၂ ကရံၣ်သူး 3:6 - Sgaw Karen Common Bible

⁶ အဝဲဒၣ်မ့ၢ်ပှၤလၢအဟ့ၣ်ပှၤတၢ်သ့တၢ်ဘၣ်လၢပကမၤတၢ်ခ့ တၢ်ပှၤအတၢ်မၤလၢတၢ်အၢၣ်လီၤအီလီၤအသီအဂီၢ်, တၢ်အၢၣ်လီၤအီလီၤအသီလၢအတဘၣ်ဃးဒီးတၢ်သိၣ် တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤန့ၣ်ဘၣ်. မ့မ့ၢ်ဘၣ်ဃးဒီးယွၤအသးန့ၣ်လီၤ. အဂ့ၢ်ဒ်အံၤ, တၢ်သိၣ်တၢ်သီအလံာ်မဲာ်ဖျၢၣ်လၢအဘၣ်တၢ်ကွဲးအီၤ န့ၣ်ဒုးအိၣ်ထီၣ်တၢ်သံ, မ့မ့ၢ်ယွၤအသးန့ၣ် ဟ့ၣ်ပှၤတၢ်မူလီၤ.

၂ ကရံၣ်သူး 3:6 Iomraidhean Croise

လံာ်ယံးရမံယၤ 31:31

ယွၤစံးဝဲဒၣ်, “တၢ်ဆၢကတီၢ်ဟဲလံဝဲလၢ ယကမၤတၢ်အၢၣ်လီၤ အီလီၤအသီဒီး ကီၢ်အံၣ်စရ့လးအပှၤဂီၢ်မုၢ်, ဒီးကီၢ်ယူဒၤအပှၤဂီၢ်မုၢ်န့ၣ်လီၤ.

လံာ်မးသဲ 13:52

အဝဲစံးဆၢတၢ်ဒီးစံး, “လၢတၢ်န့ၣ်အဃိ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီကိးဂၤဒဲးလၢအကဲထီၣ် အပျဲၢ်အဘီၣ်လၢမူခိၣ်အဘီအမုၢ်အပူၤန့ၣ်, မၤအသးဒ်ဟံၣ်ကစၢ်လၢ အထုးထီၣ်တၢ်အသီဒီးတၢ်အလီၢ်လံၤလၢအတၢ်ထူးတၢ်တီၤ အတၢ်ပာ်ဖှိၣ်လီၢ်အပူၤအသိးန့ၣ်လီၤ.”

လံာ်မးသဲ 26:28

တၢ်အံၤမ့ၢ်ယသွံၣ်, လၢအစဲပနီၣ်ဃာ်ကစၢ်ယွၤအတၢ်အၢၣ်လီၤအီ လီၤ, ယသွံၣ်လၢအဘၣ်တၢ်ဂၢ်လီၤကွံာ်အီၤ, ဒ်သိးပှၤအါဂၤအတၢ်ဒဲးဘးကဘၣ်တၢ်ပျၢ်ကွံာ်အီၤအဂီၢ်လီၤ.

လံာ်မၢ်ကူး 14:24

ယ့ၣ်ၡူးစံးဘၣ်အဝဲသ့ၣ်, “အအံၤမ့ၢ်ယသွံၣ်လၢအဘၣ်တၢ်ဂၢ်လီၤ အီၤလၢပှၤအါဂၤအဂီၢ်, သွံၣ်လၢအမၤဂၢၢ်မၤကျၢၤကစၢ်ယွၤအတၢ်အၢၣ်လီၤအီလီၤန့ၣ်လီၤ.

လံာ်လူၤကၣ် 22:20

ဒ်န့ၣ်အသိး, ဖဲအအီၣ်တၢ်လၢဟါအီၣ်ဝံၤန့ၣ်, အဝဲဒၣ်ဟ့ၣ်လီၤအဝဲသ့ၣ်လၢလီခီဒီးစံးဝဲ, “လီခီအံၤမ့ၢ်ကစၢ်ယွၤအတၢ်အၢၣ်လီၤအီလီၤအသီလၢ အဘၣ်တၢ်စဲပနီၣ်ဃာ်အီၤလၢယသွံၣ်, လၢအဘၣ်တၢ်လူလီၤဂၢ်လီၤအီၤလၢသုဂီၢ်န့ၣ်လီၤ.

