၂ ကရံၣ်သူး 6:6 - Sgaw Karen Common Bible

⁶ လၢပတၢ်သးကဆှီ, တၢ်သ့ၣ်ညါ, တၢ်သးစူၤဒီးတၢ်သူၣ်ဂ့ၤသးဝါ အပူၤန့ၣ်, ပဒုးနဲၣ်ဖျါထီၣ်ပသးလၢပမ့ၢ်ကစၢ်ယွၤအခ့အပှၤ, လၢသးစီဆှံအပူၤ, လၢပတၢ်အဲၣ်နီၢ်နီၢ်အပူၤ,

၂ ကရံၣ်သူး 6:6 Iomraidhean Croise

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

ရိမ့ၤ 15:19

ခီဖျိတၢ်ပနီၣ်လီၤလးတဖၣ်ဒီးတၢ်လီၤလးတဖၣ်, ဒီးခီဖျိယွၤအသးစီဆှံအစိအကမီၤန့ၣ်လီၤ. ဒီးလၢတၢ်န့ၣ်အဃိ, လၢယတၢ်လဲၤကျဲဒီဘိညါစးထီၣ်လၢဝ့ၢ်ယရူၤၡလ့ၣ်ဒီးတုၤလၢ ဝ့ၢ်အံးလူၤရံကူးန့ၣ်, ယစံၣ်တဲၤတဲလီၤတၢ်သးခုကစီၣ်ဘၣ်ဃးဒီးခရံာ်လၢလၢပှဲၤပှဲၤန့ၣ်လီၤ.

1 ကရံၣ်သူး 12:8

သးစီဆှံဟ့ၣ်ပှၤတဂၤတၢ်ကစီၣ်လၢအလၢပှဲၤဒီးတၢ်ကူၣ်ဘၣ်ကူၣ် သ့, ဖဲပှၤတဂၤဒၣ်ဘၣ်တၢ်ဟ့ၣ်အီၤတၢ်ကစီၣ်လၢပှဲၤဒီး တၢ်သ့ၣ်ညါနၢ်ပၢၢ်, လၢသးစီဆှံတဂၤဃီလီၤ.

1 ကရံၣ်သူး 13:4

တၢ်အဲၣ်တၢ်ကွံန့ၣ်, အသူၣ်စူၤသးစူၤဒီးအသူၣ်ဂ့ၤသးဝါ လီၤ. အဝဲဒၣ်အသးတက့ၣ်တၢ်မ့ၢ်ဂ့ၤ, ပာ်ဒိၣ်အသးမ့ၢ်ဂ့ၤ, ပာ်ထီၣ်ထီအသးမ့ၢ်ဂ့ၤန့ၣ်ဘၣ်.

1 ကရံၣ်သူး 2:16

ဒ်တၢ်ကွဲးအသးစီဆှံစံးဝဲအသိးန့ၣ်, “မ့ၢ်မတၤသ့ၣ်ညါကစၢ်အသးတဂၤလဲၣ်. မ့ၢ်မတၤဟ့ၣ်အီၤတၢ်ဟ့ၣ်ကူၣ်ဟ့ၣ်ဖးသ့တဂၤလဲၣ်.” မ့မ့ၢ်ပဝဲသ့ၣ်တဖၣ်, ပအိၣ်ဒီးခရံာ်အသးလီၤ.

1 ကရံၣ်သူး 2:4

ဒီးယတၢ်သိၣ်လိဒီးတၢ်ကစီၣ်တဖၣ်တဘၣ်တၢ်ဟ့ၣ်ထီၣ်အီၤခီဖျိတၢ် စံးသ့ကတိၤဘၣ်လၢအဘၣ်ဃးဒီးပှၤကညီအတၢ်ကူၣ်ဘၣ်ကူၣ်သ့ န့ၣ်ဘၣ်. မ့မ့ၢ်ဘၣ်တၢ်ဟ့ၣ်ထီၣ်အီၤခီဖျိတၢ်အုၣ်အသးလၢအဘၣ် တၢ်နာ်န့ၢ်အီၤသ့ဘၣ်ဃးဒီးယွၤအသးအစိကမီၤန့ၣ်လီၤ.

