၂ ကရံၣ်သူး 4:1 - Sgaw Karen Common Bible

¹ ကစၢ်ယွၤ, လၢအဝဲဒၣ်အတၢ်သးကညီၤအပူၤန့ၣ်, ဟ့ၣ်လံပှၤတၢ်မၤတမံၤအံၤလၢပကမၤအီၤသတးဒီး, ပသးတဟးဂီၤဘၣ်.

၂ ကရံၣ်သူး 4:1 Iomraidhean Croise

လံာ်ယၡါယၤ 40:30

ပှၤလၢအသးစၢ်တဖၣ်ဒၣ်လဲာ်အဂံၢ်အဘါလီၤစၢ်ဝဲလီၤ. ပှၤပိာ်ခွါသးစၢ်တဖၣ်အဂံၢ်အဘါလၢာ်ကွံာ်ဝဲသ့လီၤ.

လံာ်ယၡါယၤ 40:31

မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်ယံးရမံယၤ 45:3

“စီၤဘၤရူးဧၢ, ‘နစံးနဲလၢ, ယပျဲစုပျဲခီၣ်လံ. ယွၤပာ်ဖှိၣ်အါထီၣ်တၢ်သးအုးလၢ ယတၢ်ကိၢ်တၢ်ဂီၤတဖၣ်အဖီခိၣ်လံ. ယလီၤဘှံးလီၤတီၤလၢ တၢ်ကအုကစွါအဃိ, ဒီးယတထံၣ်န့ၢ်တၢ်အိၣ်ဘှံးနီ တတီၤဘၣ်န့ၣ်လီၤ.’

လံာ်လူၤကၣ် 18:1

တၢ်န့ၣ်ဝံၤအလီၢ်ခံယ့ၣ်ၡူးစံးဘၣ်တဲဘၣ်အဝဲသ့ၣ်လၢတၢ်ကတိၤဒိ တထံၣ်အံၤ, ဒ်သိးအကသိၣ်လိအဝဲသ့ၣ်လၢအကဃ့ဘါထုကဖၣ် တၢ်ထီဘိ, ဒီးအသးသုတဟးဂီၤနီတစုတဂ့ၤန့ၣ်လီၤ.

1 ကရံၣ်သူး 3:5

နီၢ်နီၢ်တခီန့ၣ်, စီၤအပီးလိၤမ့ၢ်မတၤတဂၤလဲၣ်. ဒီးစီၤပီလူးမ့ၢ်မတၤ တဂၤလဲၣ်. ပမ့ၢ်ဒၣ်ကစၢ်ယွၤအခ့အပှၤတဖၣ်, ပှၤတဖၣ်လၢအဆှၢသုဒ်သိးသုကစူၢ်တၢ်နာ်တၢ်ခီဖျိအီၤန့ၣ်လီၤ. ပဝဲတဂၤဒီးတဂၤပမၤတၢ်ဖံးတၢ်မၤလၢကစၢ်ယွၤဟ့ၣ်လီၤအီၤလၢ အကမၤဝဲအဂီၢ်န့ၣ်လီၤ.

1 ကရံၣ်သူး 7:25

ခဲကနံၣ်အံၤ, ဘၣ်ဃးဒီးတၢ်ဂ့ၢ်လၢသုကွဲးတ့ၢ်သုဝဲဘၣ်ဃး ပှၤလၢအတန့ၢ်မါန့ၢ်ဝၤတဖၣ်န့ၣ်, ယတအိၣ်ဒီးတၢ်အကလုၢ်လၢယွၤဟ့ၣ်လီၤယၤဘၣ်. ဘၣ်ဆၣ်ဒီး, ယဟ့ၣ်ထီၣ်ယတၢ်ဆိကမိၣ်ဒ်ပှၤတဂၤလၢ, ခီဖျိကစၢ်အတၢ်သး ကညီၤန့ၣ်, ကြၢးဝဲဘၣ်ဝဲဒီးတၢ်နာ်န့ၢ်အီၤန့ၣ်လီၤ.

၂ ကရံၣ်သူး 3:12

မ့ၢ်လၢပအိၣ်ဒီးတၢ်မုၢ်လၢ်တမံၤအံၤအဃိ, ပသူၣ်ဒူသးဒူပဝဲ ဒိၣ်မးလီၤ.

၂ ကရံၣ်သူး 3:6

အဝဲဒၣ်မ့ၢ်ပှၤလၢအဟ့ၣ်ပှၤတၢ်သ့တၢ်ဘၣ်လၢပကမၤတၢ်ခ့ တၢ်ပှၤအတၢ်မၤလၢတၢ်အၢၣ်လီၤအီလီၤအသီအဂီၢ်, တၢ်အၢၣ်လီၤအီလီၤအသီလၢအတဘၣ်ဃးဒီးတၢ်သိၣ် တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤန့ၣ်ဘၣ်. မ့မ့ၢ်ဘၣ်ဃးဒီးယွၤအသးန့ၣ်လီၤ. အဂ့ၢ်ဒ်အံၤ, တၢ်သိၣ်တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤ န့ၣ်ဒုးအိၣ်ထီၣ်တၢ်သံ, မ့မ့ၢ်ယွၤအသးန့ၣ် ဟ့ၣ်ပှၤတၢ်မူလီၤ.

