၂ ကရံၣ်သူး 4:10 - Sgaw Karen Common Bible

¹⁰ ကိးဆၢကတီၢ်ဒဲးန့ၣ်, ပစိာ်ယ့ၣ်ၡူးအတၢ်သံလၢပနီၢ်ခိလၢ အသံသ့ဝဲတဖၣ်အပူၤ, ဒ်သိးအဝဲဒၣ်အတၢ်အိၣ်မူစ့ၢ်ကီးကဘၣ်တၢ်ထံၣ်န့ၢ်အီၤလၢ ပနီၢ်ခိတဖၣ်အပူၤအဂီၢ်န့ၣ်လီၤ.

၂ ကရံၣ်သူး 4:10 Iomraidhean Croise

လံာ်ယိၤဟၣ် 14:19

တစိၢ်ဖိဒီးဟီၣ်ခိၣ်တထံၣ်လၢၤဘၣ်ယၤဘၣ်. ဘၣ်ဆၣ်သု ကထံၣ်ယၤလီၤ. မ့ၢ်ယမူယဲအဃိဒီး, သုကမူစ့ၢ်ကီးလီၤ.

ရိမ့ၤ 6:5

အဂ့ၢ်ဒ်လဲၣ်န့ၣ်, ပမ့ၢ်ကဲထီၣ်တၢ်တမံၤဃီဒီးအီၤလၢတၢ်သံဒ် အဝဲသံတ့ၢ်ဝဲအသိးန့ၣ်ဒီး, ပကမ့ၢ်တၢ်တမံၤဃီဒီးအီၤခီဖျိလၢပဘၣ်တၢ်ဒုးဂဲၤဆၢထၢၣ်က့ၤ ပှၤလၢတၢ်သံဆူတၢ်မူဒ်အီၤအသိးန့ၣ်လီၤ.

ရိမ့ၤ 6:8

ပမ့ၢ်သံဃုာ်တ့ၢ်လံဒီးခရံာ်ဒီး, ပနာ်လၢပကမူဃုာ်ဒီးအီၤစ့ၢ်ကီးလီၤ.

ရိမ့ၤ 8:36

ဒ်တၢ်ကွဲးအသးစီဆှံစံးဝဲအသိး, “ပဝဲဒၣ်အံၤ ပဘၣ်တၢ်မၤသံပှၤလၢနဃိသ့သ့တနံၤလီၤ. တၢ်ပာ်ပှၤဒ်သိလၢအကဘၣ်တၢ်မၤသံအီၤ အသိးန့ၣ်လီၤ (စံး ၄၄:၂၂).

၂ ကရံၣ်သူး 1:5

ဒ်ပဒိးန့ၢ်ဃုာ်တၢ်လၢခရံာ်အတၢ်တူၢ်ဘၣ်တၢ်အါအါဂီၢ်ဂီၢ် အပူၤအသိးခီဖျိခရံာ်န့ၣ်, ပဒိးန့ၢ်ဃုာ်တၢ်လၢကစၢ်ယွၤအတၢ်မၤစၢၤအဒိၣ်အမုၢ်အပူၤ န့ၣ်လီၤ.

၂ ကရံၣ်သူး 1:9

တၢ်မၤအသးဒီးပှၤဒ်တၢ်ဟ့ၣ်လီၤတ့ၢ်ပှၤတၢ်စံၣ်ညီၣ်လၢ ပကဘၣ်သံပဝဲန့ၣ်လီၤ. ဘၣ်ဆၣ်ဒီး, တၢ်တမံၤအံၤန့ၣ်မၤတ့ၢ်အသးဒ်သိးပသုတသန့ၤပသးလၢပနီၢ် ကစၢ်ဒၣ်ဝဲတဂ့ၤ. မ့မ့ၢ်, ပကသန့ၤပသးထဲလၢကစၢ်ယွၤလၢအဒုးဂဲၤဆၢထၢၣ်သမူထီၣ် က့ၤပှၤသံတဖၣ်အဂီၢ်န့ၣ်လီၤ.