၂ ကရံၣ်သူး 1:23

ယကိးထီၣ်ကစၢ်ယွၤဒ်သိးအကကဲထီၣ်ယပှၤအုၣ်အသး မ့ၢ်လၢ, အဝဲဒၣ်သ့ၣ်ညါယသူၣ်ယသးအဃိလီၤ. ယပာ်လီၤတ့ၢ်ယသးလၢယတလဲၤဆူဝ့ၢ်ကရံၣ်သူးန့ၣ် မ့ၢ်ဒ်သိးယသုတမၤဘၣ်ဒိဘၣ်ထံသုတဂ့ၤအဂီၢ်လီၤ.

၂ ကရံၣ်သူး 11:11

ယစံးတၢ်အံၤ, မ့ၢ်လၢယတအဲၣ်သုအဃိဧါ. ကစၢ်ယွၤသ့ၣ်ညါဝဲလၢယအဲၣ်သုလီၤ.

၂ ကရံၣ်သူး 11:4

အဂ့ၢ်ဒ်အံၤ, သုတူၢ်လိာ်ပှၤတဂၤလၢ်လၢ်လၢအဟဲဆူသုအိၣ် ဒီးစံၣ်တဲၤတဲလီၤယ့ၣ်ၡူးအဂၤတဂၤ, တမ့ၢ်တဂၤဃီလၢပစံၣ်တဲၤတဲလီၤလၢအဂ့ၢ်ဘၣ်. ဒီးသုတူၢ်လိာ်သးလၢအလီၤဆီဝဲဒၣ်လၢာ်လၢာ်ဆ့ဆ့ ဒီးသးလၢသုဒိးန့ၢ်လၢပအိၣ်, ဒီးတၢ်သးခုကစီၣ်လၢအလီၤဆီဝဲလၢာ်လၢာ်ဆ့ဆ့ဒီးတၢ် သးခုကစီၣ်လၢသုဒိးန့ၢ်သုဝဲလၢပအိၣ်န့ၣ်လီၤ.

၂ ကရံၣ်သူး 11:6

ဘၣ်တဘၣ်ယတမ့ၢ်ပှၤသ့စံးသ့ကတိၤတၢ်တဂၤသ့ၣ်သ့ၣ် လီၤ. ဘၣ်ဆၣ်ဒီးမ့မ့ၢ်လၢတၢ်သ့ၣ်ညါနၢ်ပၢၢ်တကပၤန့ၣ်, သပှၢ် ကတၢၢ်, တမ့ၢ်ဒ်န့ၣ်ဘၣ်. ပပာ်ဖျါထီၣ်တ့ၢ်တၢ်ဂ့ၢ်တမံၤအံၤဖျါဖျါလၢသုမဲာ်ညါ ထီဘိတဘိယူၢ်ဃီလၢဆၢကတီၢ်ကိးကတီၢ်ဒဲးအပူၤလီၤ.

၂ ကရံၣ်သူး 12:15

တၢ်လၢအအိၣ်ဒီးယၤခဲလၢာ်, ဒီးယနီၢ်ကစၢ်ဒၣ်ယဲစ့ၢ်ကီးန့ၣ်ယကသးခုသူအီၤဒ်သိး အကကဲတၢ်မၤစၢၤလၢသုဂီၢ်လီၤ. ယအဲၣ်သုဒိၣ်မးအဃိ ဒီး, မ့ၢ်သုကအဲၣ်ယၤစှၤန့ၢ်တၢ်န့ၣ်ဧါ.

