၂ ကရံၣ်သူး 7:13 - Sgaw Karen Common Bible

¹³ လၢတၢ်န့ၣ်အဃိ ပဂံၢ်ပဘါဘၣ်တၢ်ဒုးဆူၣ်ထီၣ်အီၤန့ၣ် လီၤ. တမ့ၢ်ထဲပဂံၢ်ပဘါဘၣ်တၢ်ဒုးဆူၣ်ထီၣ်အီၤဘၣ်. စီၤတံတူးဒုးသးခုမးပှၤခီဖျိအဝဲအတၢ်သူၣ်ခုသးခုလၢ ကျဲလၢသုဝဲကိးဂၤသုမၤဖှံထီၣ်အသးအဃိန့ၣ်လီၤ.

၂ ကရံၣ်သူး 7:13 Iomraidhean Croise

ရိမ့ၤ 12:15

ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.

ရိမ့ၤ 15:32

အန့ၣ်ဝံၤ, မ့ၢ်ဘၣ်ကစၢ်ယွၤအသးဒီး, ယကလဲၤဆူသုအိၣ်ပှဲၤဒီးတၢ်သးခုဒီးန့ၢ်ဂံၢ်န့ၢ်ဘါက့ၤလၢ ယတၢ်အိၣ်သကိးသုအပူၤန့ၣ်လီၤ.

1 ကရံၣ်သူး 12:26

နီၢ်ခိအက့ၢ်အဂီၤတမံၤမ့ၢ်တူၢ်ဘၣ်တၢ်ဒီး, က့ၢ်ဂီၤအဂၤခဲလၢာ်တူၢ်ဘၣ်ဃုာ်တၢ်ဒီးအီၤ, က့ၢ်ဂီၤတမံၤမ့ၢ်ဘၣ်တၢ်စံးထီၣ်ပတြၢၤအီၤဒီး က့ၢ်ဂီၤအဂၤတဖၣ်ခဲလၢာ်ဒိးန့ၢ်ဘၣ်ဃုာ်အဝဲဒၣ် အတၢ်သးခုလီၤ.

1 ကရံၣ်သူး 16:13

အိၣ်ပလီၢ်သူၣ်ပလီၢ်သး, ဆၢထၢၣ်ကျၢၤကျၢၤလၢတၢ်စူၢ်တၢ်နာ် အပူၤ, အိၣ်ဒီးတၢ်သးဒူ, အိၣ်ဒီးတၢ်ဂံၢ်တၢ်ဘါတက့ၢ်.

1 ကရံၣ်သူး 16:18

ဒီးအဝဲသ့ၣ်မၤသးဖှံထီၣ်က့ၤယသး, ဒ်အမၤဖှံထီၣ်က့ၤသုသး အသိးန့ၣ်လီၤ. ပှၤဒ်အံၤအသိးတဖၣ်ကြၢးဘၣ်တၢ်ပာ်သူၣ်ပာ်သး အီၤလီၤ.

၂ ကရံၣ်သူး 2:13

ဘၣ်ဆၣ်ဒီး, ယသူၣ်အုးသးအုးယဲအဒိၣ်အအါ မ့ၢ်လၢယတထံၣ်ပဒီပုၢ်ဝဲၢ်စီၤတံတူးဘၣ်အဃိလီၤ. လၢတၢ်န့ၣ် အဃိ, ယဆၢဂ့ၤဆၢဝါပှၤဝ့ၢ်ဖိတဖၣ်ဒီးပာ်တီၢ်အဝဲသ့ၣ်, ဒီးလဲၤကဒီးယဲဆူကီၢ်မၤက့းဒနံန့ၣ်လီၤ.

၂ ကရံၣ်သူး 2:3

မ့ၢ်လၢတၢ်ဂ့ၢ်တမံၤန့ၣ်အဃိ, ယကွဲးလံာ်ပရၢအဝဲန့ၣ်ဆူသု အိၣ်လီၤ. ယတအဲၣ်ဒိးဟဲဆူသုအိၣ်ဒီးဘၣ်တၢ်မၤသးအုး ယၤလၢပှၤတဖုဃီလၢအကြၢးမၤသးခုယၤန့ၣ်ဘၣ်. အဂ့ၢ်ဒ်အံၤ, ယနာ်လီၤတံၢ်လီၤဆဲးလၢဖဲယသူၣ်ခုသး ခုန့ၣ်, သုဝဲကိးဒံကိးဂၤဒဲးသုသူၣ်ခုသးခုစ့ၢ်ကီးန့ၣ်လီၤ.

