၂ ကရံၣ်သူး 3:12 - Sgaw Karen Common Bible

¹² မ့ၢ်လၢပအိၣ်ဒီးတၢ်မုၢ်လၢ်တမံၤအံၤအဃိ, ပသူၣ်ဒူသးဒူပဝဲ ဒိၣ်မးလီၤ.

၂ ကရံၣ်သူး 3:12 Iomraidhean Croise

လံာ်ယိၤဟၣ် 10:24

ဖဲန့ၣ်အခါ, ပှၤယူဒၤဖိတဖၣ်ဟဲအိၣ်ဝးတရံးအီၤ ဒီးသံကွၢ်တၢ်ဒီးစံးဝဲ, “နကပာ်ပှၤလၢတၢ်သးဒ့ဒီအပူၤ ဆံးယံာ်လဲၣ်. နမ့မ့ၢ်ခရံာ်ဒီးတဲဘၣ်ပှၤဖျါဖျါတက့ၢ်.”

လံာ်ယိၤဟၣ် 16:25

ယစံးဘၣ်တဲဘၣ်သုတၢ်သ့ၣ်တဖၣ်အံၤလၢတၢ်ကတိၤ အဒိန့ၣ်လီၤ. ဘၣ်ဆၣ်ဒီးတၢ်ဆၢကတီၢ်ကတုၤဝဲဖဲ ယတသူလၢၤတၢ်ကတိၤအဒိဘၣ်. မ့မ့ၢ်ယကကတိၤတၢ်ဒီး သုဖျါဖျါဘၣ်ဃးဒီးပၢ်အဂ့ၢ်န့ၣ်လီၤ.

လံာ်ယိၤဟၣ် 16:29

ထဲန့ၣ်ဒီး, အပျဲၢ်အဘီၣ်တဖၣ်စံးဘၣ်အီၤ, “ခဲအံၤနကတိၤလံ တၢ်ဖျါဖျါ, ဒီးတသူတၢ်ကတိၤအဒိတဖၣ်န့ၣ်ဘၣ်.

မၤတၢ် 14:3

ပှၤတၢ်မၢဖိခံဂၤအံၤအိၣ်ဖဲန့ၣ်ဖးယံာ်လီၤ. အဝဲသ့ၣ်စံးကတိၤတၢ်ဒူဒူဘၣ်ဃးဒီးကစၢ်အဂ့ၢ်ဒီးအတၢ် ကစီၣ်ဘၣ်ဃးဒီးကစၢ်အဘျုးအဖှိၣ်အံၤမ့ၢ်တၢ်မ့ၢ်တၢ်တီအဂ့ၢ်န့ၣ်, ကစၢ်အုၣ်အသးခီဖျိအဟ့ၣ်တၢ်စိတၢ်ကမီၤလၢတၢ်မၤတၢ်လီၤလးဒီး တၢ်ပနီၣ်လီၤလးတဖၣ်န့ၣ်လီၤ.

မၤတၢ် 4:13

ပှၤလၢအအိၣ်လၢကီၣ်ကးအပူၤတဖၣ်တုၤအထံၣ်ဘၣ်စီၤပ့းတရူး ဒီးစီၤယိၤဟၣ်အတၢ်သူၣ်ဒူသးဒူဒီးသ့ၣ်ညါဝဲလၢပှၤခံ ဂၤအံၤမ့ၢ်ပှၤတမၤလိမၤဒိးဘၣ်တၢ်ဘၣ်, ဒီးမ့ၢ်ဒၣ်ပှၤမုၢ်ဆ့ၣ်မုၢ်ဂီၤဖိသတးဒီး, အဝဲသ့ၣ်ကမၢကမၣ်ဝဲဒၣ်လီၤ. အန့ၣ်ဒီးသ့ၣ်ညါဝဲလၢအဝဲသ့ၣ်မ့ၢ်တ့ၢ်ပှၤတဖၣ်လၢအရ့လိာ်ဘၣ် အသးတံၢ်တံၢ်ဒီးယ့ၣ်ၡူးန့ၣ်လီၤ.

