၂ ကရံၣ်သူး 6:4 - Sgaw Karen Common Bible

⁴ အခိၣ်တလိာ်လၢတၢ်ကိးမံၤဒဲးလၢပမၤအီၤအပူၤန့ၣ် ပဒုးနဲၣ်လၢပမ့ၢ်ကစၢ်ယွၤအခ့အပှၤတဖၣ်ခီဖျိပတူၢ်တၢ်ကီတၢ်ခဲ တၢ်ဖှီၣ်တၢ်ယာ်ဒီးတၢ်နးတၢ်ဖှီၣ်တဖၣ် လၢတၢ်သူၣ်စူၤသးစူၤ အပူၤန့ၣ်လီၤ.

၂ ကရံၣ်သူး 6:4 Iomraidhean Croise

လံာ်ယၡါယၤ 61:6

ဒီးသုကဘၣ်တၢ်သ့ၣ်ညါသုဒ် ယွၤအပှၤလုၢ်တၢ်အခိၣ်တဖၣ်, ပကစၢ်ယွၤအခ့အပှၤတဖၣ်အသိးန့ၣ်လီၤ. သုကမုာ်လၤသးခုဘၣ်လၢပှၤကလုာ်တဖၣ် အတၢ်ထူးတၢ်တီၤအပူၤ ဒီးပာ်ကဖၢလၢသုသးလၢတၢ်အံၤမ့ၢ်သုတၢ်အဃိလီၤ.

လံာ်ယိၤအ့လး 1:9

ဘုဧိၤဟုဧိၤမ့ၢ်ဂ့ၤ, စပံးထံမ့ၢ်ဂ့ၤတအိၣ်ဝဲဒၣ်လၢတၢ်ကလုၢ်ထီၣ်အီၤလၢတၢ်လုၢ်ဟံၣ် အပူၤန့ၣ်ဘၣ်. ပှၤလုၢ်တၢ်အခိၣ်တဖၣ်သူၣ်အုးသးအုးဝဲဒၣ်လၢတအိၣ်ဘၣ်ဒီးတၢ် လုၢ်တၢ်ပာ်နီတမံၤလၢကလုၢ်ထီၣ်ဝဲလၢကစၢ်အဂီၢ်ဘၣ်အဃိလီၤ.

လံာ်ယိၤအ့လး 2:17

မ်ပှၤလုၢ်တၢ်အခိၣ်လၢအမၤယွၤအတၢ် တဖၣ်ဟီၣ်လၢတၢ်လုၢ်လီၢ်ဒီးယွၤအတၢ်လုၢ်ဟံၣ်အကျဲစၢၤအဘၢၣ် စၢၤဒီးထုကဖၣ်ဒ်အံၤ, ယွၤဧၢ, သးကညီၤနပှၤဂီၢ်မုၢ်တက့ၢ်. မ်ပှၤကလုာ်ဂၤတဖၣ်အသုတသးဘၣ်အၢဒီး ဒုၣ်ဒွဲၣ်စံးအၢပှၤ လၢအတၢ်ကတိၤ, သုကစၢ်အိၣ်ဖဲလဲၣ်, န့ၣ်တဂ့ၤ.

လံာ်လူၤကၣ် 21:19

အိၣ်ဆၢထၢၣ်ဂၢၢ်ဂၢၢ်ကျၢၤကျၢၤတက့ၢ်. အဂ့ၢ်ဒ်အံၤ, လၢကျဲဒ်အံၤအပူၤ, သုကအုၣ်က့ၤခီၣ်က့ၤသုနီၢ်ကစၢ်ဒၣ်သုဝဲလီၤ.