၂ ကရံၣ်သူး 13:10

လၢတၢ်န့ၣ်အဃိယကွဲးတၢ်အဝဲအံၤဖဲယအိၣ်လီၤဖးဒီး သုလီၤ. အဝဲအံၤန့ၣ်မ့ၢ်ဒ်သိးဖဲယဟဲတုၤန့ၣ်, အလီၢ်သုတအိၣ်လၢယကမၤသုဆူၣ်ဆူၣ်လၢတၢ်သူ တၢ်စိတၢ်ကမီၤလၢကစၢ်ယွၤဟ့ၣ်တ့ၢ်ယၤ (တၢ်စိတၢ်ကမီၤလၢတၢ်ကမၤထီၣ်မၤထီသု အဂီၢ်, တမ့ၢ်တၢ်ကမၤဟးဂီၤသုအဂီၢ်ဘၣ်) အပူၤ တဂ့ၤအဂီၢ်န့ၣ်လီၤ.

၂ ကရံၣ်သူး 2:10

ဖဲသုပျၢ်ကွံာ်ပှၤတဂၤအတၢ်ကမၣ်လၢအမၤဝဲန့ၣ်, ယဲဒၣ်ယပျၢ်ကွံာ်အတၢ်ကမၣ်စ့ၢ်ကီးလီၤ. အဂ့ၢ်ဒ်အံၤ, အလီၢ်မ့ၢ်အိၣ်နီၢ်နီၢ်လၢယကဘၣ်ပျၢ်တၢ်ကမၣ်တမံၤ မံၤန့ၣ်, ယမၤအီၤလၢခရံာ်အမဲာ်ညါလၢသုဃိ,

၂ ကရံၣ်သူး 2:4

ယကွဲးလံာ်ဆူသုအိၣ်လၢတၢ်သးဘၣ်တံာ်တာ်ဒီးတၢ်သးဘၣ်ကီ ဘၣ်ခဲဖးဒိၣ်အပူၤ, ဒီးအိၣ်ဒီးမဲာ်ထံမဲာ်နိအဒိၣ်အအါလီၤ. ယတၢ်တိာ်ပာ်ကွၢ်စိတမ့ၢ်လၢယကမၤသးအုးသုအဂီၢ်ဘၣ်. မ့မ့ၢ် တခီ, မ့ၢ်ဝဲဒ်သိးသုကသ့ၣ်ညါသုဝဲလၢယအဲၣ်ဘၣ်သုဆံး အါလဲၣ်န့ၣ်လီၤ.

၂ ကရံၣ်သူး 3:3

အိၣ်ဖျါဝဲဒၣ်ဆှံဆှံလၢခရံာ်အနီၢ်ကစၢ်ဒၣ်ဝဲကွဲးလံာ်ပရၢ အဝဲအံၤဒီးဆှၢလီၤဝဲခီဖျိပှၤလီၤ. လံာ်ပရၢအံၤဘၣ်တၢ်ကွဲးအီၤတမ့ၢ်လၢကသံၣ်ထံဘၣ်. မ့မ့ၢ်လၢယွၤလၢအမူဝဲတဂၤအသး, ဒီးတမ့ၢ်လၢလၢၢ် ဘ့ၣ်ဘၣ်အလိၤဘၣ်. မ့မ့ၢ်လၢပှၤကညီအသးအလိၤတခီလီၤ.

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

၂ ကရံၣ်သူး 7:2

ပာ်န့ၢ်ပှၤတၢ်လီၢ်တၢ်ကျဲလၢသုသးအပူၤတက့ၢ်. ပတမၤ ကမၣ်ပှၤနီတဂၤဘၣ်. ပတမၤဟးဂီၤပှၤနီတဂၤ, ဒီးပတဂုာ်ကျဲးစၢးဟံးန့ၢ်စ့ၢ်ကီးတၢ်အခွဲးအယာ် လၢပှၤအဖီခိၣ်နီတဂၤဘၣ်.

ကလၤတံ 3:2

စံးဘၣ်ယၤထဲတၢ်တမံၤအံၤတက့ၢ်. မ့ၢ်သုဒိးန့ၢ်ဘၣ်ကစၢ်ယွၤအသးခီဖျိတၢ်မၤထွဲတၢ်သိၣ်တၢ်သီ အခံဧါ. မ့တမ့ၢ်ဘၣ်ဒီးခီဖျိတၢ်နၢ်ဟူတၢ်သးခုကစီၣ် ဒီးစူၢ်က့ၤနာ်က့ၤအီၤန့ၣ်ဧါ.