၂ ကရံၣ်သူး 7:14

ယကတိၤပာ်ကဖၢလၢစဲဃဲၤယသးလၢသုဂ့ၢ်လၢအဝဲဒၣ် အမဲာ်ညါ, ဒီးသုတမၤဟးဂီၤတ့ၢ်ယသးဘၣ်. ထီဘိန့ၣ်ပစံးဘၣ်တဲဘၣ်သုလၢတၢ်မ့ၢ်တၢ်တီဒီးလၢကျဲ တဘိဃီန့ၣ်, ပတၢ်ကတိၤပာ်ကဖၢလၢပသးလၢစီၤတံတူး အမဲာ်ညါအံၤမ့ၢ်ဝဲတီဝဲလံ.

၂ ကရံၣ်သူး 7:15

ဒီးလၢတၢ်န့ၣ်အဃိအဝဲအတၢ်အဲၣ်ဘၣ်သုဒိၣ်ထီၣ် ဆူၣ်ထီၣ်ဝဲ, ဖဲအဝဲဒၣ်သ့ၣ်နီၣ်ထီၣ်လၢသုဝဲကိးဂၤဒဲးသုအိၣ် ကတဲာ်ကတီၤသုသးလၢသုကစူၢ်ဒီးမၤထွဲအဝဲအတၢ်နဲၣ် သုကျဲတဖၣ်ဒ်လဲၣ်အဂ့ၢ်, လၢသုတူၢ်လိာ်ခီၣ်ဆၢအီၤလၢတၢ်ပျံၤ တၢ်ဖုးဒီးတၢ်ကနိးကစုာ်အပူၤဒ်လဲၣ်အဂ့ၢ်န့ၣ်လီၤ.

၂ ကရံၣ်သူး 7:6

ဘၣ်ဆၣ်ဒီးကစၢ်ယွၤလၢအဟ့ၣ်ဆူၣ်ထီၣ်ပှၤလီၤဘှံးလီၤတီၤ တဖၣ်အသးန့ၣ်, ဟ့ၣ်ဆူၣ်ထီၣ်ပဂံၢ်ပဘါခီဖျိစီၤတံတူးအတၢ် ဟဲန့ၣ်လီၤ.

ဖံလံးပံၤ 2:28

လၢတၢ်န့ၣ်အဃိ, ယသးဆူၣ်ဒိၣ်န့ၢ်အလီၢ်လၢယကဆှၢလီၤ အီၤဆူသုအိၣ်, ဒ်သိးသုကသူၣ်ခုသးခုကဒီးဖဲသုထံၣ်ဘၣ်အီၤ, ဒီးယတၢ်သူၣ်အုးသးအုးဒၣ်ယဲကလီၤမၢ်ကွံာ်အဂီၢ်န့ၣ်လီၤ.

၂ တံၤမသ့း 1:16

မ်ကစၢ်သူၣ်ကညီၤသးကညီၤစီၤအီးနံၤစံဖရူးအဟံၣ်ဖိဃီ ဖိတက့ၢ်. အဂ့ၢ်မ့ၢ်လၢအဝဲဒၣ်မၤမုာ်ထီၣ်ယၤအါဘျီအဃိ လီၤ. အဝဲတမဲာ်ဆှးလၢယအိၣ်ဘၣ်လၢဃိာ်ပူၤအဃိဘၣ်.

ဖံၤလ့မိၣ် 1:20

မ့ၢ်လီၤ, ဒီပုၢ်ဝဲၢ်ဧၢ, ဝံသးစူၤမၤန့ၢ်ယၤလၢ တၢ်ဘျုးတမံၤအံၤလၢကစၢ်အဃိတက့ၢ်. ဒ်ဒီပုၢ်ဝဲၢ်လၢခရံာ်အပူၤတဂၤအသိး, မၤမုာ်ထီၣ်ယသးတက့ၢ်.

ဖံၤလ့မိၣ် 1:7

ယဒီပုၢ်ဝဲၢ်သးဘိဧၢ, နတၢ်အဲၣ်ဟဲစိာ်န့ၢ်ယၤတၢ်သးခုဒီးဟ့ၣ်ဆူၣ်ထီၣ်ယသးဒိၣ်ဒိၣ် အါအါလီၤ. အဂ့ၢ်ဒ်အံၤနမၤမုာ်တ့ၢ်လံပှၤစီဆှံခဲလၢာ်အသးလီၤ.

၁ ပ့းတရူး 3:8

လၢခံကတၢၢ်န့ၣ်, သုဝဲခဲလၢာ်သုကဘၣ်အိၣ်ဒီးတၢ်ပာ်သူၣ်ပာ် သးဒီးတၢ်ဆိကမိၣ်ဆိကမးတမံၤဃီလီၤ. အဲၣ်လိာ်သုသးတဂၤဒီးတဂၤဒ်ဒီပုၢ်ဝဲၢ်တဖၣ်အသိး, ဒီးအိၣ်ဒီးတၢ်သးကညီၤဒီးတၢ်ဆီၣ်လီၤသးလၢတဂၤဒီးတဂၤ အဖီလာ်န့ၣ်တက့ၢ်.