၂ ကရံၣ်သူး 2:12 - Sgaw Karen Common Bible

¹² ဖဲယဟဲတုၤလၢဝ့ၢ်တြိၤအါဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးခရံာ်အဂ့ၢ်န့ၣ်, ယထံၣ်ဘၣ်ယဲလၢကစၢ်အိးဟိထီၣ်တ့ၢ်ကျဲလၢတၢ်ဖံးတၢ်မၤဖဲန့ၣ် အဂီၢ်လီၤ.

၂ ကရံၣ်သူး 2:12 Iomraidhean Croise

မၤတၢ် 14:27

ဖဲအဝဲသ့ၣ်က့ၤတုၤဖဲဝ့ၢ်အၣ်တံၤအီာ်န့ၣ်, ကိးဖှိၣ်ပှၤတၢ်အိၣ်ဖှိၣ်ဖိတဖၣ်တပူၤဃီဒီးစံးဘၣ်တဲဘၣ် အဝဲသ့ၣ်တၢ်ခဲလၢာ်ဘၣ်ဃးကစၢ်ယွၤအတၢ်မၤဃုာ်တၢ်ဒီးအီၤ, ဒီးဘၣ်ဃးအဝဲအိးဟိထီၣ်ကျဲလၢပှၤကလုာ်ဂၤတဖၣ်ကစူၢ် ကနာ်တၢ်အဂီၢ်ဒ်လဲၣ်န့ၣ်လီၤ.

မၤတၢ် 16:11

ပဟးထီၣ်ဖဲဝ့ၢ်တြိၤအါလၢကဘီဒီးခီဂာ်တဘျီဃီဆူကီး စၤမသြါက့ၤ, ဒီးလၢခံတနံၤန့ၣ်လဲၤကဒီးဆူဝ့ၢ်နါပလံၣ်လီၤ.

မၤတၢ် 16:8

လၢတၢ်န့ၣ်အဃိ, အဝဲသ့ၣ်လဲၤခီဂာ်ကီၢ်မူၤစံဒီးလဲၤလီၤဝဲ ဆူဝ့ၢ်တြိၤအါန့ၣ်လီၤ.

မၤတၢ် 20:8

ဖဲဒၢးထီၣ်ထီလၢပပာ်ဖှိၣ်ပသးအလီၢ်န့ၣ်, မ့ၣ်အူဒၢဘၣ်တၢ်ဒွဲၣ်ထီၣ်အီၤအါဖျၢၣ်လီၤ.

ရိမ့ၤ 1:1

လၢစီၤပီလူး, ယ့ၣ်ၡူးခရံာ်အခ့အပှၤဒီးတၢ်မၢဖိတဂၤ လၢအဘၣ်တၢ်ဃုထၢဒီးကိးထီၣ်အီၤလၢကစၢ်ယွၤဒ်သိး ကစံၣ်တဲၤတဲလီၤတၢ်သးခုကစီၣ်အဂီၢ်အအိၣ်န့ၣ်လီၤ.

1 ကရံၣ်သူး 16:9

ပှၤလၢအထီဒါတၢ်အိၣ်ဝဲအါဒံအါဂၤဖဲအံၤသနာ်က့, တၢ်အခွဲးအယာ်နီၢ်နီၢ်အိၣ်ဝဲလၢတၢ်ဖံးတၢ်မၤဖးဒိၣ်, ဒီးတၢ်ဖံးတၢ်မၤလၢအဘျုးအိၣ်အဂီၢ်န့ၣ်လီၤ.

1 ကရံၣ်သူး 9:12

ပှၤအဂၤတဖၣ်မ့ၢ်အိၣ်ဒီးအခွဲးအယာ်လၢအကဆၢန့ၢ်ဘၣ်တၢ် တမံၤအံၤလၢသုအိၣ်ဒီး, ပဝဲဒၣ်သ့ၣ်တဖၣ်အံၤပအိၣ်ဒီးအခွဲးအယာ်အါန့ၢ်အန့ၣ်တက့ၢ် တမ့ၢ်ဘၣ်ဧါ. ဘၣ်ဆၣ်ဒီး, ပတသူတၢ်အခွဲးအယာ်တမံၤအံၤန့ၣ်ဘၣ်. မ့မ့ၢ် တခီ, ပဒိးတ့ၢ်တၢ်ခဲလၢာ်လၢတၢ်သူၣ်စူၤသးစူၤအပူၤ, ဒ်သိးပသုတဒုးအိၣ်ထီၣ်တၢ်နိးတၢ်ဘျးလၢခရံာ်အတၢ်သးခု ကစီၣ်အကျဲပူၤတဂ့ၤအဂီၢ်န့ၣ်လီၤ.

