၂ ကရံၣ်သူး 4:9 - Sgaw Karen Common Bible

⁹ ပအိၣ်ဒီးပဒုၣ်ပဒါအါဒံအါဂၤ, ဘၣ်ဆၣ်ဒီးတံၤတအိၣ်သကိးတအိၣ်န့ၣ်တအိၣ်နီတဘျီ ဘၣ်. ဒီးတဘျီဘျီပဘၣ်ဒိဆါနးမးသနာ်က့ပတဘၣ် တၢ်မၤဟးဂုာ်ဟးဂီၤကွံာ်ပှၤဘၣ်.

၂ ကရံၣ်သူး 4:9 Iomraidhean Croise

လံာ်စီၤယိၤဘး 22:29

ကစၢ်ယွၤဆီၣ်လီၤပှၤပာ်ထီၣ်ထီသးဒီးအုၣ်က့ၤခီၣ်က့ၤပှၤဆီၣ် လီၤအသးန့ၣ်လီၤ.

စံးထီၣ်ပတြၢၤ 129:2

“စးထီၣ်လၢယသးစၢ်လံၤလံၤန့ၣ် ယဒုၣ်ယဒါတဖၣ် မၤနးမၤဖှီၣ်ယၤ နးနးကျံၤကျံၤ, ဘၣ်ဆၣ်အဝဲသ့ၣ်တမၤနၢၤယၤဘၣ်.

စံးထီၣ်ပတြၢၤ 22:1

ယကစၢ်ယွၤဧၢ, ယကစၢ်ယွၤဧၢ, ဘၣ်မနုၤလၢနလဲၤသဒၣ်တ့ၢ်ယၤလဲၣ်. ဘၣ်မနုၤလၢနအိၣ်ယံၤလၢတၢ်မၤစၢၤယၤအဂီၢ်, နယံၤဒီးယတၢ်ကအုကစွါအတၢ်ကတိၤ တဖၣ်န့ၣ်လဲၣ်.

စံးထီၣ်ပတြၢၤ 37:28

အဂ့ၢ်ဒ်အံၤ, ယွၤအဲၣ်တၢ်လၢအမ့ၢ်အတီ ဒီးတလဲၤသဒၣ်အပှၤစီဆှံနီတဘျီဘၣ်. အဝဲကဟုဘံၣ်ကယာ်ဘၢအဝဲသ့ၣ်လီၤစိၤလီၤထီ, ဘၣ်ဆၣ်ပှၤအၢပှၤသီအဖိအလံၤတဖၣ် ကဘၣ်တၢ်ဒီၣ်တဲာ်ကွံာ်အီၤလီၤ.

စံးထီၣ်ပတြၢၤ 42:11

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီးယကစၢ်ယွၤလၢ အမၤပူၤဖျဲးတ့ၢ်ယၤန့ၣ်လီၤ.

စံးထီၣ်ပတြၢၤ 42:5

ယသးဧၢ, ဘၣ်မနုၤလၢနသူၣ်ကၢ်သးလီၤန့ၣ်လဲၣ်. ဘၣ်မနုၤလၢနသူၣ်ကိၢ်နသးဂီၤန့ၣ်လဲၣ်. မုၢ်လၢ်တၢ်လၢကစၢ်ယွၤအပူၤ, အဂ့ၢ်ဒ်အံၤ, ယကစံးထီၣ်ပတြၢၤကဒီး ယကစၢ်ယွၤလၢအမၤပူၤဖျဲးက့ၤယၤလီၤ.

စံးထီၣ်ပတြၢၤ 9:10

ဒီးပှၤလၢအသ့ၣ်ညါနမံၤန့ၣ်ကသန့ၤအသးလၢနၤလီၤ. အဂ့ၢ်ဒ်အံၤ, ယွၤဧၢ, နတစူးကွံာ်ညိကွံာ်ပှၤလၢအဃုနၤန့ၣ်ဘၣ်.

တၢ်ကတိၤဒိ. 24:16

အဂ့ၢ်ဒ်အံၤ, ပှၤတီပှၤလိၤတဂၤလီၤဃံၤဝဲအဘျီတဖၣ်အဘျီ သနာ်က့, တမ့ၢ်တၢ်အကါဒိၣ်ဘၣ်. ထီဘိအဝဲဂဲၤဆၢထၢၣ်ကဒါက့ၤဝဲ လီၤ. မ့မ့ၢ်တၢ်တတၢးတနါမၤဟးဂီၤကွံာ်ပှၤတတီတလိၤလီၤ.

လံာ်ယၡါယၤ 43:2

ဖဲနလဲၤခီဖျိထံလၢအယိာ်န့ၣ်, ယကအိၣ်ဒီးနၤလီၤ. နတၢ်ကီတၢ်ခဲတဖၣ်တလုၣ်ဘၢနၤဘၣ်. ဖဲနလဲၤခီဖျိမ့ၣ်အူန့ၣ်, မ့ၣ်အူတအီၣ်နၤဘၣ်. တၢ်မၤကွၢ်အကီအခဲတဖၣ်လၢအဟဲန့ၣ်, တမၤဘၣ်ဒိဘၣ်ထံးနၤဘၣ်.

