၂ ကရံၣ်သူး 8:23 - Sgaw Karen Common Bible

²³ မ့မ့ၢ်စီၤတံတူးန့ၣ်, အဝဲဒၣ်မ့ၢ်ယတံၤသကိးဒီးမၤဃုာ်တၢ်ဒီးယၤလၢ တၢ်မၤစၢၤသုအဂီၢ်လီၤ. မ့မ့ၢ်ဒီပုၢ်ဝဲၢ်အဂၤတဖၣ်လၢအလဲၤ ဃုာ်ဒီးအီၤန့ၣ်, အဝဲသ့ၣ်မ့ၢ်တၢ်အိၣ်ဖှိၣ်တဖၣ်အခၢၣ်စးဒီးစိာ် တၢ်လၤကပီၤလၢခရံာ်အဂီၢ်န့ၣ်လီၤ.

၂ ကရံၣ်သူး 8:23 Iomraidhean Croise

လံာ်လူၤကၣ် 5:10

ပှၤမၤသကိးတၢ်ဒီးစီၤၡံမိၣ်လၢအမ့ၢ်ဝဲစီၤစ့းဘ့းဒဲအဖိခွါ, စီၤယၤကိာ်ဒီးစီၤယိၤဟၣ်တဖၣ်ကမၢကမၣ်ဝဲစ့ၢ်ကီးလီၤ. ယ့ၣ်ၡူးစံးဘၣ်စီၤၡံမိၣ်, “တဘၣ်ပျံၤတၢ်တဂ့ၤ. စးထီၣ်မုၢ်တနံၤအံၤဒီးဆူညါန့ၣ်, နကဖီၣ်န့ၢ်ပှၤကညီတဖၣ်လီၤ.”

လံာ်လူၤကၣ် 5:7

လၢတၢ်န့ၣ်အဃိ, အဝဲသ့ၣ်ဝံၢ်ဝၢ်ဃီၤအစုဆူအတံၤသကိးတဖၣ် လၢချံအဂၤတဘ့ၣ်အပူၤဒ်သိးအကဟဲဒီးမၤစၢၤအဝဲသ့ၣ်လီၤ. အဝဲသ့ၣ်ဟဲဝဲဒီးမၤပှဲၤချံခံဘ့ၣ်လၢာ်လၢညၣ်, ပှဲၤဝဲတုၤဒၣ်လဲာ်ချံတဖၣ်ဘူးတ့ၢ်မးလၢကလီၤဘျၢဝဲလီၤ.

လံာ်ယိၤဟၣ် 13:16

ယစံးဘၣ်တဲဘၣ်သုတၢ်မ့ၢ်တၢ်တီ, ကုၢ်တဒိၣ်န့ၢ်အကစၢ်နီတဂၤ ဘၣ်. ဒီးပှၤစိာ်တၢ်ကစီၣ်တဒိၣ်န့ၢ်ပှၤလၢအမၢလီၤအီၤနီတဂၤဘၣ်.

1 ကရံၣ်သူး 11:7

ပှၤပိာ်ခွါတဂၤန့ၣ်အလီၢ်တအိၣ်လၢအကဖၢၣ်ဘၢဃာ်အခိၣ် ဘၣ်. အဂ့ၢ်ဒ်အံၤ, အဝဲဒၣ်မၤဖျါထီၣ်ကဒါက့ၤအကစၢ်ယွၤ အက့ၢ်အဂီၤဒီးအလၤကပီၤန့ၣ်လီၤ. မ့မ့ၢ်, ပိာ်မုၣ်န့ၣ်မၤဖျါက့ၤပိာ်ခွါအလၤကပီၤလီၤ.

၂ ကရံၣ်သူး 12:18

ယဃ့ကညးစီၤတံတူးဒ်သိးအကလဲၤဝဲ, ဒီးယဆှၢလီၤဒီပုၢ်ဝဲၢ်ခရံာ်ဖိအဂၤတဂၤလၢအဝဲဒၣ် အသိးလီၤ. မ့ၢ်သုကစံးလၢစီၤတံတူးဟံးန့ၢ်တၢ်အခွဲး အယာ်လၢသုဖီခိၣ်ဧါ. အဝဲဒၣ်ဒီးယၤပမၤတၢ်အိၣ်ဒီးတၢ်ထိၣ်ဟူးထိၣ်ဂဲၤပသး တမံၤဃီ, ဒီးပာ်သူၣ်ပာ်သးပဝဲလၢကျဲတဘိဃီတမ့ၢ်ဘၣ်ဧါ.