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

မၤတၢ် 2:22

“ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ကနၣ်ယတၢ်ကတိၤတဖၣ်အံၤတက့ၢ်. တၢ်ဒုးနဲၣ်ဖျါထီၣ်န့ၢ်သုဂ့ၤဂ့ၤကလဲာ်လၢပှၤနစၤရ့းဖိယ့ၣ် ၡူးမ့ၢ်ပှၤလၢယွၤအစိကမီၤအိၣ်ဒီးအီၤခီဖျိတၢ်မၤလီၤလး တဖၣ်, ဒီးတၢ်ပနီၣ်လီၤလးတဖၣ်လၢကစၢ်ယွၤမၤဝဲခီဖျိအီၤန့ၣ်လီၤ. သုကစၢ်ဒၣ်သုဝဲသုသ့ၣ်ညါတၢ်တဖၣ်အံၤမ့ၢ်လၢအမၤတ့ၢ်အသး လၢသုသိးသုကျါအဃိလီၤ.

မၤတၢ် 20:34

သုနီၢ်ကစၢ်ဒၣ်သုဝဲသုသ့ၣ်ညါလၢယဖံးတၢ်မၤတၢ်လၢယစု ဒၣ်ယဲ, ဒီးမၤန့ၢ်တၢ်ခဲလၢာ်လၢယတံၤသကိးဒီးယၤပန့ၢ်ဘၣ် အလီၢ်အိၣ်တဖၣ်လီၤ.

မၤတၢ် 9:16

ယကစၢ်ဒၣ်ယဲယကဒုးနဲၣ်အီၤကယဲၢ်တၢ်နးတၢ်ဖှီၣ်လၢ အဝဲဒၣ်ကဘၣ်တူၢ်ဝဲလၢယဃိန့ၣ်လီၤ.”

ရိမ့ၤ 14:18

ဒီးပှၤလၢအမၤခရံာ်အတၢ်မၤလၢကျဲဒ်အံၤတဂၤန့ၣ်, ကဒုးသးခုယွၤဒီးကဒိးန့ၢ်ဘၣ်ပှၤကညီအတၢ်ဘၣ်သူၣ်ဘၣ်သးန့ၣ်လီၤ.

ရိမ့ၤ 16:10

ယဆၢဂ့ၤဆၢဝါဘၣ်စီၤအၤပ့းလ့ၣ်လၢအပာ်ဖျါထီၣ်တ့ၢ်လံ ဝဲအတၢ်သးတီဒီးခရံာ်န့ၣ်လီၤ. ယဆၢဂ့ၤဆၢဝါဘၣ်ပှၤတဖၣ်လၢအဘၣ်ဃးဒီးစီၤအရံးစတီးဘူလူး အဒူၣ်ဖိထၢဖိန့ၣ်လီၤ.

ရိမ့ၤ 3:5

ဘၣ်ဆၣ်ဒီး, ပတၢ်မၤကမၣ်တၢ်န့ၣ်မ့ၢ်မၤဖျါထီၣ်ကစၢ်ယွၤ အတၢ်မၤလၢအဘၣ်န့ၣ်ဒီးဆှံဆှံပစံးမနုၤကသ့န့ၣ်လဲၣ်. မ့ၢ်ပကစံးလၢကစၢ်ယွၤမၤကမၣ်တၢ်ဖဲအဝဲစံၣ်ညီၣ်ပှၤန့ၣ်ဧါ. (ယကတိၤတၢ်ဒ်ပှၤကညီအသိးလီၤ.)

ရိမ့ၤ 5:8

ဘၣ်ဆၣ်ဒီးကစၢ်ယွၤဒုးနဲၣ်လံပှၤလၢအအဲၣ်ပှၤထဲလဲၣ်န့ၣ်လီၤ. ဖဲပမ့ၢ်ဒံးပှၤတၢ်ဒဲးဘးဖိတဖၣ်အဖၢမုၢ်န့ၣ်, ခရံာ်တူၢ်သံတ့ၢ် အသးလၢပဂီၢ်န့ၣ်လီၤ.

