၂ ကရံၣ်သူး 5:18 - Sgaw Karen Common Bible

¹⁸ တၢ်ခဲလၢာ်အံၤဘၣ်တၢ်မၤအီၤလၢကစၢ်ယွၤ, လၢခီဖျိခရံာ်န့ၣ်, လဲလိာ်ကွံာ်ပှၤလၢဒုၣ်ဒါတဖၣ်ဆူအတံၤသကိးတဖၣ်, ဒီးဟ့ၣ်ပှၤမူဒါလၢပကဒုးကဲထီၣ်က့ၤပှၤအဂၤတဖၣ်လၢ အဝဲအတံၤသကိးစ့ၢ်ကီးန့ၣ်လီၤ.

၂ ကရံၣ်သူး 5:18 Iomraidhean Croise

လံာ်ယၡါယၤ 52:7

တၢ်ထံၣ်ဘၣ်ပှၤစိာ်တၢ်ကစီၣ်တဂၤဟဲခီဂာ်ကစၢၢ်ကလိတဖၣ်, ဟဲစိာ်ဃုာ်ဝဲတၢ်သးခုဒီးတၢ်ဃူတၢ်ဖိးအကစီၣ်န့ၣ်, မ့ၢ်မးတၢ်လီၤလးဆံးဒိၣ်လဲၣ်. အဝဲဘိးဘၣ်သ့ၣ်ညါတၢ်မၤနၢၤဒီးစံးဘၣ်ဝ့ၢ်စံယိၣ်, နကစၢ်ယွၤမ့ၢ်စီၤပၤလီၤ.

လံာ်ယၡါယၤ 57:19

ယဟ့ၣ်တၢ်ဃူတၢ်ဖိးဆူပှၤခဲလၢာ်, ပှၤလၢအဘူးမ့ၢ်ဂ့ၤ, အယံၤမ့ၢ်ဂ့ၤလီၤ. ယကမၤဘျါယပှၤဂီၢ်မုၢ်လီၤ.

လံာ်ယဃ့းစက့လး 45:15

လၢတၢ်လုၢ်မၤဘူၣ်သိအဂီၢ်န့ၣ်, လၢကီၢ်အံၣ်စရ့လးအတၢ်အီၣ် ဆၣ်လီၢ်တဖၣ်အပူၤ, လၢသိအဖုလၢအအိၣ်အဒုခံကယၤအကျါ န့ၣ်သုဘၣ်ဟံးန့ၢ်တဒုလီၤ. သုကဘၣ်ဟဲစိာ်တၢ်လုၢ်ဘုဧိၤဟု ဧိၤတဖၣ်, ဆၣ်ဖိကီၢ်ဖိတဖၣ်လၢကဘၣ်တၢ်ဆိၣ်ကဲၤထီၣ်အီၤဒီတဒု, ဒီးဆၣ်ဖိကီၢ်ဖိတဖၣ်လၢတၢ်လုၢ်မၤဃူမၤဖိးတဖၣ်အဂီၢ်, ဒ်သိး သုတၢ်ဒဲးဘးတဖၣ်ကဘၣ်တၢ်ပျၢ်ကွံာ်အီၤအဂီၢ်န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်မၤလိာ်တၢ်အံၤန့ၣ်လီၤ.

လံာ်ဒၤနံးယ့လး 9:24

တၢ်အနံၣ်နွံဆံအဘျီနွံဝီအံၤမ့ၢ်တၢ်ဆၢကတီၢ်လၢကစၢ်ယွၤ ပာ်လီၤအီၤလၢတၢ်မၤထူၣ်ဖျဲးနပှၤဂီၢ်မုၢ်, ဒီးနဝ့ၢ်စီဆှံလၢတၢ် ဒဲးဘးဒီးတၢ်အၢတၢ်သီအပူၤလီၤ. တၢ်ဒဲးဘးကဘၣ်တၢ်ပျၢ်အီၤဒီး တၢ်စံၣ်ညီၣ်တီအထူအယိာ်ကဘၣ်တၢ်ဒုးအိၣ်ဂၢၢ်ကျၢၤအီၤ, ဒ်သိးတၢ်ထံၣ်လၢညါခီဒီးဝံအတၢ်စံးပာ်ကလၢထီၣ်ပှဲၤထီၣ်ဝဲ, ဒီးတၢ်လုၢ်ဟံၣ်စီဆှံကဘၣ်တၢ်ပာ်စီဆှံထီၣ်ကဒါက့ၤအီၤအဂီၢ်လီၤ.