1 ကရံၣ်သူး 9:14

လၢကျဲတဘိဃီန့ၣ်, ကစၢ်ဟ့ၣ်လီၤတ့ၢ်အကလုၢ်လၢ ပှၤစံၣ်တဲၤတဲလီၤတၢ်သးခုကစီၣ်တဖၣ်ကဒိးန့ၢ်ဘၣ်တၢ်လုၢ်အီၣ် အသးသမူလၢအပူၤန့ၣ်လီၤ.

1 ကရံၣ်သူး 9:16

ယတအိၣ်ဒီးတၢ်အခွဲးအယာ်လၢယကပာ်ကဖၢလၢယသး, မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိဘၣ်. နီၢ်နီၢ်တခီန့ၣ်တၢ်ဟ့ၣ်လီၤယၤတၢ်ကလုၢ်လၢယကမၤတၢ်မၤ တမံၤအံၤန့ၣ်လီၤ. ဒီးယမ့ၢ်တစံၣ်တဲၤတဲလီၤတၢ်သးခုကစီၣ်န့ၣ်, တၢ်ကနးကဖှီၣ်မးလၢယဂီၢ်ဆံးဒိၣ်လဲၣ်.

၂ ကရံၣ်သူး 10:14

ဒီးမ့ၢ်လၢသုအိၣ်လၢတၢ်အဆၢတၢ်အကဝီၤတဖၣ်အံၤအပူၤ အဃိ, တမ့ၢ်ပလဲၤဖျိလဲၤတလၢကွံာ်အီၤ, ဖဲပဟဲဆူသုအိၣ်, စိာ်ဃုာ်ဒီးတၢ်သးခုကစီၣ်ဘၣ်ဃးခရံာ်အဂ့ၢ်န့ၣ်ဘၣ်.

၂ ကရံၣ်သူး 11:4

အဂ့ၢ်ဒ်အံၤ, သုတူၢ်လိာ်ပှၤတဂၤလၢ်လၢ်လၢအဟဲဆူသုအိၣ် ဒီးစံၣ်တဲၤတဲလီၤယ့ၣ်ၡူးအဂၤတဂၤ, တမ့ၢ်တဂၤဃီလၢပစံၣ်တဲၤတဲလီၤလၢအဂ့ၢ်ဘၣ်. ဒီးသုတူၢ်လိာ်သးလၢအလီၤဆီဝဲဒၣ်လၢာ်လၢာ်ဆ့ဆ့ ဒီးသးလၢသုဒိးန့ၢ်လၢပအိၣ်, ဒီးတၢ်သးခုကစီၣ်လၢအလီၤဆီဝဲလၢာ်လၢာ်ဆ့ဆ့ဒီးတၢ် သးခုကစီၣ်လၢသုဒိးန့ၢ်သုဝဲလၢပအိၣ်န့ၣ်လီၤ.

၂ ကရံၣ်သူး 11:7

ဖဲယစံၣ်တဲၤတဲလီၤကစၢ်ယွၤအတၢ်သးခုကစီၣ်ဆူသုအိၣ်န့ၣ်, ယတဃ့သုတၢ်ဘူးတၢ်လဲနီတမံၤဘၣ်. ယဆီၣ်လီၤယသးဒ်သိးသုကကဲထီၣ်ပှၤအကါဒိၣ်တဖၣ်လီၤ. အဝဲအံၤန့ၣ်, မ့ၢ်ယမၤကမၣ်တၢ်ဧါ.

၂ ကရံၣ်သူး 4:3

အဂ့ၢ်ဒ်အံၤ, တၢ်သးခုကစီၣ်လၢပစံၣ်တဲၤတဲလီၤအီၤမ့ၢ်အိၣ်ခူ သူၣ်အိၣ်တဒၢန့ၣ်, ကအိၣ်ခူသူၣ်အိၣ်တဒၢဒၣ်လၢပှၤလီၤမၢ်သ့ၣ်တဖၣ်အမဲာ်ညါ န့ၣ်လီၤ.