1 ကရံၣ်သူး 3:5

နီၢ်နီၢ်တခီန့ၣ်, စီၤအပီးလိၤမ့ၢ်မတၤတဂၤလဲၣ်. ဒီးစီၤပီလူးမ့ၢ်မတၤ တဂၤလဲၣ်. ပမ့ၢ်ဒၣ်ကစၢ်ယွၤအခ့အပှၤတဖၣ်, ပှၤတဖၣ်လၢအဆှၢသုဒ်သိးသုကစူၢ်တၢ်နာ်တၢ်ခီဖျိအီၤန့ၣ်လီၤ. ပဝဲတဂၤဒီးတဂၤပမၤတၢ်ဖံးတၢ်မၤလၢကစၢ်ယွၤဟ့ၣ်လီၤအီၤလၢ အကမၤဝဲအဂီၢ်န့ၣ်လီၤ.

1 ကရံၣ်သူး 4:1

သုကြၢးထံၣ်ပှၤဒ်ပမ့ၢ်ခရံာ်အခ့အပှၤတဖၣ်လၢအဘၣ်တၢ်ဟ့ၣ် မူဟ့ၣ်ဒါအီၤဒ်သိးအကပၢၤဃာ်တၢ်ခူသူၣ်ဘၣ်ဃးဒီးကစၢ်ယွၤ အတၢ်မ့ၢ်တၢ်တီတဖၣ်န့ၣ်လီၤ.

1 ကရံၣ်သူး 9:11

ပဖှံလီၤတ့ၢ်သးအတၢ်ချံလၢသုသိးသုကျါလီၤ. ပမ့ၢ်ကူးဘၣ် က့ၤတၢ်ဘျုးတၢ်ဖှိၣ်ဘၣ်ဃးဒီးတၢ်ဖံးတၢ်ညၣ်လၢသုအိၣ်န့ၣ်, တမ့ၢ်တၢ်အါကဲၣ်ဆိးဧါ.

၂ ကရံၣ်သူး 11:23

အဝဲသ့ၣ်မ့ၢ်ခရံာ်အခ့အပှၤတဖၣ်ဧါ. ယကတိၤတၢ်လီၤဂာ်လၢပှၤ အပျုၢ်, ဘၣ်ဆၣ်ဒီးယမ့ၢ်တၢ်ခ့တၢ်ပှၤလၢအဂ့ၤဒိၣ်န့ၢ် အဝဲသ့ၣ်လီၤ. ယမၤတ့ၢ်လံတၢ်ဆူၣ်ဒိၣ်တက့ၢ်, ယအိၣ်တ့ၢ်လံလၢဃိာ်ပူၤအဘျီအါဒိၣ်တက့ၢ်, ယဘၣ်တၢ်ဒိတ့ၢ်တီၢ်တ့ၢ်လံယၤအါဒိၣ်တက့ၢ်, ဒီးယအိၣ်ဘူးတ့ၢ်လၢတၢ်သံအဘျီအါဒိၣ်တက့ၢ်လီၤ.

၂ ကရံၣ်သူး 11:27

ယဘၣ်ဖံးဘၣ်မၤတ့ၢ်တၢ်ကိၢ်ကိၢ်ဂီၤဂီၤ, လီၤဘှံးလီၤ တီၤ, အါစုအါဘျီတၢ်မံတၢ်ဂဲၤလီၤမၢ်ကွံာ်လၢယဂီၢ်, တၢ်သၣ်ဝံၤယသးဒီးတၢ်သူတ့ၢ်ယသးလၢထံအါစု အါဘျီယတအီၣ်ဘၣ်အီဘၣ်လၢအီၣ်လၢအီ, ယတဒိးန့ၢ်ဘၣ်တၢ်အိၣ်ကဒုအလီၢ်ဒီးတၢ်ကူတၢ်ကၤလၢလၢ ပှဲၤပှဲၤဘၣ်လီၤ.

