၂ ကရံၣ်သူး 6:5 - Sgaw Karen Common Bible

⁵ ပဘၣ်တၢ်ဒိပှၤတီၢ်ပှၤ, တၢ်ဒၢနုာ်ပှၤလၢဃိာ်ပူၤ, တၢ်မၤအၢမၤသီပှၤလၢပှၤဂီၢ်မုၢ်တၢထီၣ်တၢလီၤတဖၣ်, ပဘၣ်တၢ်ဒုးဖံးဒုးမၤပှၤတၢ်တလၢကွံာ်အခၢးဒီးပဘၣ် ကီၤမံကီၤဂဲၤကီၤဝံၤကီၤစ့ၤပဝဲန့ၣ်လီၤ.

၂ ကရံၣ်သူး 6:5 Iomraidhean Croise

လံာ်စီၤပၤအခီၣ်ထံးတဘ့ၣ် 22:27

တဲဘၣ်အဝဲသ့ၣ်လၢကဒၢနုာ်အီၤဆူဃိာ်ပူၤဒီးလုၢ်အီၣ်လုၢ်အီ လၢကိၣ်ဒီးထံတုၤလၢယဟဲက့ၤတုၤမုာ်မုာ်န့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 16:10

တၢ်အံၤမ့ၢ်တၢ်လၢအဒုးသးထီၣ်ဘၣ်စီၤအၤစါလၢဝံဃနၤနံ ဒိၣ်ဒိၣ်မုၢ်မုၢ်အဃိ, အဝဲမၢပှၤတ့ၢ်နုာ်အီၤဆူဃိာ်ပူၤန့ၣ် လီၤ. တၢ်န့ၣ်မ့ၢ်တၢ်ဆၢကတီၢ်တကတီၢ်ဃီဖဲစီၤအၤစါစးထီၣ်မၤအၢမၤ နးပှၤဂီၢ်မုၢ်တနီၤနီၤအၢအၢသီသီန့ၣ်လီၤ.

လံာ်ယၡါယၤ 53:5

မ့မ့ၢ်တခီ, လၢပတၢ်ဒဲးဘးတဖၣ်အဃိ တၢ်မၤဘၣ်ဒိဆါအီၤ, ဒီးဘၣ်တၢ်ဒိအီၤတီၢ်အီၤလၢ တၢ်အၢတၢ်သီလၢပမၤတ့ၢ်တဖၣ်အဃိလီၤ. ပဘၣ်တၢ်မၤဘျါက့ၤပှၤခီဖျိတၢ်စံၣ်ညီၣ်လၢအတူၢ်ဝဲအဃိ ဒီးပဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ.

လံာ်ယံးရမံယၤ 33:1

ဖဲယအိၣ်ဒံးလၢဃိာ်ပူၤလၢ ကွီၢ်အဂၢၤပူၤန့ၣ်, ယွၤတၢ်ကစီၣ် ဟဲတုၤအိၣ်ကဒီးယၤန့ၣ်လီၤ.

လံာ်ယံးရမံယၤ 38:6

လၢတၢ်န့ၣ်အဃိ, အဝဲသ့ၣ်ဟံးန့ၢ်ယၤဒီးစဲၤလီၤယၤလၢ ပျံၤဆူ စီၤပၤဖိခွါစီၤမၤလကံယၤအထံပူၤလၢ အအိၣ်ဝဲလၢ နူၢ်အဂၢၤပူၤန့ၣ်လီၤ. လၢထံပူၤန့ၣ်ထံတအိၣ်ဘၣ်. အိၣ်ဒၣ်ထဲကပံာ်ဒီးယလီၤဘျၢလၢ ကပံာ်အကျါန့ၣ်လီၤ.

လံာ်ယဃ့းစက့လး 3:17

“ပှၤကညီလၢ အသံသ့ဧၢ, ယဒုးကဲထီၣ်နၤလၢ ပှၤခိးကွၢ်တၢ်ဖိ တဂၤလၢ ကီၢ်အံၣ်စရ့လး အပှၤတကလုာ်အဂီၢ်လီၤ. တၢ်ပလီၢ် ပဒီတဖၣ်လၢ ယဟ့ၣ်လီၤနၣ်, နကဘၣ်ဟ့ၣ်ခီဟ့ၣ်နီၤဆူအဝဲသ့ၣ် အအိၣ်န့ၣ်တက့ၢ်.