မၤတၢ် 9:27

အန့ၣ်ဒီးစီၤဘၢ်နါဘၤနုာ်လီၤမၤစၢၤအီၤဒီးလဲၤကိးအီၤ ဆူပှၤတၢ်မၢဖိတဖၣ်အအိၣ်န့ၣ်လီၤ. အဝဲဒၣ်ကတိၤဒုးနၢ်ပၢၢ်အဝဲသ့ၣ်လၢစီၤစီလူးထံၣ်ဘၣ်တ့ၢ်လံ ကစၢ်ဖဲအလဲၤတၢ်ဆူဝ့ၢ်ဒၤမ့ၤစ့းအကတီၢ်, ဒီးလၢကစၢ်န့ၣ်ကတိၤတ့ၢ်လံတၢ်ဒီးအီၤအဂ့ၢ်တဖၣ်န့ၣ်လီၤ. အဝဲဒၣ်စံးဘၣ်စ့ၢ်ကီးအဝဲသ့ၣ်လၢစီၤစီလူးစံၣ်တဲၤတဲလီၤ တၢ်လၢယ့ၣ်ၡူးအမံၤအပူၤအိၣ်ဒီးတၢ်သူၣ်ဒူသးဒူလၢ ဝ့ၢ်ဒၤမ့ၤစ့းအပူၤအဂ့ၢ်န့ၣ်လီၤ.

မၤတၢ် 9:29

အဝဲဒၣ်စံးကတိၤတၢ်ဒီးဂ့ၢ်လိာ်ဘှီလိာ်စ့ၢ်ကီးအသးဒီးပှၤ ယူဒၤဖိလၢအကတိၤထဲကြံးခ်ကျိာ်ဧိၤတဖၣ်, ဘၣ်ဆၣ်ဒီးအဝဲသ့ၣ်ဃုဒၣ်ကျဲလၢကမၤသံအီၤအဂီၢ်လီၤ.

1 ကရံၣ်သူး 14:19

ဘၣ်ဆၣ်ဒီး, ဖဲတၢ်ဘူၣ်တၢ်ဘါလၢတၢ်ဘါယွၤလီၢ်အဆၢကတီၢ် န့ၣ်, လၢယကကတိၤတၢ်ကတိၤအဖျၢၣ်တကလးလၢပျ့ၤလီၤဆီ တဖၣ်အလီၢ်, ဘၣ်ယသးလၢယကကတိၤတၢ်ကတိၤယဲၢ်ဖျၢၣ်လၢတၢ်နၢ်ပၢၢ် အီၤသ့ဝဲ, ဒ်သိးယကသိၣ်လီၤသီလီၤပှၤအဂၤတဖၣ်အဂီၢ်န့ၣ်လီၤ.

၂ ကရံၣ်သူး 10:1

ယၤ, စီၤပီလူး, ယသကွံၢ်ကညးတၢ်ဆူသုအိၣ်လၢယနီၢ် ကစၢ်ဒၣ်ယဲ, ယၤ, လၢပှၤစံးလၢအဆီၣ်လီၤအသးဒီးမၤအသး ကပုာ်ကပုာ်ဖဲအအိၣ်ဒီးသုအဆၢကတီၢ်, ဘၣ်ဆၣ်မၤအသးဆူၣ်ဆူၣ်ကိၤကိၤဖဲအအိၣ်ယံၤဒီးသုအဆၢ ကတီၢ်န့ၣ်လီၤ. ခီဖျိခရံာ်အတၢ်သူၣ်ဂ့ၤသးဝါဒီးတၢ်အဲၣ်တၢ် ကွံန့ၣ်, ယဃ့ကညးသုဒ်သိး

၂ ကရံၣ်သူး 3:11

အဂ့ၢ်ဒ်အံၤ, တၢ်လၢအအိၣ်တစိၢ်တလီၢ်မ့ၢ်အိၣ်ဒီးအလၤ ကပီၤန့ၣ်, တၢ်လၢအအိၣ်ဝဲလီၤထူလီၤယိာ်ကအိၣ်ဒီးအလၤ ကပီၤဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.

၂ ကရံၣ်သူး 4:13

တၢ်ကွဲးအသးစံးဝဲ, “ယကတိၤတၢ်မ့ၢ်လၢယနာ်တၢ် အဃိန့ၣ်လီၤ.” လၢတၢ်နာ်အသးတမံၤဃီအပူၤန့ၣ်, ပဝဲစ့ၢ်ကီးပကတိၤတၢ်အဂ့ၢ်မ့ၢ်လၢပနာ်တၢ်အဃိလီၤ.