၂ ကရံၣ်သူး 11:9

ဖဲယအိၣ်ဒီးသုအဖၢမုၢ်ဒီးဖဲယလိၣ်ဘၣ်ကျိၣ်စ့အဆၢ ကတီၢ်န့ၣ်, ယတမၤတံာ်တာ်သုလၢတၢ်မၤစၢၤအဂီၢ်ဘၣ်. ဒီပုၢ်ဝဲၢ်ဟဲလၢကီၢ်မၤက့းဒနံတဖၣ်ဟဲစိာ်န့ၢ်ယၤကယဲၢ် တၢ်လၢယလိၣ်ဘၣ်ယဲခဲလၢာ်လီၤ. ဒ်လၢခါပူၤကွံာ်အသိး န့ၣ်, ခါဆူညါကမ့ၢ်တၢ်ဒ်န့ၣ်အသိးလီၤ. ယတကဲထီၣ်တၢ်ဝံတၢ်ယိးလၢသုဂီၢ်နီတစုဘၣ်.

၂ ကရံၣ်သူး 12:10

ယသူၣ်မံယသးမံယဲလၢတၢ်ဂံၢ်စၢ်ဘါစၢ်တဖၣ်, တၢ်ကတိၤဒုၣ်ဒွဲၣ်ကတိၤတရီတပါတဖၣ်, တၢ်နးတၢ်ဖှီၣ် တဖၣ်, တၢ်မၤအၢမၤနးတဖၣ်ဒီးတၢ်ကီတၢ်ခဲတဖၣ်အပူၤလၢ ခရံာ်အဃိန့ၣ်လီၤ. အဂ့ၢ်ဒ်အံၤ, ဖဲယဂံၢ်စၢ်ဘါစၢ်န့ၣ်, မ့ၢ်ယဂံၢ်ဆူၣ်ဘါဆူၣ်လီၤ.

၂ ကရံၣ်သူး 12:12

တၢ်လီၤလးဒီးတၢ်လီၤတိၢ်လီၤဆီအါမံၤလၢအအုၣ်အသးဘၣ်ဃးဒီး ယမ့ၢ်ပှၤတၢ်မၢဖိတဂၤန့ၣ်, ဘၣ်တၢ်မၤအီၤလၢတၢ်သူၣ်စူၤသးစူၤ လၢာ်လၢာ်ဆ့ဆ့အပူၤလၢသုသိးသုကျါလီၤ.

၂ ကရံၣ်သူး 2:17

ပတလီၤဂာ်ပဝဲဒီးပှၤအဂၤအါဒံအါဂၤလၢအဟံးဃာ် ကစၢ်ယွၤအတၢ်ကစီၣ်, လီၤဂာ်မးဒ်အမ့ၢ်တၢ်ပနံာ်တၢ်ကၤလၢအပှ့ၤဘၣ်တကလုာ် အသိးန့ၣ်ဘၣ်. မ့မ့ၢ်, ကစၢ်ယွၤဆှၢလီၤပှၤအဃိပစံးကတိၤ တၢ်လၢအဝဲဒၣ်အမဲာ်ညါအိၣ်ဒီးတၢ်ပာ်ပသးသပှၢ်ပှၢ်ဒ်ခရံာ် အခ့အပှၤတဖၣ်အသိးန့ၣ်လီၤ.

၂ ကရံၣ်သူး 3:6

အဝဲဒၣ်မ့ၢ်ပှၤလၢအဟ့ၣ်ပှၤတၢ်သ့တၢ်ဘၣ်လၢပကမၤတၢ်ခ့ တၢ်ပှၤအတၢ်မၤလၢတၢ်အၢၣ်လီၤအီလီၤအသီအဂီၢ်, တၢ်အၢၣ်လီၤအီလီၤအသီလၢအတဘၣ်ဃးဒီးတၢ်သိၣ် တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤန့ၣ်ဘၣ်. မ့မ့ၢ်ဘၣ်ဃးဒီးယွၤအသးန့ၣ်လီၤ. အဂ့ၢ်ဒ်အံၤ, တၢ်သိၣ်တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤ န့ၣ်ဒုးအိၣ်ထီၣ်တၢ်သံ, မ့မ့ၢ်ယွၤအသးန့ၣ် ဟ့ၣ်ပှၤတၢ်မူလီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.

