၂ ကရံၣ်သူး 2:14 - Sgaw Karen Common Bible

¹⁴ ဘၣ်ဆၣ်ဒီး, မ်ကစၢ်ယွၤဘၣ်တၢ်စံးဘျုးစံးထီၣ်ပတြၢၤ အီၤတက့ၢ်. အဂ့ၢ်ဒ်အံၤ, လၢတၢ်ပာ်ဖှိၣ်ဃုာ်ပသးလၢခရံာ် အပူၤန့ၣ်, ပဘၣ်တၢ်ဆှၢပှၤတွၤပှၤထီဘိလၢကစၢ်ယွၤဒ် ပှၤဘၣ်စၢဃာ်လၢဖဲခရံာ်အတၢ်မၤနၢၤအတၢ်လဲၤထီၣ်အပူၤ အသိးန့ၣ်လီၤ. ကစၢ်ယွၤသူပှၤဒ်သိးအကရၤလီၤတၢ်သ့ၣ်ညါ ဘၣ်ဃးခရံာ်အဂ့ၢ်, လၢတၢ်လီၢ်ကိးပူၤဒဲးဒ်တၢ်နၢမူနၢဆှီ အသိးန့ၣ်လီၤ.

၂ ကရံၣ်သူး 2:14 Iomraidhean Croise

စံးထီၣ်ပတြၢၤ 106:47

ယွၤပကစၢ်ဧၢယွၤ, အုၣ်က့ၤခီၣ်က့ၤပှၤတက့ၢ်. ကိးက့ၤပှၤလၢ ပှၤကလုာ်တဖၣ်အကျါ ဒ်သိးပကစံးဘျုးစံးဖှိၣ်နၤ ဒီးစံးထီၣ်ပတြၢၤနမံၤစီဆှံန့ၣ်တက့ၢ်.

စံးထီၣ်ပတြၢၤ 148:14

အဝဲမၤဆူၣ်ထီၣ်အပှၤကလုာ်အဂံၢ်အဘါ ဒ်သိးအပှၤဂီၢ်မုၢ်ခဲလၢာ်, ကီၢ်အံၣ်စရ့လးအပှၤဂီၢ်မုၢ်လၢ အအဲၣ်ဝဲဒိၣ်မးကစံးထီၣ်ပတြၢၤအီၤန့ၣ်လီၤ. စံးထီၣ်ပတြၢၤယွၤတက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 1:3

သိလၢနဖှူအီၤန့ၣ်နၢမူဝဲ, ဒီးနမံၤမၤအသးဒ်သိနၢမူလၢအလူလီၤ အသးအသိးန့ၣ်လီၤ. မၤသးဒ်န့ၣ်ဒီး, ပှၤပိာ်မုၣ်တအဲၣ်နၤအိၣ်တကဲနီတဂၤဘၣ်.

လံာ်ယဃ့းစက့လး 20:41

ဖဲယစိာ်ထီၣ်ကွံာ်သုလၢထံကီၢ်တဖၣ် လၢသုဘၣ်တၢ်မၤလီၤပြံလီၤပြါသု ဒီးပာ်ဖှိၣ်က့ၤသုတပူၤဃီဝံၤအလီၢ်ခံန့ၣ်, ယကတူၢ်လိာ်တၢ်လုၢ်တၢ်ပာ်တဖၣ်လၢသုဆိၣ်ကဲၤထီၣ်အီၤဒီးပှၤကလုာ် တဖၣ်ကထံၣ်ဝဲလၢယမ့ၢ်တၢ်စီဆှံတဂၤန့ၣ်လီၤ.

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

ရိမ့ၤ 1:8

အဆိကတၢၢ်န့ၣ်, ယစံးဘျုးယကစၢ်ယွၤခီဖျိယ့ၣ်ၡူးခရံာ်လၢ သုဝဲခဲလၢာ်အဃိ, မ့ၢ်လၢသုတၢ်စူၢ်တၢ်နာ်အဂ့ၢ်ဟူထီၣ်သါလီၤလၢဟီၣ်ခိၣ်ဒီဘ့ၣ် အဃိန့ၣ်လီၤ.