လံာ်တၢ်ဘူၣ်ထီၣ်ဘါထီၣ် 6:30

ဘၣ်ဆၣ်ဒီးတၢ်သွံၣ်တနီၤနီၤမ့ၢ်ဘၣ်တၢ်စိာ်နုာ်အီၤဆူတၢ်ဘူၣ် ထီၣ်ဘါထီၣ်ယွၤအဒဲအပူၤဒီးသူအီၤလၢ တၢ်လုၢ်တၢ်ပျၢ်တၢ်ဒဲးဘးအဂီၢ်န့ၣ်, ဆၣ်ဖိကီၢ်ဖိအံၤတၢ်တဘၣ်အီၣ်အီၤဘၣ်ဒီး ကဘၣ်တၢ်ဆူးကဲၤကွံာ်အီၤလီၤ.

လံာ်လူၤကၣ် 10:5

တဘျီလၢ်လၢ်ဖဲသုလဲၤနုာ်လီၤဆူဟံၣ်တဖျၢၣ်အပူၤန့ၣ်, စံးဆိသုဝဲ, ‘မ်တၢ်ဃူတၢ်ဖိးအိၣ်လၢဟံၣ်တဖျၢၣ်အံၤအပူၤတက့ၢ်.’

လံာ်လူၤကၣ် 24:47

ဒီးလၢအဝဲဒၣ်အမံၤန့ၣ်, တၢ်ကစီၣ်ဘၣ်ဃးတၢ်ပီၢ်ယၢ်လီၤသးဒီးတၢ်ပျၢ်တၢ်ဒဲးဘး, ကဘၣ်တၢ်စံၣ်တဲၤတဲလီၤအီၤလၢပှၤကိးကလုာ်ဒဲးအဂီၢ်, အဆိလၢဝ့ၢ်ယရူၤၡလ့ၣ်န့ၣ်လီၤ.

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

လံာ်ယိၤဟၣ် 3:27

စီၤယိၤဟၣ်စံးဆၢတၢ်ဒီးစံး, “ကစၢ်ယွၤမ့ၢ်တဟ့ၣ်လီၤတၢ်လၢအီၤဘၣ်ဒီး ပှၤဒိးန့ၢ်တၢ်တသ့နီတမံၤနီတဂၤဘၣ်.

မၤတၢ် 10:36

သုသ့ၣ်ညါတၢ်ကစီၣ်လၢအဝဲဒၣ်ဆှၢလီၤဆူပှၤအံၣ်စရ့လးဖိ တကလုာ်အအိၣ်, လၢအဘိးဘၣ်သ့ၣ်ညါတၢ်သးခုအကစီၣ်ဘၣ်ဃးဒီးတၢ်ဃူတၢ်ဖိး ခီဖျိယ့ၣ်ၡူးခရံာ်, လၢအမ့ၢ်ပှၤကိးဂၤဒဲးအကစၢ်န့ၣ်လီၤ.

ရိမ့ၤ 11:36

အဂ့ၢ်ဒ်လဲၣ်န့ၣ်, တၢ်ခဲလၢာ်ဘၣ်တၢ်တ့လီၤလၢအီၤ, ဒီးတၢ်ခဲလၢာ်အိၣ်ထီၣ်ခီဖျိအီၤဒီးလၢအဂီၢ်န့ၣ်လီၤ. မ်တၢ်လၤကပီၤဘၣ်ကစၢ်ယွၤလီၤစိၤလီၤထီတက့ၢ်. အၤမ့ၣ်.

ရိမ့ၤ 5:1

ဒီးခဲအံၤမ့ၢ်လၢပဘၣ်တၢ်ပာ်တီပာ်လိၤပှၤခီဖျိတၢ်နာ် အဃိ, ပအိၣ်ဒီးတၢ်ဃူတၢ်ဖိးဒီးကစၢ်ယွၤခီဖျိပကစၢ် ယ့ၣ်ၡူးခရံာ်န့ၣ်လီၤ.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

1 ကရံၣ်သူး 11:12

အဂ့ၢ်ဒ်အံၤ, ဒ်ပိာ်မုၣ်ဘၣ်တၢ်ဒုးအိၣ်ထီၣ်အီၤလၢပိာ်ခွါအသိးန့ၣ် ပိာ်ခွါဘၣ်အိၣ်ဖျဲၣ်ထီၣ်လၢပိာ်မုၣ်ဒီးပှၤလၢအဒုးအိၣ်ထီၣ် တၢ်ခဲလၢာ်ခဲဆ့န့ၣ်မ့ၢ်ကစၢ်ယွၤလီၤ.

1 ကရံၣ်သူး 12:6

တၢ်သ့တၢ်ဘၣ်လၢအဘၣ်ဃးဒီးတၢ်ဖံးတၢ်မၤတၢ်လၢယွၤ အဂီၢ်န့ၣ်, အိၣ်ဝဲဒၣ်အါကလုာ်အါမံၤ, ဘၣ်ဆၣ်ဒီးပှၤလၢ အဟ့ၣ်တၢ်သ့တၢ်ဘၣ်ဆူပှၤတဂၤဘၣ်တဂၤလၢအကမၤ တၢ်ဖံးတၢ်မၤလီၤဆီဆီတမံၤမံၤန့ၣ်, မ့ၢ်ဒၣ်ကစၢ်ယွၤတဂၤ ဃီလီၤ.