၂ ကရံၣ်သူး 4:4

အဝဲသ့ၣ်တစူၢ်တနာ်တၢ်ဘၣ်. အဂ့ၢ်မ့ၢ်လၢဟီၣ်ခိၣ်တဘ့ၣ်အံၤအကစၢ်လၢအအၢအသီ တဂၤပာ်အဝဲသ့ၣ်အသူၣ်အသးလၢတၢ်ခံးတၢ်နၤအပူၤ အဃိန့ၣ်လီၤ. အဝဲဒၣ်တြီဃာ်အဝဲသ့ၣ်ဒ်သိးအသုတထံၣ် ဘၣ်တၢ်ကပီၤလၢအကပီၤလီၤလၢအဝဲသ့ၣ်အလိၤ, တၢ်ကပီၤလၢအဟဲလၢတၢ်သးခုကစီၣ်ဘၣ်ဃးခရံာ် လၢအလီၤဂာ်ဒီးယွၤလၢလၢပှဲၤပှဲၤတဂၤအလၤကပီၤတဂ့ၤ န့ၣ်လီၤ.

၂ ကရံၣ်သူး 8:18

လၢအဝဲဒၣ်အသိးန့ၣ်, ပဆှၢလီၤဃုာ်ဒီပုၢ်ဝဲၢ်တဂၤလၢအဘၣ်တၢ်ယူးယီၣ်ပာ်ကဲ အီၤလၢတၢ်အိၣ်ဖှိၣ်ကိးဖုဒဲးအပူၤ, လၢအဝဲအတၢ်ဖံး တၢ်မၤ, တၢ်စံၣ်တဲၤတဲလီၤတၢ်သးခုကစီၣ်အဃိန့ၣ်လီၤ.

၂ ကရံၣ်သူး 9:13

ဒီးလၢတၢ်အုၣ်အသးလၢသုတၢ်မၤတမံၤအံၤဟ့ၣ်ထီၣ်ဝဲအဃိ, ပှၤအါဒံအါဂၤကဟ့ၣ်တၢ်လၤကပီၤဆူကစၢ်ယွၤလၢသုတၢ်သး တီဒီးခရံာ်အတၢ်သးခုကစီၣ်လၢသုအၢၣ်လီၤပာ်ဖျါသုဝဲဖျါဖျါ အဃိဒီးလၢသုတၢ်နီၤဟ့ၣ်တၢ်ဆူအဝဲသ့ၣ်ဒီးဆူပှၤကိးဂၤဒဲး အအိၣ်အပူၤန့ၣ်, သုဟ့ၣ်တၢ်အါအါဂီၢ်ဂီၢ်လၢတၢ်သးအိၣ် အဃိန့ၣ်လီၤ.

ကလီးစဲ 4:3

ဒီးဃ့ဘါထုကဖၣ်စ့ၢ်ကီးလၢပဂီၢ်, ဒ်သိးကစၢ်ယွၤကအိးထီၣ် န့ၢ်ပှၤကျဲလၢပကစံၣ်တဲၤတဲလီၤဘၣ်တၢ်အကစီၣ်ဘၣ်ဃးဒီးခရံာ် အတၢ်ခူသူၣ်န့ၣ်တက့ၢ်. အဂ့ၢ်ဒ်အံၤယလီၤဘၣ်လၢဃိာ်အပူၤမ့ၢ်လၢတၢ်ဂ့ၢ်အံၤအဃိလီၤ.

၁ သ့းစၤလနံ 3:2

ဖဲပဆှၢလီၤစီၤတံၤမသ့း, ပဒီပုၢ်ဝဲၢ်လၢအမၤဃုာ်တၢ်ဒီးပှၤလၢ ကစၢ်ယွၤအဂီၢ်, လၢတၢ်စံၣ်တဲၤတဲလီၤတၢ်သးခုကစီၣ်ဘၣ်ဃးဒီး ခရံာ်အခါန့ၣ်လီၤ. ပဆှၢလီၤအဝဲဒၣ်ဒ်သိးအကဟ့ၣ်ဂံၢ်ဟ့ၣ်ဘါသုဒီးမၤစၢၤသုတၢ် စူၢ်တၢ်နာ်အဂီၢ်,