လံာ်ယိၤဟၣ် 5:21

ဒ်ပၢ်ဒုးဂဲၤဆၢထၢၣ်သမူထီၣ်က့ၤပှၤလၢအသံတဖၣ် ဒီးဟ့ၣ်အဝဲသ့ၣ်လၢတၢ်မူအသိးန့ၣ်, ဖိခွါစ့ၢ်ကီးဟ့ၣ်တၢ်မူလၢပှၤလၢအသးအိၣ်ဟ့ၣ်ဝဲ တဖၣ်န့ၣ်လီၤ.

လံာ်ယိၤဟၣ် 6:63

တၢ်လၢအဟ့ၣ်တၢ်မူန့ၣ်မ့ၢ်ကစၢ်ယွၤအသး လီၤ. ပှၤကညီအစိအကမီၤဟ့ၣ်တၢ်အံၤတသ့ ဘၣ်. တၢ်ကတိၤတဖၣ်လၢယစံးဘၣ်တဲဘၣ်သုန့ၣ်, ဟ့ၣ်သုလၢကစၢ်ယွၤအသးလၢအဒုးမူပှၤန့ၣ်လီၤ.

ရိမ့ၤ 1:5

ခီဖျိအီၤန့ၣ်, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်ဒီးတၢ် ခွဲးတၢ်ယာ်လၢယကကဲထီၣ်ဘၣ်တၢ်မၢဖိတဂၤလၢခရံာ် အဂီၢ်, ဒ်သိးယကဆှၢက့ၤပှၤကလုာ်တဖၣ်ခဲလၢာ်ဆူ တၢ်စူၢ်က့ၤနာ်က့ၤအီၤအဂီၢ်န့ၣ်လီၤ.

ရိမ့ၤ 3:20

မ့ၢ်အဂ့ၢ်ဒ်လဲၣ်န့ၣ်, ပှၤကညီတဘၣ်တၢ်ပာ်တီပာ်လိၤအီၤလၢ ကစၢ်ယွၤအမဲာ်ညါလၢအမၤထွဲတၢ်သိၣ်တၢ်သီအခံအဃိနီ တဂၤဘၣ်. မ့မ့ၢ်တၢ်လၢတၢ်သိၣ်တၢ်သီမၤဝဲန့ၣ်, မ့ၢ်တၢ်ဒုးသ့ၣ်ညါပှၤဟီၣ်ခိၣ်ဖိလၢအဝဲမၤတၢ်ဒဲးဘးလံန့ၣ်လီၤ.

ရိမ့ၤ 4:15

တၢ်သိၣ်တၢ်သီဒုးအိၣ်ထီၣ်ကစၢ်ယွၤအတၢ်သးထီၣ်ဒီးဖဲ တၢ်သိၣ်တၢ်သီတအိၣ်ဘၣ်န့ၣ်, တၢ်လုၣ်သ့ၣ်ခါပတာ် တၢ်သိၣ်တၢ်သီတအိၣ်ဘၣ်လီၤ.

ရိမ့ၤ 4:17

တၢ်ကွဲးအသးစံးဝဲဒၣ်, “ယဒုးကဲထီၣ်လံနၤလၢပှၤ အါကလုာ်အပၢ်လံ.” လၢတၢ်န့ၣ်အဃိ, တၢ်အၢၣ်လီၤအီလီၤအံၤဂ့ၤဝဲလၢကစၢ်ယွၤအမဲာ်ညါ လၢစီၤအၤဘြၤဟၣ်နာ်, ကစၢ်ယွၤတဂၤလၢ အမၤမူထီၣ်က့ၤပှၤသံ, ဒီးဖဲအဟ့ၣ်လီၤအကလုၢ်န့ၣ်တၢ်လၢအတအိၣ်ဘၣ် တဖၣ်အိၣ်ထီၣ်ဒီးကဲထီၣ်ဝဲန့ၣ်လီၤ.

ရိမ့ၤ 7:6

မ့မ့ၢ်ခဲအံၤ, ပထူၣ်ဖျဲးထီၣ်လၢတၢ်သိၣ်တၢ်သီမ့ၢ်လၢပသံ သဒၣ်ကွံာ်တၢ်တမံၤလၢတဘျီဟံးဃာ်ဖီၣ်ဃာ်ပှၤအဃိ န့ၣ်လီၤ. ပတမၤတၢ်လၢကျဲလီၢ်လံၤ ဒ်တၢ်သိၣ်တၢ်သီကွဲးအသး အသိးလၢၤဘၣ်, မ့မ့ၢ်လၢကျဲအသီဒ်ကစၢ်ယွၤအသးဒုးမၤပှၤ အသိးန့ၣ်လီၤ.

