၂ ကရံၣ်သူး 2:9 - Sgaw Karen Common Bible

⁹ ယကွဲးန့ၢ်သုလံာ်ပရၢတဘ့ၣ်န့ၣ်, အဂ့ၢ်မ့ၢ်လၢယသးအိၣ်သ့ၣ်ညါ ဘၣ်လၢသုကွၢ်ဆၢၣ်မဲာ်တၢ်မၤကွၢ်ဂ့ၤဆံးအါ, ဒီးမ့ၢ်သုအိၣ်ကတဲာ်ကတီၤသုသးထီဘိလၢသုကစူၢ် ယတၢ်သိၣ်လိနဲၣ်ယုၤတဖၣ်ကစီဒီဧါန့ၣ်လီၤ.

၂ ကရံၣ်သူး 2:9 Iomraidhean Croise

လံာ်တၢ်ဟးထီၣ်ကွံာ် 16:4

ဒီးယွၤစံးဘၣ်စီၤမိၤၡ့, “ခဲကနံၣ်အံၤ, ယကဒုးစူၤလီၤတၢ်အီၣ်တၢ်အီလၢမူခိၣ်လၢသုဝဲခဲလၢာ်အဂီၢ်လီၤ. ပှၤဂီၢ်မုၢ်ကဘၣ်ဟးထီၣ်ကိးမုၢ်နံၤဒီးပာ်ဖှိၣ်တၢ်လၢလၢလီၣ် လီၣ်လၢအနံၤဝဲန့ၣ်အဂီၢ်လီၤ. လၢကျဲဒ်သိးအံၤန့ၣ်, ယမၤကွၢ်အဝဲသ့ၣ်ဒ်သိးယကထံၣ်န့ၢ်အဝဲသ့ၣ်လၢမ့ၢ်အကပိာ်ထွဲ, မ့တမ့ၢ်တပိာ်ထွဲယတၢ်သိၣ်တၢ်သီတဖၣ်အခံဧါကသ့န့ၣ်လီၤ.

၂ ကရံၣ်သူး 10:6

ဒီးဖဲသုပာ်ဖျါတၢ်အုၣ်အသးဘၣ်ဃးသုတၢ်သူၣ်တီသးတီ လၢာ်လၢာ်ဆ့ဆ့အဂ့ၢ်လံန့ၣ်, ပကအိၣ်ကတဲာ်ကတီၤပသးလၢပကစံၣ်ညီၣ်တၢ်သးတတီ အတၢ်ဖံးတၢ်မၤတမံၤလၢ်လၢ်န့ၣ်လီၤ.

၂ ကရံၣ်သူး 2:3

မ့ၢ်လၢတၢ်ဂ့ၢ်တမံၤန့ၣ်အဃိ, ယကွဲးလံာ်ပရၢအဝဲန့ၣ်ဆူသု အိၣ်လီၤ. ယတအဲၣ်ဒိးဟဲဆူသုအိၣ်ဒီးဘၣ်တၢ်မၤသးအုး ယၤလၢပှၤတဖုဃီလၢအကြၢးမၤသးခုယၤန့ၣ်ဘၣ်. အဂ့ၢ်ဒ်အံၤ, ယနာ်လီၤတံၢ်လီၤဆဲးလၢဖဲယသူၣ်ခုသး ခုန့ၣ်, သုဝဲကိးဒံကိးဂၤဒဲးသုသူၣ်ခုသးခုစ့ၢ်ကီးန့ၣ်လီၤ.

