၂ ကရံၣ်သူး 5:8 - Sgaw Karen Common Bible

⁸ ပလၢပှဲၤဒီးတၢ်သးဒူဒီးဘၣ်ပသးဒိၣ်တက့ၢ်လၢပကပာ်တီၢ် ကွံာ်ပဟံၣ်လၢနီၢ်ခိအပူၤဒီးအိၣ်လၢဟံၣ်ပူၤဒီးကစၢ်န့ၣ်လီၤ.

၂ ကရံၣ်သူး 5:8 Iomraidhean Croise

စံးထီၣ်ပတြၢၤ 16:11

နကဒုးနဲၣ်ယၤလၢတၢ်မူအကျဲ, နတၢ်အိၣ်ဒီးယၤမၤလၢပှဲၤယတၢ်သးခု ဒီးဟဲစိာ်န့ၢ်ယၤတၢ်အမုာ်ထီဘိန့ၣ်လီၤ.

စံးထီၣ်ပတြၢၤ 17:15

မ့မ့ၢ်ယဲဒၣ်အံၤယကထံၣ်ဘၣ်နၤ, မ့ၢ်လၢယတမၤကမၣ်တ့ၢ်တၢ်အဃိ, ဒီးဖဲယပၢၢ်ထီၣ်န့ၣ်ယကပှဲၤဒီးတၢ်သးခု မ့ၢ်လၢနအိၣ်ဒီးယၤအဃိလီၤ.

တၢ်ကတိၤဒိ. 14:32

ပှၤအၢပှၤသီဟဲစိာ်အတၢ်လီၤပှီၢ်ဒၣ်ဝဲခီဖျိအတၢ်မၤအအၢအသီ တဖၣ်လီၤ. မ့မ့ၢ်ပှၤအဂ့ၤအဝါတဖၣ်န့ၣ်ဘၣ်တၢ်ဒီဒၣ်အီၤလၢအတၢ်လၢတၢ်ပှဲၤ အဃိလီၤ.

လံာ်မးသဲ 25:21

အကစၢ်စံးဘၣ်အီၤ, ‘နမၤတၢ်ဂ့ၤမးလီၤ. တၢ်အခ့အပှၤလၢအဂ့ၤဒီးအကလုၢ်တီတဂၤဧၢ, နကလုၢ်တီလၢတၢ်ပၢၤဘၣ်တၢ်အဆံးအစှၤအပူၤအဃိ ယကပာ်နၤလၢတၢ်ပၢၤဘၣ်တၢ်အဒိၣ်အအါအလီၢ်လီၤ. ဟဲနုာ်ဒီးသးခုဃုာ်ဒီးယၤတက့ၢ်.’

လံာ်မးသဲ 25:23

အကစၢ်စံးဘၣ်အီၤ, ‘နမၤတၢ်ဂ့ၤမးလီၤ. တၢ်အခ့အပှၤလၢအဂ့ၤဒီးအကလုၢ်တီတဂၤဧၢ, နကလုၢ်တီလၢတၢ်ပၢၤဘၣ်တၢ်အဆံးအစှၤအပူၤအဃိ ယကပာ်နၤလၢတၢ်ပၢၤဘၣ်တၢ်အဒိၣ်အအါအလီၢ်လီၤ. ဟဲနုာ်ဒီးသးခုဃုာ်ဒီးယၤတက့ၢ်.’

လံာ်လူၤကၣ် 2:29

“ခဲကနံၣ်အံၤ, ကစၢ်ဧၢ, နမၤလၢထီၣ်ပှဲၤထီၣ်လံ နတၢ်အၢၣ်လီၤအီလီၤသတးဒီး, ပျၢ်ကွံာ်နခ့နပှၤမုာ်မုာ်တက့ၢ်.

