၂ ကရံၣ်သူး 8:21 - Sgaw Karen Common Bible

²¹ ပတၢ်တိာ်ပာ်ကွၢ်စိမ့ၢ်ဝဲ, ပကမၤတၢ်လၢအကြၢးဝဲဘၣ်ဝဲ, တမ့ၢ်ထဲလၢကစၢ်ယွၤအမဲာ်ညါဘၣ်. မ့မ့ၢ်လၢပှၤကညီ အမဲာ်ညါစ့ၢ်ကီးန့ၣ်လီၤ.

၂ ကရံၣ်သူး 8:21 Iomraidhean Croise

လံာ်စီၤပၤအခီၣ်ထံးတဘ့ၣ် 18:34

ဒီးအဝဲစံးဝဲ, “မၤကဒီးတဘျီတက့ၢ်.” ဒီးအဝဲသ့ၣ်မၤဝဲ လီၤ. အဝဲစံးဝဲ, “မၤကဒီးအသီတဘျီတက့ၢ်.” ဒီးအဝဲသ့ၣ်မၤဝဲလီၤ.

တၢ်ကတိၤဒိ. 3:4

နမ့ၢ်မၤတၢ်အံၤဒီး, ကစၢ်ယွၤဒီးပှၤကညီကသးမုာ်သးခုလၢနဃိ လီၤ.

လံာ်မးသဲ 23:5

အဝဲသ့ၣ်မၤတၢ်ခဲလၢာ်ဒ်သိးဒီးပှၤကညီကထံၣ်အီၤအဂီၢ်လီၤ. လံာ်စီဆှံအဆၢဖိတဖၣ်အဒၢလၢအစၢဃာ်ဝဲလၢအခိၣ်တိသၣ်ဒီး အစုတီၤလိၤတဖၣ်န့ၣ်, မၤဒိၣ်လီၤဆီဝဲ, ဒီးအဆ့ကၤအနွံတဖၣ်စ့ၢ်ကီးမၤထီလီၤဆီဝဲလီၤ.

လံာ်မးသဲ 5:16

ဒ်မ့ၣ်အူလၢမ့ၣ်အူဒၢအလီၢ်အဖီခိၣ်အသိးန့ၣ်, ဟ့ၣ်ထီၣ်သုတၢ်ကပီၤလၢပှၤကိးဂၤဒဲးအမဲာ်ညါဒ်သိးအဝဲသ့ၣ် ကထံၣ်ဘၣ်သုတၢ်မၤအဂ့ၤတဖၣ်, ဒီးကစံးထီၣ်ပတြၢၤသုပၢ်အိၣ်လၢမူခိၣ်န့ၣ်တက့ၢ်.

လံာ်မးသဲ 6:1

လၢတၢ်မၤတၢ်ဘူၣ်တၢ်ဘါအမူအဒါလၢအလီၤဘၣ်သုအပူၤန့ၣ်, ပလီၢ်သုသးဒ်သိးသုသုတမၤအီၤလၢပှၤကညီကထံၣ်အီၤအဂီၢ် တဂ့ၤ. သုမ့ၢ်မၤအီၤလၢပှၤကညီကထံၣ်အီၤအဂီၢ်ဒီး, သုတဒိးန့ၢ်ဘၣ်တၢ်အဘူးအလဲလၢသုပၢ်အိၣ်လၢမူခိၣ်အအိၣ်နီ တမံၤဘၣ်.

လံာ်မးသဲ 6:4

တုၤနုၤတစုသုတၢ်ဟ့ၣ်သးကညီၤတၢ်ကစုဒုအံၤတဖျါဘၣ်လၢပှၤ ကညီအမဲာ်ညါဘၣ်ဒီးသုပၢ်လၢအထံၣ်သုတၢ်မၤကစုဒုန့ၣ်, ကဟ့ၣ်သုတၢ်အဘူးအလဲလီၤ.

ရိမ့ၤ 12:17

ပှၤတဂၤဂၤမ့ၢ်မၤအၢသုဒီး, တဘၣ်မၤဆၢအီၤလၢတၢ်အၢတ ဂ့ၤ. ကျဲးစၢးမၤတၢ်လၢပှၤခဲလၢာ်ဆိကမိၣ်ဝဲလၢအမ့ၢ်တၢ်ဂ့ၤ န့ၣ်တက့ၢ်.

ရိမ့ၤ 14:18

ဒီးပှၤလၢအမၤခရံာ်အတၢ်မၤလၢကျဲဒ်အံၤတဂၤန့ၣ်, ကဒုးသးခုယွၤဒီးကဒိးန့ၢ်ဘၣ်ပှၤကညီအတၢ်ဘၣ်သူၣ်ဘၣ်သးန့ၣ်လီၤ.

၂ ကရံၣ်သူး 2:17

ပတလီၤဂာ်ပဝဲဒီးပှၤအဂၤအါဒံအါဂၤလၢအဟံးဃာ် ကစၢ်ယွၤအတၢ်ကစီၣ်, လီၤဂာ်မးဒ်အမ့ၢ်တၢ်ပနံာ်တၢ်ကၤလၢအပှ့ၤဘၣ်တကလုာ် အသိးန့ၣ်ဘၣ်. မ့မ့ၢ်, ကစၢ်ယွၤဆှၢလီၤပှၤအဃိပစံးကတိၤ တၢ်လၢအဝဲဒၣ်အမဲာ်ညါအိၣ်ဒီးတၢ်ပာ်ပသးသပှၢ်ပှၢ်ဒ်ခရံာ် အခ့အပှၤတဖၣ်အသိးန့ၣ်လီၤ.

