၂ ကရံၣ်သူး 5:21 - Sgaw Karen Common Bible

²¹ ခရံာ်အတၢ်ဒဲးဘးတအိၣ်ဘၣ်. ဘၣ်ဆၣ်ဒီးလၢပဂီၢ်ယွၤဒုးတူၢ်ဃုာ်အီၤလၢပတၢ်ဒဲးဘး, ဒ်သိးဒီးလၢပတၢ်ပာ်ဖှိၣ်ဃုာ်ပသးဒီးအီၤအပူၤန့ၣ်, ပကဒိးန့ၢ်ဃုာ်ကစၢ်ယွၤအတၢ်တီတၢ်လိၤအဂီၢ်န့ၣ်လီၤ.

၂ ကရံၣ်သူး 5:21 Iomraidhean Croise

လံာ်ယံးရမံယၤ 23:26

ခီဖျိတၢ်လီတၢ်ဝ့ၤတဖၣ်လၢအဝဲသ့ၣ်ကူၣ်ကျဲၤတ့ၢ်ဝဲန့ၣ်, မ့ၢ်ဝံတဖၣ် အံၤကဆှၢကမၣ်ဒံးယပှၤဂီၢ်မုၢ်ဆံးယံာ်လဲၣ်.

လံာ်ယံးရမံယၤ 33:16

ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ကဘၣ်တၢ်မၤထူၣ်ဖျဲးအီၤ ဒီးကအိၣ်ဝဲဆိးဝဲလၢ တၢ်ဘံၣ်တၢ်ဘၢအပူၤန့ၣ်လီၤ. ဝ့ၢ်န့ၣ် ကဘၣ်တၢ်ကိးအီၤလၢ, ယွၤ, ပတၢ်အုၣ်က့ၤခီၣ်က့ၤ’ န့ၣ်လီၤ.

လံာ်ဒၤနံးယ့လး 9:24

တၢ်အနံၣ်နွံဆံအဘျီနွံဝီအံၤမ့ၢ်တၢ်ဆၢကတီၢ်လၢကစၢ်ယွၤ ပာ်လီၤအီၤလၢတၢ်မၤထူၣ်ဖျဲးနပှၤဂီၢ်မုၢ်, ဒီးနဝ့ၢ်စီဆှံလၢတၢ် ဒဲးဘးဒီးတၢ်အၢတၢ်သီအပူၤလီၤ. တၢ်ဒဲးဘးကဘၣ်တၢ်ပျၢ်အီၤဒီး တၢ်စံၣ်ညီၣ်တီအထူအယိာ်ကဘၣ်တၢ်ဒုးအိၣ်ဂၢၢ်ကျၢၤအီၤ, ဒ်သိးတၢ်ထံၣ်လၢညါခီဒီးဝံအတၢ်စံးပာ်ကလၢထီၣ်ပှဲၤထီၣ်ဝဲ, ဒီးတၢ်လုၢ်ဟံၣ်စီဆှံကဘၣ်တၢ်ပာ်စီဆှံထီၣ်ကဒါက့ၤအီၤအဂီၢ်လီၤ.

လံာ်ဒၤနံးယ့လး 9:26

ဒီးဖဲတၢ်ဆၢကတီၢ်အံၤအကတၢၢ်န့ၣ်, ပှၤခိၣ်ပှၤနၢ်လၢကစၢ်ယွၤဃုထၢအီၤတဂၤန့ၣ်ကဘၣ်တၢ်မၤသံ ကွံာ်အီၤလၢတၢ်တတီတလိၤအပူၤလီၤ. ဝ့ၢ်ဒီးတၢ်လုၢ်ဟံၣ်န့ၣ်ကဘၣ် တၢ်မၤဟးဂီၤကွံာ်အီၤလၢပှၤပၢတၢ်လၢအစိကမီၤဒိၣ် တဂၤအသုးမုၢ်လၢအဟဲနုာ်လီၤဒုးန့ၢ်အီၤန့ၣ်လီၤ. တၢ်အကတၢၢ်ကဟဲဒ်ထံလုၣ်ဘၢတၢ်, ဟဲစိာ်ဝဲတၢ်ဒုးတၢ်ယၤ ဒီးတၢ်မၤဟးဂီၤ, လၢကစၢ်ယွၤကတဲာ်ကတီၤပာ်စၢၤဝဲန့ၣ်လီၤ.

လံာ်စကၤရယၤ 13:7

သ့တၢ်လၢာ်အယွၤစံးဝဲဒၣ်, “ဖုးသံနီၣ်ထီၣ်နးဧၢ, ဒီးဒုးတၢ်ထီဒါပှၤကွၢ်သိလၢအမၤတၢ်လၢယဂီၢ်တက့ၢ်. မၤသံအီၤတက့ၢ်. ဒီးသိတဖၣ်ကလီၤပြံလီၤပြါကွံာ်လီၤ.

လံာ်တၢ်ဂံၢ် 21:9

မၤသးဒ်န့ၣ်ဒီး, စီၤမိၤၡ့မၤထီၣ်ဂုၢ်တိၢ်ဘီတဘိဒီးပာ်ထီၣ် အီၤလၢသ့ၣ်တထူၣ်အလိၤလီၤ. ပှၤတဂၤဂ့ၤတဂၤဂ့ၤလၢအဘၣ်တၢ်အ့ၣ်အီၤလၢဂုၢ်သ့ၣ်န့ၣ်ကကွၢ်ထီၣ် ဝဲဂုၢ်တိၢ်ဘီန့ၣ်ဒီးကဘျါက့ၤန့ၣ်လီၤ.

