၂ ကရံၣ်သူး 6:18 - Sgaw Karen Common Bible

¹⁸ ယကမ့ၢ်ပၢ်တဂၤလၢသုဂီၢ် ဒီးသုကမ့ၢ်ယဖိခွါဒီးယဖိမုၣ်တဖၣ်လီၤ. သ့တၢ်လၢာ်ကစၢ်စံးဝဲဒၣ်”

၂ ကရံၣ်သူး 6:18 Iomraidhean Croise

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်တၢ်ကဲထီၣ်အခီၣ်ထံး 48:3

စီၤယၤကိာ်စံးဘၣ်စီၤယိၤသး, “သ့တၢ်လၢာ်ကစၢ်ယွၤလီၣ်ဖျါ ထီၣ်အသးလၢယၤဖဲဝ့ၢ်လူးစလၢကီၢ်ကနၤဧၣ်အပူၤဒီးဆိၣ်ဂ့ၤ ယၤလီၤ.

လံာ်စီၤၡမူၤအ့လးခံဘ့ၣ်တဘ့ၣ် 7:14

ယကမ့ၢ်အဝဲအပၢ်, ဒီးအဝဲကမ့ၢ်ယဖိခွါလီၤ. ဖဲအဝဲမၤကမၣ်တၢ်န့ၣ်ယကစံၣ်ညီၣ်အီၤဒ်ပၢ်တဂၤစံၣ်ညီၣ်အဖိခွါ အသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 17:13

ယကမ့ၢ်အပၢ်ဒီးအဝဲကမ့ၢ်ယဖိခွါန့ၣ်လီၤ. ယတထုးကွံာ်ဘၣ်ယတၢ်မၤစၢၤအီၤဒ်ယထုးကွံာ်ယတၢ်မၤစၢၤလၢစီၤ စီလူးအအိၣ်အသိး, ဒီးသုးကွံာ်တ့ၢ်အီၤဒ်သိးအဝဲကဲထီၣ်စီၤပၤကသ့န့ၣ်ဘၣ်.

စံးထီၣ်ပတြၢၤ 22:30

ပှၤလၢစိၤလၢအကဟဲသ့ၣ်တဖၣ်ကမၤအတၢ်, ပှၤကစံးဘၣ်တဲဘၣ်ပှၤလၢခံတစိၤ လၢယွၤအဂ့ၢ်န့ၣ်လီၤ.

လံာ်ယၡါယၤ 43:6

ယကတဲဘၣ်ကလံၤစိးလၢကပျဲအဝဲသ့ၣ်ဟးထီၣ်, ဒီးကလံၤထံးလၢအသုတတြီဃာ်အဝဲသ့ၣ်တဂ့ၤအဂီၢ်လီၤ. ပျဲယပှၤဂီၢ်မုၢ်ဟဲက့ၤကဒါက့ၤလၢထံယံၤကီၢ်ယံၤတဖၣ်ဒီးလၢ ဟီၣ်ခိၣ်ကိးသနၢၣ်ဒဲးန့ၣ်တက့ၢ်.

လံာ်ယံးရမံယၤ 3:19

ယွၤစံးဝဲဒၣ်, “ကီၢ်အံၣ်စရ့လးဧၢ, ယသးအိၣ်တူၢ်လိာ်နၤဒ် ယဖိခွါဒၣ်ယဲအသိး ဒီးဟ့ၣ်လီၤနၤလၢထံကီၢ်အမုာ်တဘ့ၣ်, ထံကီၢ်လၢအဃံလၤကတၢၢ်လၢ ဟီၣ်ခိၣ်ချၢဒီဘ့ၣ်ညါန့ၣ်လီၤ. ယသးအိၣ်လၢနကကိးယၤလၢပၢ် ဒီးနသုတဃၣ်ယံၤကွံာ်ကဒီးနသးလၢယၤ နီတစုတဂ့ၤန့ၣ်လီၤ.

လံာ်ယံးရမံယၤ 31:1

ယွၤစံးဝဲဒၣ်, “တၢ်ဆၢကတီၢ်ဟဲဝဲလၢ ယကကဲထီၣ် ကီၢ်အံၣ်စရ့လး အဒူၣ်တဖၣ်ခဲလၢာ် အကစၢ်ယွၤဒီး အဝဲသ့ၣ်ကကဲထီၣ် ယပှၤဂီၢ်မုၢ် န့ၣ်လံ.

