၂ ကရံၣ်သူး 3:16 - Sgaw Karen Common Bible

¹⁶ ဘၣ်ဆၣ်ဒီး, ဒ်နီၣ်ကျၢၢ်ဘၢမဲာ်အဝဲန့ၣ် ဘၣ်တၢ်ထုးကွံာ်အီၤသ့ ကစီဒီ, ဒ်တၢ်ကွဲးအသးစီဆှံကတိၤတၢ်လၢ စီၤမိၤၡ့အဂ့ၢ်ဒီးစံးဝဲအဝဲအနီၣ်ကျၢၢ်ဘၢမဲာ်ဘၣ်တၢ်ထုးကွံာ် လံအီၤဖဲ အဃၣ်အသးဆူယွၤအအိၣ်” အသိးန့ၣ်လီၤ.

၂ ကရံၣ်သူး 3:16 Iomraidhean Croise

လံာ်တၢ်ဟးထီၣ်ကွံာ် 34:34

တဘျီလၢ်လၢ်ဖဲစီၤမိၤၡ့လဲၤနုာ်ဆူယွၤအိၣ်ဝဲဆိးဝဲအဒဲစီဆှံအပူၤလၢကကတိၤ တၢ်ဒီးယွၤအဂီၢ်န့ၣ်, အဝဲသုးကွံာ်နီၣ်ကျၢၢ်ဘၢမဲာ်န့ၣ်လီၤ. ဖဲအဟဲက့ၤထီၣ်ဝဲန့ၣ်, တဲဘၣ်အံၣ်စရ့လးအပှၤဂီၢ်မုၢ်လၢကယဲၢ်တၢ်လၢယွၤမၤလိာ်အီၤလၢအကတဲဝဲတဖၣ်လီၤ.

လံာ်ယၡါယၤ 25:7

ဖဲအံၤယွၤကသုးကွံာ်တၢ်သးအုးအတၢ်အၢၣ်လၢအအိၣ်လၢ ကယဲၢ်ပှၤကလုာ်ခဲလၢာ်အဖီခိၣ်သတူၢ်ကလာ်လီၤ.

လံာ်ယၡါယၤ 29:18

ဖဲမုၢ်နံၤန့ၣ်ဟဲတုၤဝဲဒီး, ပှၤနၢ်တအၢနၢ်ဟူလံာ်တဘ့ၣ်ဘၣ် တၢ်ဖးအီၤလၢကလုၢ်ဖးဒိၣ်ကသ့, ဒီးပှၤမဲာ်ဘျီၣ်, လၢအအိၣ်မူတ့ၢ်လၢ တၢ်ခံးတၢ်နၤအပူၤန့ၣ်, ကအိးထီၣ်အမဲာ်ချံဒီးကထံၣ်တၢ်လီၤ.

လံာ်ယၡါယၤ 54:13

ယကစၢ်ဒၣ်ယဲ, ယကသိၣ်လိနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်အီၣ်ကုးအီပှဲၤဒီး တၢ်ဃူတၢ်ဖိးလီၤ.

လံာ်ယံးရမံယၤ 31:34

ပှၤတလိၣ်လၢၤနီတဂၤလၢ ကသိၣ်လိအထံဖိကီၢ်ဖိ ကဒဲတဒဲလၢ ကသ့ၣ်ညါယွၤအဂီၢ်န့ၣ်ဘၣ်, အဂ့ၢ်ဒ်အံၤ ပှၤခဲလၢာ်, ပှၤအဆံးကတၢၢ်တုၤလၢ ပှၤအဒိၣ်ကတၢၢ်န့ၣ် ကသ့ၣ်ညါယၤလီၤ. ယကပျၢ်အဝဲသ့ၣ်အတၢ်ဒဲးဘးတဖၣ်ဒီး ယတသ့ၣ်နီၣ်လၢၤ အဝဲသ့ၣ် အတၢ်ကမၣ်တဖၣ်န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်သးသယုၢ်တၢ် 3:40

မ်ပကွၢ်ထံက့ၤပကျဲတဖၣ်လီၤတံၢ်လီၤဆဲးဒီးဃၣ်ကဒါက့ၤပသး ဆူယွၤအအိၣ်တက့ၢ်.

ရိမ့ၤ 11:23

ဒီးပှၤယူဒၤဖိတဖၣ်မ့ၢ်ပာ်တ့ၢ်ကွံာ်အတၢ်တနာ်တၢ်ဒီး, ကဘၣ်တၢ်ပာ်က့ၤအီၤလၢတၢ်လီၢ်လၢအဝဲသ့ၣ်အိၣ်တ့ၢ်လံဝဲ, မ့ၢ်လၢကစၢ်ယွၤပာ်က့ၤအဝဲသ့ၣ်လၢအလီၢ်ဒ်လၢညါအသိးသ့ဝဲ အဃိလီၤ.

၂ ကရံၣ်သူး 3:15

မုၢ်မဆါတနံၤအံၤဒၣ်လဲာ်, တဘျီလၢ်လၢ်ဖဲအဝဲသ့ၣ်ဖး စီၤမိၤၡ့အတၢ်သိၣ်တၢ်သီန့ၣ်, နီၣ်ကျၢၢ်ဘၢမဲာ်အဝဲန့ၣ်မၤဘၢဒံး အသူၣ်အသးတဖၣ်န့ၣ်လီၤ.

လံာ်သိၣ်လီၤသီလီၤတၢ် 30:10

ဘၣ်ဆၣ်သုကဘၣ်စူၢ်အီၤဒီးတိၢ်န့ၢ်ဖံးဃာ်ကယဲၢ်အဝဲအတၢ်ဘူၣ်တၢ် ဘါအတၢ်သိၣ်တၢ်သီတဖၣ်လၢအအိၣ်ကွဲးလီၤပာ်အသးလၢ အဝဲအတၢ်သိၣ်တၢ်သီတဖၣ်အလံာ်အံၤအပူၤန့ၣ်လီၤ. သုကဘၣ်ဃၣ်ဃီၤသုသးဆူအဝဲအအိၣ်လၢသုသးဒီဖျၢၣ်ညါန့ၣ်လီၤ.

လံာ်သိၣ်လီၤသီလီၤတၢ် 4:30

ဖဲသုအိၣ်လၢတၢ်ကီတၢ်ခဲအပူၤ, ဒီးကယဲၢ်တၢ်ကိးမံၤအံၤဟဲ ဘၣ်သုဒီး, အန့ၣ်တစုလၢခံကတၢၢ်သုကဃၣ်ကဒါက့ၤသုသးဆူယွၤ အအိၣ်ဒီးစူၢ်အီၤန့ၣ်လီၤ.