၂ ကရံၣ်သူး 4:16

လၢတၢ်ဂ့ၢ်တမံၤအံၤအဃိ, ပသးတဟးဂီၤနီတစု ဘၣ်. ပနီၢ်ခိမ့ၢ်ဟးဂီၤကွံာ်တစဲးဘၣ်တစဲးသနာ်က့, ပနီၢ်သးဘၣ်တၢ်မၤသီထီၣ်အီၤတနံၤဘၣ်တနံၤလီၤ.

၂ ကရံၣ်သူး 5:18

တၢ်ခဲလၢာ်အံၤဘၣ်တၢ်မၤအီၤလၢကစၢ်ယွၤ, လၢခီဖျိခရံာ်န့ၣ်, လဲလိာ်ကွံာ်ပှၤလၢဒုၣ်ဒါတဖၣ်ဆူအတံၤသကိးတဖၣ်, ဒီးဟ့ၣ်ပှၤမူဒါလၢပကဒုးကဲထီၣ်က့ၤပှၤအဂၤတဖၣ်လၢ အဝဲအတံၤသကိးစ့ၢ်ကီးန့ၣ်လီၤ.

ကလၤတံ 6:9

လၢတၢ်န့ၣ်အဃိ, မ်ပသုတလီၤဘှံးလီၤတီၤလၢပမၤဂ့ၤတၢ် အဃိတဂ့ၤ, အဂ့ၢ်ဒ်အံၤပမ့ၢ်တသးဟးဂီၤဘၣ်ဒီးတၢ်ဆၢကတီၢ် ကတုၤဝဲဖဲပကကူးဘၣ်က့ၤတၢ်လၢအဂ့ၤန့ၣ်လီၤ.

အ့းဖ့းစူး 3:13

လၢတၢ်န့ၣ်အဃိ, ယဃ့ကညးသုဒ်သိးသုသးအသု တဟးဂီၤလၢယတူၢ်တၢ်လၢသုခၢၣ်စးအဃိန့ၣ်တဂ့ၤ. တၢ်ခဲလၢာ်မ့ၢ်ဒၣ်လၢသုတၢ်န့ၢ်ဘျုးန့ၢ်ဖှိၣ်အဂီၢ်လီၤ.

ဖံလံးပံၤ 4:13

ယအိၣ်ဒီးတၢ်ဂံၢ်တၢ်ဘါလၢယကကွၢ်ဆၢၣ်မဲာ်တၢ်မၤ အသးခဲလၢာ်လၢတၢ်စိကမီၤလၢခရံာ်ဟ့ၣ်လီၤယၤန့ၣ်လီၤ.

၂ သ့းစၤလနံ 3:13

မ့မ့ၢ်သုဝဲဒီပုၢ်ဝဲၢ်သ့ၣ်ဧၢ, သုသုတလီၤဘှံးလၢသုမၤတၢ်အဂ့ၤ အဃိတဂ့ၤ.

၁ တံၤမသ့း 1:13

ဖဲလၢအပူၤကွံာ်ယကတိၤအၢကတိၤသီအီၤ, မၤနးမၤဖှီၣ်အီၤ, ဒီးကတိၤဒုၣ်ဒွဲၣ်အီၤအခါဒၣ်လဲာ်န့ၣ်လီၤ. ဘၣ်ဆၣ်ဒီး, ကစၢ်ယွၤသးကညီၤယၤမ့ၢ်လၢယတအိၣ်ဒီးတၢ်စူၢ် တၢ်နာ်ဒံးဘၣ်ဒီးယတသ့ၣ်ညါတၢ်လၢယမၤဘၣ်တဖၣ် အဃိလီၤ.

ဧ့ၤဘြံၤ 12:3

ဒ်သိးတၢ်သုတဘှံးသုသးတဂ့ၤဒီးသုသုတလီၤဘှါ တဂ့ၤန့ၣ်, ကွၢ်ထံအဝဲဒၣ်အတၢ်တူၢ်တၢ်အိၣ်ဒီးတၢ်ဝံသးစူၤ ဘၣ်ပှၤမၤတၢ်ဒဲးဘးဖိအတၢ်မၤတံာ်တာ်ထီဒါအီၤတဖၣ် န့ၣ်တက့ၢ်.

၁ ပ့းတရူး 2:10

တဘျီန့ၣ်သုတမ့ၢ်ကစၢ်ယွၤအပှၤဂီၢ်မုၢ်ဘၣ်, မ့မ့ၢ်ခဲအံၤသုမ့ၢ် အပှၤဂီၢ်မုၢ်လီၤ. တဘျီန့ၣ်သုတသ့ၣ်ညါကစၢ်ယွၤတၢ်သး ကညီၤဘၣ်, မ့မ့ၢ်ခဲအံၤသုဒိးန့ၢ်ဘၣ်အတၢ်သးကညီၤလံ (ဟိၤ ၂:၂၃).

လံာ်လီၣ်ဖျါ 2:3

နသူၣ်စူၤသးစူၤ, နတူၢ်တ့ၢ်တၢ်လၢယဃိဒီးနတတ့ၢ်စၢ်လီၤ နဂံၢ်နဘါဘၣ်န့ၣ်လီၤ.