၂ ကရံၣ်သူး 8:17 - Sgaw Karen Common Bible

¹⁷ တမ့ၢ်ထဲအဝဲဒၣ်တူၢ်လိာ်ပတၢ်ဃ့ဘၣ်. လၢအဝဲအတၢ်သးအိၣ် ဒၣ်ဝဲအပူၤ, အသးဆူၣ်မၤစၢၤသုတုၤဒၣ်လဲာ်, ပာ်လီၤအသးလၢအကလဲၤဝဲဆူသုအိၣ်လီၤ.

၂ ကရံၣ်သူး 8:17 Iomraidhean Croise

၂ ကရံၣ်သူး 12:18

ယဃ့ကညးစီၤတံတူးဒ်သိးအကလဲၤဝဲ, ဒီးယဆှၢလီၤဒီပုၢ်ဝဲၢ်ခရံာ်ဖိအဂၤတဂၤလၢအဝဲဒၣ် အသိးလီၤ. မ့ၢ်သုကစံးလၢစီၤတံတူးဟံးန့ၢ်တၢ်အခွဲး အယာ်လၢသုဖီခိၣ်ဧါ. အဝဲဒၣ်ဒီးယၤပမၤတၢ်အိၣ်ဒီးတၢ်ထိၣ်ဟူးထိၣ်ဂဲၤပသး တမံၤဃီ, ဒီးပာ်သူၣ်ပာ်သးပဝဲလၢကျဲတဘိဃီတမ့ၢ်ဘၣ်ဧါ.

၂ ကရံၣ်သူး 8:10

ယတၢ်ထံၣ်မ့ၢ်ဝဲ, ကဂ့ၤတက့ၢ်လၢသုကမၤဝံၤက့ၤတၢ်လၢ သုစးထီၣ်တ့ၢ်သုဝဲဖဲအပူၤကွံာ်တနံၣ်န့ၣ်, ခဲကနံၣ်အံၤလီၤ. သုမ့ၢ်ပှၤအဆိကတၢၢ်, တမ့ၢ်ထဲလၢတၢ်စးထီၣ်မၤတၢ် တကပၤဧိၤဘၣ်. မ့ၢ်စ့ၢ်ကီးလၢတၢ်သးဆူၣ်မၤတၢ်တကပၤန့ၣ်လီၤ.

၂ ကရံၣ်သူး 8:6

လၢတၢ်န့ၣ်အဃိ, ပသဆၣ်ထီၣ်စီၤတံတူးလၢအစးထီၣ်တၢ်မၤတမံၤအံၤတဂၤန့ၣ် အခံဒ်သိးအကမၤဒံးဝဲဒီးမၤစၢၤသုလၢသုကမၤလၢမၤပှဲၤ တၢ်အဲၣ်အတၢ်ဖံးတၢ်မၤလီၤဆီတမံၤအံၤန့ၣ်လီၤ.

၂ ကရံၣ်သူး 8:8

ယတပာ်လီၤတၢ်သိၣ်တၢ်သီဒီးတၢ်ဘျၢနီတမံၤဘၣ်. မ့မ့ၢ်, ခီဖျိယပာ်ဖျါထီၣ်ပှၤဂၤတဖၣ်သးဆူၣ်ဟ့ၣ်တၢ်ဆံးအါ အဂ့ၢ်န့ၣ်, ယဂုာ်ကျဲးစၢးဃုသ့ၣ်ညါယဲသုတၢ်အဲၣ်တၢ်ကွံ ဒၣ်ဝဲမ့ၢ်တၢ်နီၢ်နီၢ်ဆံးအါလဲၣ်အဂ့ၢ်န့ၣ်လီၤ.

ဧ့ၤဘြံၤ 13:22

ဒီပုၢ်ဝဲၢ်သ့ၣ်ဧၢ, ယဃ့ကညးသုလၢသုကဒိကနၣ်တၢ်ဟ့ၣ်ဂံၢ်ဟ့ၣ်ဘါသု အတၢ်ကတိၤအံၤလၢတၢ်သးစူၤအပူၤ, အဂ့ၢ်မ့ၢ်လၢအတထီကဲၣ်ဆိးဘၣ်အဃိန့ၣ်လီၤ.