၂ ကရံၣ်သူး 2:4

ယကွဲးလံာ်ဆူသုအိၣ်လၢတၢ်သးဘၣ်တံာ်တာ်ဒီးတၢ်သးဘၣ်ကီ ဘၣ်ခဲဖးဒိၣ်အပူၤ, ဒီးအိၣ်ဒီးမဲာ်ထံမဲာ်နိအဒိၣ်အအါလီၤ. ယတၢ်တိာ်ပာ်ကွၢ်စိတမ့ၢ်လၢယကမၤသးအုးသုအဂီၢ်ဘၣ်. မ့မ့ၢ် တခီ, မ့ၢ်ဝဲဒ်သိးသုကသ့ၣ်ညါသုဝဲလၢယအဲၣ်ဘၣ်သုဆံး အါလဲၣ်န့ၣ်လီၤ.

၂ ကရံၣ်သူး 2:8

မ်ဒ်န့ၣ်ဒီး, ယဃ့ကညးသုဒ်သိးသုကဒုးသ့ၣ်ညါအီၤလၢသုအဲၣ်အီၤ နီၢ်နီၢ်ကစီဒီန့ၣ်လီၤ.

၂ ကရံၣ်သူး 8:2

အဝဲသ့ၣ်ဒိးဘၣ်တၢ်မၤကွၢ်အီၤဆူၣ်ဆူၣ်ကိၤကိၤခီဖျိတၢ် ကီတၢ်ခဲလၢအဘၣ်လဲၤခီဖျိဝဲသ့ၣ်တဖၣ်လီၤ. ဘၣ်ဆၣ်ဒီးအဝဲသ့ၣ်အတၢ်သးခုဒိၣ်ဝဲအါဝဲတုၤဒၣ်လဲာ် ဖှီၣ်ဝဲယာ်ဝဲဒိၣ်မးသနာ်က့ဟ့ၣ်မးတၢ်အါအါဂီၢ်ဂီၢ်လၢတၢ် သူၣ်အိၣ်သးအိၣ်အပူၤလီၤ.

၂ ကရံၣ်သူး 8:24

ပာ်ဖျါထီၣ်သုတၢ်အဲၣ်တၢ်ကွံလၢအဝဲသ့ၣ်အဖီခိၣ်, ဒ်သိးတၢ်အိၣ်ဖှိၣ်ကိးဖုဒဲးကသ့ၣ်ညါဘၣ်လီၤတံၢ်သုတၢ်အဲၣ်တၢ် ကွံအဂ့ၢ်, ဒီးသ့ၣ်ညါလၢ, ပတၢ်ကတိၤပာ်ကဖၢလၢပသး လၢသုဂ့ၢ်န့ၣ် မ့ၢ်ဝဲတီဝဲကစီဒီန့ၣ်တက့ၢ်.

လံာ်သိၣ်လီၤသီလီၤတၢ် 13:3

ကနၣ်ဃုာ်အီၤနီတစဲးတဂ့ၤ. ယွၤသုကစၢ်ယွၤသူအီၤလၢကမၤကွၢ် သုအဂီၢ်, ဒ်သိးကထံၣ်သ့ၣ်ညါဘၣ်ဝဲလၢမ့ၢ်သုအဲၣ်ယွၤလၢသုသးဒီဖျၢၣ် ညါကစီဒီဧါ, န့ၣ်လီၤ.

လံာ်သိၣ်လီၤသီလီၤတၢ် 8:16

လၢပှၢ်မုၢ်ကနၢအပူၤန့ၣ်အဝဲဟ့ၣ်သုကိၣ်မၤနၤလၢသုကအီၣ်အီၤအ ဂီၢ်, ဒီးတၢ်အီၣ်လၢသုမိၢ်ပၢ်ဖံဖုလၢပျၢၤတဖၣ်တအီၣ်ဘၣ်တ့ၢ်နီတစု ဘၣ်န့ၣ်လီၤ. အဝဲဆှၢလီၤတၢ်ကီတၢ်ခဲတဖၣ်လၢသုဖီခိၣ်လၢကမၤကွၢ်သုအဂီၢ် ဒ်သိးလၢအကတၢၢ်န့ၣ်, အဝဲဆိၣ်ဂ့ၤသုလၢတၢ်အဂ့ၤတဖၣ်ကသ့ဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 8:2

