၂ ကရံၣ်သူး 8:16 - Sgaw Karen Common Bible

¹⁶ ပစံးဘျုးကစၢ်ယွၤအဒိၣ်အအါလၢအဟ့ၣ်စီၤတံတူးတၢ်သး ဆူၣ်ဒ်ပှၤအသိး, လၢအကမၤစၢၤသုအဃိန့ၣ်လီၤ.

၂ ကရံၣ်သူး 8:16 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 31:8

တုၤစီၤပၤယဃံးစကံယၤဒီးအဝဲအပဒိၣ်ပပှၢ်တဖၣ်, ထံၣ်ဘၣ်တၢ်ဟ့ၣ်တဖၣ်ဘၣ်တၢ်ဟ့ၣ်လီၤအီၤအါထဲလဲၣ်န့ၣ်, အဝဲသ့ၣ်စံးထီၣ်ပတြၢၤယွၤဒီးစံးထီၣ်ပတြၢၤအဝဲအပှၤဂီၢ် မုၢ်အံၣ်စရ့လးန့ၣ်လီၤ.

လံာ်စီၤဧ့စြၤ 7:27

စီၤဧ့စြၤစံးဝဲ, “စံးထီၣ်ပတြၢၤယွၤ, ပမိၢ်ပၢ်ဖံဖုလၢပျၢၤအကစၢ်ယွၤန့ၣ်တက့ၢ်. အဝဲထိၣ်ဂဲၤလံစီၤပၤဖးဒိၣ်အသး, လၢကျဲဒ်အံၤဒ်သိးကမၤလၤကပီၤယွၤအတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤလံ.

လံာ်စီၤနဃ့မယၤ 2:12

ယတတဲပှၤနီတဂၤလၢတၢ်လၢကစၢ်ယွၤဟ့ၣ်ဂံၢ်ဟ့ၣ်ဘါ ယၤလၢယကမၤတၢ်လၢဝ့ၢ်ယရူၤၡလ့ၣ်အဂီၢ်န့ၣ်ဘၣ်. ဒီးလၢမုၢ်နၤဖးဖီမုၢ်အကတီၢ်န့ၣ်ယဂဲၤဆၢထၢၣ်ဒီးဟးထီၣ်ဆူ တၢ်ချၢဃုာ်ဒီးယတံၤသကိးတနီၤန့ၣ်လီၤ. ဒီးမ့တမ့ၢ်ဘၣ်လၢကသ့ၣ်ယီၤတဒုလၢယဒိးအီၤဘၣ်န့ၣ်ဆၣ်ဖိ ကီၢ်ဖိအဂုၤအဂၤတအိၣ်ဒီးယၤဘၣ်.

လံာ်ယံးရမံယၤ 31:31

ယွၤစံးဝဲဒၣ်, “တၢ်ဆၢကတီၢ်ဟဲလံဝဲလၢ ယကမၤတၢ်အၢၣ်လီၤ အီလီၤအသီဒီး ကီၢ်အံၣ်စရ့လးအပှၤဂီၢ်မုၢ်, ဒီးကီၢ်ယူဒၤအပှၤဂီၢ်မုၢ်န့ၣ်လီၤ.

လံာ်ယံးရမံယၤ 32:40

ယကမၤတၢ်အၢၣ်လီၤအီလီၤ အထူအယိာ်တမံၤဒီး အဝဲသ့ၣ်န့ၣ်လီၤ. ယတဆိကတီၢ်ယတၢ်မၤဂ့ၤ တဖၣ်တၢ်လၢ အဝဲသ့ၣ်အဂီၢ်နီတစုဘၣ်, ဒီးယကမၤပှဲၤ အဝဲသ့ၣ် အသးဒီး တၢ်ပျံၤယၤဒ်သိး အဝဲသ့ၣ်အသုတဃၣ်ကွံာ်အသးလၢ ယၤနီတစုတဂ့ၤအဂီၢ်န့ၣ်လီၤ.

၂ ကရံၣ်သူး 7:12

လၢတၢ်န့ၣ်အဃိယကွဲးတ့ၢ်ယဲလံာ်ပရၢတဘ့ၣ်န့ၣ်သနာ် က့, တမ့ၢ်လၢပှၤလၢအမၤကမၣ်တၢ်တဂၤအဃိမ့ၢ်ဂ့ၤ, မ့တမ့ၢ်ပှၤလၢအတူၢ်ဘၣ်တၢ်မၤကမၣ်အီၤအဃိမ့ၢ်ဂ့ၤ န့ၣ်ဘၣ်. မ့မ့ၢ်, ယကွဲးအီၤဒ်သိးယကပာ်ဖျါထီၣ်န့ၢ်သုဖျါဖျါလၢ ကစၢ်ယွၤအမဲာ်ညါ, လၢသုတၢ်ကျဲးစၢးဒီးတၢ်ဟ့ၣ်လီၤသုသးလၢပဂီၢ်ဒိၣ်ဝဲယိာ်ဝဲ နီၢ်နီၢ်ဆံးအါလဲၣ်အဂ့ၢ်န့ၣ်လီၤ.

