၂ ကရံၣ်သူး 7:3 - Sgaw Karen Common Bible

³ ယစံးတၢ်အံၤန့ၣ်, တမ့ၢ်ဒ်သိးယကစံၣ်ညီၣ်ဒီးဃုပာ်တၢ်ကမၣ်လၢသုလိၤအဂီၢ်ဘၣ်. အဂ့ၢ်ဒ်အံၤ, ဒ်ယစံးတ့ၢ်လံယဲလၢအပူၤကွံာ်အသိး, သုမ့ၢ်ပှၤလၢ ပအဲၣ်ဘၣ်အီၤတုၤဒၣ်လဲာ်, ပမူမ့ၢ်ဂ့ၤပသံမ့ၢ်ဂ့ၤ, ပအိၣ်ဒၣ်တပူၤဃီဒီးသုထီဘိတဘိယူာ်ဃီန့ၣ်လီၤ.

၂ ကရံၣ်သူး 7:3 Iomraidhean Croise

၂ ကရံၣ်သူး 11:11

ယစံးတၢ်အံၤ, မ့ၢ်လၢယတအဲၣ်သုအဃိဧါ. ကစၢ်ယွၤသ့ၣ်ညါဝဲလၢယအဲၣ်သုလီၤ.

၂ ကရံၣ်သူး 12:15

တၢ်လၢအအိၣ်ဒီးယၤခဲလၢာ်, ဒီးယနီၢ်ကစၢ်ဒၣ်ယဲစ့ၢ်ကီးန့ၣ်ယကသးခုသူအီၤဒ်သိး အကကဲတၢ်မၤစၢၤလၢသုဂီၢ်လီၤ. ယအဲၣ်သုဒိၣ်မးအဃိ ဒီး, မ့ၢ်သုကအဲၣ်ယၤစှၤန့ၢ်တၢ်န့ၣ်ဧါ.

၂ ကရံၣ်သူး 13:10

လၢတၢ်န့ၣ်အဃိယကွဲးတၢ်အဝဲအံၤဖဲယအိၣ်လီၤဖးဒီး သုလီၤ. အဝဲအံၤန့ၣ်မ့ၢ်ဒ်သိးဖဲယဟဲတုၤန့ၣ်, အလီၢ်သုတအိၣ်လၢယကမၤသုဆူၣ်ဆူၣ်လၢတၢ်သူ တၢ်စိတၢ်ကမီၤလၢကစၢ်ယွၤဟ့ၣ်တ့ၢ်ယၤ (တၢ်စိတၢ်ကမီၤလၢတၢ်ကမၤထီၣ်မၤထီသု အဂီၢ်, တမ့ၢ်တၢ်ကမၤဟးဂီၤသုအဂီၢ်ဘၣ်) အပူၤ တဂ့ၤအဂီၢ်န့ၣ်လီၤ.

၂ ကရံၣ်သူး 3:2

သုနီၢ်ကစၢ်ဒၣ်သုဝဲသုမ့ၢ်လံာ်ပရၢအုၣ်ခီၣ်အသး လၢအအိၣ်ဒီးပှၤ, အိၣ်ကွဲးအသးလၢပသးပူၤ, ဒ်သိးပှၤကိးဂၤဒဲးကဖးဘၣ်ဒီးသ့ၣ်ညါဝဲအဂီၢ်လီၤ.

၂ ကရံၣ်သူး 7:12

လၢတၢ်န့ၣ်အဃိယကွဲးတ့ၢ်ယဲလံာ်ပရၢတဘ့ၣ်န့ၣ်သနာ် က့, တမ့ၢ်လၢပှၤလၢအမၤကမၣ်တၢ်တဂၤအဃိမ့ၢ်ဂ့ၤ, မ့တမ့ၢ်ပှၤလၢအတူၢ်ဘၣ်တၢ်မၤကမၣ်အီၤအဃိမ့ၢ်ဂ့ၤ န့ၣ်ဘၣ်. မ့မ့ၢ်, ယကွဲးအီၤဒ်သိးယကပာ်ဖျါထီၣ်န့ၢ်သုဖျါဖျါလၢ ကစၢ်ယွၤအမဲာ်ညါ, လၢသုတၢ်ကျဲးစၢးဒီးတၢ်ဟ့ၣ်လီၤသုသးလၢပဂီၢ်ဒိၣ်ဝဲယိာ်ဝဲ နီၢ်နီၢ်ဆံးအါလဲၣ်အဂ့ၢ်န့ၣ်လီၤ.

ဖံလံးပံၤ 1:7

သုအိၣ်လၢယသးပူၤထီဘိလီၤ. လၢတၢ်န့ၣ်အဃိ, ယပာ်ယသးလၢသုဖီခိၣ်ဒ်အံၤန့ၣ်မ့ၢ်တၢ်လၢအဘၣ်လီၤ. အဂ့ၢ်ဒ်အံၤ, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤယၤန့ၣ် သုဒိးန့ၢ်ဃုာ်အီၤဒီးယၤ, ဖဲယအိၣ်လၢဃိာ်ပူၤအဆၢကတီၢ် ခဲအံၤမ့ၢ်ဂ့ၤ, ဒီးဖဲယအိၣ်ဒီးတၢ်သဘျ့လၢယကကတိၤဒီဒၣ်ဒီး မၤဂၢၢ်မၤကျၢၤတၢ်သးခုကစီၣ်အခါမ့ၢ်ဂ့ၤန့ၣ်လီၤ.

၁ သ့းစၤလနံ 2:8

မ့ၢ်လၢပအဲၣ်ဘၣ်သုအဃိပအိၣ်ကတဲာ်ကတီၤပသးတမ့ၢ်ထဲလၢ ပကဒုးသ့ၣ်ညါသုလၢတၢ်သးခုကစီၣ်အဂ့ၢ်န့ၣ်ဘၣ်. မ့မ့ၢ်ပအိၣ်ကတဲာ်ကတီၤဒၣ်လဲာ်ပသးလၢပကဟ့ၣ်လီၤ ပသးသမူလၢသုဂီၢ်လီၤ. သုလုၢ်ဒိၣ်ပှ့ၤဒိၣ်ဒိၣ်မးလၢပဂီၢ်လီၤ.