၂ ကရံၣ်သူး 5:1 - Sgaw Karen Common Bible

¹ အဂ့ၢ်ဒ်အံၤ, ပသ့ၣ်ညါပဝဲလၢဖဲပဒဲလၢပအိၣ်ပဆိးလၢ အပူၤ, ပနီၢ်ခိလၢဟီၣ်ခိၣ်ချၢအဝဲအံၤမ့ၢ်ဘၣ်တၢ်မၤလီၤ ပှီၢ်ကွံာ်အီၤန့ၣ်, ကစၢ်ယွၤကအိၣ်ဒီးဟံၣ်လၢမူခိၣ်တဖျၢၣ်လၢ ပကအိၣ်ကဆိးအဂီၢ်, ဟံၣ်တဖျၢၣ်လၢအဝဲအနီၢ်ကစၢ်ဘှီဝဲလၢအကအိၣ်ကၢအိၣ် ခိးလီၤထူလီၤယိာ်န့ၣ်လီၤ.

၂ ကရံၣ်သူး 5:1 Iomraidhean Croise

လံာ်တၢ်ကဲထီၣ်အခီၣ်ထံး 3:19

လၢဟီၣ်ခိၣ်ကဒုးအိၣ်ထီၣ်တၢ်တမံၤလၢ်လၢ်အဂီၢ်နကဘၣ်မၤတၢ်ဆူၣ် ဆူၣ်ကိၢ်ကိၢ်ဒီးမၤတၢ်လၢနကပၢၤကနိတုၤနက့ၤကဒါက့ၤဆူဟီၣ်ခိၣ် ကမူၣ်လၢနဘၣ်တၢ်တ့လီၤတ့ၢ်နၤန့ၣ်လီၤ.” နဘၣ်တၢ်တ့နၤလၢဟီၣ်ခိၣ်အကမူၣ်ဒီးနကကဲထီၣ်ကဒါက့ၤဟီၣ်ခိၣ်အကမူၣ် န့ၣ်လီၤ.

လံာ်စီၤယိၤဘး 30:22

နပျဲကလံၤအူဖျိးကွံာ်ယၤဒီးနထုးဆှဲးဆှိးယၤလၢကလံၤမုၢ် ဒိၣ်အပူၤန့ၣ်လီၤ.

လံာ်စီၤယိၤဘး 4:19

နဆိကမိၢ်လၢအဝဲကနာ်န့ၢ်တၢ်ဘၣ်တ့တမံၤလၢအမ့ၢ်ဟီၣ်ခိၣ်က ပံာ်, ဒီးတၢ်တမံၤလၢအကဲထီၣ်လၢဖၣ်ဆါလၢအဘၣ်တၢ်မၤသ ဘှံးအီၤသ့ဒ်ဂၢၢ်တဖျၢၣ်အသိးန့ၣ်ဧါ.

စံးထီၣ်ပတြၢၤ 56:9

မုၢ်တနံၤလၢယကိးထီၣ်နၤန့ၣ်, ယဒုၣ်ယဒါသ့ၣ်တဖၣ်ကဃၣ်ကဒါက့ၤအသး ဆူလီၢ်ခံန့ၣ်လီၤ. တၢ်အံၤယသ့ၣ်ညါလၢကစၢ်ယွၤအိၣ်ဒီးယၤ,

လံာ်ယၡါယၤ 38:12

ယတၢ်အိၣ်မူဘၣ်တၢ်မၤထီၣ်တဲာ်ကွံာ်အီၤဒီးကတၢၢ်ဝဲ, လီၤဂာ်ဒ်ဒဲတဖျၢၣ်လၢဘၣ်တၢ်ဃိလီၤပှီၢ်ကွံာ်အီၤ ဒီးတၢ်ကံးယာ်လၢဘၣ်တၢ်ကူးတဲာ်ကွံာ်အီၤလၢ ထၣ်အလိၤအသိးန့ၣ်လီၤ. ယဆိကမိၣ်တ့ၢ်လၢကစၢ်ယွၤမၤကတၢၢ်ယတၢ်အိၣ်မူလံန့ၣ်လီၤ.

လံာ်မၢ်ကူး 14:58

“ပနၢ်ဟူအဝဲဒၣ်စံးဝဲ, ‘ယကမၤလီၤပှီၢ်ကွံာ်တၢ်လုၢ်ဟံၣ်လၢအဘၣ်တၢ်ဘှီထီၣ်အီၤလၢပှၤ ကညီအစုတဖျၢၣ်အံၤ, ဒီးလၢသၢသီတသီန့ၣ်ယကဘှီထီၣ်အဂၤတဖျၢၣ်လၢအတဘၣ် တၢ်မၤအီၤလၢပှၤကညီအစုဘၣ်န့ၣ်လီၤ.’ ”