၂ ကရံၣ်သူး 4:2

ပညိကွံာ်တၢ်ဖံးတၢ်မၤခူသူၣ်ဒီးတၢ်ဖံးတၢ်မၤလၢအလီၤမဲာ် ဆှးတဖၣ်ခဲလၢာ်ခဲဆ့လီၤ. ပတမၤတၢ်လၢတၢ်ကဘျံးကဘျၣ် အပူၤဘၣ်. ပတဒုးနၢ်ပၢၢ်ကမၣ်ပှၤလၢကစၢ်ယွၤအကလုၢ် ကထါအဂ့ၢ်အကျိၤစ့ၢ်ကီးဘၣ်. လၢတၢ်မ့ၢ်တၢ်တီအတၢ်ကပီၤလၢလၢပှဲၤပှဲၤအပူၤန့ၣ်, ပအိၣ်မူလၢကစၢ်ယွၤအမဲာ်ညါ, ဒီးဂုာ်ကျဲးစၢးပာ်ဖျါပနီၢ်ကစၢ် ဒၣ်ဝဲအတၢ်အုၣ်အသးလၢအဂ့ၤဆူပှၤဂၤအသးလၢအသ့ၣ်ညါ ဒၣ်တၢ်အဂ့ၤအဝါအမဲာ်ညါန့ၣ်လီၤ.

၂ ကရံၣ်သူး 4:8

ပဘၣ်တၢ်မၤတံာ်တာ်ပှၤအါစုအါဘျီ, ဘၣ်ဆၣ်ဒီးတၢ်တမၤသဘှံးပသးလၢာ်လၢာ်ဆ့ဆ့ဘၣ်. တဘျီဘျီပအိၣ်လၢတၢ်သးဒ့ဒီအပူၤ, ဘၣ်ဆၣ်ဒီးပတအိၣ်လၢတၢ်သးဟးဂီၤအပူၤနီတစု ဘၣ်.

၂ ကရံၣ်သူး 7:11

သုတၢ်သးအုးတမံၤအံၤကစၢ်ယွၤမၤအီၤဒ်လဲၣ်န့ၣ်ကွၢ် တက့ၢ်. ဒုးကဲထီၣ်မးသုလၢပှၤပာ်အသးသပှၢ်ပှၢ်ဒ်လဲၣ်. ဒီးအုၣ်အသးလၢသုတၢ်ကမၣ်တအိၣ်ဘၣ်ဒ်လဲၣ်န့ၣ်လီၤ. ဟ့ၣ်သုတၢ်သူၣ်ဒိၣ်သးဖျိးဒ်သိးအံၤ, တၢ်မၤပျံၤမၤဖုးတၢ်ဒ် သိးအံၤ, တၢ်ပာ်သူၣ်ပာ်သးဒ်သိးအံၤတဖၣ်, တၢ်ဘူၣ် ယွၤဘါယွၤလၢ တၢ်သူၣ်တီသးရၤအပူၤဒ်သိးအံၤ, တၢ်အိၣ် ကတဲာ်ကတီၤသးလၢ ကစံၣ်ညီၣ်တၢ်မၤကမၣ် တၢ်ဒ်သိးအံၤန့ၣ်လီၤ. လၢတၢ်ခဲလၢာ်ခဲဆ့အပူၤန့ၣ် သုပာ်ဖျါထီၣ်သုသးဒ်ပှၤလၢအတၢ်ကမၣ်တအိၣ် ဘၣ်လီၤ.

ကလီးစဲ 1:11

မ်သုဘၣ်တၢ်ဟ့ၣ်ဂံၢ်ဟ့ၣ်ဘါသုလၢတၢ်စိတၢ်ကမီၤခဲလၢာ်လၢ အဟဲလၢယွၤ, လၢအအိၣ်ပှဲၤမးဒီးအလၤကပီၤ, ဒ်သိးသုတူၢ်တၢ်ကိးမံၤဒဲးလၢတၢ်သူၣ်စူၤသးစူၤအပူၤကန့ၢ် အဂီၢ်,