ကလၤတံ 3:5

ကစၢ်ယွၤဟ့ၣ်သုအသးစီဆှံဒီးမၤတၢ်လီၤလးလၢသုသိးသုကျါ န့ၣ်, မ့ၢ်လၢသုမၤထွဲတၢ်သိၣ်တၢ်သီအခံအဃိဧါ. မ့တမ့ၢ်ဘၣ်ဒီးမ့ၢ်လၢသုနၢ်ဟူဘၣ်တၢ်သးခုကစီၣ်ဒီးသုနာ်အီၤ အဃိဧါ.

ကလၤတံ 5:22

မ့မ့ၢ်ယွၤအသးန့ၣ်, ဒုးအိၣ်ထီၣ်တၢ်အဲၣ်တၢ်ကွံ, တၢ်သူၣ်ခုသးခု, တၢ်ဃူတၢ်ဖိး, တၢ်ဝံသးစူၤ, တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်သးတီ,

အ့းဖ့းစူး 3:4

တုၤသုဖးဘၣ်တၢ်လၢယကွဲးအံၤဒီးသုကသ့ၣ်ညါဘၣ်ဃး ယတၢ်နၢ်ပၢၢ်ခရံာ်အတၢ်ခူသူၣ်အဂ့ၢ်န့ၣ်လီၤ.)

အ့းဖ့းစူး 4:2

ဆီၣ်လီၤသုသး, အိၣ်ဒီးတၢ်သူၣ်ဂ့ၤသးဝါဒီးတၢ်ဝံသးစူၤထီဘိ တက့ၢ်. ပာ်ဖျါထီၣ်သကိးသုတၢ်အဲၣ်တၢ်ကွံခီဖျိတၢ်သူၣ်စူၤသးစူၤ န့ၣ်တက့ၢ်.

အ့းဖ့းစူး 4:32

ဒီးဝံသးစူၤလိာ်သုသး, သူၣ်ကညီၤသးကညီၤလိာ်သုသး, ပျၢ်လိာ်သုတၢ်ကမၣ်ဒ်ကစၢ်ယွၤအိၣ်လၢခရံာ်အပူၤပျၢ်သုတၢ်ကမၣ်အသိးန့ၣ်တက့ၢ်.

ကလီးစဲ 1:27

ကစၢ်ယွၤအတၢ်ရဲၣ်တၢ်ကျဲၤမ့ၢ်ဒ်သိးအကလီၣ်ဖျါထီၣ်န့ၢ် အပှၤဂီၢ်မုၢ်လၢအဝဲအတၢ်ခူသူၣ်န့ၣ်လီၤ. တၢ်ခူသူၣ်လၢအအိၣ်ဒီးအလုၢ်အပှ့ၤဒီးအလၤထူးကပီၤတီၤအံၤ မ့ၢ်ဝဲလၢပှၤကိးကလုာ်ဒဲးအဂီၢ်ဒီးတၢ်ခူသူၣ်အံၤမ့ၢ်ဝဲခရံာ် အိၣ်လၢသုပူၤ, အခီပညီသုကန့ၢ်သါဃုာ်ကစၢ်ယွၤအလၤ အကပီၤန့ၣ်လီၤ.

ကလီးစဲ 2:3

ခရံာ်လီၣ်ဖျါထီၣ်ကစၢ်ယွၤအတၢ်ကူၣ်သ့ဒီးအတၢ်သ့ၣ်ညါခဲလၢာ် လၢအလီၤဂာ်ဒီးတၢ်ထူးတၢ်တီၤလုၢ်ဒိၣ်ပှ့ၤဒိၣ်လၢအအိၣ်သဒၢ တဖၣ်န့ၣ်လီၤ.