လံာ်မးသဲ 14:10

အဝဲဆှၢလီၤအခ့အပှၤလၢကဒီၣ်တဲာ်ကွံာ်စီၤယိၤဟၣ် အကိာ်လၢဃိာ်ပူၤ,

လံာ်မးသဲ 14:3

အဂ့ၢ်ဒ်အံၤ, စီၤဟ့ၤရိာ်ဖီၣ်ဃာ်တ့ၢ်စီၤယိၤဟၣ်ဒီးစၢဃာ်အီၤဒီးဒၢနုာ် တ့ၢ်အီၤလၢဃိာ်ပူၤ, မ့ၢ်လၢအဒီပုၢ်ဝဲၢ်စီၤဖံလံးပူးအမါနီၢ်ဟ့ၤရိၤဒံအဃိ လီၤ.

လံာ်မးသဲ 9:15

ယ့ၣ်ၡူးစံးဆၢဝဲ, “ဖဲတလးမူးပိာ်ခွါအိၣ်ဒံးဒီးအဝဲသ့ၣ် အဖၢမုၢ်ဒီးမ့ၢ်ပှၤသမှံၤလၢအဟဲဆူတၢ်တ့တၢ်ဖျီတဖၣ် သူၣ်အုးသးအုးကသ့ဧါ. ဘၣ်ဆၣ်ဒီးမုၢ်နံၤတဖၣ်ကဟဲဝဲဖဲတလးမူးပိာ်ခွါကဘၣ်တၢ်ထုးဖးကွံာ်အီၤ လၢအဝဲသ့ၣ်အအိၣ်လီၤ. တုၤနုၤတစုအဝဲသ့ၣ်ကဒုၣ်တၢ်အီၣ်လီၤ.

မၤတၢ် 13:3

အဝဲသ့ၣ်ဒုၣ်တၢ်အီၣ်တၢ်အီဒီးဃ့ဘါထုကဖၣ်တၢ်ဝံၤ အလီၢ်ခံ, ပာ်ထီၣ်အစုလၢစီၤဘၢ်နါဘၤဒီးစီၤစီလူးအလိၤဝံၤဒီး, မၢလီၤအဝဲသ့ၣ်လီၤ.

မၤတၢ် 14:19

ပှၤယူဒၤဖိတနီၤဟဲလၢဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံဒီး လၢဝ့ၢ်အံၤကနံၤလီၤ. အဝဲသ့ၣ်ထုးန့ၢ်ပှၤဂီၢ်မုၢ်အသးဒ်သိးအကစူၢ်ကနာ်တၢ်လၢ အဝဲသ့ၣ်စံးဝဲ, ဒီးကွံာ်စီၤပီလူးလၢလၢၢ်ဝံၤ, ဖဲအဆိကမိၣ်လၢအဝဲဒၣ်သံလံန့ၣ်, တွံၢ်ထုးထီၣ်ကွံာ်အီၤဆူဝ့ၢ်အချၢန့ၣ်လီၤ.

မၤတၢ် 14:23

လၢတၢ်အိၣ်ဖှိၣ်တဖုဘၣ်တဖုအပူၤန့ၣ်, အဝဲသ့ၣ်ဃုထၢထီၣ်သူၣ်က့သးပှၢ်တဖၣ်, ဒီးလၢတၢ်ထုကဖၣ်ဒီးတၢ်ဒုၣ်တၢ်အီၣ်အပူၤ, အဝဲသ့ၣ်ဟ့ၣ်လီၤအးလီၤပှၤတဖၣ်န့ၣ်ဆူကစၢ်လၢအဝဲသ့ၣ်သူၣ်လီၤ အတၢ်စူၢ်တၢ်နာ်လၢအပူၤတဂၤအစုပူၤန့ၣ်လီၤ.

မၤတၢ် 17:5

ဘၣ်ဆၣ်ဒီးပှၤယူဒၤဖိသ့ၣ်တဖၣ်အသးက့ၣ်ဒီးပာ်ဖှိၣ်ထီၣ် ပှၤအၢပှၤသီလၢကျဲမုၢ်ခိၣ်တနီၤ, ဒီးဒုးအိၣ်ထီၣ်ပှၤဂီၢ်မုၢ်တဖုလၢအမၤတၢထီၣ်တၢလီၤဝ့ၢ်ဒီ ဖျၢၣ်ညါဒီးလဲၤနုာ်ဆူၣ်ဆူစီၤယါစီၣ်အဟံၣ်ပူၤ, ဒ်သိးအကထံၣ်န့ၢ်စီၤပီလူးဒီးစီၤစံလၤဒီးကဟဲစိာ်ထီၣ်အီၤ ဆူပှၤဂီၢ်မုၢ်အအိၣ်အဂီၢ်န့ၣ်လီၤ.

