၂ ကရံၣ်သူး 6:12 - Sgaw Karen Common Bible

¹² တမ့ၢ်ပကးတံာ်ပသးလၢသုဘၣ်. သုမ့ၢ်ပှၤလၢအကးတံာ်တ့ၢ်အသးလၢပှၤတခီန့ၣ်လီၤ.

၂ ကရံၣ်သူး 6:12 Iomraidhean Croise

လံာ်စီၤယိၤဘး 36:16

စီၤယိၤဘးဧၢ, ကစၢ်ယွၤထုးထီၣ်ကွံာ်နၤလၢတၢ်ကိၢ်တၢ် ဂီၤအပူၤဆူတၢ်လီၢ်အလဲၢ်တတီၤဖဲတၢ်တြီမၤတံာ်တာ်တ အိၣ်ဘၣ်ဒီးနစီၢ်နီၤခိၣ်ဘၣ်တၢ်ကတဲာ်ကတီၤအီၤပှဲၤဝဲဒီး တၢ်အီၣ်အဝံၣ်အဘဲလီၤ.

တၢ်ကတိၤဒိ. 4:12

နမ့ၢ်လဲၤတၢ်လၢတၢ်ကူၣ်သ့အပူၤဒီးတၢ်မၤတံာ်တာ်တအိၣ်ဝဲ လၢနကျဲပူၤဘၣ်. ဒီးတုၤနဃ့ၢ်ဒီးနခီၣ်တဘၣ်တိၢ်ဘၣ်ဝဲဘၣ်.

လံာ်ပှၤစံၣ်တဲၤတဲလီၤတၢ် 6:9

တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤသးဒ်တၢ်လူၤဖီၣ်ကလံၤအသိးန့ၣ်လီၤ. တၢ်သးမံဒီးတၢ်လၢအအိၣ်ဒီးနၤန့ၣ်ဂ့ၤဒိၣ်န့ၢ်ဒံးထီဘိ နကသူၣ်လီသးကွံတၢ်အဂၤတက့ၢ်န့ၣ်လီၤ.

လံာ်မံကၤ 2:7

မ့ၢ်သုဆိကမိၣ်လၢအံၣ်စရ့လးအပှၤဂီၢ်မုၢ်အိၣ်လၢတၢ်ဆိၣ် အၢတမံၤအဖီလာ်ဧါ. မ့ၢ်ယွၤအတၢ်ဝံသးစူၤလီၤမၢ်ကွံာ်လံဧါ. မ့ၢ်အဝဲကမၤတၢ်တဖၣ်န့ၣ်သပှၢ်တၢၢ်ဧါ. မ့ၢ်ယွၤတကတိၤတၢ်မုာ်မုာ်ဒီးပှၤလၢအမၤတၢ်အလိၤအဘၣ်တဖၣ်ဘၣ် ဧါ.”

လံာ်မးသဲ 7:14

ဘၣ်ဆၣ်ဒီး, ကျဲစၢၤလၢအအိးထီၣ်အသးဆူတၢ်မူန့ၣ်အံၣ်ဝဲ, ဒီးကျဲလၢအဆှၢပှၤဆူတၢ်မူန့ၣ်ကီခဲမးဒီးပှၤလၢအထံၣ်န့ၢ်အီၤ အိၣ်ဝဲစှၤဂၤလီၤ.

၂ ကရံၣ်သူး 4:8

ပဘၣ်တၢ်မၤတံာ်တာ်ပှၤအါစုအါဘျီ, ဘၣ်ဆၣ်ဒီးတၢ်တမၤသဘှံးပသးလၢာ်လၢာ်ဆ့ဆ့ဘၣ်. တဘျီဘျီပအိၣ်လၢတၢ်သးဒ့ဒီအပူၤ, ဘၣ်ဆၣ်ဒီးပတအိၣ်လၢတၢ်သးဟးဂီၤအပူၤနီတစု ဘၣ်.

၂ ကရံၣ်သူး 7:2

ပာ်န့ၢ်ပှၤတၢ်လီၢ်တၢ်ကျဲလၢသုသးအပူၤတက့ၢ်. ပတမၤ ကမၣ်ပှၤနီတဂၤဘၣ်. ပတမၤဟးဂီၤပှၤနီတဂၤ, ဒီးပတဂုာ်ကျဲးစၢးဟံးန့ၢ်စ့ၢ်ကီးတၢ်အခွဲးအယာ် လၢပှၤအဖီခိၣ်နီတဂၤဘၣ်.

ဖံလံးပံၤ 1:8

ကစၢ်ယွၤမ့ၢ်ပှၤအုၣ်အသးလၢယကတိၤတၢ်မ့ၢ်တၢ်တီ, ဖဲယစံးယဲလၢယတၢ်အဲၣ်ဘၣ်သုခဲလၢာ်န့ၣ်ဟဲထီၣ်ဝဲဒၣ်လၢ ယ့ၣ်ၡူးခရံာ်အကစၢ်ဒၣ်ဝဲအသးပူၤန့ၣ်လီၤ.

၁ ယိၤဟၣ် 3:17

ပှၤအထူးအတီၤတဂၤမ့ၢ်ထံၣ်အဒီပုၢ်ဝဲၢ်လိၣ်ဘၣ်တၢ်, ဘၣ်ဆၣ်တသးကညီၤအီၤဘၣ်န့ၣ်, ကစၢ်ယွၤအတၢ်အဲၣ်တၢ်ကွံအိၣ်လၢအပူၤကသ့ဒ်လဲၣ်.