ရိမ့ၤ 8:2

အဂ့ၢ်ဒ်လဲၣ်န့ၣ်ယွၤအသးအတၢ်သိၣ်တၢ်သီလၢအဟဲစိာ် န့ၢ်ပှၤတၢ်အိၣ်မူလၢယ့ၣ်ၡူးခရံာ်အပူၤန့ၣ်, မၤထူၣ်ဖျဲးကွံာ်လံယၤလၢတၢ်ဒဲးဘးဒီးတၢ်သံအတၢ် သိၣ်တၢ်သီန့ၣ်လီၤ.

1 ကရံၣ်သူး 11:25

လၢကျဲတဘိဃီန့ၣ်, အီၣ်တၢ်အီၣ်ဝံၤအလီၢ်ခံအဝဲဒၣ်ဟံးန့ၢ်လီ ခီဒီးစံးဝဲ, “လီခီအံၤ, မ့ၢ်ယွၤအတၢ်အၢၣ်လီၤအီလီၤအသီ, လၢအဘၣ်တၢ်စဲပနီၣ်ဃာ်အီၤလၢယသွံၣ်လီၤ. တဘျီလၢ်လၢ်ဖဲသုအီအီၤန့ၣ်မၤအီၤလၢတၢ်သ့ၣ်နီၣ်ထီၣ်က့ၤယၤ အဂီၢ်န့ၣ်တက့ၢ်.”

1 ကရံၣ်သူး 12:28

လၢတၢ်အိၣ်ဖှိၣ်အပူၤန့ၣ်, ကစၢ်ယွၤပာ်ပှၤကိးဂၤဒဲးလၢအလီၢ် အကျဲဒၣ်ဝဲလီၤ. အဆိကတၢၢ်ပှၤတၢ်မၢဖိတဖၣ်, ခံဖုတဖု, ဝံဧိၤမီၣ်ဧိၤတဖၣ်, သၢဖုတဖု, သရၣ်တဖၣ်, အန့ၣ်ဝံၤပှၤလၢအမၤတၢ်လီၤလးတဖၣ်, ဒီးပိာ်ထီၣ်အခံလၢပှၤဘၣ်တၢ်ဟ့ၣ်စိဟ့ၣ်ကမီၤအီၤ လၢကမၤဘျါက့ၤတၢ်, မ့တမ့ၢ်ကမၤစၢၤပှၤဂၤတဖၣ်, မ့တမ့ၢ်ကနဲၣ်န့ၢ်အဝဲသ့ၣ်အကျဲ, မ့တမ့ၢ်ကစံးကတိၤတၢ်လၢကျိာ်လၢပှၤနၢ်တပၢၢ်တဖၣ်န့ၣ်လီၤ.

1 ကရံၣ်သူး 15:45

အဂ့ၢ်ဒ်အံၤ, တၢ်ကွဲးအသးစံးဝဲ, “ပှၤကညီအဆိကတၢၢ် တဂၤ, စီၤအၤဒၣ်ဘၣ်တၢ်တ့လီၤပာ်လီၤအီၤဒ်သးလၢအမူဝဲ,” မ့မ့ၢ်စီၤအၤဒၣ်လၢခံကတၢၢ်တဂၤမ့ၢ်ဝဲသးလၢအဟ့ၣ်တၢ်မူန့ၣ်လီၤ.

1 ကရံၣ်သူး 3:10

ယသူတၢ်ဟ့ၣ်လၢကစၢ်ယွၤဟ့ၣ်ယၤဒီးမၤပှၤသူၣ်ထီၣ်တၢ်လၢ အသ့အဘၣ်တဂၤအတၢ်မၤဒီးပာ်လီၤတၢ်အခီၣ်ထံး, ဒီးပှၤအဂၤတဂၤသူၣ်ထီၣ်တၢ်လၢအလိၤလီၤ. ဘၣ်ဆၣ်ဒီးပှၤတဂၤဒီးတဂၤကသူၣ်ထီၣ်ဘှီထီၣ်တၢ်ဒ်လဲၣ်ဒ်လဲၣ် န့ၣ်ကဘၣ်ပလီၢ်ပဒီအသးလီၤ.