လံာ်ယၡါယၤ 62:4

တၢ်တကိးလၢၤဘၣ်နၤနီတဘျီလၢ “တၢ်ဘၣ်လဲၤသဒၣ်” မ့ၢ်ဂ့ၤ, နထံနကီၢ်တဘၣ်တၢ်ကိးစ့ၢ်ကီးအီၤလၢ “မါလၢအဘၣ်တၢ်ပာ်လီၤတဲာ်ကွံာ်အီၤ” မ့ၢ်ဂ့ၤဘၣ်. နမံၤအသီကမ့ၢ်ဝဲ, “ကစၢ်ယွၤဘၣ်သူၣ်ဘၣ်သးတ့ၢ်အီၤ” လီၤ. နထံနကီၢ်ကဘၣ်တၢ်ကိးအီၤလၢ, “တၢ်သူၣ်ဖှံသးညီအတၢ်တ့တၢ်ဖျီ” လီၤ. အဂ့ၢ်ဒ်အံၤ, ယွၤဘၣ်သူၣ်ဘၣ်သးလၢနၤဒီးအဝဲကလီၤဂာ်ဒီး ဝၤတဂၤလၢနထံနကီၢ်အဂီၢ်လီၤ.

လံာ်မံကၤ 7:8

တၢ်ဂ့ၢ်တအိၣ်ဘၣ်နီတမံၤလၢပဒုၣ်ပဒါတဖၣ်ကသးခုခူသူၣ်လၢ ပဖီခိၣ်ဘၣ်. ပလီၤဃံၤတ့ၢ်လံ. ဘၣ်ဆၣ်ဒီးပကဂဲၤထၢၣ်က့ၤကဒီးလီၤ. ခဲအံၤပအိၣ်လၢတၢ်ခံးကျါဘၣ်ဆၣ်ဒီးယွၤကဟ့ၣ်ပှၤတၢ်ကပီၤလီၤ.

လံာ်ဃဘးကူာ် 3:17

ချၢၣ်ဒၢမ့ၢ်တဆှိးဘၣ်ဆၣ်, တၤသၣ်မ့ၢ်တအိၣ်လၢ စပံးမုၢ်အလိၤဘၣ်ဆၣ်, သ့ၣ်စၤယံးအသၣ်မ့ၢ်လီၤဘီဘၣ်ဆၣ်, ဒီးစံာ်ဧိၤပှဲၤဧိၤမ့ၢ်တဟ့ၣ်ထီၣ်ဘုဧိၤဟုဧိၤဘၣ်ဆၣ်, ကယဲၢ်သိတဖၣ်ဒၣ်လဲာ်မ့ၢ်သံကွံာ် ဒီးဂီၤဘုၣ်ဂီၤဖံးတအိၣ်လၢကပိၤတဖၣ်အပူၤဘၣ်ဆၣ်,

လံာ်ယိၤဟၣ် 15:20

သ့ၣ်နီၣ်ထီၣ်က့ၤလၢယစံးဘၣ်တ့ၢ်သု, ‘ကုၢ်တဒိၣ်န့ၢ်အကစၢ်နီတဂၤဘၣ်.’ အဝဲသ့ၣ်မ့ၢ်မၤအၢမၤနးယၤဒီး, ကမၤအၢမၤနးစ့ၢ်ကီးသုလီၤ. အဝဲသ့ၣ်မ့ၢ်ဒိကနၣ်ယကလုၢ်ကထါဒီး, ကဒိကနၣ်သုကလုၢ်ကထါစ့ၢ်ကီးလီၤ.

ရိမ့ၤ 8:35

မ့ၢ်မတၤမၤလီၤဖးပှၤဒီးခရံာ်အတၢ်အဲၣ်တၢ်ကွံကသ့ တဂၤန့ၣ်လဲၣ်. မ့ၢ်တၢ်ကီတၢ်ခဲမၤကသ့ဧါ, မ့တမ့ၢ်တၢ်ကိၢ် တၢ်ဂီၤ, တၢ်မၤအၢမၤနးပှၤ, တၢ်သၣ်ဝံၤလီၤဒိ, တၢ်အိၣ်ဘ့ၣ်ဆ့, တၢ်လီၤပျံၤလီၤဖုး, တၢ်သံ, မၤကသ့ဧါ.

၂ ကရံၣ်သူး 7:6

ဘၣ်ဆၣ်ဒီးကစၢ်ယွၤလၢအဟ့ၣ်ဆူၣ်ထီၣ်ပှၤလီၤဘှံးလီၤတီၤ တဖၣ်အသးန့ၣ်, ဟ့ၣ်ဆူၣ်ထီၣ်ပဂံၢ်ပဘါခီဖျိစီၤတံတူးအတၢ် ဟဲန့ၣ်လီၤ.

၂ တံၤမသ့း 3:12

ပှၤကိးဂၤဒဲးလၢအသးအိၣ်အိၣ်မူတၢ်အဲၣ်ထူအဲၣ်ယွၤ အတၢ်အိၣ်မူလၢယ့ၣ်ၡူးခရံာ်အပူၤန့ၣ်, ကဘၣ်တၢ်မၤအၢမၤနးအီၤလီၤ.

ဧ့ၤဘြံၤ 13:5

လၢတၢ်အိၣ်မူအပူၤန့ၣ်အိၣ်သဘျ့ဒီးတၢ်အဲၣ်ကျိၣ်အဲၣ်စ့တ က့ၢ်. သးမံနဲဒီးတၢ်လၢအအိၣ်ဒီးနၤတက့ၢ်. အဂ့ၢ်ဒ်အံၤ အဝဲဒၣ်စံးတ့ၢ်လံဝဲ, “ယတညိကွံာ်ဘၣ်နၤဘၣ် ယတလဲၤ သဒၣ်ဘၣ်နၤဘၣ်.”