၂ ကရံၣ်သူး 8:20

ပအိၣ်ဒီးတၢ်ပလီၢ်ပဒီပသး, ဒ်သိးပသုတထိၣ်ဂဲၤထီၣ်တၢ်ကဒူး ကဒ့ၣ်, တၢ်တမံသူၣ်မံသးတမံၤမံၤဘၣ်ဃးဒီးကျဲလၢပသုးကျဲၤ ကွၢ်ထွဲတၢ်သးအိၣ်အတၢ်ဟ့ၣ်အါအါဂီၢ်ဂီၢ်တမံၤအံၤတဂ့ၤ အဂီၢ်န့ၣ်လီၤ.

၂ ကရံၣ်သူး 8:22

လၢတၢ်န့ၣ်အဃိ, လၢအဝဲသ့ၣ်တဖၣ်အသိးအကျါန့ၣ်ပဆှၢ လီၤစ့ၢ်ကီးပဒီပုၢ်ဝဲၢ်န့ၣ်လီၤ. ပမၤကွၢ်အီၤအါစုအါဘျီဒီးထံၣ်ဘၣ်လၢထီဘိအဝဲအသး ဆူၣ်မၤစၢၤတၢ်ဒိၣ်မးန့ၣ်လီၤ. ဒီးခဲကနံၣ်အံၤဒ်အဝဲအိၣ်လံဒီးတၢ်စူၢ်တၢ်နာ်အဒိၣ်အမုၢ် လၢသုပူၤအသိးန့ၣ်, အဝဲအသးဆူၣ်ဒိၣ်န့ၢ်အလီၢ်လၢအကမၤ စၢၤတၢ်န့ၣ်လီၤ.

ဖံလံးပံၤ 4:8

တၢ်ကတိၤလၢခံကတၢၢ်န့ၣ်, ယဒီပုၢ်ဒီဝဲၢ်သ့ၣ်ဧၢ, မၤပှဲၤသုတၢ်ဆိကမိၣ်ဒီးတၢ်သ့ၣ်တဖၣ်လၢအဂ့ၤ, ဒီးကြၢးဒီးတၢ်စံးထီၣ်ပတြၢၤ, ဒ်ပစံးတၢ်အသိး, တၢ်လၢ အမ့ၢ်အတီ, တၢ်လၢအအိၣ်ဒီးအလၤအကပီၤ, တၢ်လၢအဘၣ်, တၢ်လၢအစီဆှံ, တၢ်လၢအလီၤအဲၣ်လီၤကွံ, တၢ်ဟူထီၣ်သါလီၤလၢအဂ့ၤတဖၣ်န့ၣ်တက့ၢ်.

၁ သ့းစၤလနံ 5:22

ဒီးဟးဆှဲးတၢ်အၢတၢ်သီကိးအက့ၢ်အဂီၤဒဲးတက့ၢ်.

၁ တံၤမသ့း 3:7

အဝဲကဘၣ်မ့ၢ်ပှၤတဂၤလၢအဘၣ်တၢ်ပာ်ကဲအီၤလၢပှၤ လၢအအိၣ်လၢတၢ်အိၣ်ဖှိၣ်အချၢတဖၣ်ဒၣ်လဲာ်, ဒ်သိးအသုတဘၣ်တၢ်မၤမဲာ်ဆှးအီၤဒီးအသုတလီၤတဲာ်ကွံာ် ဆူမုၣ်ကီၤလံၢ်အပျံၤသကွီၤအပူၤတဂ့ၤအဂီၢ် န့ၣ်လီၤ.

၁ တံၤမသ့း 5:14

လၢတၢ်န့ၣ်အဃိ, ယသးအိၣ်လၢမုၣ်ကမဲလၢအသးစၢ်တဖၣ် ကဟံးန့ၢ်အဝၤ, အိၣ်ဖိအိၣ်လံၤ, ဒီးကွၢ်ထွဲအဟံၣ်အဃီတဖၣ်, ဒ်သိးဒီးပဒုၣ်ပဒါအသုတအိၣ်ဒီးတၢ်အခွဲးအယာ်လၢ အကကတိၤအၢကတိၤသီပှၤတဂ့ၤအဂီၢ်န့ၣ်လီၤ.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.

လံာ်နီၢ်ရူၤသး 3:14

လၢတၢ်န့ၣ်အဃိ, နီၢ်ရူၤသးမံလီၤဝဲလၢအခီၣ်ထံးတုၤမုၢ်ဆ့ၣ် ထီၣ်လီၤ. ဘၣ်ဆၣ်ဂဲၤဆၢထၢၣ်ဝဲတချူးလၢပှၤသ့ၣ်ညါလိာ်အသးသ့ဒံးဘၣ် အကတီၢ်န့ၣ်လီၤ. အဂ့ၢ်မ့ၢ်လၢစီၤဘိၤဧးတ အဲၣ်ဒိးဝဲလၢပှၤသ့ၣ်ညါဘၣ်ပိာ်မုၣ်တဂၤဟဲနုာ်လၢကြဲၢ်ပူၤ အဂ့ၢ်အဃိန့ၣ်လီၤ.