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်ယိၤဟၣ် 14:3

ယကလဲၤကတဲာ်ကတီၤတၢ်လီၢ်လၢသုဂီၢ်ဝံၤအလီၢ်ခံ, ယကဟဲက့ၤကဒါက့ၤဒီးက့ၤကိးသုဆူယအိၣ်, ဒ်သိးဖဲယအိၣ်အလီၢ်န့ၣ်သုကအိၣ်စ့ၢ်ကီးသုဝဲအဂီၢ်န့ၣ်လီၤ.

လံာ်ယိၤဟၣ် 17:24

ပၢ်ဧၢ, နဟ့ၣ်လီၤယၤလၢအဝဲသ့ၣ်ဒီးယသးအိၣ်လၢအဝဲသ့ၣ် ကအိၣ်ဒီးယၤဖဲယအိၣ်တပူၤလၢ်လၢ်, ဒ်သိးအဝဲသ့ၣ်ကထံၣ်ဘၣ် ယလၤကပီၤ, တၢ်လၤကပီၤလၢနဟ့ၣ်လီၤယၤန့ၣ်လီၤ. အဂ့ၢ်ဒ်အံၤ, နအဲၣ်တ့ၢ်ယၤတချုးလၢဟီၣ်ခိၣ်ဘၣ်တၢ်တ့လီၤအီၤဒံးဘၣ်န့ၣ်လီၤ.

မၤတၢ် 21:13

ဘၣ်ဆၣ်ဒီးအဝဲဒၣ်စံးဆၢဝဲ, “သုဟီၣ်သုယၢၤဒ်သိးအံၤဒီးမၤသဘှံးယသးဘၣ်မနုၤ အဃိလဲၣ်. ယအိၣ်ကတဲာ်ကတီၤယသးတမ့ၢ်ထဲလၢယကဘၣ် တၢ်စၢဃာ်ယၤဖဲဝ့ၢ်ယရူၤၡလ့ၣ်န့ၣ်ဘၣ်. မ့မ့ၢ်လၢယကသံဖဲန့ၣ်လၢကစၢ်ယ့ၣ်ၡူးအဂီၢ်ဒၣ်လဲာ်န့ၣ်လီၤ.”

၂ ကရံၣ်သူး 5:6

လၢတၢ်န့ၣ်အဃိပလၢပှဲၤဒီးတၢ်သူၣ်ဒူသးဒူထီဘိ လီၤ. ပသ့ၣ်ညါပဝဲလၢ, ဖဲပအိၣ်လၢပနီၢ်ခိအဟံၣ်ပူၤ န့ၣ်, ပအိၣ်ယံၤဒီးကစၢ်ယွၤအဟံၣ်န့ၣ်လီၤ.

၂ ကရံၣ်သူး 5:9

ဘၣ်ဆၣ်ဒီး, ဒိၣ်န့ၢ်အါန့ၢ်တၢ်အံၤခဲလၢာ်န့ၣ်, ပသးအိၣ်မၤတၢ်ဘၣ်အသးလၢပဟံၣ်ဖဲအံၤတဖျၢၣ်အပူၤ မ့ၢ်ဂ့ၤ, ပဟံၣ်ဖဲန့ၣ်တဖျၢၣ်အပူၤမ့ၢ်ဂ့ၤန့ၣ်လီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.

လံာ်လီၣ်ဖျါ 22:3

တၢ်လၢအအိၣ်လၢကစၢ်ယွၤအတၢ်ဆိၣ်အၢအဖီလာ်န့ၣ်တၢ် တထံၣ်န့ၢ်လၢၤအီၤလၢဝ့ၢ်တဖျၢၣ်အံၤအပူၤနီတမံၤဘၣ်. ကစၢ်ယွၤဒီးသိဖိအလီၢ်ပစိာ်န့ၣ်ကအိၣ်လၢဝ့ၢ်တဖျၢၣ်န့ၣ် အပူၤ, ဒီးအဝဲဒၣ်အခ့အပှၤတဖၣ်ကဘူၣ်ထီၣ်ဘါထီၣ်အီၤလီၤ.