၂ ကရံၣ်သူး 5:13 - Sgaw Karen Common Bible

¹³ မ့ၢ်ပပျုၢ်စဲဃဲၤနီၢ်နီၢ်ဧါ. တၢ်န့ၣ်မ့ၢ်ဒၣ်လၢကစၢ်ယွၤအဂီၢ်လီၤ. မ့တမ့ၢ်, မ့ၢ်ပသးပှဲၤကစီဒီဧါ. မ့မ့ၢ်ဒ်န့ၣ်ဒီး မ့ၢ်ဒၣ်လၢသုဂီၢ်လီၤ.

၂ ကရံၣ်သူး 5:13 Iomraidhean Croise

လံာ်ယံးရမံယၤ 29:26

“ယွၤဒုးကဲထီၣ်တ့ၢ်နၤလၢ ပှၤလုၢ်တၢ်ခိၣ်တဂၤလၢစီၤယဟိယဒါအလီၢ်, ဒီးအခဲအံၤ နမ့ၢ်ပှၤအခိၣ်အဒိၣ်ကတၢၢ်လၢ ယွၤအတၢ်လုၢ်ဟံၣ်အပူၤန့ၣ်လီၤ. တၢ်အံၤမ့ၢ် နမူနဒါလၢ နကဘၣ်ကွၢ်ဃုာ်လၢ, ကယဲၢ်ပှၤအပျုၢ်တဂၤလၢ်လၢ်လၢ အပာ်မၤအသးဒ်အမ့ၢ်ဝံတဂၤအသိးန့ၣ်, ကဘၣ်တၢ်စၢဃာ်အီၤလၢ ထးသွဲတဖၣ်အိၣ်ဒီးထးကိာ်ကျီၤလၢ အကိာ်လိၤန့ၣ်လီၤ.

လံာ်မၢ်ကူး 3:21

တုၤအဒူၣ်ဖိထၢဖိတဖၣ်နၢ်ဟူဘၣ်တၢ်ဂ့ၢ်အံၤဒီး, အဝဲသ့ၣ်လဲၤဝဲဒ်သိးအကကိးဆူၣ်က့ၤအီၤအဂီၢ် မ့ၢ်လၢပှၤစံးလၢအဝဲပျုၢ်ထီၣ်လံအဃိလီၤ.

ရိမ့ၤ 12:3

ဒီးမ့ၢ်ယွၤအတၢ်ဟ့ၣ်ဘျုးဟ့ၣ်ဖှိၣ်ယၤအဃိ, ယစံးဘၣ် တဲဘၣ်သုခဲလၢာ်လီၤ. တဘၣ်ဆိကမိၣ်လီၤသုသးဒိၣ်န့ၢ်ဒံး သုကြၢးဆိကမိၣ်န့ၣ်တဂ့ၤ. မ့မ့ၢ်တခီ, ဆိကမိၣ်လီၤသုသးဖဲ အဘၣ်အဘၣ်, ဒီးသုဝဲတဂၤဒီးတဂၤစံၣ်ညီၣ်လီၤသုသးဒ် တၢ်စူၢ်တၢ်နာ်လၢကစၢ်ယွၤဟ့ၣ်လီၤသုအသိးန့ၣ်တက့ၢ်.

၂ ကရံၣ်သူး 11:1

ယဆၢလၢသုကဝံသးစူၤယၤ, ဖဲယသူၣ်တဆးသးတဆးတဆံးတက့ၢ်အခါန့ၣ်လီၤ. ဝံသးစူၤဘၣ်ယၤသပှၢ်ပှၢ်တက့ၢ်.

၂ ကရံၣ်သူး 12:11

ယမၤယသးဒ်တၢ်ပျုၢ်တဂၤအသိးလီၤ, ဘၣ်ဆၣ်ဒီးမ့ၢ်ဒၣ်လၢ သုဃိလီၤ. သုမ့ၢ်ပှၤတဖၣ်လၢအကြၢးပာ်ဖျါသုတၢ်ဘၣ်သူၣ်ဘၣ် သးယၤလီၤ. အဂ့ၢ်ဒ်အံၤ, ယမ့တမ့ၢ်တၢ်နီတမံၤသနာ်က့, လၢကျဲတဘိအပူၤဒၣ်လဲာ်ယတဆံးန့ၢ်သု “ပှၤတၢ်မၢဖိ” လီၤတိၢ်လီၤဆီမးတဖၣ်န့ၣ်ဘၣ်.