၂ ကရံၣ်သူး 13:4

အဂ့ၢ်ဒ်အံၤ, အဝဲမ့ၢ်ဘၣ်တၢ်မၤသံအီၤလၢထူၣ်စုညါအလိၤလၢ အတၢ်ဂံၢ်စၢ်ဘါစၢ်အပူၤသနာ်က့, အဝဲဒၣ်အိၣ်မူဝဲလၢကစၢ်ယွၤ အစိကမီၤလီၤ. လၢတၢ်ပာ်ဖှိၣ်ထီၣ်ပသးတပူၤဃီဒီးအီၤ အပူၤန့ၣ်, ပဂံၢ်စၢ်ဘါစၢ်စ့ၢ်ကီး, မ့မ့ၢ်လၢပတၢ်ဘၣ်ထွဲဒီးသုအပူၤန့ၣ်ပကအိၣ်မူပဝဲဒီးအီၤ လၢကစၢ်ယွၤအစိကမီၤလီၤ.

၂ ကရံၣ်သူး 4:11

လၢပတၢ်အိၣ်မူဒီဆၢဒီကတီၢ်န့ၣ်, ပဘၣ်တၢ်ဟ့ၣ်လီၤ ပှၤဆူတၢ်သံအပူၤလၢယ့ၣ်ၡူးအဂီၢ်, ဒ်သိးအဝဲအတၢ်အိၣ်မူကဘၣ်တၢ်ထံၣ်အီၤလၢ ပနီၢ်ခိလၢအသံသ့အဝဲအံၤအပူၤအဂီၢ်န့ၣ်လီၤ.

ကလၤတံ 6:17

တၢ်လၢယအဲၣ်ဒိးစံးလၢခံကတၢၢ်မ့ၢ်ဒ်အံၤလီၤ. မ်ပှၤသုတဟ့ၣ်လၢၤယၤတၢ်ကီတၢ်ခဲဆူညါနီတဂၤ တဂ့ၤ, အဂ့ၢ်ဒ်အံၤ, တၢ်ပူၤလီၢ်ပူၤကျဲလၢအအိၣ်လၢယနီၢ်ခိအလိၤတဖၣ်ဒုးနဲၣ်ဝဲဒၣ် လၢယမ့ၢ်ယ့ၣ်ၡူးအကုၢ်န့ၣ်လီၤ.

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

၂ တံၤမသ့း 2:11

တၢ်အံၤမ့ၢ်တၢ်ကတိၤအမ့ၢ်အတီလီၤ. “ပမ့ၢ်သံဃုာ်လံဒီးအီၤဒီး, ပကမူဃုာ်ဒီးအီၤစ့ၢ်ကီးလီၤ.

၁ ပ့းတရူး 4:13

မ့မ့ၢ်သးခုသုဝဲလၢသုတူၢ်ဃုာ်ဘၣ်ခရံာ်အတၢ်နးတၢ်ဖှီၣ် တဖၣ်, ဒ်သိးသုကလၢပှဲၤဒီးတၢ်သးခုဖဲအဝဲဒၣ်အလၤကပီၤ ဘၣ်တၢ်လီၣ်ဖျါထီၣ်အီၤန့ၣ်တက့ၢ်.

၁ ပ့းတရူး 4:14

သုမ့ၢ်ဘၣ်တၢ်ဒုၣ်ဒွဲၣ်သုလၢသုမ့ၢ်ပှၤတဖၣ်လၢ အပိာ်ခရံာ်အခံအဃိဒီး, သုဘၣ်တၢ်ဆိၣ်ဂ့ၤလီၤ. တၢ်အံၤအခီပညီမ့ၢ်ဝဲ, တၢ်လၤကပီၤအသးဒီးကစၢ်ယွၤအသးအိၣ်ဝဲဆိးဝဲလၢသုလိၤလီၤ.

လံာ်လီၣ်ဖျါ 1:17

ဖဲယထံၣ်အီၤန့ၣ်, ယလီၤဃံၤယဲဖဲအခီၣ်ထံးဒ်ပှၤသံတဂၤ အသိးလီၤ. အဝဲဒၣ်ပာ်ထီၣ်အစုထွဲလၢယလိၤဒီးစံးဝဲ, “ပျံၤတၢ်တဂ့ၤ, ယမ့ၢ်တၢ်အခီၣ်ထံးဒီးတၢ်အကတၢၢ်လီၤ.”