၂ ကရံၣ်သူး 3:13 - Sgaw Karen Common Bible

¹³ ပတလီၤဂာ်ဒီးစီၤမိၤၡ့လၢအမၤဘၢအမဲာ်သၣ်လၢနီၣ်ကျၢၢ် ဘၢမဲာ်ဒ်သိးပှၤအံၣ်စရ့လးဖိတဖၣ်သုတထံၣ်တၢ်ကပြုၢ်ကပြီၤ လီၤစၢ်ဒီးဟါမၢ်ကွံာ်တဂ့ၤန့ၣ်ဘၣ်.

၂ ကရံၣ်သူး 3:13 Iomraidhean Croise

လံာ်မၢ်ကူး 8:25

ယ့ၣ်ၡူးပာ်ထီၣ်ကဒီးအစုလၢပှၤတဂၤန့ၣ်အမဲာ်ချံအလိၤလီၤ. ပှၤတဂၤန့ၣ်ဂုာ်ကျဲးစၢးကွၢ်တၢ်သပှၢ်ပှၢ်ဒီးအမဲာ်ကပီၤထီၣ်က့ၤ ဒီးထံၣ်ထီၣ်က့ၤတၢ်ကိးမံၤဒဲးဂ့ၤဂ့ၤဘၣ်ဘၣ်လီၤ.

ရိမ့ၤ 10:4

အဂ့ၢ်ဒ်လဲၣ်န့ၣ်, ခရံာ်ဒုးကတၢၢ်ကွံာ်တၢ်သိၣ်တၢ်သီဒ်သိးပှၤတဂၤ လၢ်လၢ်လၢအအိၣ်ဒီးတၢ်စူၢ်တၢ်နာ်န့ၣ်ကဘၣ်တၢ်ပာ်တီပာ်လိၤအီၤ အဂီၢ်လီၤ.

၂ ကရံၣ်သူး 3:7

တၢ်သိၣ်တၢ်သီန့ၣ်ဘၣ်တၢ်ဆဲးကွဲးအီၤလၢလံာ်မဲာ်ဖျၢၣ်, လၢလၢၢ်ဘ့ၣ်ဘၣ်အလိၤ, ဒီးကစၢ်ယွၤအလၤကပီၤအိၣ်ဖျါထီၣ်ဖဲတၢ်ဟ့ၣ်လီၤအီၤအဆၢ ကတီၢ်န့ၣ်လီၤ. ဖဲတၢ်ကပြုၢ်ကပြီၤလၢစီၤမိၤၡ့အမဲာ်သၣ် အလိၤလီၤစၢ်ကွံာ်အဆၢကတီၢ်ဒၣ်လဲာ်န့ၣ်, အသဟီၣ်ဆူၣ်မးဝဲတုၤဒၣ်လဲာ်ပှၤအံၣ်စရ့လးဖိတဖၣ်ကွၢ်ထံကွၢ် ဆးအီၤတန့ၢ်ဘၣ်လီၤ. တၢ်သိၣ်တၢ်သီလၢအဒုးအိၣ်ထီၣ် တၢ်သံန့ၣ်, ဖဲအသဟီၣ်ဆူၣ်အဆၢကတီၢ်မ့ၢ်ဟဲဝဲအိၣ်ဒီးတၢ်လၤ ကပီၤထဲထဲန့ၣ်ဒီး,

ကလီးစဲ 2:17

တၢ်တဖၣ်အံၤမ့ၢ်ဒၣ်တၢ်လၢအကမၤအသးလၢခံတဖၣ် အကဒုလီၤ. မ့မ့ၢ်တၢ်လၢအမ့ၢ်တၢ်နီၢ်နီၢ်မ့ၢ်ခရံာ်လီၤ.