1 ကရံၣ်သူး 3:5

နီၢ်နီၢ်တခီန့ၣ်, စီၤအပီးလိၤမ့ၢ်မတၤတဂၤလဲၣ်. ဒီးစီၤပီလူးမ့ၢ်မတၤ တဂၤလဲၣ်. ပမ့ၢ်ဒၣ်ကစၢ်ယွၤအခ့အပှၤတဖၣ်, ပှၤတဖၣ်လၢအဆှၢသုဒ်သိးသုကစူၢ်တၢ်နာ်တၢ်ခီဖျိအီၤန့ၣ်လီၤ. ပဝဲတဂၤဒီးတဂၤပမၤတၢ်ဖံးတၢ်မၤလၢကစၢ်ယွၤဟ့ၣ်လီၤအီၤလၢ အကမၤဝဲအဂီၢ်န့ၣ်လီၤ.

၂ ကရံၣ်သူး 11:23

အဝဲသ့ၣ်မ့ၢ်ခရံာ်အခ့အပှၤတဖၣ်ဧါ. ယကတိၤတၢ်လီၤဂာ်လၢပှၤ အပျုၢ်, ဘၣ်ဆၣ်ဒီးယမ့ၢ်တၢ်ခ့တၢ်ပှၤလၢအဂ့ၤဒိၣ်န့ၢ် အဝဲသ့ၣ်လီၤ. ယမၤတ့ၢ်လံတၢ်ဆူၣ်ဒိၣ်တက့ၢ်, ယအိၣ်တ့ၢ်လံလၢဃိာ်ပူၤအဘျီအါဒိၣ်တက့ၢ်, ယဘၣ်တၢ်ဒိတ့ၢ်တီၢ်တ့ၢ်လံယၤအါဒိၣ်တက့ၢ်, ဒီးယအိၣ်ဘူးတ့ၢ်လၢတၢ်သံအဘျီအါဒိၣ်တက့ၢ်လီၤ.

၂ ကရံၣ်သူး 3:14

အဝဲသ့ၣ်အသူၣ်အသးတဖၣ်အိၣ်ကးတံာ်အသးစဲဃဲၤလီၤ. ဒီးတုၤလီၤလၢမုၢ်မဆါတနံၤအံၤ ဖဲအဝဲသ့ၣ်ဖးလံာ်တၢ် အၢၣ်လီၤအီလီၤအလီၢ်လံၤတဖၣ်န့ၣ်, အဝဲသ့ၣ်အသးဘၣ်တၢ်ကျၢၢ်ဘၢအီၤလၢနီၣ်ကျၢၢ်ဘၢမဲာ်တခါ ဃီန့ၣ်လီၤ. နီၣ်ကျၢၢ်ဘၢမဲာ်အဝဲအံၤဘၣ်တၢ်ထုးကွံာ်ဒၣ်အီၤဖဲ ပှၤတဂၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်လီၤ.

၂ ကရံၣ်သူး 3:3

အိၣ်ဖျါဝဲဒၣ်ဆှံဆှံလၢခရံာ်အနီၢ်ကစၢ်ဒၣ်ဝဲကွဲးလံာ်ပရၢ အဝဲအံၤဒီးဆှၢလီၤဝဲခီဖျိပှၤလီၤ. လံာ်ပရၢအံၤဘၣ်တၢ်ကွဲးအီၤတမ့ၢ်လၢကသံၣ်ထံဘၣ်. မ့မ့ၢ်လၢယွၤလၢအမူဝဲတဂၤအသး, ဒီးတမ့ၢ်လၢလၢၢ် ဘ့ၣ်ဘၣ်အလိၤဘၣ်. မ့မ့ၢ်လၢပှၤကညီအသးအလိၤတခီလီၤ.

၂ ကရံၣ်သူး 3:7

တၢ်သိၣ်တၢ်သီန့ၣ်ဘၣ်တၢ်ဆဲးကွဲးအီၤလၢလံာ်မဲာ်ဖျၢၣ်, လၢလၢၢ်ဘ့ၣ်ဘၣ်အလိၤ, ဒီးကစၢ်ယွၤအလၤကပီၤအိၣ်ဖျါထီၣ်ဖဲတၢ်ဟ့ၣ်လီၤအီၤအဆၢ ကတီၢ်န့ၣ်လီၤ. ဖဲတၢ်ကပြုၢ်ကပြီၤလၢစီၤမိၤၡ့အမဲာ်သၣ် အလိၤလီၤစၢ်ကွံာ်အဆၢကတီၢ်ဒၣ်လဲာ်န့ၣ်, အသဟီၣ်ဆူၣ်မးဝဲတုၤဒၣ်လဲာ်ပှၤအံၣ်စရ့လးဖိတဖၣ်ကွၢ်ထံကွၢ် ဆးအီၤတန့ၢ်ဘၣ်လီၤ. တၢ်သိၣ်တၢ်သီလၢအဒုးအိၣ်ထီၣ် တၢ်သံန့ၣ်, ဖဲအသဟီၣ်ဆူၣ်အဆၢကတီၢ်မ့ၢ်ဟဲဝဲအိၣ်ဒီးတၢ်လၤ ကပီၤထဲထဲန့ၣ်ဒီး,