လံာ်ယံးရမံယၤ 31:9

ယပှၤဂီၢ်မုၢ် ကဟဲက့ၤကဒါက့ၤလၢ တၢ်ဟီၣ်တၢ်ယၢၤအပူၤ, ဒီးဘါထုကဖၣ်တၢ်ဖဲ ယဆှၢကဒါက့ၤ အဝဲသ့ၣ်အခါန့ၣ်လီၤ. ယကဆှၢအဝဲသ့ၣ်ဆူ ထံဖိကျိတဖၣ်, ဒီးကျဲလၢအလိၤအဘျၢအပူၤ, ဖဲအဝဲသ့ၣ်အခီၣ် တဘၣ်တိၢ်ဘၣ်န့ၣ်လီၤ. ယလီၤဂာ်ဒီး ပၢ်တဂၤလၢ ကီၢ်အံၣ်စရ့လးအဂီၢ်, ဒီးအ့ဖရဲၣ်မ့ၢ် ယဖိခွါဝဲၢ်ကိန့ၣ်လီၤ.”

လံာ်ယိၤဟၣ် 1:12

ဘၣ်ဆၣ်ဒီးပှၤတနီၤန့ၣ်တူၢ်လိာ်အီၤဒီးနာ်အီၤသတးဒီး အဝဲဒၣ်ဒုးကဲထီၣ်အီၤလၢကစၢ်ယွၤအဖိတဖၣ်န့ၣ်လီၤ.

ရိမ့ၤ 8:19

လၢတၢ်သူၣ်ဆူၣ်သးဂဲၤအပူၤ, တၢ်ဘၣ်တ့ခဲလၢာ်အိၣ်ခိးကွၢ်လၢ်ကစၢ်ယွၤကလီၣ်ဖျါထီၣ် အဖိခွါတဖၣ်န့ၣ်လီၤ.

ရိမ့ၤ 8:29

ပှၤလၢကစၢ်ယွၤဃုထၢပာ်ဝဲတဖၣ်န့ၣ်, ပာ်လီၤဆီဝဲလၢအကကဲထီၣ်ပှၤလၢအလီၤဂာ်ဒီးအဖိခွါ, ဒ်သိးအဖိခွါကကဲထီၣ်ဝဲၢ်ကိလၢဒီပုၢ်ဝဲၢ်အါဂၤအကျါ န့ၣ်လီၤ.

ကလၤတံ 3:26

ခီဖျိတၢ်စူၢ်တၢ်နာ်န့ၣ်, သုဝဲခဲလၢာ်သုမ့ၢ်ကစၢ်ယွၤအဖိခွါတဖၣ်လၢတၢ်တမံၤဃီဒီး ယ့ၣ်ၡူးခရံာ်အပူၤန့ၣ်လီၤ.

အ့းဖ့းစူး 1:5

မ့ၢ်လၢကစၢ်ယွၤအတၢ်အဲၣ်ဘၣ်ပှၤအဃိ, အဝဲဒၣ်ပာ်လီၤတ့ၢ်လံအသးလၢခီဖျိယ့ၣ်ၡူးခရံာ်န့ၣ်, အဝဲကဒုးကဲထီၣ်ပှၤလၢအဖိဒၣ်ဝဲန့ၣ်လီၤ. အအံၤမ့ၢ်ယွၤအတၢ်ဘၣ်အသးဒီးအတၢ်တိာ်ပာ်န့ၣ်လီၤ.

လံာ်လီၣ်ဖျါ 1:8

ကစၢ်ယွၤလၢအသ့တၢ်လၢာ်တဂၤ, လၢအအိၣ်ဝဲ, ဒီးအိၣ်တ့ၢ်လံဝဲ, ဒီးအကဟဲဝဲတဂၤန့ၣ်စံးဝဲဒၣ်, “ယမ့ၢ် က ဒီး ဧ, တၢ်အခီၣ်ထံးဒီးတၢ်အကတၢၢ်လီၤ.”

လံာ်လီၣ်ဖျါ 21:22

လၢဝ့ၢ်ပူၤန့ၣ်ယတထံၣ်တၢ်လုၢ်ဟံၣ်နီတဖျၢၣ်ဘၣ်. အဂ့ၢ်ဒ်အံၤ, အတၢ်လုၢ်ဟံၣ်မ့ၢ်ဝဲသ့တၢ်လၢာ်ကစၢ်ယွၤ ဒီးသိဖိတဒုန့ၣ်လီၤ.

လံာ်လီၣ်ဖျါ 21:7

ပှၤတဂၤလၢ်လၢ်လၢအဒိးန့ၢ်တၢ်မၤနၢၤန့ၣ်ကဒိးန့ၢ် ဘၣ်တၢ်တမံၤအံၤလၢယအိၣ်လီၤ. ယကမ့ၢ်အဝဲဒၣ် အကစၢ်ယွၤ, ဒီးအဝဲဒၣ်ကမ့ၢ်ယဖိခွါလီၤ.