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

၁ သ့းစၤလနံ 3:7

လၢတၢ်န့ၣ်အဃိ, ဒီပုၢ်ဝဲၢ်သ့ၣ်ဧၢ, လၢပတၢ်နးတၢ်ဖှီၣ်ဒီးတၢ်တူၢ်ဘၣ်တၢ်ခဲလၢာ်ခဲဆ့အဆၢ ကတီၢ်န့ၣ်, ပဘၣ်တၢ်ဟ့ၣ်ဆူၣ်ထီၣ်ပဂံၢ်ပဘါလၢသုဃိလီၤ. သုတၢ်စူၢ်တၢ်နာ်ခရံာ်မ့ၢ်တၢ်လၢအဟ့ၣ်ဆူၣ်ထီၣ်ပဂံၢ် ပဘါလီၤ.

၁ သ့းစၤလနံ 5:14

ပဒီပုၢ်ဝဲၢ်သ့ၣ်ဧၢ, ပမၢန့ၢ်ဆီၣ်ခံသုလၢသုကဟ့ၣ်ပလီၢ်ပဒီ ပှၤကၢၣ်ပှၤကျူတဖၣ်, သုကဟ့ၣ်ဆူၣ်ထီၣ်ပှၤအိၣ်ဒီးတၢ်သူၣ်ပျံၤသးဖုးတဖၣ်အဂံၢ်အဘါ, သုကမၤစၢၤပှၤဂံၢ်စၢ်ဘါစၢ်, ဒီးသုကသူၣ်စူၤသးစူၤလၢပှၤကိးဂၤဒဲးအဖီခိၣ်န့ၣ်လီၤ.

၁ တံၤမသ့း 2:15

ဘၣ်ဆၣ်ဒီးပိာ်မုၣ်မ့ၢ်အိၣ်ဂၢၢ်ဆိးကျၢၤလၢတၢ်စူၢ် တၢ်နာ်, တၢ်အဲၣ်တၢ်ကွံ, ဒီးတၢ်စီတၢ်ဆှံအပူၤအိၣ်ဒီးတၢ်ပာ်သး သညူးသပှၢ်န့ၣ်, အဝဲကဘၣ်တၢ်အုၣ်က့ၤခီၣ်က့ၤအီၤခီဖျိလၢအအိၣ်ဖိအိၣ်လံၤ အဃိန့ၣ်လီၤ.

၁ တံၤမသ့း 4:6

နမ့ၢ်ဟ့ၣ်လီၤတၢ်သိၣ်လိသီလိတဖၣ်အံၤဆူဒီပုၢ်ဝဲၢ်တဖၣ် အအိၣ်, ဒ်နလုၢ်အီၣ်လုၢ်အီလီၤက့ၤနသးလၢ သူၣ်ဂ့ၤသးကျိၤ လၢတၢ်စူၢ်တၢ်နာ်အတၢ်ကတိၤတဖၣ်အသိးဒီးလၢတၢ်သိၣ်လိ သီလိအမ့ၢ်အတီတဖၣ်လၢနပိာ်ထွဲတ့ၢ်အခံအဃိန့ၣ်, နကမ့ၢ်ယ့ၣ်ၡူးခရံာ်အခ့အပှၤလၢအဂ့ၤန့ၣ်လီၤ.

၁ တံၤမသ့း 6:11

မ့မ့ၢ်နဲဒၣ်, ကစၢ်ယွၤအပှၤကညီဧၢ, ပဒ့ၣ်ဟးဆှဲးတၢ်သ့ၣ်တဖၣ်အံၤခဲလၢာ်တက့ၢ်. ဂုာ်ကျဲးစၢးဒ်သိးနကအိၣ်ဒီးတၢ်တီတၢ်လိၤ, တၢ်အဲၣ်ထူအဲၣ်ယွၤ, တၢ်စူၢ်တၢ်နာ်, တၢ်အဲၣ်တၢ်ကွံ, တၢ်သ့တူၢ်တၢ်, ဒီးတၢ်သူၣ်ကပုာ်သးကပုာ်သ့ၣ်တဖၣ်န့ၣ်တက့ၢ်.