၂ ကရံၣ်သူး 3:9

ယူဒၤအတၢ်သိၣ်တၢ်သီလၢအဒုးအိၣ်ထီၣ်တၢ်စံၣ်ညီၣ်န့ၣ်, အလၤကပီၤ မ့ၢ်အိၣ်ထဲသိးန့ၣ်ဒီးတၢ်ဖံးတၢ်မၤလၢအဟဲစိာ်တၢ်အုၣ်က့ၤခီၣ် က့ၤန့ၣ်, ကအိၣ်ဒီးအလၤကပီၤဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.

ကလၤတံ 3:21

မ့မ့ၢ်ဒ်န့ၣ်ဒီး, တၢ်သိၣ်တၢ်သီထီဒါကစၢ်ယွၤအတၢ်အၢၣ်လီၤ အီလီၤတဖၣ်ဧါ. တမ့ၢ်လ့ၤတက့ၤဘၣ်. အဂ့ၢ်ဒ်အံၤပှၤဟီၣ်ခိၣ်ဖိ မ့ၢ်ဒိးန့ၢ်တၢ်သိၣ်တၢ်သီလၢအဟ့ၣ်တၢ်မူသ့ဒီး, ပှၤကိးဂၤဒဲးကဘၣ်တၢ်မၤလိၤမၤဘၣ်အီၤဒီးကစၢ်ယွၤခီဖျိတၢ် ဒိကနၣ်တၢ်သိၣ်တၢ်သီန့ၣ်လီၤ.

အ့းဖ့းစူး 2:1

ဒီးအဝဲဒၣ်မၤမူထီၣ်က့ၤသု, ဖဲသုမ့ၢ်တ့ၢ်ပှၤအသံလၢသူၣ်လၢသးလၢသုတၢ်တစူၢ် တနာ်ယွၤအကလုၢ်ဒီးသုတၢ်ဒဲးဘးတဖၣ်အဃိန့ၣ်လီၤ.

အ့းဖ့းစူး 2:5

မၤမူထီၣ်ပှၤတပူၤဃီဒီးခရံာ်ဖဲပမ့ၢ်တ့ၢ်ပှၤသံလၢသူၣ်လၢ သးခီဖျိပတၢ်ဒဲးဘး, တၢ်တဒိကနၣ်ဘၣ်အခါဒၣ်လဲာ်န့ၣ်လီၤ. (သုဘၣ်တၢ်အုၣ်က့ၤခီၣ်က့ၤသုခီဖျိယွၤအဘျုးအဖှိၣ်န့ၣ် လီၤ.)

အ့းဖ့းစူး 3:7

ယဘၣ်တၢ်ဒုးကဲထီၣ်ယၤလၢတၢ်သးခုကစီၣ်အံၤအခ့အပှၤ ခီဖျိယွၤအတၢ်ဟ့ၣ်လီၤဆီလၢအဟဲခီဖျိယွၤအစိအကမီၤလၢ အမၤတၢ်လၢယပူၤန့ၣ်လီၤ.

လံာ်သိၣ်လီၤသီလီၤတၢ် 27:26

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်ကယဲၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးတၢ်သိၣ်လိတဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

၁ တံၤမသ့း 4:6

နမ့ၢ်ဟ့ၣ်လီၤတၢ်သိၣ်လိသီလိတဖၣ်အံၤဆူဒီပုၢ်ဝဲၢ်တဖၣ် အအိၣ်, ဒ်နလုၢ်အီၣ်လုၢ်အီလီၤက့ၤနသးလၢ သူၣ်ဂ့ၤသးကျိၤ လၢတၢ်စူၢ်တၢ်နာ်အတၢ်ကတိၤတဖၣ်အသိးဒီးလၢတၢ်သိၣ်လိ သီလိအမ့ၢ်အတီတဖၣ်လၢနပိာ်ထွဲတ့ၢ်အခံအဃိန့ၣ်, နကမ့ၢ်ယ့ၣ်ၡူးခရံာ်အခ့အပှၤလၢအဂ့ၤန့ၣ်လီၤ.