သ့ၣ်နီၣ်ထီၣ်လၢယွၤ, သုကစၢ်ယွၤဆှၢတ့ၢ်သုဒ်လဲၣ်လၢတၢ်လဲၤကျဲ ဖးယံၤခီဖျိပှၢ်မုၢ်ကနၢလၢအပူၤကွံာ်အနံၣ်လွံၢ်ဆံ, ဒုးကွၢ်ဆၢၣ်မဲာ်သုတၢ်မၤကွၢ်အကီအခဲတဖၣ်ဒ်သိးအဝဲကသ့ၣ်ညါ ဘၣ်ဝဲလၢသုပာ်လီၤသုသးလၢသုကမၤတၢ်မနုၤ, ဒီးမ့ၢ်သုကစူၢ်အဝဲအတၢ်မၤလိာ်တဖၣ်ကစီဒါဧါ, အဂ့ၢ်န့ၣ်တက့ၢ်.

ဖံလံးပံၤ 2:12

လၢတၢ်န့ၣ်အဃိ, တံၤသကိးသးဘိသ့ၣ်ဧၢ, ဖဲယအိၣ်ဒီးသုအဆၢကတီၢ်သုဒိကနၣ်ယၤထီဘိအသိးန့ၣ်, ခဲကနံၣ်အံၤဖဲယအိၣ်ယံၤဒီးသုအဆၢကတီၢ်န့ၣ်, အကါဒိၣ်တက့ၢ်လၢသုဒိကနၣ်ယၤန့ၣ်လီၤ. ဂုာ်ကျဲးစၢးမၤတၢ်လၢတၢ်ပျံၤတၢ်ဖုးဒီးတၢ်ကနိးကစုာ်အပူၤ လၢတၢ်မၤလၢထီၣ်ပှဲၤထီၣ်သုတၢ်အုၣ်က့ၤခီၣ်က့ၤအဂီၢ်န့ၣ်တက့ၢ်.

ဖံလံးပံၤ 2:22

ဒီးသုနီၢ်ကစၢ်ဒၣ်သုဝဲသုသ့ၣ်ညါလၢအဝဲမ့ၢ်ပှၤလုၢ်ဒိၣ် ပှ့ၤဒိၣ်ဒ်လဲၣ်တဂၤဒီးအဝဲဒီးယၤဒ်ဖိဒီးပၢ်အသိး, ပမၤသကိးတၢ်တပူၤဃီလၢတၢ်သးခုကစီၣ်အတၢ်ဒိၣ်ထီၣ်လဲၢ်ထီၣ် အဂီၢ်ဒ်လဲၣ်အဂ့ၢ်န့ၣ်လီၤ.

၂ သ့းစၤလနံ 3:14

ပှၤမ့ၢ်အိၣ်ဝဲတဂၤဂၤလၢအဂ့ၢ်လိာ်လၢအကပိာ်ထွဲတၢ်သိၣ် လီၤသီလီၤလၢပဆှၢလီၤလၢတၢ်ပရၢတဘ့ၣ်အံၤအပူၤန့ၣ်, ပာ်သူၣ်ပာ်သးဒီးမၤဘၣ်ထွဲသုသးလၢအီၤနီတမံၤတဂ့ၤ. သုကဘၣ်မၤဒ်အံၤ, မ့ၢ်ဒ်သိးအဝဲကမဲာ်ဆှးလီၤက့ၤအသး အဂီၢ်န့ၣ်လီၤ.

ဖံၤလ့မိၣ် 1:21

ယနာ်လၢနကစူၢ်ယကလုၢ်ဒီးယကွဲးလံာ်အံၤအဂ့ၢ်မ့ၢ်လၢယသ့ၣ်ညါ လၢနကမၤတၢ်အါန့ၢ်ယစံးဘၣ်တဲဘၣ်နၤတက့ၢ်လီၤ.