၂ ကရံၣ်သူး 12:6

ယမ့ၢ်သးအိၣ်ကတိၤတၢ်ကဖၢလၢသနာ်က့ယတမ့ၢ်ပှၤအပျုၢ် တဂၤဘၣ်. အဂ့ၢ်ဒ်အံၤ, ကမ့ၢ်ဒၣ်ယကတိၤတၢ်မ့ၢ်တၢ်တီလီၤ. ဘၣ်ဆၣ်ဒီးယတကတိၤတၢ်ကဖၢလၢဘၣ်. အဂ့ၢ်မ့ၢ်လၢယတအဲၣ်ဒိးပှၤတဂၤဂၤကဆိကမိၣ်ဒိၣ်ယၤ, ဒိၣ်န့ၢ်ဒံးအဆိကမိၣ်တ့ၢ်ဝဲ, ခီဖျိအဝဲထံၣ်ဘၣ်တ့ၢ်တၢ်လၢယမၤဒီးနၢ်ဟူဘၣ်တ့ၢ်တၢ်လၢ ယစံးကတိၤအီၤဘၣ်အဃိန့ၣ်လီၤ.

၂ ကရံၣ်သူး 7:12

လၢတၢ်န့ၣ်အဃိယကွဲးတ့ၢ်ယဲလံာ်ပရၢတဘ့ၣ်န့ၣ်သနာ် က့, တမ့ၢ်လၢပှၤလၢအမၤကမၣ်တၢ်တဂၤအဃိမ့ၢ်ဂ့ၤ, မ့တမ့ၢ်ပှၤလၢအတူၢ်ဘၣ်တၢ်မၤကမၣ်အီၤအဃိမ့ၢ်ဂ့ၤ န့ၣ်ဘၣ်. မ့မ့ၢ်, ယကွဲးအီၤဒ်သိးယကပာ်ဖျါထီၣ်န့ၢ်သုဖျါဖျါလၢ ကစၢ်ယွၤအမဲာ်ညါ, လၢသုတၢ်ကျဲးစၢးဒီးတၢ်ဟ့ၣ်လီၤသုသးလၢပဂီၢ်ဒိၣ်ဝဲယိာ်ဝဲ နီၢ်နီၢ်ဆံးအါလဲၣ်အဂ့ၢ်န့ၣ်လီၤ.

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

၁ သ့းစၤလနံ 1:5

အဂ့ၢ်ဒ်အံၤ, ပဟဲစိာ်န့ၢ်သုတၢ်သးခုကစီၣ်တမ့ၢ်ထဲလၢတၢ် ကတိၤဧိၤန့ၣ်ဘၣ်. မ့မ့ၢ်အိၣ်စ့ၢ်ကီးဒီးတၢ်စိတၢ်ကမီၤ, သးစီဆှံ, ဒီးတၢ်စူၢ်ဂၢၢ်နာ်ကျၢၤလၢတၢ်သးခုကစီၣ်အံၤမ့ၢ်ဝဲတီဝဲအဂ့ၢ်န့ၣ်လီၤ. ဖဲပအိၣ်ဒီးသုအဖၢမုၢ်ပအိၣ်မူဒ်လဲၣ်န့ၣ်သုသ့ၣ်ညါသုဝဲလီၤ. တၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဒၣ်လၢသုဂီၢ်လီၤ.

၂ တံၤမသ့း 2:10

လၢတၢ်န့ၣ်အဃိ, ယတူၢ်တၢ်ခဲလၢာ်လၢကစၢ်ယွၤအပှၤဃုထၢ တဖၣ်အဂီၢ်ဒ်သိးအဝဲသ့ၣ်စ့ၢ်ကီးကန့ၢ်ဘၣ်တၢ်အုၣ်က့ၤခီၣ်က့ၤ လၢအဟဲခီဖျိယ့ၣ်ၡူးခရံာ်ဒီးဟဲစိာ်တၢ်လၤကပီၤအထူ အယိာ်န့ၣ်လီၤ.