၂ တံၤမသ့း 1:11

ကစၢ်ယွၤဃုထၢထီၣ်တ့ၢ်လံယၤဒ်ပှၤတၢ်မၢဖိဒီးသရၣ်သိၣ် လိတၢ်လၢယကစံၣ်တဲၤတဲလီၤတၢ်သးခုကစီၣ်အဂီၢ်,

ဧ့ၤဘြံၤ 12:24

ဒီးဆူယ့ၣ်ၡူးလၢအမ့ၢ်ပှၤတၢ်ဘၢၣ်စၢၤဘၣ်ဃးဒီးတၢ်အၢၣ်လီၤ အီလီၤအသီအအိၣ်, ဒီးတၢ်သွံၣ်လၢအဘၣ်တၢ်ဖှံလီၤအီၤလၢအကိးထီၣ်ဒိၣ်န့ၢ်ဒံး စီၤဟ့းဘ့းလးအသွံၣ်တက့ၢ်အအိၣ်န့ၣ်လီၤ.

ဧ့ၤဘြံၤ 13:20

ကစၢ်ယွၤဒုးဂဲၤထၢၣ်သမူထီၣ်က့ၤကစၢ်ယ့ၣ်ၡူးလၢအမ့ၢ် ပှၤကွၢ်သိဖးဒိၣ်လၢအတူၢ်သံအသးလၢအသိတဖၣ်အဂီၢ် ဒီးခီဖျိတၢ်အံၤန့ၣ်, တၢ်အၢၣ်လီၤအီလီၤအထူအယိာ်ဘၣ်တၢ်ဃံၤဃာ်အီၤန့ၣ်လီၤ.

ဧ့ၤဘြံၤ 7:22

အန့ၣ်ဒီးတၢ်လီၤဆီအံၤဒုးကဲထီၣ်စ့ၢ်ကီးယ့ၣ်ၡူးလၢတၢ် အၢၣ်လီၤအီလီၤလၢအဂ့ၤဒိၣ်ဒၣ်တၢ်တက့ၢ်အတၢ်အုၣ်ကီၤ န့ၣ်လီၤ.

ဧ့ၤဘြံၤ 8:13

ခီဖျိအကတိၤတၢ်ဘၣ်ဃးဒီးအတၢ်အၢၣ်လီၤအီလီၤအသီ န့ၣ်ကစၢ်ယွၤဒုးကဲတၢ်အၢၣ်လီၤအခီၣ်ထံးတခါလၢတၢ်လၢ အလီၢ်လံၤကွံာ်လံန့ၣ်လီၤ. ဒီးတၢ်လၢအလီၢ်လံၤကွံာ်ဒီးပှၢ်ထီၣ်လံန့ၣ်, ဘူးထီၣ်လၢကလီၤမၢ်ကွံာ်ဝဲန့ၣ်လီၤ.

၁ ပ့းတရူး 3:18

အဂ့ၢ်ဒ်အံၤ, ခရံာ်တူၢ်သံစ့ၢ်ကီးအသးလၢတၢ်ဒဲးဘးအဃိ တဘျီဒီးအဝံၤ, ပှၤအဂ့ၤတဂၤလၢပှၤတၢ်ဒဲးဘးဖိတဖၣ်အဂီၢ်, ဒ်သိးကဆှၢသုဆူယွၤအအိၣ်န့ၣ်လီၤ. အဝဲဘၣ်တၢ်မၤသံအီၤလၢတၢ်ဖံးတၢ်ညၣ်အပူၤ, ဘၣ်ဆၣ်ဒီးဒိးတၢ်မၤမူထီၣ်က့ၤအီၤလၢသူၣ်လၢသးန့ၣ်လီၤ.

၁ ယိၤဟၣ် 1:1

ပကွဲးန့ၢ်သုတၢ်ဘၣ်ဃးဒီးတၢ်မူအကလုၢ်, လၢအအိၣ်ပာ်တ့ၢ်လံဝဲလၢတၢ်အခီၣ်ထံးလံၤလံၤ န့ၣ်လီၤ. ပနၢ်ဟူဘၣ်လံ, ဒီးပထံၣ်ဘၣ်လံအီၤလၢပမဲာ်ချံဒၣ်ပဝဲန့ၣ်လီၤ. ပကွၢ်ထံအီၤဒီးပဟံးဘၣ်ဖီၣ်ဘၣ်လံအီၤလၢပစု န့ၣ်လီၤ.