မၤတၢ် 20:31

လၢတၢ်န့ၣ်အဃိ, အိၣ်ပလီၢ်သူၣ်ပလီၢ်သးဒီးသ့ၣ်နီၣ်ထီၣ်လၢ, သၢနံၣ်အတီၢ်ပူၤလၢမုၢ်ဆါဆဲးလၢမုၢ်နၤယသိၣ်လီၤသီလီၤဒီး ဟ့ၣ်ပလီၢ်သုလၢမဲာ်ထံမဲာ်နိအဒိၣ်အအါအပူၤန့ၣ်တက့ၢ်.

မၤတၢ် 23:10

တၢ်ကတိၤဂ့ၢ်လိာ်ဘှီလိာ်ယံာ်ထီၣ်ဆူၣ်ထီၣ်တုၤဒၣ်လဲာ်ပှၤ သုးဖိတကထိအခိၣ်ဘၣ်ယိၣ်လၢစီၤပီလူးကဘၣ်တၢ်မၤလီၤကလဲကွံာ်အီၤ လၢပှၤသ့ၣ်တဖၣ်န့ၣ်အဃိ, ဟ့ၣ်လီၤအကလုၢ်ဆူပှၤသုးဖိတဖၣ်အအိၣ်ဒ်သိးအကလဲၤ လီၤဆူပှၤဂီၢ်မုၢ်သ့ၣ်တဖၣ်န့ၣ်အကျါ, ဂုာ်ထုးထီၣ်က့ၤဒီးဆှၢစီၤပီလူးဆူသုးဖိအိၣ်တၢ်အလီၢ်တိာ် ပူၤန့ၣ်လီၤ.

မၤတၢ် 23:35

အဝဲဒၣ်စံးဘၣ်အီၤ, “ယကဒိကနၣ်နတၢ်စံးတၢ်ကတိၤဖဲ ပှၤပာ်တၢ်ကမၣ်လၢနလိၤတဖၣ်ဟဲတုၤဝဲန့ၣ်လီၤ.” အန့ၣ်ဝံၤဒီး, အဝဲဟ့ၣ်လီၤအကလုၢ်လၢစီၤပီလူးကဘၣ် တၢ်အိၣ်ခိးကွၢ်ထွဲအီၤလၢသုးဖိတဖၣ်, ဖဲနီလၢစီၤပၤဟ့ၤရိာ်ဘှီထီၣ်တ့ၢ်ဝဲတဖျၢၣ်အပူၤန့ၣ်လီၤ.

မၤတၢ် 24:27

ခံနံၣ်ဝံၤအလီၢ်ခံန့ၣ်, စီၤပီၤကံၤဖ့စတူးကဲထီၣ်က့ၤပဒိၣ်ဖးဒိၣ် လၢစီၤဖ့လံးအလီၢ်, ဒီးမ့ၢ်လၢစီၤဖ့လံးအဲၣ်ဒိးမၤအိၣ်အမဲာ် သၣ်လၢပှၤယူဒၤဖိတဖၣ်အဃိပာ်ဃာ်ဒံးစီၤပီလူးလၢဃိာ်ပူၤလီၤ.

မၤတၢ် 26:10

အဝဲအံၤမ့ၢ်တၢ်လၢယမၤတ့ၢ်ယဲဖဲဝ့ၢ်ယရူၤၡလ့ၣ်န့ၣ်လီၤ. ယဒိးန့ၢ်ဘၣ်တၢ်စိတၢ်ကမီၤလၢပှၤလုၢ်တၢ်အခိၣ်အဒိၣ်တဖၣ် အအိၣ်, ဒီးဒၢနုာ်ကစၢ်ယွၤအပှၤစီဆှံအါဂၤဆူဃိာ်ပူၤလီၤ. ဒီးဖဲအဝဲသ့ၣ်ဘၣ်တၢ်စံၣ်ညီၣ်သံအီၤန့ၣ်, ယပာ်ဖျါယတၢ်ဘၣ် ယသးစ့ၢ်ကီးန့ၣ်လီၤ.