ရိမ့ၤ 15:19

ခီဖျိတၢ်ပနီၣ်လီၤလးတဖၣ်ဒီးတၢ်လီၤလးတဖၣ်, ဒီးခီဖျိယွၤအသးစီဆှံအစိအကမီၤန့ၣ်လီၤ. ဒီးလၢတၢ်န့ၣ်အဃိ, လၢယတၢ်လဲၤကျဲဒီဘိညါစးထီၣ်လၢဝ့ၢ်ယရူၤၡလ့ၣ်ဒီးတုၤလၢ ဝ့ၢ်အံးလူၤရံကူးန့ၣ်, ယစံၣ်တဲၤတဲလီၤတၢ်သးခုကစီၣ်ဘၣ်ဃးဒီးခရံာ်လၢလၢပှဲၤပှဲၤန့ၣ်လီၤ.

ရိမ့ၤ 6:17

ဘၣ်ဆၣ်ဒီးပစံးဘျုးကစၢ်ယွၤဒိၣ်မးလီၤ. အဂ့ၢ်ဒ်လဲၣ်န့ၣ်, တဘျီသုမ့မ့ၢ်တ့ၢ်တၢ်ဒဲးဘးအကုၢ်တဖၣ်နာ်သက့, လၢသုသးဒီဖျၢၣ်ညါန့ၣ်သုဒိကနၣ်တ့ၢ်တၢ်မ့ၢ်တၢ်တီ တဖၣ်လၢအဘၣ်တၢ်ထံၣ်န့ၢ်အီၤလၢတၢ်သိၣ်လိလၢ သုဒိးန့ၢ်အီၤအပူၤန့ၣ်လံ.

ရိမ့ၤ 8:37

မ့မ့ၢ်လၢတၢ်န့ၣ်တဖၣ်ခဲလၢာ်အပူၤပမ့ၢ်ပှၤလၢအမၤ နၢၤတၢ်လၢလၢပှဲၤပှဲၤခီဖျိပှၤလၢအအဲၣ်ပှၤအဃိလီၤ.

1 ကရံၣ်သူး 12:8

သးစီဆှံဟ့ၣ်ပှၤတဂၤတၢ်ကစီၣ်လၢအလၢပှဲၤဒီးတၢ်ကူၣ်ဘၣ်ကူၣ် သ့, ဖဲပှၤတဂၤဒၣ်ဘၣ်တၢ်ဟ့ၣ်အီၤတၢ်ကစီၣ်လၢပှဲၤဒီး တၢ်သ့ၣ်ညါနၢ်ပၢၢ်, လၢသးစီဆှံတဂၤဃီလီၤ.

1 ကရံၣ်သူး 15:37

ဒီးတၢ်လၢနဖှံလီၤန့ၣ်, မ့ၢ်ဒၣ်တၢ်ချံလီၤ. ဘၣ်တဘၣ်ကမ့ၢ်ဘုကၠူၣ်, မ့တမ့ၢ်ဘုအဂၤတမံၤမံၤလီၤ. တမ့ၢ်တၢ်မုၢ်တၢ်ဘိအလၢအပှဲၤဒ် အကဒိၣ်ထီၣ်ဝဲလၢခံအသိးန့ၣ်ဘၣ်.

1 ကရံၣ်သူး 15:57

ဘၣ်ဆၣ်ဒီး ကစၢ်ယွၤလၢအဟ့ၣ်ပှၤတၢ်မၤနၢၤခီဖျိပကစၢ် ယ့ၣ်ၡူးခရံာ်တဂၤန့ၣ်, မ်အဘၣ်တၢ်စံးဘျုးစံးဖှိၣ်အီၤတက့ၢ်.

၂ ကရံၣ်သူး 1:11

မ့ၢ်လၢသုမၤစၢၤပှၤခီဖျိသုတၢ်ထုကဖၣ်လၢပဂီၢ် အဃိန့ၣ်လီၤ. လၢတၢ်န့ၣ်အဃိ, တၢ်ကမၤအသးလၢတၢ်ထုကဖၣ်အါယုၢ်လၢပဂီၢ်ကဘၣ် တၢ်စံးဆၢအီၤ, ဒီးကစၢ်ယွၤကဆိၣ်ဂ့ၤပှၤဒီးပှၤအါဒံအါဂၤ ကထုထီၣ်အကလုၢ်ဆူအအိၣ်လၢတၢ်စံးဘျုးစံးဖှိၣ်အီၤလၢ ပဂီၢ်န့ၣ်လီၤ.

