၂ ကရံၣ်သူး 2:3 - Sgaw Karen Common Bible

³ မ့ၢ်လၢတၢ်ဂ့ၢ်တမံၤန့ၣ်အဃိ, ယကွဲးလံာ်ပရၢအဝဲန့ၣ်ဆူသု အိၣ်လီၤ. ယတအဲၣ်ဒိးဟဲဆူသုအိၣ်ဒီးဘၣ်တၢ်မၤသးအုး ယၤလၢပှၤတဖုဃီလၢအကြၢးမၤသးခုယၤန့ၣ်ဘၣ်. အဂ့ၢ်ဒ်အံၤ, ယနာ်လီၤတံၢ်လီၤဆဲးလၢဖဲယသူၣ်ခုသး ခုန့ၣ်, သုဝဲကိးဒံကိးဂၤဒဲးသုသူၣ်ခုသးခုစ့ၢ်ကီးန့ၣ်လီၤ.

၂ ကရံၣ်သူး 2:3 Iomraidhean Croise

1 ကရံၣ်သူး 4:21

သုအဲၣ်ဒိးဖဲလဲၣ်တမံၤလဲၣ်. မ့ၢ်ယကဘၣ်ဟဲဆူသုအိၣ်လၢနီၣ်ဖျ့ တဘိဧါ. မ့တမ့ၢ်ဘၣ်ဒီးလၢသးအိၣ်ဒီးတၢ်အဲၣ်တၢ်ကွံဒီး တၢ်သူၣ်ဂ့ၤသးဝါတခီလဲၣ်.

၂ ကရံၣ်သူး 1:15

ဘၣ်ဃးဒီးတၢ်သ့ၣ်တဖၣ်အံၤခဲလၢာ်န့ၣ်, ယနာ်ယဲဒၣ်လီၤတံၢ်လီၤဆဲးတုၤဒၣ်လဲာ်ဖဲအသီခါန့ၣ်, ယပာ်လီၤတ့ၢ်ယသးလၢယကလဲၤအိၣ်သကိးသုဒ်သိးသု ကဘၣ်တၢ်ဆိၣ်ဂ့ၤသုခံဘျီအဂီၢ်န့ၣ်လီၤ.

၂ ကရံၣ်သူး 1:23

ယကိးထီၣ်ကစၢ်ယွၤဒ်သိးအကကဲထီၣ်ယပှၤအုၣ်အသး မ့ၢ်လၢ, အဝဲဒၣ်သ့ၣ်ညါယသူၣ်ယသးအဃိလီၤ. ယပာ်လီၤတ့ၢ်ယသးလၢယတလဲၤဆူဝ့ၢ်ကရံၣ်သူးန့ၣ် မ့ၢ်ဒ်သိးယသုတမၤဘၣ်ဒိဘၣ်ထံသုတဂ့ၤအဂီၢ်လီၤ.

၂ ကရံၣ်သူး 12:11

ယမၤယသးဒ်တၢ်ပျုၢ်တဂၤအသိးလီၤ, ဘၣ်ဆၣ်ဒီးမ့ၢ်ဒၣ်လၢ သုဃိလီၤ. သုမ့ၢ်ပှၤတဖၣ်လၢအကြၢးပာ်ဖျါသုတၢ်ဘၣ်သူၣ်ဘၣ် သးယၤလီၤ. အဂ့ၢ်ဒ်အံၤ, ယမ့တမ့ၢ်တၢ်နီတမံၤသနာ်က့, လၢကျဲတဘိအပူၤဒၣ်လဲာ်ယတဆံးန့ၢ်သု “ပှၤတၢ်မၢဖိ” လီၤတိၢ်လီၤဆီမးတဖၣ်န့ၣ်ဘၣ်.

၂ ကရံၣ်သူး 12:21

ယဘၣ်ယိၣ်လၢ, ခဲကိာ်တဘျီ, ဖဲယဟဲန့ၣ်ယကစၢ်ယွၤ ကဒုးမဲာ်ဆှးယၤလၢသုမဲာ်ညါ, ဒီးယကဟီၣ်ကယၢၤလၢပှၤအါဒံအါဂၤလၢအမၤတ့ၢ်တၢ်ဒဲးဘးလၢ အပူၤကွံာ်တဖၣ်အဃိ, ပှၤလၢအတပီၢ်ယၢ်လီၤဒံးအသးလၢတၢ်မၤတဂ့ၤတဝါလၢ အမၤတ့ၢ်ဝဲ, တၢ်ဒဲးဘးဘၣ်ဃးမုၣ်ခွါ, တၢ်မုာ်ဖံးမုာ်ညၣ်, တၢ်သးကွံအတၢ်ဖံးတၢ်မၤတဖၣ်အဃိန့ၣ်လီၤ.

၂ ကရံၣ်သူး 13:10

လၢတၢ်န့ၣ်အဃိယကွဲးတၢ်အဝဲအံၤဖဲယအိၣ်လီၤဖးဒီး သုလီၤ. အဝဲအံၤန့ၣ်မ့ၢ်ဒ်သိးဖဲယဟဲတုၤန့ၣ်, အလီၢ်သုတအိၣ်လၢယကမၤသုဆူၣ်ဆူၣ်လၢတၢ်သူ တၢ်စိတၢ်ကမီၤလၢကစၢ်ယွၤဟ့ၣ်တ့ၢ်ယၤ (တၢ်စိတၢ်ကမီၤလၢတၢ်ကမၤထီၣ်မၤထီသု အဂီၢ်, တမ့ၢ်တၢ်ကမၤဟးဂီၤသုအဂီၢ်ဘၣ်) အပူၤ တဂ့ၤအဂီၢ်န့ၣ်လီၤ.