မၤတၢ် 26:29

စီၤပီလူးစံးဆၢဝဲ, “လၢအဆၢကတီၢ်ဖုၣ်ကိာ်ဖိအပူၤမ့ၢ်ဂ့ၤ, လၢဆၢကတီၢ်ဖးယံာ်အပူၤမ့ၢ်ဂ့ၤ, မ့တမ့ၢ်ဘၣ်လၢထးပျံၤအတၢ်စၢဃာ်အံၤဘၣ်ဒီးယတၢ်ထု ကဖၣ်ကစၢ်ယွၤမ့ၢ်ဒ်သိးနၤဒီးပှၤဂၤလၢအနၢ်ဟူယတၢ်စံး တၢ်ကတိၤလၢမုၢ်မဆါတနံၤအံၤခဲလၢာ်, ကကဲထီၣ်ဒ်ယၤ အသိးန့ၣ်လီၤ.”

မၤတၢ် 28:30

လၢခံနံၣ်အတီၢ်ပူၤန့ၣ်, စီၤပီလူးအိၣ်ဝဲဖဲတၢ်လီၢ်လၢအနီၢ်ကစၢ်ဒိး လဲဝဲဒီးတူၢ်လိာ်ခီၣ်ဆၢကယဲၢ်ပှၤလၢအဟဲအိၣ်သကိးအီၤတဖၣ် လီၤ.

မၤတၢ် 5:18

အဝဲသ့ၣ်ဖီၣ်ဝဲပှၤတၢ်မၢဖိတဖၣ်န့ၣ်ဒီးဒၢနုာ်အဝဲသ့ၣ်လၢကမျၢၢ် အဃိာ်ပူၤန့ၣ်လီၤ.

1 ကရံၣ်သူး 15:10

ဘၣ်ဆၣ်ဒီးခီဖျိကစၢ်ယွၤအဘျုးန့ၣ်, ယမ့ၢ်တၢ်လၢယမ့ၢ်ဒီးတၢ်ဘျုးတၢ်ဖှိၣ်လၢအဝဲဒၣ်ဟ့ၣ်တ့ၢ်ယၤန့ၣ် တကဲတၢ်ကလီကလီဘၣ်. မ့မ့ၢ်ယဖံးမၤတ့ၢ်တၢ်ဆူၣ်န့ၢ်ပှၤတၢ်မၢဖိအဂၤတဖၣ်ခဲလၢာ်လီၤ. ဘၣ်ဆၣ်ဒီးတမ့ၢ်ယတၢ်မၤဒၣ်ယဲနီၢ်နီၢ်ဘၣ်, မ့မ့ၢ်တခီမ့ၢ်ဝဲယွၤအဘျုးအဖှိၣ်ဖံးမၤတၢ်ဒီးယၤလီၤ.

1 ကရံၣ်သူး 4:11

တုၤဃီၤခဲကနံၣ်အံၤ, ပသၣ်ဝံၤလီၤဒိဒီးတၢ်သူပသးလၢထံလီၤ. ပကူပသိးတၢ်ယာ်ဘုၣ်ယာ်ဖျ့, တၢ်တီၢ်ပှၤဝ့ၤပှၤ, ပဟးဝ့ၤဝီၤဆူအံၤဆူဘး

1 ကရံၣ်သူး 7:5

မ့တမ့ၢ်လၢသုအိၣ်ဒီးတၢ်အၢၣ်လီၤဆိပာ်သုသး, လၢသုကအိၣ်လီၤဖးတစိၢ်တလီၢ်ဒ်သိးသုကအိၣ်ဒီးတၢ်ဆၢ ကတီၢ်လၢတၢ်ထုကဖၣ်အဂီၢ်န့ၣ်, တဘၣ်အိၣ်လီၤဖးလိာ်သုသးတဂၤဒီးတဂၤတဂ့ၤ. ဘၣ်ဆၣ်ဒီးတၢ်န့ၣ်ဝံၤအလီၢ်ခံအိၣ်က့ၤဒီး တၢ်ဘၣ်ထွဲလိာ်သုသးဒ်နီၢ်ဒီမိဝၤအသိးတက့ၢ်. လၢကျဲဒ်အံၤအပူၤန့ၣ်, သုကပူၤဖျဲးဒီးတၢ်ဟ့ၣ်လီၤသုသးဆူမုၣ်ကီၤလံၢ်အတၢ်လ့ပစီ အပူၤလၢသုတၢ်ပၢၤသူၣ်ပၢၤသးတအိၣ်ဘၣ်အဃိန့ၣ်လီၤ.