၂ ကရံၣ်သူး 8:16

ပစံးဘျုးကစၢ်ယွၤအဒိၣ်အအါလၢအဟ့ၣ်စီၤတံတူးတၢ်သး ဆူၣ်ဒ်ပှၤအသိး, လၢအကမၤစၢၤသုအဃိန့ၣ်လီၤ.

၂ ကရံၣ်သူး 9:15

မ်ပကစံးဘျုးယွၤလၢအတၢ်ဟ့ၣ်လၢအဒိၣ်မးဝဲတုၤပဒွး အလုၢ်အပှ့ၤတသ့ဘၣ်အဃိန့ၣ်တက့ၢ်.

အ့းဖ့းစူး 5:2

ဒ်ခရံာ်အဲၣ်ပှၤဒီးဟ့ၣ်လီၤကွံာ်အသးသမူလၢပဂီၢ်ဒ်တၢ်လုၢ်လၢ အနၢမူဒီးဘၣ်ကစၢ်ယွၤအသးအသိးန့ၣ်, အိၣ်မူသုဝဲလၢတၢ်အဲၣ်တၢ်ကွံအပူၤတက့ၢ်.

အ့းဖ့းစူး 5:20

လၢပကစၢ်ယ့ၣ်ၡူးခရံာ်အမံၤအပူၤန့ၣ်, စံးဘျုးကစၢ်ယွၤလၢအမ့ၢ်ပပၢ်လၢတၢ်ခဲလၢာ်အဃိထီဘိတက့ၢ်.

ဖံလံးပံၤ 4:18

မ်ဒ်န့ၣ်ဒီး, အအံၤမ့ၢ်ယလံာ်ဒိးန့ၢ်ဘၣ်လၢသု တၢ်ဟ့ၣ်တ့ၢ်ယၤခဲလၢာ်အဂီၢ်, ဒီးမ့ၢ်တၢ်လၢအအါန့ၢ်ဒံးတၢ် လၢယလိၣ်ဘၣ်အီၤတက့ၢ်လီၤ. အခဲအံၤ, မ့ၢ်လၢစီၤအ့းပၤဖရီးဒံတူးဟဲစိာ်န့ၢ်ယၤသုတၢ်ဟ့ၣ်တဖၣ်ခဲ လၢာ်လံအဃိ, ယအိၣ်ဒီးတၢ်လၢယလိၣ်ဘၣ်အီၤခဲလၢာ်လီၤ. တၢ်သ့ၣ်တဖၣ်အံၤမၤအသးဒ်တၢ်လုၢ်နၢမူဆူကစၢ်ယွၤအအိၣ်, တၢ်လုၢ်လၢအဘၣ်အသးမၤမုာ်အသးန့ၣ်လီၤ.

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.

ကလီးစဲ 1:6

တၢ်သးခုအကစီၣ်အံၤဟဲစိာ်ဃုာ်ဒီးတၢ်ဆိၣ်ဂ့ၤ, ရၤလီၤအသးသကုၤဟီၣ်ခိၣ်ဒီဘ့ၣ်ညါ, ဒ်အမၤတ့ၢ်လံ အသးလၢသုကျါစးထီၣ်မုၢ်တနံၤဖဲသုနၢ်ဟူတၢ်ဘၣ်ဃး ယွၤအဘျုးအဖှိၣ်အဆိကတၢၢ်တဘျီ, ဒီးသ့ၣ်ညါထံအီၤဒ် အမ့ၢ်တၢ်နီၢ်နီၢ်အသိး,

ကလီးစဲ 2:15

လၢထူၣ်စုညါအံၤအလိၤန့ၣ်ယ့ၣ်ၡူးဂုာ်န့ၢ်ဆူၣ်ကွံာ်ပှၤပၢတၢ် ဒီး, တၢ်စိတၢ်ကမီၤတဖၣ်လၢအဘၣ်ဃးဒီးသူၣ်ဒီးသးအစိအကမီၤ, ဒီးဒုးကဲထီၣ်အဝဲသ့ၣ်လၢကမျၢၢ်အတၢ်ကွၢ်ကီ အလီၢ်လၢအတၢ်မၤနၢၤအဝဲသ့ၣ်အပူၤန့ၣ်လီၤ.

