣ်ၡူးခရံာ်အတၢ်မၢဖိတဂၤ, ဒီးပဒီပုၢ်ဝဲၢ်စီၤစိၤစသ့ၣ်,

၂ ကရံၣ်သူး 4:5

အဂ့ၢ်ဒ်အံၤ, တမ့ၢ်ပစံၣ်တဲၤတဲလီၤပနီၢ်ကစၢ်ဒၣ်ဝဲအဂ့ၢ် ဘၣ်. မ့ၢ်ပစံၣ်တဲၤတဲလီၤယ့ၣ်ၡူးခရံာ်ဒ်ကစၢ်, ဒီးပနီၢ်ကစၢ်ဒၣ်ပဝဲဒ်သုခ့သုပှၤတဖၣ်လၢယ့ၣ်ၡူးအဃိ အသိးန့ၣ်လီၤ.

၂ ကရံၣ်သူး 8:1

ပဒီပုၢ်ဝဲၢ်သ့ၣ်ဧၢ, ကစၢ်ယွၤအဘျုးအဖှိၣ်မၤတၢ်ကဲထီၣ်လိၣ်ထီၣ် တ့ၢ်ဝဲဖဲတၢ်အိၣ်ဖှိၣ်လၢကီၢ်မၤက့းဒနံပူၤတဖၣ်မနုၤတမံၤလဲၣ်န့ၣ် ပသးအိၣ်လၢသုကသ့ၣ်ညါဘၣ်သုဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:28

မၤသးဒ်န့ၣ်ဒီး, ယပာ်စီဆှံအီၤဆူယွၤအအိၣ်လီၤ. အသးသမူတစိၤဒၣ်အီၤန့ၣ်ကဘၣ်ဃးဒီးယွၤလီၤ.” အန့ၣ်ဝံၤဒီးအဝဲသ့ၣ်ဘူၣ်ထီၣ်ဘါထီၣ်ယွၤန့ၣ်လီၤ.