၂ ကရံၣ်သူး 7:4

ယနာ်န့ၢ်သုအဒိၣ်အမုၢ်လီၤ. ယပာ်ကဖၢလၢမးယသးလၢ သုဃိလီၤ. လၢပတၢ်ကီတၢ်ခဲတၢ်နးတၢ်ဖှီၣ်ခဲလၢာ်အပူၤ န့ၣ်, ယလၢပှဲၤဒံးယဲဒီးတၢ်သးဒူလီၤ. ယပှဲၤလုာ်ကွံာ်ယဲဒီး တၢ်သးဖှံလီၤ.

ဖံလံးပံၤ 1:14

ဒီးယတၢ်ဘၣ်အိၣ်လၢဃိာ်ပူၤအံၤဟ့ၣ်အါထီၣ်ယဒီပုၢ်ဝဲၢ် တဖၣ်အတၢ်နာ်လၢကစၢ်အပူၤသတးဒီး, အဝဲသ့ၣ်အသးဒူဒိၣ်ထီၣ်ကိးဆၢကိးကတီၢ်ဒဲးလၢအကစံၣ် တဲၤတဲလီၤယွၤအတၢ်ကစီၣ်လၢတၢ်သးဒူအပူၤန့ၣ်လီၤ.

ဖံလံးပံၤ 1:20

ယတၢ်အဲၣ်ဒိးဒီးတၢ်မုၢ်လၢ်အဒိၣ်အယိာ်မ့ၢ်ဒ်သိးယသု တလီၤတိၢ်လၢယမူဒါတဂ့ၤ, မ့မ့ၢ်ကိးဆၢကတီၢ်ဒဲးဒီးလီၤဆီဒၣ် တၢ်ခဲကနံၣ်အံၤ, ယကလၢပှဲၤဒီးတၢ်သးဒူ, ဒ်သိးယမူမ့ၢ်ဂ့ၤ, ယသံမ့ၢ်ဂ့ၤခရံာ်ကဘၣ်တၢ်မၤလၤကပီၤအီၤလၢယနီၢ်ဒီဂၤညါန့ၣ်လီၤ.

ကလီးစဲ 4:4

လၢတၢ်န့ၣ်အဃိ, ဃ့ဘါထုကဖၣ်ဒ်သိးယကစံၣ်တဲၤတဲလီၤ တၢ်ကစီၣ်အံၤဆှံဆှံဒ်ယဂ့ၤစံၣ်တဲၤတဲလီၤယဲအသိးန့ၣ်တက့ၢ်.

၁ သ့းစၤလနံ 2:2

သုသ့ၣ်ညါလၢတချုးပဟဲဒံးဘၣ်ဆူသုအိၣ်န့ၣ်ပဘၣ်တၢ်မၤနးမၤ ဖှီၣ်ဒီးကတိၤတရီတပါပှၤဖဲဝ့ၢ်ဖံလံးပံၤဒ်လဲၣ်န့ၣ်လီၤ. ဒီးတၢ်ထီဒါအိၣ်ဝဲအဒိၣ်အမုၢ်သနာ်က့, ပကစၢ်ယွၤဟ့ၣ်ပှၤတၢ်သးဒူဒ်သိးပကတဲဘၣ်သုတၢ်ကစီၣ် အမုာ်လၢအဟဲလၢအဝဲဒၣ်အအိၣ်န့ၣ်လီၤ.

၁ တံၤမသ့း 3:13

ပှၤမၤစၢၤတၢ်လၢအမၤအတၢ်မၤဂ့ၤဂ့ၤဘၣ်ဘၣ်တဖၣ်န့ၣ်, အနီၢ်ကစၢ်ဒၣ်ဝဲကဒိးန့ၢ်ဘၣ်တၢ်ပာ်ဒိၣ်ပာ်ထီအီၤဒီးတၢ်သ့ ကတိၤတၢ်ဒူဒူဘၣ်ဃးဒီးအတၢ်စူၢ်တၢ်နာ်လၢယ့ၣ်ၡူးခရံာ် အပူၤန့ၣ်လီၤ.

ဖံၤလ့မိၣ် 1:8

လၢတၢ်ဂ့ၢ်အံၤအဃိ, ဒ်နဒီပုၢ်ဝဲၢ်ခရံာ်ဖိတဂၤအသိးယအိၣ်ဒီးတၢ်သးဒူလၢ ယကဟ့ၣ်လီၤယကလုၢ်လၢနကမၤတၢ်လၢအဂ့ၤဘၣ်တၢ်မၤအီၤ န့ၣ်လီၤ.