၂ ကရံၣ်သူး 4:12 - Sgaw Karen Common Bible

¹² အဝဲအံၤအခီပညီမ့ၢ်ဝဲ, တၢ်သံမၤတၢ်လၢပပူၤ, ဘၣ်ဆၣ်ဒီးတၢ်မူမၤတၢ်လၢသုပူၤန့ၣ်လီၤ.

၂ ကရံၣ်သူး 4:12 Iomraidhean Croise

မၤတၢ် 20:24

ဘၣ်ဆၣ်ဒီး, တၢ်မၤနးမၤဖှီၣ်ယသးသမူတမ့ၢ်တၢ်အကါဒိၣ်လၢ ယဂီၢ်ဘၣ်. မ့မ့ၢ်အကါဒိၣ်ဝဲလၢယကမၤဝံၤယတၢ်မၤလၢကစၢ် ယ့ၣ်ၡူးဟ့ၣ်လီၤယၤ, လၢအမ့ၢ်ဝဲတၢ်အုၣ်သးလၢတၢ်သးခု အကစီၣ်ဘၣ်ဃးကစၢ်ယွၤအဘျုးအဖှိၣ်အဂ့ၢ်န့ၣ်လီၤ.

1 ကရံၣ်သူး 4:10

လၢခရံာ်အဂီၢ်ပမ့ၢ်ပှၤသူၣ်တဆးသးတဆး, ဘၣ်ဆၣ်သုဝဲသုကူၣ်ဘၣ်ကူၣ်သ့လၢသုတၢ်ပာ်ဖှိၣ်ဃုာ်သုသး တပူၤဃီဒီးခရံာ်အပူၤလီၤ. ပဝဲပဂံၢ်စၢ်ဘါစၢ်, ဘၣ်ဆၣ်သုဂံၢ်ဆူၣ်ဘါဆူၣ်လီၤ. ပဘၣ်တၢ်ကွၢ်တလီၤပှၤဘၣ်ဆၣ်သုဒိးဘၣ်တၢ်မၤလၤကပီၤသုလီၤ.

၂ ကရံၣ်သူး 12:15

တၢ်လၢအအိၣ်ဒီးယၤခဲလၢာ်, ဒီးယနီၢ်ကစၢ်ဒၣ်ယဲစ့ၢ်ကီးန့ၣ်ယကသးခုသူအီၤဒ်သိး အကကဲတၢ်မၤစၢၤလၢသုဂီၢ်လီၤ. ယအဲၣ်သုဒိၣ်မးအဃိ ဒီး, မ့ၢ်သုကအဲၣ်ယၤစှၤန့ၢ်တၢ်န့ၣ်ဧါ.

၂ ကရံၣ်သူး 13:9

ပသးခုပဝဲဖဲပဂံၢ်စၢ်ဘါစၢ်အခါန့ၣ်သုဂံၢ်ဆူၣ်ဘါဆူၣ်န့ၣ်လီၤ. ဒီးလၢတၢ်န့ၣ်အဃိ, ပဃ့ဘါထုကဖၣ်ပဝဲဒ်သိးသုကကဲထီၣ် ပှၤလၢပှၤပှဲၤန့ၣ်လီၤ.

၂ ကရံၣ်သူး 4:11

လၢပတၢ်အိၣ်မူဒီဆၢဒီကတီၢ်န့ၣ်, ပဘၣ်တၢ်ဟ့ၣ်လီၤ ပှၤဆူတၢ်သံအပူၤလၢယ့ၣ်ၡူးအဂီၢ်, ဒ်သိးအဝဲအတၢ်အိၣ်မူကဘၣ်တၢ်ထံၣ်အီၤလၢ ပနီၢ်ခိလၢအသံသ့အဝဲအံၤအပူၤအဂီၢ်န့ၣ်လီၤ.

၂ ကရံၣ်သူး 4:13

တၢ်ကွဲးအသးစံးဝဲ, “ယကတိၤတၢ်မ့ၢ်လၢယနာ်တၢ် အဃိန့ၣ်လီၤ.” လၢတၢ်နာ်အသးတမံၤဃီအပူၤန့ၣ်, ပဝဲစ့ၢ်ကီးပကတိၤတၢ်အဂ့ၢ်မ့ၢ်လၢပနာ်တၢ်အဃိလီၤ.

ဖံလံးပံၤ 2:17

ဘၣ်တဘၣ်, ယသးသမူအသွံၣ်ကဘၣ်တၢ်လူလီၤအီၤဒ် တၢ်လုၢ်တၢ်ပာ်လၢသုတၢ်စူၢ်တၢ်နာ်ဒၣ်ဝဲလုၢ်ထီၣ်တၢ်မၤဘူၣ် တမံၤအသိးဆူကစၢ်ယွၤအအိၣ်အဖီခိၣ်န့ၣ်လီၤ. တၢ်မ့ၢ်မၤအသးဒ်န့ၣ်ဒီးယသးခုယဲဒီးဟ့ၣ်နီၤလီၤယတၢ်သးခု ဒီးသုဝဲကိးဒံကိးဂၤဒဲးန့ၣ်လီၤ.

ဖံလံးပံၤ 2:30

အဂ့ၢ်ဒ်အံၤ, ဒ်သိးအကဟ့ၣ်ယၤတၢ်မၤစၢၤလၢသုနီၢ်ကစၢ်ဒၣ်ဝဲသုဟ့ၣ်ယၤ တသ့န့ၣ်, အဝဲဒၣ်ကွၢ်ဆၢၣ်မဲာ်တၢ်သံခ့သံပှၤဒီးဘူးတ့ၢ်မးလၢ အကသံဝဲလၢခရံာ်အတၢ်ဖံးတၢ်မၤအဂီၢ်န့ၣ်လီၤ.

၁ ယိၤဟၣ် 3:16

ခရံာ်ဟ့ၣ်လီၤကွံာ်အသးသမူလၢပဂီၢ်, ဒီးလၢကျဲဒ်အံၤန့ၣ်, ပသ့ၣ်ညါဘၣ်တၢ်အဲၣ်တၢ်ကွံမ့ၢ်တၢ်မနုၤလဲၣ်န့ၣ်လီၤ. အဃိ, ပဝဲဒၣ်စ့ၢ်ကီးပကြၢးဟ့ၣ်လီၤကွံာ်ပသးသမူတဖၣ်လၢ ပဒီပုၢ်ဝဲၢ်တဖၣ်အဂီၢ်လီၤ.