မၤတၢ် 7:48

သနာ်က့, ကစၢ်ယွၤလၢအအိၣ်ထီၣ်ထီကတၢၢ်တဂၤန့ၣ်, တအိၣ်တဆိးဝဲလၢဟံၣ်လၢပှၤကညီမၤဝဲလၢအစုန့ၣ်ဘၣ်. ဒ်ဝံတဂၤန့ၣ်စံးဝဲအသိး,

1 ကရံၣ်သူး 3:9

အဂ့ၢ်ဒ်အံၤ, ပမ့ၢ်ပှၤမၤသကိးတၢ်တဖၣ်လၢအမၤဃုာ်တၢ်တပူၤဃီလၢကစၢ်ယွၤ အဂီၢ်, ဒီးသုမ့ၢ်ကစၢ်ယွၤအစံာ်လီၢ်ပှဲၤလီၢ်န့ၣ်လီၤ. သုမ့ၢ်စ့ၢ်ကီးကစၢ်ယွၤအတၢ်သူၣ်ထီၣ်လီၤ.

၂ ကရံၣ်သူး 4:7

မ့ၢ်သနာ်က့ဒ်န့ၣ်ဒီး, ပဝဲလၢအအိၣ်ဒီးသးအတၢ်လုၢ်ဒိၣ်ပှ့ၤဒိၣ် အဝဲအံၤန့ၣ်, ပလီၤဂာ်ဒီးသပၢၤဟီၣ်ခိၣ်မုၢ်ဆ့ၣ်မုၢ်ဂီၤတဖၣ်ဒ်သိး ပကပာ်ဖျါလၢတၢ်စိကမီၤအထီကတၢၢ်န့ၣ်ဘၣ်ဃးလၢ ယွၤ, ဒီးတမ့ၢ်ပတၢ်ဘၣ်န့ၣ်လီၤ.

၂ ကရံၣ်သူး 5:4

ဖဲပအိၣ်ပဆိးလၢဟီၣ်ခိၣ်အဒဲတဖျၢၣ်အံၤအပူၤအဆၢ ကတီၢ်န့ၣ်, ပကအုကစွါပဝဲဒ်ပဘၣ်တၢ်နးတၢ်ဖှီၣ်အသိး လီၤ. တမ့ၢ်လၢပအဲၣ်ဒိးညိကွံာ်ပဟီၣ်ခိၣ်အနီၢ်ခိအံၤ အဃိဘၣ်. မ့မ့ၢ်တခီ, မ့ၢ်လၢပအဲၣ်ဒိးတၢ်ဒုးကူဒုးသိးထီၣ် ပှၤလၢနီၢ်ခိဘၣ်ဃးဒီးမူခိၣ်, ဒ်သိးတၢ်လၢအသံသ့ကဘၣ်တၢ်ပျိာ်လဲလိာ်ကွံာ်အီၤဆူ တၢ်မူအဂီၢ်န့ၣ်လီၤ.

ကလီးစဲ 2:11

လၢသုမူဝဲလၢခရံာ်အပူၤအဃိ, သုဘၣ်တၢ်ကူးတရံးသု တမ့ၢ်ဘၣ်လၢနီၢ်ခိနီၢ်ခီလၢပှၤကညီမၤဝဲန့ၣ်ဘၣ်, မ့ၢ်တၢ်ကူးတရံးဘၣ်ဃးဒီးခရံာ်လၢအမၤထူၣ်ဖျဲးထီၣ်ကွံာ် သုလၢတၢ်ဒဲးဘးတခီန့ၣ်လီၤ.

၂ တံၤမသ့း 1:12

ဒီးလၢတၢ်န့ၣ်အဃိယတူၢ်ဘၣ်တၢ်သ့ၣ်တဖၣ်အံၤလီၤ. ဘၣ်ဆၣ်ဒီးယမဲာ်တဆှးဘၣ်. အဂ့ၢ်ဒ်အံၤ, ယသ့ၣ်ညါ ပှၤလၢယစူၢ်က့ၤနာ်က့ၤအီၤ, ဒီးယနာ်လၢတၢ်လၢတၢ်ဟ့ၣ်လီၤအးလီၤလၢယစုပူၤန့ၣ်, အဝဲကပၢၤဃာ်ကီၤဃာ်ဝဲတုၤမုၢ်နံၤခံကတၢၢ်န့ၣ်လီၤ.

ဧ့ၤဘြံၤ 11:10

အဂ့ၢ်ဒ်အံၤ, အဝဲဒၣ်အိၣ်ခိးကွၢ်လၢ်ဝ့ၢ်တဖျၢၣ်လၢ အအိၣ်ဒီးအခီၣ်ထံးအဂၢၢ်အကျၢၤ, ဝ့ၢ်လၢပှၤတ့အီၤဒီးပှၤသူၣ်ထီၣ်အီၤမ့ၢ်ကစၢ်ယွၤန့ၣ်လီၤ.