1 ကရံၣ်သူး 3:5

နီၢ်နီၢ်တခီန့ၣ်, စီၤအပီးလိၤမ့ၢ်မတၤတဂၤလဲၣ်. ဒီးစီၤပီလူးမ့ၢ်မတၤ တဂၤလဲၣ်. ပမ့ၢ်ဒၣ်ကစၢ်ယွၤအခ့အပှၤတဖၣ်, ပှၤတဖၣ်လၢအဆှၢသုဒ်သိးသုကစူၢ်တၢ်နာ်တၢ်ခီဖျိအီၤန့ၣ်လီၤ. ပဝဲတဂၤဒီးတဂၤပမၤတၢ်ဖံးတၢ်မၤလၢကစၢ်ယွၤဟ့ၣ်လီၤအီၤလၢ အကမၤဝဲအဂီၢ်န့ၣ်လီၤ.

1 ကရံၣ်သူး 8:6

လၢပဝဲဒၣ်ပဂီၢ်, ကစၢ်ယွၤအိၣ်ထဲတဂၤဧိၤ, လၢအမ့ၢ်ပၢ်ကစၢ်, လၢအမ့ၢ်ပှၤတ့လီၤပာ်လီၤတၢ်ကိးမံၤဒဲး ဒီးလၢပမူလၢအဂီၢ်, ဒီးကစၢ်အိၣ်ထဲတဂၤ, ယ့ၣ်ၡူးခရံာ်လၢတၢ်ကိးမံၤဒဲးဘၣ်တၢ်တ့လီၤခီဖျိအီၤ, ဒီးလၢပမူပဝဲခီဖျိအီၤန့ၣ်လီၤ.

ကလီးစဲ 1:22

ဘၣ်ဆၣ်အခဲအံၤ, ခီဖျိခရံာ်အတၢ်ဒိးသံအသးလၢနီၢ်ခိနီၢ်ခီ န့ၣ်, ကစၢ်ယွၤဒုးကဲထီၣ်သုလၢအတံၤအသကိးတဖၣ်ဒ်သိး အကကိးက့ၤသုဆူအအိၣ်ဒီးလၢအဝဲအမဲာ်ညါန့ၣ်သုကစီဆှံ, တအိၣ်ဘၣ်ဒီးတၢ်ကမၣ်ဘၣ်ဒီးတၢ်ပာ်ဒ့ၣ်ပာ်ကမၣ်တသ့ဘၣ် အဂီၢ်န့ၣ်လီၤ.

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

ယၤကိာ် 1:17

တၢ်ဟ့ၣ်အဂ့ၤဒီးတၢ်ဟ့ၣ်အလၢအပှဲၤကိးမံၤဒဲးန့ၣ်ဟဲလၢမူခိၣ်, လၢကစၢ်ယွၤလၢအတ့လီၤမူခိၣ်အတၢ်ကပီၤတဖၣ်အအိၣ် န့ၣ်လီၤ. ကစၢ်ယွၤတကဒံကဒါဒီးတဒုးအိၣ်ထီၣ်ဘၣ်တၢ်ခံး တၢ်နၤခီဖျိအဃၣ်ဒူချၢအသးန့ၣ်ဘၣ်.

၁ ယိၤဟၣ် 2:2

ဒီးခီဖျိခရံာ်အကစၢ်ဒၣ်ဝဲန့ၣ်, ပတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤ, ဒီးတမ့ၢ်လၢၤထဲပတၢ်ဒဲးဘးတဖၣ်အဂီၢ်ဧိၤဘၣ်. မ့ၢ်စ့ၢ်ကီးလၢပှၤဟီၣ်ခိၣ်ဖိခဲလၢာ်အတၢ်ဒဲးဘးတဖၣ် အဂီၢ်လီၤ.

၁ ယိၤဟၣ် 4:10

တၢ်အဲၣ်တၢ်ကွံမ့ၢ်တၢ်အံၤလီၤ. တမ့ၢ်တၢ်အဲၣ်လၢပအဲၣ်တ့ၢ် ကစၢ်ယွၤဘၣ်. မ့မ့ၢ်တခီ, မ့ၢ်ကစၢ်ယွၤအတၢ်အဲၣ်ပှၤလၢ အမၢလီၤအဖိခွါဒ်သိးကကဲထီၣ်ကျဲလၢပတၢ်ဒဲးဘးတဖၣ် ကဘၣ်တၢ်ပျၢ်ကွံာ်အီၤအဂီၢ်န့ၣ်လီၤ.