၂ ကရံၣ်သူး 4:14 - Sgaw Karen Common Bible

¹⁴ ပသ့ၣ်ညါပဝဲလၢကစၢ်ယွၤလၢအဒုးဂဲၤဆၢထၢၣ်သမူထီၣ်က့ၤ ကစၢ်ယ့ၣ်ၡူးန့ၣ်, ကဒုးဂဲၤဆၢထၢၣ်သမူထီၣ်က့ၤပှၤစ့ၢ်ကီးဒီး စိာ်ဃုာ်ပှၤတပူၤဃီဒီးသုဆူအဝဲဒၣ်အမဲာ်ညါန့ၣ်လီၤ.

၂ ကရံၣ်သူး 4:14 Iomraidhean Croise

လံာ်ယၡါယၤ 26:19

ပပှၤဂီၢ်မုၢ်လၢအသံတ့ၢ်တဖၣ်ကမူကဒီးလီၤ. အဝဲသ့ၣ်အနီၢ်ခိတဖၣ်ကမူထီၣ်က့ၤလီၤ. ကယဲၢ်ပှၤလၢအမံလၢအသွၣ်ခိၣ်အပူၤတဖၣ်ကပၢၢ်ထီၣ် ဒီးသးဝံၣ်တၢ်လၢတၢ်သးခုအပူၤလီၤ. ဒ်ဘှ့ၣ်ပစီၤအတၢ်ကပီၤမၤသီထီၣ်က့ၤဟီၣ်ခိၣ်အသိးန့ၣ်, ယွၤကမၤမူထီၣ်ပှၤလၢအသံတ့ၢ်ဝဲလၢပျၢၤတဖၣ်လီၤ.

လံာ်လူၤကၣ် 21:36

ဆိးသီဒီးဘါထုကဖၣ်သုဝဲထီဘိဒ်သိးသုကအိၣ်ဒီးတၢ်ဂံၢ်တၢ်ဘါလၢသု ကလဲၤခီဖျိတၢ်လၢအကမၤအသးတဖၣ်အံၤခဲလၢာ်ဂ့ၤဂ့ၤဘၣ်ဘၣ် ဒီးလၢသုကဆၢထၢၣ်လၢပှၤကညီဖိခွါအမဲာ်ညါအဂီၢ်န့ၣ်တက့ၢ်.”

မၤတၢ် 2:24

ဘၣ်ဆၣ်ဒီးကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးမၤထူၣ်ဖျဲးထီၣ်အီၤလၢတၢ်သံအစိကမီၤအဖီလာ်, မ့ၢ်လၢတၢ်သံဟံးဃာ်အီၤတသ့လ့ၤတက့ၤဘၣ်အဃိလီၤ.

မၤတၢ် 2:32

ယ့ၣ်ၡူးတဂၤအံၤကစၢ်ယွၤဒုးဂဲၤဆၢထၢၣ်က့ၤအီၤလၢတၢ်သံ, ဒီးတၢ်လၢအမၤအသးအံၤ, ပဝဲဒၣ်ခဲလၢာ်ပထံၣ်ဘၣ်လၢပမဲာ်လီၤ.

ရိမ့ၤ 8:11

ကစၢ်ယွၤအသးလၢအဒုးဂဲၤဆၢထၢၣ်သမူထီၣ်က့ၤယ့ၣ်ၡူး လၢတၢ်သံန့ၣ်, မ့ၢ်မူလၢသုပူၤဒီး, ပှၤလၢအဒုးဂဲၤဆၢထၢၣ် သမူထီၣ်က့ၤခရံာ်လၢတၢ်သံန့ၣ်ကဟ့ၣ်လီၤစ့ၢ်ကီးသုနီၢ်ခိလၢ အသံသ့တဖၣ်အံၤလၢတၢ်မူခီဖျိယွၤအသးလၢအအိၣ် ဝဲဆိးဝဲလၢသုပူၤန့ၣ်လီၤ.

1 ကရံၣ်သူး 6:14

ကစၢ်ယွၤဒုးဂဲၤဆၢထၢၣ်သမူထီၣ်က့ၤကစၢ်လၢတၢ်သံ, ဒီးအဝဲဒၣ်ကဒုးဂဲၤဆၢထၢၣ်သမူထီၣ်စ့ၢ်ကီးပှၤလၢအတၢ်စိ တၢ်ကမီၤလီၤ.