ဧ့ၤဘြံၤ 9:11

ဘၣ်ဆၣ်ဒီးခရံာ်ဟဲတ့ၢ်လံဝဲဒ်တၢ်အဂ့ၤလၢအအိၣ်တ့ၢ်လံဝဲ ဖဲအံၤအပှၤလုၢ်တၢ်အခိၣ်အဒိၣ်ကတၢၢ်တဂၤအသိးန့ၣ်လီၤ. အဝဲမၤတၢ်လၢဒဲလၢဒိၣ်ဒၣ်တၢ်တက့ၢ်ဒီးလၢ ပှဲၤဝဲဒိၣ်ဒၣ်တၢ်တက့ၢ်လၢအတဘၣ်တၢ်ဘှီအီၤလၢပှၤအစု ဘၣ်အပူၤ, ဒ်ပစံးတၢ်အသိး တဘၣ်ဃးဘၣ်ဒီးတၢ်လၢတၢ် တ့အီၤဖဲဟီၣ်ခိၣ်အံၤဘၣ်န့ၣ်လီၤ.

ဧ့ၤဘြံၤ 9:24

အဂ့ၢ်ဒ်အံၤ, ခရံာ်တလဲၤနုာ်ဘၣ်ဆူတၢ်လီၢ်စီဆှံလၢပှၤကညီ သူၣ်ထီၣ်အီၤလၢအမ့ၢ်တၢ်နီၢ်နီၢ်အဒိန့ၣ်ဘၣ်. အဝဲလဲၤနုာ်ဝဲဆူမူခိၣ်နီၢ်နီၢ်ဒၣ်ဝဲအပူၤ, ဒီးဖဲန့ၣ်အဝဲဒၣ်အိၣ်ဖျါထီၣ်လၢကစၢ်ယွၤအမဲာ်ညါလၢပခၢၣ်စး ခဲကနံၣ်အံၤန့ၣ်လီၤ.

၁ ပ့းတရူး 1:4

ဒီးလၢတၢ်န့ၣ်အဃိ, ပကွၢ်စိဃီၤဆူတၢ်န့ၢ်သါလၢအဟးဂီၤ တသ့, တဘၣ်အၢဘၣ်သီ, ဒီးတလီၤညွံးလီၤဘဲဘၣ်အတၢ်ဆိၣ်ဂ့ၤ လၢကစၢ်ယွၤပာ်အီၤလၢမူခိၣ်လၢအပှၤဂီၢ်မုၢ်အဂီၢ်န့ၣ်လီၤ.

၂ ပ့းတရူး 3:11

မ့ၢ်လၢတၢ်သ့ၣ်တဖၣ်အံၤခဲလၢာ်ကဘၣ်တၢ်မၤဟးဂီၤကွံာ် အီၤလၢကျဲဒ်အံၤအဃိ, သုကြၢးမ့ၢ်ပှၤဒ်လဲၣ်, သုတၢ်အိၣ်မူတဖၣ်ကြၢးစီဆှံဝဲဒီးကြၢးဘၣ်တၢ်ပာ်စီဆှံ အီၤလၢကစၢ်ယွၤအဂီၢ်,

၁ ယိၤဟၣ် 3:14

ပသ့ၣ်ညါလၢပခီဂာ်လၢတၢ်သံဆူတၢ်မူ, မ့ၢ်လၢပအဲၣ်ပဒီပုၢ်ဝဲၢ် အဃိလီၤ. မတၤတဂၤဂ့ၤတဂၤဂ့ၤလၢအတအဲၣ်ဘၣ်အဒီ ပုၢ်ဝဲၢ်န့ၣ်, အိၣ်ဒံးဒၣ်လၢတၢ်သံအပူၤန့ၣ်လီၤ.

၁ ယိၤဟၣ် 3:19

လၢတၢ်အံၤအဃိ, ပကသ့ၣ်ညါလၢပဘၣ်ဃးဒီးတၢ်မ့ၢ် တၢ်တီ, ဒီးပသးကမံဒီးဂၢၢ်ကျၢၤဝဲလၢကစၢ်ယွၤအမဲာ်ညါ န့ၣ်လီၤ.

၁ ယိၤဟၣ် 3:2

ယတံၤသကိးသးဘိသ့ၣ်ဧၢ, ခဲအံၤပမ့ၢ်ကစၢ်ယွၤအဖိ တဖၣ်လီၤ. ဘၣ်ဆၣ်ဒီးပကမ့ၢ်တၢ်ဒ်လဲၣ်ဒ်လဲၣ်န့ၣ်, တၢ်တဒုးသ့ၣ်ညါပှၤဒံးဘၣ်. ဘၣ်ဆၣ်ဒီး, ပသ့ၣ်ညါလၢဖဲခရံာ်အိၣ်ဖျါထီၣ်န့ၣ်, ပကလီၤဂာ်ဒီးအီၤမ့ၢ်လၢ ပကထံၣ်အီၤဒ်အဝဲမ့ၢ်တၢ်နီၢ်နီၢ်အသိးအဃိန့ၣ်လီၤ.