လံာ်လူၤကၣ် 1:35

ကလူးစံးဆၢတၢ်ဒီးစံးဝဲ, “သးစီဆှံကဟဲလီၤလၢနလိၤဒီး ကစၢ်ယွၤအစိကမီၤအကဒုကလီၤဘၣ်နၤလီၤ. လၢတၢ်ဂ့ၢ်တမံၤအံၤအဃိ, ဖိသၣ်စီဆှံတဂၤန့ၣ်ကဘၣ်တၢ်ကိးအီၤလၢကစၢ်ယွၤအဖိခွါန့ၣ်လီၤ.

မၤတၢ် 3:14

အဝဲဒၣ်မ့ၢ်ပှၤစီဆှံဒီးပှၤအတီအလိၤတဂၤလီၤ. ဘၣ်ဆၣ်ဒီးသုညိကွံာ်အီၤလီၤ. မ့မ့ၢ်သုဃ့တၢ်သးကညီၤလၢပဒိၣ်စီၤပံၤလးဒ်သိးအကပျၢ်ထူၣ် ဖျဲးန့ၢ်သုလၢပှၤတဂၤလၢအမၤသံပှၤကညီန့ၣ်လီၤ.

ရိမ့ၤ 1:17

အဂ့ၢ်ဒ်အံၤ, တၢ်သးခုအကစီၣ်လီၣ်ဖျါထီၣ်ကစၢ်ယွၤအတၢ် ပာ်တီပာ်လိၤပှၤကညီဒ်လဲၣ်အဂ့ၢ်န့ၣ်လီၤ. မၤဝဲခီဖျိတၢ်စူၢ်တၢ်နာ်, စးထီၣ်လၢအခီၣ်ထံးတုၤလၢအကတၢၢ်လီၤ. ဒ်တၢ်ကွဲးအသးစီဆှံစံးဝဲ အသိး, “ပှၤလၢအဘၣ်တၢ်ပာ်တီပာ်လိၤအီၤလၢကစၢ်ယွၤခီဖျိတၢ်စူၢ် တၢ်နာ်န့ၣ်, ကမူဝဲလီၤ.”

ရိမ့ၤ 4:25

အဝဲဘၣ်တၢ်ဟ့ၣ်လီၤကွံာ်အီၤလၢအကသံလၢပတၢ်ဒဲးဘး တဖၣ်အဃိ, ဒီးဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤဒ်သိး အကပာ်တီပာ်လိၤပှၤအဂီၢ်န့ၣ်လီၤ.

ရိမ့ၤ 5:19

ဒီးဒ်ပှၤဟီၣ်ခိၣ်ဖိခဲလၢာ်ဘၣ်တၢ်ဒုးကဲထီၣ်အီၤလၢ ပှၤတၢ်ဒဲးဘးဖိတဖၣ်ခီဖျိပှၤတဂၤအတၢ်တဒိကနၣ်တၢ် အဃိအသိးန့ၣ်, ပှၤခဲလၢာ်ကဘၣ်တၢ်ပာ်တီပာ်လိၤ အီၤခီဖျိပှၤတဂၤအတၢ်ဒိကနၣ်တၢ်အဃိန့ၣ်လီၤ.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

ဖံလံးပံၤ 3:9

ဒီးကဲထီၣ်တၢ်တမံၤဃီဒီးအီၤအဂီၢ်န့ၣ်လီၤ. ယနီၢ်ကစၢ်ဒၣ်ယဲယတၢ်တီတၢ်လိၤတကလုာ် လၢတၢ်မၤန့ၢ်အီၤခီဖျိတၢ်စူၢ်ပှၤယူဒၤဖိအတၢ်သိၣ်တၢ်သီ တအိၣ်ဒီးယၤလၢၤဘၣ်န့ၣ်လီၤ. အခဲအံၤ, ယအိၣ်ဒီးတၢ်တီတၢ်လိၤလၢအဘၣ်တၢ်ဟ့ၣ်လီၤအီၤခီဖျိ တၢ်စူၢ်တၢ်နာ်လၢခရံာ်အပူၤ, တၢ်တီတၢ်လိၤလၢအဟဲလၢကစၢ်ယွၤအအိၣ်ဒီးဒိးသန့ၤထီၣ် အသးလၢတၢ်စူၢ်တၢ်နာ်အဝဲန့ၣ်အဖီခိၣ်န့ၣ်လီၤ.

ဧ့ၤဘြံၤ 4:15

ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.

၁ ယိၤဟၣ် 3:5

သုသ့ၣ်ညါလၢခရံာ်အိၣ်ဖျါထီၣ်တ့ၢ်ဝဲဒ်သိးအကစိာ် ကွံာ်ပတၢ်ဒဲးဘးတဖၣ်အဂီၢ်, ဒီးလၢအဝဲဒၣ်အပူၤတခီ တၢ်ဒဲးဘးတအိၣ်နီတမံၤဘၣ်န့ၣ်လီၤ.