၂ ကရံၣ်သူး 11:27

ယဘၣ်ဖံးဘၣ်မၤတ့ၢ်တၢ်ကိၢ်ကိၢ်ဂီၤဂီၤ, လီၤဘှံးလီၤ တီၤ, အါစုအါဘျီတၢ်မံတၢ်ဂဲၤလီၤမၢ်ကွံာ်လၢယဂီၢ်, တၢ်သၣ်ဝံၤယသးဒီးတၢ်သူတ့ၢ်ယသးလၢထံအါစု အါဘျီယတအီၣ်ဘၣ်အီဘၣ်လၢအီၣ်လၢအီ, ယတဒိးန့ၢ်ဘၣ်တၢ်အိၣ်ကဒုအလီၢ်ဒီးတၢ်ကူတၢ်ကၤလၢလၢ ပှဲၤပှဲၤဘၣ်လီၤ.

အ့းဖ့းစူး 3:1

လၢတၢ်ဂ့ၢ်အံၤအဃိ, ယၤစီၤပီလူး, ပှၤဃိာ်ဖိတဂၤလၢယ့ၣ်ၡူးခရံာ်အဃိဒီးလၢသုဝဲပှၤကလုာ် အဂၤတဖၣ်အဂီၢ်အံၤ, ယဃ့ဘါထုကဖၣ်ယွၤကစၢ်လၢသုဂီၢ်လီၤ.

လံာ်သိၣ်လီၤသီလီၤတၢ် 25:3

အဝဲကဘၣ်တၢ်တီၢ်အီၤအအါကတၢၢ်အဘီလွံၢ်ဆံ, ဒီးတဘၣ်အါန့ၢ်အဘီလွံၢ်ဆံဘၣ်န့ၣ်လီၤ. မ့ၢ်အါန့ၢ်အန့ၣ်ဒီးကမ့ၢ်တၢ်မၤမဲာ်ဆှးအီၤလၢပှၤဂီၢ်မုၢ် အမဲာ်ညါန့ၣ်လီၤ.

ဖံလံးပံၤ 1:13

လၢတၢ်အံၤအဃိ, သုးဖိလၢအခိးစီၤပၤအနူၢ်အစီၤကိးဂၤဒဲး, ဒီးပှၤဂၤတဖၣ်လၢအအိၣ်ဝဲဖဲအံၤခဲလၢာ်သ့ၣ်ညါဝဲလၢ ယအိၣ်ဘၣ်လၢဃိာ်ပူၤန့ၣ်မ့ၢ်လၢယမ့ၢ်ခရံာ်အခ့အပှၤတဂၤ အဃိလီၤ.

၁ သ့းစၤလနံ 2:9

ပမၤတ့ၢ်တၢ်ဆူၣ်ဆံးအါလဲၣ်န့ၣ်သုကသ့ၣ်နီၣ်ထီၣ်လီၤ. ယဒီပုၢ်ဝဲၢ်သ့ၣ်ဧၢ, ပမၤတ့ၢ်တၢ်မုၢ်ဆါဆဲးလၢမုၢ်နၤဒ်သိးဖဲပစံၣ် တဲၤတဲလီၤန့ၢ်သုတၢ်သးခုကစီၣ်ဟဲလၢကစၢ်ယွၤအအိၣ် အဖၢမုၢ်, သုသုတဘၣ်လၢာ်ဘူၣ်လၢာ်စ့ၤလၢပဂီၢ်တဂ့ၤအဂီၢ် န့ၣ်လီၤ.

၁ တံၤမသ့း 4:10

ပဂဲၤပျုၢ်ဒီးမၤတၢ်ဆူၣ်ဆူၣ်, မ့ၢ်လၢပပာ်ပတၢ်မုၢ်လၢ်လၢ ကစၢ်ယွၤလၢအမူဝဲတဂၤအပူၤ, လၢအမ့ၢ်ပှၤအုၣ်က့ၤခီၣ်က့ၤ ပှၤခဲလၢာ်, ဒီးလီၤဆီဒၣ်တၢ်ပှၤလၢအစူၢ်က့ၤနာ်က့ၤတၢ်တဖၣ် အဃိန့ၣ်လီၤ.