၁ သ့းစၤလနံ 1:8

အဂ့ၢ်ဒ်အံၤ, တမ့ၢ်ထဲလၢတၢ်ကစီၣ်လၢသုရၤလီၤအီၤဘၣ်ဃးဒီး ကစၢ်န့ၣ်လဲၤတုၤကီၢ်မၤက့းဒနံဒီးကီၢ်အဃါယၤဒီကီၢ်န့ၣ်ဘၣ်. မ့မ့ၢ်, တၢ်ကစီၣ်ဘၣ်ဃးဒီးသုတၢ်စူၢ်တၢ်နာ်ကစၢ်ယွၤန့ၣ်လဲၤတုၤ လၢတၢ်လီၢ်ကိးပူၤဒဲးလီၤ. လၢတၢ်န့ၣ်အဃိ, ပစံးတၢ်အလီၢ် တအိၣ်နီတမံၤဘၣ်.

၁ သ့းစၤလနံ 3:9

ခဲကနံၣ်အံၤ, ပစံးထီၣ်ပတြၢၤပကစၢ်ယွၤသ့ဝဲလၢသုဃိ လီၤ. လၢသုဃိန့ၣ်, ပအိၣ်ဒီးတၢ်သးခုလၢကစၢ်အမဲာ်ညါ, သတးဒီးပစံးဘျုးအီၤလီၤ.

၁ တံၤမသ့း 2:8

လၢတၢ်အိၣ်ဖှိၣ်အတၢ်ဘူၣ်ထီၣ်ဘါထီၣ်အလီၢ်ကိးပူၤ ဒဲးန့ၣ်, ယသးအိၣ်လၢပိာ်ခွါတဖၣ်ကဃ့ဘါထုကဖၣ်, ပိာ်ခွါလၢအပာ်စီဆှံအသးလၢကစၢ်ယွၤအဂီၢ်ဒီးသ့ယူာ်ထီၣ် အစုလၢတၢ်ထုကဖၣ်အပူၤတအိၣ်ဘၣ်ဒီးတၢ်သူၣ်ဒိၣ်သးဖျိး တၢ်ဂ့ၢ်လိာ်ဘှီလိာ်, တဖၣ်န့ၣ်လီၤ.

၂ တံၤမသ့း 2:2

ဟံးန့ၢ်တၢ်သိၣ်လိတဖၣ်လၢနနၢ်ဟူယတဲဖျါထီၣ်လၢပှၤအုၣ် အသးအါဂၤအမဲာ်ညါ, ဒီးဟ့ၣ်လီၤအးလီၤတၢ်တဖၣ်အံၤဆူပှၤလၢပနာ်န့ၢ်အီၤသ့ တဖၣ်အစုပူၤဒ်သိးအဝဲသ့ၣ်စ့ၢ်ကီးသိၣ်လိပှၤအဂၤကသ့ အဂီၢ်န့ၣ်တက့ၢ်.

လံာ်လီၣ်ဖျါ 7:12

ဒီးစံးဝဲ, “အၤမ့ၣ်. တၢ်စံးထီၣ်ပတြၢၤတၢ်လၤကပီၤ, တၢ်ကူၣ်ဘၣ်ကူၣ်သ့, တၢ်စံးဘျုးစံးဖှိၣ်, တၢ်ယူးယီၣ်, တၢ်စိကမီၤ, ဒီးတၢ်ဂံၢ်တၢ်ဘါန့ၣ် မ့ၢ်ပကစၢ်ယွၤအတၢ် အစိၤစိၤအဃၣ်ဃၣ်လီၤ. အၤမ့ၣ်.”