၂ တံၤမသ့း 1:8

လၢတၢ်န့ၣ်အဃိ, တဘၣ်မဲာ်ဆှးလၢနကအုၣ်နသးလၢပကစၢ် အဂီၢ်တဂ့ၤ, ဒီးတဘၣ်မဲာ်ဆှးစ့ၢ်ကီးလၢယမ့ၢ်ပှၤဘၣ်တၢ်စၢ ဃာ်လၢခရံာ်အဃိတဂ့ၤ. မ့မ့ၢ်ဒိးဃုာ်တၢ်နးတၢ်ဖှီၣ်ဒီးယၤလၢတၢ်သးခုကစီၣ် အဂီၢ်, ဒ်ကစၢ်ယွၤဟ့ၣ်နၤတၢ်ဂံၢ်တၢ်ဘါလၢနကမၤအီၤအဂီၢ် အသိးန့ၣ်တက့ၢ်.

၂ တံၤမသ့း 2:24

ကစၢ်အခ့အပှၤတဘၣ်အ့ၣ်လိာ်ဆိးက့လိာ်အသးဘၣ်. ကဘၣ်အိၣ်ဒီးတၢ်သူၣ်ဂ့ၤသးဝါလၢပှၤခဲလၢာ်အဖီခိၣ်ဒီး ကဘၣ်မ့ၢ်သရၣ်လၢအဂ့ၤဒီးဝံသးစူၤတၢ်တဂၤ,

၂ တံၤမသ့း 4:5

မ့မ့ၢ်နဲဒၣ်အံၤ, ပၢၤနသးလၢတၢ်မၤအသးကိးမံၤဒဲးအပူၤတက့ၢ်. တူၢ်တၢ်နးတၢ်ဖှီၣ်, မၤပှၤစံၣ်တဲၤတဲလီၤတၢ်သးခုအကစီၣ်အတၢ် မၤဒီးမၤနမူနဒါခဲလၢာ် ဒ်ကစၢ်ယွၤအခ့အပှၤတဂၤအသိးတက့ၢ်.

ဧ့ၤဘြံၤ 12:1

မၤသးဒ်န့ၣ်ဒီး, ပအိၣ်ဒီးပှၤအုၣ်အသးအါမးဝးတရံးပှၤသတးဒီး မ်ပပာ်လီၤကွံာ်ကယဲၢ်တၢ်အဃၢတမံၤလၢ်လၢ်ဒီးတၢ်ဒဲးဘးလၢ အအိၣ်စဲဘူးဒီးပှၤ, ဝံၤတၢ်ဃ့ၢ်လၢအအိၣ်လၢပမဲာ်ညါန့ၣ်, မ်ပဃ့ၢ်သကိးလၢတၢ်သးစူၤအပူၤန့ၣ်တက့ၢ်.

လံာ်လီၣ်ဖျါ 1:9

ယမ့ၢ်ယဲစီၤယိၤဟၣ်, သုဒီပုၢ်ဝဲၢ်, ဒီးဒ်ပှၤပိာ်ယ့ၣ်ၡူးအခံတဂၤ အသိးန့ၣ်, ယမ့ၢ်သုတံၤသကိးလၢအတူၢ်သကိးတၢ်ဒီးသုလၢ တၢ်သးစူၤအပူၤ, တၢ်တူၢ်ဘၣ်တၢ်မၤအၢမၤနးလၢအတုၤအိၣ်ပှၤတဖၣ်လၢ အဘၣ်ဃးဒီးအဝဲဒၣ်အဘီအမုၢ်န့ၣ်လီၤ. ယဘၣ်တၢ်ပာ်ယၤလၢကီးပးမူးမ့ၢ်လၢယစံၣ်တဲၤတဲလီၤတ့ၢ်ယဲ ကစၢ်ယွၤအကလုၢ်ကထါ, ဒီးယအုၣ်တ့ၢ်ယသးလၢယ့ၣ်ၡူး အဂ့ၢ်အဃိန့ၣ်လီၤ.

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.