၂ ကရံၣ်သူး 7:7

တၢ်လၢအမၤသးခုပှၤန့ၣ်တမ့ၢ်ထဲအဝဲအတၢ်ဟဲတမံၤဧိၤ ဘၣ်. မ့မ့ၢ်တခီမ့ၢ်စ့ၢ်ကီးအဝဲအတၢ်ပာ်ဖျါထီၣ်ဘၣ်ဃး သုဟ့ၣ်ဆူၣ်ထီၣ်အဂံၢ်အဘါဒ်လဲၣ်အဂ့ၢ်လီၤ. အဝဲဒၣ်တဲဘၣ်ပှၤလၢသုဆၢထံၣ်ဘၣ်ယၤဆံးအါ, သုသးအုးလီၤက့ၤသုသးဆံးအါ, ဒီးသုအိၣ်ကတဲာ်ကတီၤသုသးလၢသုကကဟုကယာ် ယၤဆံးအါအဂ့ၢ်, သတးဒီးခဲကနံၣ်အံၤယသူၣ်ခုသးခုဒိၣ်န့ၢ် အလီၢ်န့ၣ်လီၤ.

၂ ကရံၣ်သူး 8:23

မ့မ့ၢ်စီၤတံတူးန့ၣ်, အဝဲဒၣ်မ့ၢ်ယတံၤသကိးဒီးမၤဃုာ်တၢ်ဒီးယၤလၢ တၢ်မၤစၢၤသုအဂီၢ်လီၤ. မ့မ့ၢ်ဒီပုၢ်ဝဲၢ်အဂၤတဖၣ်လၢအလဲၤ ဃုာ်ဒီးအီၤန့ၣ်, အဝဲသ့ၣ်မ့ၢ်တၢ်အိၣ်ဖှိၣ်တဖၣ်အခၢၣ်စးဒီးစိာ် တၢ်လၤကပီၤလၢခရံာ်အဂီၢ်န့ၣ်လီၤ.

၂ ကရံၣ်သူး 8:6

လၢတၢ်န့ၣ်အဃိ, ပသဆၣ်ထီၣ်စီၤတံတူးလၢအစးထီၣ်တၢ်မၤတမံၤအံၤတဂၤန့ၣ် အခံဒ်သိးအကမၤဒံးဝဲဒီးမၤစၢၤသုလၢသုကမၤလၢမၤပှဲၤ တၢ်အဲၣ်အတၢ်ဖံးတၢ်မၤလီၤဆီတမံၤအံၤန့ၣ်လီၤ.

ဖံလံးပံၤ 2:20

အဝဲဒၣ်မ့ၢ်ပှၤထဲတဂၤဧိၤလၢအတၢ်ဆိကမိၣ်လီၤပလိာ်ဒီးယၤဒီး သူၣ်အိၣ်သးအိၣ်သုနီၢ်နီၢ်န့ၣ်လီၤ.

ကလီးစဲ 3:17

ကယဲၢ်သုမၤတၢ်တမံၤလၢ်လၢ်န့ၣ်, လၢတၢ်ကတိၤမ့ၢ်ဂ့ၤ, တၢ်ဖံးတၢ်မၤမ့ၢ်ဂ့ၤ, မၤတၢ်ကိးမံၤဒဲးလၢကစၢ်ယ့ၣ်ၡူးအမံၤ အပူၤ, အိၣ်ဒီးတၢ်စံးထီၣ်ပတြၢၤပၢ်ယွၤခီဖျိအီၤတက့ၢ်.

လံာ်လီၣ်ဖျါ 17:17

အဂ့ၢ်ဒ်အံၤ, ကစၢ်ယွၤပာ်လံတၢ်သးဆူၣ်မၤလၢမၤပှဲၤအဝဲဒၣ်အတၢ်တိာ်ပာ်ခီဖျိအမၤ သကိးတၢ်တပူၤဃီလၢအဝဲသ့ၣ်အသးပူၤ, ဒီးဟ့ၣ်တၢ်ဒူတၢ်ဃိၤတဒုန့ၣ်အဝဲသ့ၣ် အစိကမီၤလၢအကပၢတၢ်တုၤလီၤလၢကစၢ်ယွၤကလုၢ်ကထါ ဟဲလၢထီၣ်ပှဲၤထီၣ်တစုလီၤ.