၂ ကရံၣ်သူး 7:6 - Sgaw Karen Common Bible

⁶ ဘၣ်ဆၣ်ဒီးကစၢ်ယွၤလၢအဟ့ၣ်ဆူၣ်ထီၣ်ပှၤလီၤဘှံးလီၤတီၤ တဖၣ်အသးန့ၣ်, ဟ့ၣ်ဆူၣ်ထီၣ်ပဂံၢ်ပဘါခီဖျိစီၤတံတူးအတၢ် ဟဲန့ၣ်လီၤ.

၂ ကရံၣ်သူး 7:6 Iomraidhean Croise

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 51:12

ယွၤစံးဝဲ, “ယမ့ၢ်ပှၤတဂၤလၢအဟ့ၣ်ဆူၣ်ထီၣ်သုဂံၢ်သုဘါလီၤ. ဘၣ်မနုၤအဃိသုဘၣ်ပျံၤဘၣ်ဖုးပှၤကညီလၢ အသံသ့အံၤ, လၢအအိၣ်ဂၢၢ်ဆိးကျၢၤသ့ယံာ်ထဲသိးဒၣ် နီၣ်ဧိၤမံၤဧိၤအံၤန့ၣ်လဲၣ်.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 57:18

အဝဲသ့ၣ်ဖံးတၢ်မၤတၢ်ဒ်လဲၣ်န့ၣ်ယထံၣ်တ့ၢ်, နာ်သက့ယကမၤဘျါအဝဲသ့ၣ်လီၤ. ယကဆှၢဒီးမၤစၢၤအဝဲသ့ၣ်ဒီး ယကမၤမုာ်ပှၤလၢအသူၣ်အုးသးအုးတဖၣ်လီၤ.

လံာ်ယံးရမံယၤ 31:13

အန့ၣ်ဒီး, မုၣ်လိၤဘိတဖၣ် ကဂဲၤကလံာ်ဝဲဒီးသးဖှံသးညီဝဲ, ဒီးပှၤပိာ်ခွါတဖၣ်, သးစၢ်ဂ့ၤသးပှၢ်ဂ့ၤ, ကသူၣ်ခုသးခုဝဲလီၤ. ယကမၤမုာ်မၤခုၣ်အဝဲသ့ၣ်, ဒီးဘိးဃၣ်အဝဲသ့ၣ် တၢ်ဟီၣ်တၢ်ယၢၤဆူ တၢ်သူၣ်ခုသးခု, အဝဲသ့ၣ်အတၢ်သူၣ်အုၣ်သးအုးဆူ တၢ်သူၣ်ဖှံသးညီန့ၣ်လီၤ.

လံာ်မးသဲ 5:4

ပှၤလၢအသူၣ်အုးသးအုးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကဘၣ်တၢ်မၤမုာ်ထီၣ်က့ၤအီၤ လၢကစၢ်ယွၤလီၤ.

လံာ်ယိၤဟၣ် 14:16

ယကဃ့တၢ်လၢပၢ်အအိၣ်ဒီးအဝဲဒၣ်ကဟ့ၣ်လီၤသုပှၤမၤစၢၤတၢ် အဂၤတဂၤလၢအကအိၣ်ဒီးသုတဘိယူၢ်ဃီလီၤ.

ရိမ့ၤ 15:5

ဒီးမ်ကစၢ်ယွၤ, လၢအမ့ၢ်တၢ်သူၣ်စူၤသးစူၤဒီးတၢ်ဟ့ၣ် ဂံၢ်ဟ့ၣ်ဘါအဂံၢ်ထံး, မၤစၢၤသုဒ်သိးသုကအိၣ်မူသကိးလၢတၢ်ဃူတၢ်ဖိး အပူၤခီဖျိတၢ်ကွၢ်လိမၤဒိးယ့ၣ်ၡူးခရံာ်,