၂ တံၤမသ့း 1:8

လၢတၢ်န့ၣ်အဃိ, တဘၣ်မဲာ်ဆှးလၢနကအုၣ်နသးလၢပကစၢ် အဂီၢ်တဂ့ၤ, ဒီးတဘၣ်မဲာ်ဆှးစ့ၢ်ကီးလၢယမ့ၢ်ပှၤဘၣ်တၢ်စၢ ဃာ်လၢခရံာ်အဃိတဂ့ၤ. မ့မ့ၢ်ဒိးဃုာ်တၢ်နးတၢ်ဖှီၣ်ဒီးယၤလၢတၢ်သးခုကစီၣ် အဂီၢ်, ဒ်ကစၢ်ယွၤဟ့ၣ်နၤတၢ်ဂံၢ်တၢ်ဘါလၢနကမၤအီၤအဂီၢ် အသိးန့ၣ်တက့ၢ်.

၂ တံၤမသ့း 2:9

မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိ ယတူၢ်ဘၣ်တၢ်ဒီးယဘၣ်တၢ်စၢဃာ်ဒၣ်လဲာ်ယၤလၢပျံၤ ထးဒ်ပှၤအၢဖိတဂၤအသိးလီၤ. ဘၣ်ဆၣ်ဒီးကစၢ်ယွၤအကလုၢ်ကထါတဘၣ်တၢ်စၢဃာ်အီၤဘၣ်.

၂ တံၤမသ့း 4:5

မ့မ့ၢ်နဲဒၣ်အံၤ, ပၢၤနသးလၢတၢ်မၤအသးကိးမံၤဒဲးအပူၤတက့ၢ်. တူၢ်တၢ်နးတၢ်ဖှီၣ်, မၤပှၤစံၣ်တဲၤတဲလီၤတၢ်သးခုအကစီၣ်အတၢ် မၤဒီးမၤနမူနဒါခဲလၢာ် ဒ်ကစၢ်ယွၤအခ့အပှၤတဂၤအသိးတက့ၢ်.

ဧ့ၤဘြံၤ 11:36

ပှၤတနီၤဘၣ်တၢ်ဒုၣ်ဒွဲၣ်ပယွဲအီၤဒီးဘၣ်တၢ်တီၢ်အီၤ, ဒီးအဂၤတနီၤဘၣ်တၢ်စၢဃာ်အီၤလၢထးသွဲဒီးလီၤဘၣ်ဒၣ် လဲာ်လၢဃိာ်ပူၤလီၤ.

ဧ့ၤဘြံၤ 13:17

စူၢ်သုခိၣ်သုနၢ်တဖၣ်အကလုၢ်ဒီးဆီၣ်လီၤသုသးလၢ အဝဲသ့ၣ်အဖီလာ်တက့ၢ်. အဂ့ၢ်ဒ်အံၤ, ဒ်ပှၤလၢအကဘၣ်ဟ့ၣ်ထီၣ်တၢ်စံးဆၢအသိး န့ၣ်အဝဲသ့ၣ်ဆိးသီဝဲလၢသုသးသမူအဂီၢ်လီၤ. သုမ့ၢ်စူၢ်အဝဲသ့ၣ်အကလုၢ်ဒီး, ကမၤဝဲအတၢ်မၤလၢတၢ်သူၣ်ခု သးခုအပူၤလီၤ. မ့တမ့ၢ်ဘၣ်ဒီးကမၤဝဲလၢတၢ်သူၣ်အုးသးအုး အပူၤ, ဒီးတၢ်န့ၣ်တကဲထီၣ်တၢ်မၤစၢၤလၢသုဂီၢ်ဘၣ်လီၤ.

ဧ့ၤဘြံၤ 13:23

ယအဲၣ်ဒိးသုသ့ၣ်ညါလၢပဒီပုၢ်ဝဲၢ်စီၤတံၤမသ့းဘၣ်တၢ် ပျၢ်ပူၤဖျဲးအီၤလၢဃိာ်ပူၤလံ. အဝဲမ့ၢ်ဟဲဆိဆိဒီးအဝဲကအိၣ်ဒီးယၤဖဲယထံၣ်သုအဆၢ ကတီၢ်န့ၣ်လီၤ.

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.