၂ ကရံၣ်သူး 11:2

ယသးက့ၣ်တၢ်လၢသုဂီၢ်ဒ်ကစၢ်ယွၤသးက့ၣ်ဝဲအသိးန့ၣ်လီၤ. သုလီၤဂာ်ဒီးမုၣ်ကနီၤနီၢ်နီၢ်တဂၤ လၢယအၢၣ်လီၤအီလီၤတ့ၢ် ယဲလၢယကဒိးတ့ဒိးဖျီအီၤဒီးပိာ်ခွါထဲတဂၤဧိၤ, ခရံာ်အနီၢ်ကစၢ်ဒၣ်ဝဲန့ၣ်လီၤ.

အ့းဖ့းစူး 5:27

ဒ်သိးဒီးအကဒိးန့ၢ်ဘၣ်လၢအဂီၢ်ဒၣ်ဝဲတၢ်အိၣ်ဖှိၣ်အိၣ်ဒီး အဃံအလၤ, ဒီးအမဲၣ်သူမဲၣ်ဂီၤမ့ၢ်ဂ့ၤ, အဖံးသွံးမ့ၢ်ဂ့ၤ, တၢ်ဒ်န့ၣ်သိးတဖၣ်မ့ၢ်ဂ့ၤတအိၣ်ဘၣ်, မ့ၢ်ဒ်သိးအကစီကဆှံ, ဒီးပူၤဖျဲးဒီးတၢ်ကမူၤကမၣ်အဂီၢ်န့ၣ်လီၤ.

ကလီးစဲ 1:22

ဘၣ်ဆၣ်အခဲအံၤ, ခီဖျိခရံာ်အတၢ်ဒိးသံအသးလၢနီၢ်ခိနီၢ်ခီ န့ၣ်, ကစၢ်ယွၤဒုးကဲထီၣ်သုလၢအတံၤအသကိးတဖၣ်ဒ်သိး အကကိးက့ၤသုဆူအအိၣ်ဒီးလၢအဝဲအမဲာ်ညါန့ၣ်သုကစီဆှံ, တအိၣ်ဘၣ်ဒီးတၢ်ကမၣ်ဘၣ်ဒီးတၢ်ပာ်ဒ့ၣ်ပာ်ကမၣ်တသ့ဘၣ် အဂီၢ်န့ၣ်လီၤ.

ကလီးစဲ 1:28

ပစံၣ်တဲၤတဲလီၤခရံာ်ဒီးတဲပလီၢ်ပှၤကိးဂၤဒီးသိၣ်လိသီ လိပှၤကိးကလုာ်ဒဲးလၢတၢ်ကူၣ်သ့ခဲလၢာ်အပူၤ, ဒ်သိးပကဆှၢက့ၤပှၤတဂၤစုာ်စုာ်ဒ်ပှၤဒိၣ်တုာ်ခိၣ်ပှဲၤလၢခရံာ် အပူၤအသိးဆူကစၢ်ယွၤအအိၣ်အဂီၢ်န့ၣ်လီၤ.

၁ သ့းစၤလနံ 4:14

ပနာ်လၢယ့ၣ်ၡူးသံဒီးဂဲၤဆၢထၢၣ်သမူထီၣ်က့ၤလီၤ. ဒ်န့ၣ်အသိး, ပှၤလၢအသံတ့ၢ်ဝဲလၢတၢ်စူၢ်တၢ်နာ်ယ့ၣ်ၡူးအပူၤတဖၣ်န့ၣ်, ကစၢ်ယွၤကဒုးဂဲၤဆၢထၢၣ်က့ၤအဝဲသ့ၣ်ဃုာ်ဒီးအီၤန့ၣ်လီၤ.

ယၤကိာ် 5:15

တၢ်စူၢ်တၢ်နာ်အတၢ်ထုကဖၣ်အံၤကမၤဘျါက့ၤပှၤဆါတဂၤ န့ၣ်လီၤ. ကစၢ်ကဟ့ၣ်က့ၤအီၤတၢ်အိၣ်ဆူၣ်အိၣ်ချ့, ဒီးတၢ်ဒဲးဘးလၢအမၤတ့ၢ်လံဝဲတဖၣ်ကဘၣ်တၢ်ပျၢ်ကွံာ် အီၤန့ၣ်လီၤ.

ယူဒၤ 1:24

ပှၤလၢအဟံးဃာ်ပၢၤဃာ်သုသ့ဒ်သိးသုသုတလီၤဃံၤတဂ့ၤ, ဒီးပာ်သုလၢအလၤကပီၤအမဲာ်ညါတအိၣ်ဘၣ်ဒီးမဲၣ်သူမဲၣ်ဂီၤဘၣ် လၢတၢ်သူၣ်ခုသးခုဒိၣ်ဒိၣ်ကလဲာ်အပူၤ,