၂ ကရံၣ်သူး 7:13

လၢတၢ်န့ၣ်အဃိ ပဂံၢ်ပဘါဘၣ်တၢ်ဒုးဆူၣ်ထီၣ်အီၤန့ၣ် လီၤ. တမ့ၢ်ထဲပဂံၢ်ပဘါဘၣ်တၢ်ဒုးဆူၣ်ထီၣ်အီၤဘၣ်. စီၤတံတူးဒုးသးခုမးပှၤခီဖျိအဝဲအတၢ်သူၣ်ခုသးခုလၢ ကျဲလၢသုဝဲကိးဂၤသုမၤဖှံထီၣ်အသးအဃိန့ၣ်လီၤ.

၂ ကရံၣ်သူး 7:14

ယကတိၤပာ်ကဖၢလၢစဲဃဲၤယသးလၢသုဂ့ၢ်လၢအဝဲဒၣ် အမဲာ်ညါ, ဒီးသုတမၤဟးဂီၤတ့ၢ်ယသးဘၣ်. ထီဘိန့ၣ်ပစံးဘၣ်တဲဘၣ်သုလၢတၢ်မ့ၢ်တၢ်တီဒီးလၢကျဲ တဘိဃီန့ၣ်, ပတၢ်ကတိၤပာ်ကဖၢလၢပသးလၢစီၤတံတူး အမဲာ်ညါအံၤမ့ၢ်ဝဲတီဝဲလံ.

၂ ကရံၣ်သူး 7:7

တၢ်လၢအမၤသးခုပှၤန့ၣ်တမ့ၢ်ထဲအဝဲအတၢ်ဟဲတမံၤဧိၤ ဘၣ်. မ့မ့ၢ်တခီမ့ၢ်စ့ၢ်ကီးအဝဲအတၢ်ပာ်ဖျါထီၣ်ဘၣ်ဃး သုဟ့ၣ်ဆူၣ်ထီၣ်အဂံၢ်အဘါဒ်လဲၣ်အဂ့ၢ်လီၤ. အဝဲဒၣ်တဲဘၣ်ပှၤလၢသုဆၢထံၣ်ဘၣ်ယၤဆံးအါ, သုသးအုးလီၤက့ၤသုသးဆံးအါ, ဒီးသုအိၣ်ကတဲာ်ကတီၤသုသးလၢသုကကဟုကယာ် ယၤဆံးအါအဂ့ၢ်, သတးဒီးခဲကနံၣ်အံၤယသူၣ်ခုသးခုဒိၣ်န့ၢ် အလီၢ်န့ၣ်လီၤ.

ဖံလံးပံၤ 2:1

သုတၢ်အိၣ်မူလၢခရံာ်အပူၤမ့ၢ်တၢ်လၢအဟ့ၣ်ဂံၢ်ဟ့ၣ်ဘါသု, ဒီးအတၢ်အဲၣ်တၢ်ကွံမၤမုာ်ထီၣ်က့ၤသုလီၤ. သုအိၣ်ဒီးတၢ်ရ့လိာ်မုာ်လိာ်လၢယွၤအသး, ဒီးသုအိၣ်ဒီးတၢ်သး ကညီၤဒီးတၢ်သးအိၣ်မၤစၢၤတၢ်လၢတဂၤဒီးတဂၤအဂီၢ်န့ၣ်လီၤ.

၁ သ့းစၤလနံ 3:2

ဖဲပဆှၢလီၤစီၤတံၤမသ့း, ပဒီပုၢ်ဝဲၢ်လၢအမၤဃုာ်တၢ်ဒီးပှၤလၢ ကစၢ်ယွၤအဂီၢ်, လၢတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီး ခရံာ်အခါန့ၣ်လီၤ. ပဆှၢလီၤအဝဲဒၣ်ဒ်သိးအကဟ့ၣ်ဂံၢ်ဟ့ၣ်ဘါသုဒီးမၤစၢၤသုတၢ် စူၢ်တၢ်နာ်အဂီၢ်,