၂ ကရံၣ်သူး 2:2 - Sgaw Karen Common Bible

² အဂ့ၢ်ဒ်အံၤယမ့ၢ်မၤသးအုးသုဒီး, မတၤကအိၣ်ဒံးဝဲလၢအကမၤဖှံထီၣ်ယသးန့ၣ်လဲၣ်. ကအိၣ်ဒၣ်ထဲပှၤတဖုဃီလၢယမၤသးအုးတ့ၢ်အီၤ န့ၣ်လီၤ.

၂ ကရံၣ်သူး 2:2 Iomraidhean Croise

လံာ်မးသဲ 19:22

တုၤပှၤဖိၣ်သၣ်ခွါနၢ်ဟူတၢ်ကတိၤအံၤဒီး, ဟးထီၣ်ကွံာ်ဝဲလၢတၢ်သးအုးအပူၤလီၤ. အဂ့ၢ်ဒ်အံၤ, အဝဲအိၣ်ဒီးတၢ်ထူးတၢ်တီၤအါအါကလဲာ်လီၤ.

ရိမ့ၤ 12:15

ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.

1 ကရံၣ်သူး 12:26

နီၢ်ခိအက့ၢ်အဂီၤတမံၤမ့ၢ်တူၢ်ဘၣ်တၢ်ဒီး, က့ၢ်ဂီၤအဂၤခဲလၢာ်တူၢ်ဘၣ်ဃုာ်တၢ်ဒီးအီၤ, က့ၢ်ဂီၤတမံၤမ့ၢ်ဘၣ်တၢ်စံးထီၣ်ပတြၢၤအီၤဒီး က့ၢ်ဂီၤအဂၤတဖၣ်ခဲလၢာ်ဒိးန့ၢ်ဘၣ်ဃုာ်အဝဲဒၣ် အတၢ်သးခုလီၤ.

၂ ကရံၣ်သူး 1:14

ဒ်သိးဖဲပကစၢ်ယ့ၣ်ၡူးအမုၢ်တနံၤန့ၣ်, သုကပာ်ကဖၢလၢသုသး လၢပဃိဒ်ပကပာ်ကဖၢလၢပသးလၢသုဃိအသိးန့ၣ်လီၤ.

၂ ကရံၣ်သူး 11:29

ဖဲပှၤတဂၤဂၤအဂံၢ်စၢ်ဘါစၢ်န့ၣ်, ယဂံၢ်ယဘါစၢ်လီၤဘၣ်ယၤစ့ၢ် ကီးလီၤ. ဖဲပှၤတဂၤဂၤဘၣ်တၢ်ဆှၢအီၤဆူတၢ်ဒဲးဘးအပူၤန့ၣ်, ယလၢပှဲၤဒီးတၢ်ကိၢ်တၢ်ဂီၤလီၤ.

၂ ကရံၣ်သူး 7:8

အဂ့ၢ်ဒ်အံၤ, ယလံာ်ပရၢတဘ့ၣ်န့ၣ်မၤသးအုးတၢ်မ့ၢ်သ့သနာ် က့ဒီးယတသးအုးလၢယကွဲးဘၣ်တ့ၢ်အီၤအဃိန့ၣ်ဘၣ်. ဖဲယထံၣ်ဘၣ်လၢအမၤသးအုးသုတစိၢ်တလီၢ်န့ၣ်, ယသး အုးသ့ယဲလီၤ.