၂ ကရံၣ်သူး 2:9

ယကွဲးန့ၢ်သုလံာ်ပရၢတဘ့ၣ်န့ၣ်, အဂ့ၢ်မ့ၢ်လၢယသးအိၣ်သ့ၣ်ညါ ဘၣ်လၢသုကွၢ်ဆၢၣ်မဲာ်တၢ်မၤကွၢ်ဂ့ၤဆံးအါ, ဒီးမ့ၢ်သုအိၣ်ကတဲာ်ကတီၤသုသးထီဘိလၢသုကစူၢ် ယတၢ်သိၣ်လိနဲၣ်ယုၤတဖၣ်ကစီဒီဧါန့ၣ်လီၤ.

၂ ကရံၣ်သူး 7:12

လၢတၢ်န့ၣ်အဃိယကွဲးတ့ၢ်ယဲလံာ်ပရၢတဘ့ၣ်န့ၣ်သနာ် က့, တမ့ၢ်လၢပှၤလၢအမၤကမၣ်တၢ်တဂၤအဃိမ့ၢ်ဂ့ၤ, မ့တမ့ၢ်ပှၤလၢအတူၢ်ဘၣ်တၢ်မၤကမၣ်အီၤအဃိမ့ၢ်ဂ့ၤ န့ၣ်ဘၣ်. မ့မ့ၢ်, ယကွဲးအီၤဒ်သိးယကပာ်ဖျါထီၣ်န့ၢ်သုဖျါဖျါလၢ ကစၢ်ယွၤအမဲာ်ညါ, လၢသုတၢ်ကျဲးစၢးဒီးတၢ်ဟ့ၣ်လီၤသုသးလၢပဂီၢ်ဒိၣ်ဝဲယိာ်ဝဲ နီၢ်နီၢ်ဆံးအါလဲၣ်အဂ့ၢ်န့ၣ်လီၤ.

၂ ကရံၣ်သူး 7:16

ယသန့ၤယသးလၢသုသ့ဝဲလၢလၢပှဲၤပှဲၤအဃိယသူၣ်ခုသးခုမး ယဲဆံးဒိၣ်လဲၣ်.

၂ ကရံၣ်သူး 7:6

ဘၣ်ဆၣ်ဒီးကစၢ်ယွၤလၢအဟ့ၣ်ဆူၣ်ထီၣ်ပှၤလီၤဘှံးလီၤတီၤ တဖၣ်အသးန့ၣ်, ဟ့ၣ်ဆူၣ်ထီၣ်ပဂံၢ်ပဘါခီဖျိစီၤတံတူးအတၢ် ဟဲန့ၣ်လီၤ.

၂ ကရံၣ်သူး 7:8

အဂ့ၢ်ဒ်အံၤ, ယလံာ်ပရၢတဘ့ၣ်န့ၣ်မၤသးအုးတၢ်မ့ၢ်သ့သနာ် က့ဒီးယတသးအုးလၢယကွဲးဘၣ်တ့ၢ်အီၤအဃိန့ၣ်ဘၣ်. ဖဲယထံၣ်ဘၣ်လၢအမၤသးအုးသုတစိၢ်တလီၢ်န့ၣ်, ယသး အုးသ့ယဲလီၤ.

၂ ကရံၣ်သူး 8:22

လၢတၢ်န့ၣ်အဃိ, လၢအဝဲသ့ၣ်တဖၣ်အသိးအကျါန့ၣ်ပဆှၢ လီၤစ့ၢ်ကီးပဒီပုၢ်ဝဲၢ်န့ၣ်လီၤ. ပမၤကွၢ်အီၤအါစုအါဘျီဒီးထံၣ်ဘၣ်လၢထီဘိအဝဲအသး ဆူၣ်မၤစၢၤတၢ်ဒိၣ်မးန့ၣ်လီၤ. ဒီးခဲကနံၣ်အံၤဒ်အဝဲအိၣ်လံဒီးတၢ်စူၢ်တၢ်နာ်အဒိၣ်အမုၢ် လၢသုပူၤအသိးန့ၣ်, အဝဲအသးဆူၣ်ဒိၣ်န့ၢ်အလီၢ်လၢအကမၤ စၢၤတၢ်န့ၣ်လီၤ.

ကလၤတံ 5:10

ဘၣ်ဆၣ်ဒီး ယနာ်ဒံးယဲသုလီၤ. ပတၢ်အိၣ်မူလၢတၢ်တမံၤဃီဒီး ကစၢ်အပူၤန့ၣ်, ဒုးနာ်ယၤလၢသုတၢ်ထံၣ်တလီၤဆီဒီးယၤဘၣ်, ဒီးပှၤလၢအမၤတံာ်တာ်သုတဂၤမ့ၢ်မတၤဂ့ၤမတၤဂ့ၤန့ၣ်, ကဘၣ်တၢ်စံၣ်ညီၣ်အီၤလၢကစၢ်ယွၤန့ၣ်လီၤ.

၂ သ့းစၤလနံ 3:4

ပကစၢ်ဟ့ၣ်စ့ၢ်ကီးပှၤသးလၢအနာ်န့ၢ်သု, ဒီးပနာ်ပဝဲသပှၢ်ကတၢၢ်လၢသုမၤတ့ၢ်လံဒီးသုကမၤဒံး ဆူညါဒ်ပတဲဘၣ်သုအသိးန့ၣ်လီၤ.

ဖံၤလ့မိၣ် 1:21

ယနာ်လၢနကစူၢ်ယကလုၢ်ဒီးယကွဲးလံာ်အံၤအဂ့ၢ်မ့ၢ်လၢယသ့ၣ်ညါ လၢနကမၤတၢ်အါန့ၢ်ယစံးဘၣ်တဲဘၣ်နၤတက့ၢ်လီၤ.