ကလီးစဲ 3:12

သုမ့ၢ်ကစၢ်ယွၤအပှၤဂီၢ်မုၢ်ပှၤလၢယွၤအဲၣ်ဒိးဃုထၢထီၣ်အီၤ လၢအကမ့ၢ်အတၢ်ဒၣ်ဝဲလီၤ. လၢတၢ်န့ၣ်အဃိ, ကူထီၣ်သိးထီၣ်တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်ဆီၣ်လီၤသး, တၢ်ပာ်သးကပုာ်လုး, တၢ်ဝံသးစူၤတဖၣ်တက့ၢ်.

၁ သ့းစၤလနံ 2:10

သုဝဲဒီးကစၢ်ယွၤစ့ၢ်ကီးမ့ၢ်ပှၤအုၣ်အသးလၢပဂီၢ်လၢပတၢ် မၤဘၣ်သုဝဲပှၤစူၢ်က့ၤနာ်က့ၤခရံာ်တဖၣ်, မ့ၢ်တၢ်လၢအကဆှီ, တီဝဲလိၤဝဲ, ဒီးပူၤဖျဲးဒီးတၢ်ကမူၤကမၣ်န့ၣ်လီၤ.

၁ တံၤမသ့း 4:12

တဘၣ်ပျဲပှၤနီတဂၤကွၢ်တလီၤနၤမ့ၢ်လၢနမ့ၢ်ပှၤသးစၢ်အဃိ တဂ့ၤ. မ့မ့ၢ်ကဲထီၣ်တၢ်ဒိဂ့ၤတဲာ်ဘၣ်လၢပှၤစူၢ်က့ၤနာ်က့ၤတၢ် တဖၣ်အဂီၢ်လၢနတၢ်ကတိၤ, လၢနတၢ်မၤ, လၢနတၢ်အဲၣ်တၢ်ကွံ, လၢတၢ်စူၢ်တၢ်နာ်, ဒီးတၢ်စီတၢ်ဆှံအပူၤန့ၣ်တက့ၢ်.

၁ တံၤမသ့း 5:2

ပိာ်မုၣ်လၢအသးပှၢ်န့ၢ်နၤတဖၣ်ဒ်မိၢ်တဖၣ်အသိး, ဒီးပိာ်မုၣ်လၢအသးစၢ်န့ၢ်နၤတဖၣ်ဒ်နဒီပုၢ်ဝဲၢ်မုၣ်တဖၣ် အသိး, လၢတၢ်စီဆှံခဲလၢာ်အပူၤန့ၣ်တက့ၢ်.

၂ တံၤမသ့း 3:10

မ့မ့ၢ်နဲဒၣ်အံၤနပိာ်ထွဲယတၢ်သိၣ်လိသီလိအခံ, ယတၢ်အိၣ်မူအကျဲဒီးယတၢ်တိာ်လၢတၢ်အိၣ်မူအပူၤန့ၣ်လီၤ. နထံၣ်ဘၣ်တ့ၢ်ယတၢ်စူၢ်တၢ်နာ်, ယတၢ်ဝံသးစူၤ, ယတၢ်အဲၣ်တၢ်ကွံ, ယတၢ်သ့တူၢ်တၢ်,

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.

တံတူး 2:7

လၢတၢ်ခဲလၢာ်အပူၤန့ၣ်, နကစၢ်ဒၣ်နဲနကဘၣ်ကဲထီၣ် တၢ်ဒိတၢ်တဲာ်လၢတၢ်သကဲာ်ဂ့ၤပဝးဝါအဂီၢ်န့ၣ်လီၤ. အိၣ်ဒီးတၢ်သူၣ်တီသးလိၤဒီးပာ်နသးသညူးသပှၢ် လၢနတၢ်သိၣ်လိသီလိအပူၤန့ၣ်တက့ၢ်.