၂ ကရံၣ်သူး 7:6

ဘၣ်ဆၣ်ဒီးကစၢ်ယွၤလၢအဟ့ၣ်ဆူၣ်ထီၣ်ပှၤလီၤဘှံးလီၤတီၤ တဖၣ်အသးန့ၣ်, ဟ့ၣ်ဆူၣ်ထီၣ်ပဂံၢ်ပဘါခီဖျိစီၤတံတူးအတၢ် ဟဲန့ၣ်လီၤ.

၂ ကရံၣ်သူး 8:16

ပစံးဘျုးကစၢ်ယွၤအဒိၣ်အအါလၢအဟ့ၣ်စီၤတံတူးတၢ်သး ဆူၣ်ဒ်ပှၤအသိး, လၢအကမၤစၢၤသုအဃိန့ၣ်လီၤ.

၂ ကရံၣ်သူး 8:18

လၢအဝဲဒၣ်အသိးန့ၣ်, ပဆှၢလီၤဃုာ်ဒီပုၢ်ဝဲၢ်တဂၤလၢအဘၣ်တၢ်ယူးယီၣ်ပာ်ကဲ အီၤလၢတၢ်အိၣ်ဖှိၣ်ကိးဖုဒဲးအပူၤ, လၢအဝဲအတၢ်ဖံး တၢ်မၤ, တၢ်စံၣ်တဲၤတဲလီၤတၢ်သးခုကစီၣ်အဃိန့ၣ်လီၤ.

၂ ကရံၣ်သူး 8:19

ဒီးလၢတၢ်ဝဲန့ၣ်အမဲာ်ညါ, အဝဲဘၣ်တၢ်ဃုထၢထီၣ်တ့ၢ်အီၤလၢတၢ်အိၣ်ဖှိၣ် တဖၣ်ဒ်သိးအကလဲၤတၢ်က့ၤတၢ်ဒီးပှၤ, ဖဲပစိာ်တၢ်အဲၣ်တၢ်ကွံအတၢ်ဖံးတၢ်မၤတမံၤအံၤ လၢကစၢ်ယွၤအလၤကပီၤအဂီၢ်ဒီးဒ်သိးပကပာ်ဖျါ ပတၢ်သးအိၣ်မၤစၢၤတၢ်အဆၢကတီၢ်န့ၣ်လီၤ.

၂ ကရံၣ်သူး 8:22

လၢတၢ်န့ၣ်အဃိ, လၢအဝဲသ့ၣ်တဖၣ်အသိးအကျါန့ၣ်ပဆှၢ လီၤစ့ၢ်ကီးပဒီပုၢ်ဝဲၢ်န့ၣ်လီၤ. ပမၤကွၢ်အီၤအါစုအါဘျီဒီးထံၣ်ဘၣ်လၢထီဘိအဝဲအသး ဆူၣ်မၤစၢၤတၢ်ဒိၣ်မးန့ၣ်လီၤ. ဒီးခဲကနံၣ်အံၤဒ်အဝဲအိၣ်လံဒီးတၢ်စူၢ်တၢ်နာ်အဒိၣ်အမုၢ် လၢသုပူၤအသိးန့ၣ်, အဝဲအသးဆူၣ်ဒိၣ်န့ၢ်အလီၢ်လၢအကမၤ စၢၤတၢ်န့ၣ်လီၤ.

၂ ကရံၣ်သူး 8:6

လၢတၢ်န့ၣ်အဃိ, ပသဆၣ်ထီၣ်စီၤတံတူးလၢအစးထီၣ်တၢ်မၤတမံၤအံၤတဂၤန့ၣ် အခံဒ်သိးအကမၤဒံးဝဲဒီးမၤစၢၤသုလၢသုကမၤလၢမၤပှဲၤ တၢ်အဲၣ်အတၢ်ဖံးတၢ်မၤလီၤဆီတမံၤအံၤန့ၣ်လီၤ.

ဖံလံးပံၤ 2:25

ယဆိကမိၣ်တ့ၢ်လၢအလီၢ်အိၣ်ဝဲဒၣ်လၢယကဆှၢလီၤပဒီပုၢ်ဝဲၢ် စီၤအ့းပၤဖရီးဒံတူးဆူသုအိၣ်, ပှၤလၢအမၤတ့ၢ်တၢ်ဒီးဒုးတ့ၢ်တၢ်ဒီးယၤဒီးမ့ၢ်တ့ၢ်သုခၢၣ် စးလၢအဟဲမၤစၢၤယၤန့ၣ်လီၤ.