ယၤကိာ် 3:17

ဘၣ်ဆၣ်ဒီးတၢ်ကူၣ်သ့လၢအဟဲလၢထးအံၤအဆိကတၢၢ်န့ၣ် ကဆှီဝဲလီၤ. မ့ၢ်စ့ၢ်ကီးတၢ်လၢအဒုးအိၣ်ထီၣ်တၢ်ဃူတၢ်ဖိး တၢ်မုာ်တၢ်ခုၣ်, ဒီးတၢ်သ့ကွၢ်ဆိကမိၣ်တၢ်လၢပှၤအဂီၢ်န့ၣ်လီၤ. တၢ်ကူၣ်သ့အံၤပှဲၤဒီးတၢ်သးကညီၤဒီးတၤသၣ်အဂ့ၤတဖၣ်လီၤ. ပူၤဖျဲးဒီးတၢ်ကွၢ်မဲာ်တၢ်ဒီးတၢ်ပာ်မၤအသးတဖၣ်န့ၣ်လီၤ.

၁ ပ့းတရူး 1:12

ကစၢ်ယွၤလီၣ်ဖျါထီၣ်တ့ၢ်တၢ်ဆူဝံတဖၣ်အံၤလၢအဝဲသ့ၣ် အတၢ်မၤအံၤတမ့ၢ်လၢအဘျုးဒၣ်ဝဲအဂီၢ်ဘၣ်, မ့မ့ၢ်, မ့ၢ်လၢသုဂီၢ်တခီန့ၣ်လီၤ. ဒီးခဲအံၤအဝဲသ့ၣ်ကတိၤတၢ်ဘၣ်ဃးဒီးတၢ်သ့ၣ်တဖၣ်လၢ သုနၢ်ဟူခဲအံၤလၢပှၤစိာ်တၢ်ကစီၣ်တဖၣ်အအိၣ်, လၢအစံၣ်တဲၤတဲလီၤတၢ်သးခုကစီၣ်ခီဖျိသးစီဆှံ အစိကမီၤလၢအဟဲလီၤလၢမူခိၣ်န့ၣ်လီၤ. တၢ်သ့ၣ်တဖၣ်အံၤ, မ့ၢ်တၢ်လၢကလူးသ့ၣ်တဖၣ်ဒၣ်လဲာ်အဲၣ်ဒိးသ့ၣ်ညါနၢ်ပၢၢ် ဝဲန့ၣ်လီၤ.

၁ ပ့းတရူး 1:22

ခဲအံၤ, မ့ၢ်လၢသုစူၢ်တၢ်မ့ၢ်တၢ်တီအဃိသုမၤကဆှီထီၣ်သုသး ဒီးသုတုၤဃီၤလၢတၢ်အဲၣ်နီၢ်နီၢ်လၢပှၤစူၢ်က့ၤနာ်က့ၤတၢ်ကဒဲ ကဒဲဒီးသုသတးဒီး, အဲၣ်လိာ်ကွံလိာ်သုသးတဂၤဒီးတဂၤနီၢ်နီၢ်လၢသုသးဒီဖျၢၣ် ညါန့ၣ်တက့ၢ်.

၁ ယိၤဟၣ် 3:18

ယဖိယလံၤသ့ၣ်ဧၢ, ပတၢ်အဲၣ်အသုတမ့ၢ်ထဲထးခိၣ်ဖံးလာ် ဧိၤန့ၣ်တဂ့ၤ. ကဘၣ်မ့ၢ်တၢ်အဲၣ်နီၢ်နီၢ်လၢအဖျါထီၣ်လၢ တၢ်ဖံးတၢ်မၤအပူၤန့ၣ်လီၤ.

လံာ်ပှၤစံၣ်ညီၣ်ကွီၢ် 16:15

မၤသးဒ်န့ၣ်ဒီး, နီၢ်ဒလံလၤစံးဘၣ်အီၤ, “နတအဲၣ်ယၤနီၢ်နီၢ်ဘၣ် ဒီးနစံးလၢနအဲၣ်ယၤကသ့ဒ်လဲၣ်. နမၤပျုၢ်တ့ၢ်ယၤသၢဘျီ ဒီးနတတဲဘၣ်ဒံးယၤလၢတၢ်မနုၤမၤဆူၣ်ထီၣ် နဂံၢ်နဘါဒိၣ်ဒိၣ်ကလဲာ်အဂ့ၢ်န့ၣ်ဘၣ်.”