ဖံလံးပံၤ 4:3

ဒီးနဲဒၣ်စ့ၢ်ကီး, ပှၤမၤသကိးတၢ်ဒီးယၤလၢအသးတီ တဂၤဧၢ, ယအဲၣ်ဒိးလၢနကမၤစၢၤပိာ်မုၣ်တဖၣ်အံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသကိးတၢ်ဒီးယၤဆူၣ်ဆူၣ်လၢတၢ်ရၤလီၤတၢ်သးခုကစီၣ် အပူၤ, ဃုာ်ဒီးစီၤကျ့မ့ၤဒီးယပှၤမၤသကိးတၢ်အဂၤတဖၣ်, လၢအမံၤအိၣ်ကွဲးလီၤအသးလၢကစၢ်ယွၤအလံာ်မူအပူၤန့ၣ်လီၤ.

ကလီးစဲ 1:7

ခီဖျိပှၤလၢတၢ်အဲၣ်အီၤဒီးယွၤအခ့အပှၤသကိးဒီးပှၤစီၤ အ့းပၤဖြါန့ၣ်လီၤ. အဝဲမ့ၢ်ပခၢၣ်စး, ခရံာ်အခ့အပှၤလၢ အကလုၢ်တီတဂၤ,

၁ သ့းစၤလနံ 2:2

သုသ့ၣ်ညါလၢတချုးပဟဲဒံးဘၣ်ဆူသုအိၣ်န့ၣ်ပဘၣ်တၢ်မၤနးမၤ ဖှီၣ်ဒီးကတိၤတရီတပါပှၤဖဲဝ့ၢ်ဖံလံးပံၤဒ်လဲၣ်န့ၣ်လီၤ. ဒီးတၢ်ထီဒါအိၣ်ဝဲအဒိၣ်အမုၢ်သနာ်က့, ပကစၢ်ယွၤဟ့ၣ်ပှၤတၢ်သးဒူဒ်သိးပကတဲဘၣ်သုတၢ်ကစီၣ် အမုာ်လၢအဟဲလၢအဝဲဒၣ်အအိၣ်န့ၣ်လီၤ.

တံတူး 1:4

ယကွဲးလံာ်ဆူစီၤတံတူးလၢအမ့ၢ်ယဖိခွါနီၢ်နီၢ်လၢတၢ်စူၢ်တၢ် နာ်တမံၤဃီဒီးပှၤအပူၤတဂၤအအိၣ်, မ်ပၢ်ကစၢ်ယွၤဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်ဟ့ၣ် နၤတၢ်ဘျုးတၢ်ဖှိၣ်ဒီးတၢ်ဃူတၢ်ဖိးတက့ၢ်.

ဖံၤလ့မိၣ် 1:17

လၢတၢ်န့ၣ်အဃိ, နမ့ၢ်ပာ်ယၤဒ်နပှၤမၤသကိးတၢ်တဂၤအသိး ဒီးတူၢ်လိာ်က့ၤအီၤဒ်နကတူၢ်လိာ်ဘၣ်ယၤအသိးန့ၣ်တက့ၢ်.

ဖံၤလ့မိၣ် 1:24

ဒ်န့ၣ်အသိးပှၤမၤသကိးတၢ်ဒီးယၤစီၤမၢ်ကူး, စီၤအရံစတၢ်ဃူး, စီၤဒ့မၤဒီးစီၤလူၤကၣ်သ့ၣ်တဖၣ်ဆှၢလီၤစ့ၢ်ကီးအတၢ်ဆၢဂ့ၤ ဆၢဝါသုလီၤ.

၃ ယိၤဟၣ် 1:8

လၢတၢ်န့ၣ်အဃိ, ပဝဲပှၤခရံာ်ဖိတဖၣ်ပကဘၣ်မၤစၢၤပှၤသ့ၣ်တဖၣ်အံၤ, ဒ်သိးပကကဲထီၣ်ပှၤမၤဃုာ်တၢ်ဒီးအဝဲသ့ၣ်လၢ အတၢ်မၤတၢ်လၢတၢ်မ့ၢ်တၢ်တီအဂီၢ်န့ၣ်လီၤ.