၂ ကရံၣ်သူး 2:10 - Sgaw Karen Common Bible

¹⁰ ဖဲသုပျၢ်ကွံာ်ပှၤတဂၤအတၢ်ကမၣ်လၢအမၤဝဲန့ၣ်, ယဲဒၣ်ယပျၢ်ကွံာ်အတၢ်ကမၣ်စ့ၢ်ကီးလီၤ. အဂ့ၢ်ဒ်အံၤ, အလီၢ်မ့ၢ်အိၣ်နီၢ်နီၢ်လၢယကဘၣ်ပျၢ်တၢ်ကမၣ်တမံၤ မံၤန့ၣ်, ယမၤအီၤလၢခရံာ်အမဲာ်ညါလၢသုဃိ,

၂ ကရံၣ်သူး 2:10 Iomraidhean Croise

လံာ်မးသဲ 18:18

ယစံးဘၣ်တဲဘၣ်သုတၢ်မ့ၢ်တၢ်တီ, ဖဲဒၣ်တၢ်လၢသုတြီဃာ်လၢပှၤအသုတမၤလၢဟီၣ်ခိၣ်ချၢတဂ့ၤ တမံၤမံၤန့ၣ်, ကဘၣ်တၢ်တြီဃာ်အီၤလၢမူခိၣ်, ဒီးဖဲဒၣ်တၢ်လၢသုပျဲပှၤကမၤအီၤလၢဟီၣ်ခိၣ်ချၢတမံၤမံၤ န့ၣ်, ကဘၣ်တၢ်ပျဲမၤအီၤလၢမူခိၣ်လီၤ.

လံာ်ယိၤဟၣ် 20:23

သုမ့ၢ်ပျၢ်ကွံာ်ပှၤအတၢ်ဒဲးဘးတဖၣ်ဒီး, အတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤလီၤ. သုမ့ၢ်တပျၢ်ကွံာ်အဝဲသ့ၣ်အတၢ်ဒဲးဘးတဖၣ် ဘၣ်ဒီး, တၢ်တပျၢ်ကွံာ်ဘၣ်အီၤဘၣ်.”

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

၂ ကရံၣ်သူး 5:20

လၢတၢ်န့ၣ်အဃိ, ခဲကနံၣ်အံၤ, ပကတိၤတၢ်လၢခရံာ် အဂီၢ်, ဒ်ကစၢ်ယွၤအနီၢ်ကစၢ်ဒၣ်ဝဲသကွံၢ်ကညးတၢ်ခီဖျိပှၤ န့ၣ်လီၤ. ပဃ့ကညးပဝဲလၢခရံာ်အခၢၣ်စး, ပျဲကစၢ်ယွၤလဲလိာ်ကွံာ်သုလၢဒုၣ်ဒါတဖၣ်ဆူအဝဲအတံၤ သကိးတဖၣ်န့ၣ်တက့ၢ်.

၂ ကရံၣ်သူး 6:6

လၢပတၢ်သးကဆှီ, တၢ်သ့ၣ်ညါ, တၢ်သးစူၤဒီးတၢ်သူၣ်ဂ့ၤသးဝါ အပူၤန့ၣ်, ပဒုးနဲၣ်ဖျါထီၣ်ပသးလၢပမ့ၢ်ကစၢ်ယွၤအခ့အပှၤ, လၢသးစီဆှံအပူၤ, လၢပတၢ်အဲၣ်နီၢ်နီၢ်အပူၤ,

အ့းဖ့းစူး 4:32

ဒီးဝံသးစူၤလိာ်သုသး, သူၣ်ကညီၤသးကညီၤလိာ်သုသး, ပျၢ်လိာ်သုတၢ်ကမၣ်ဒ်ကစၢ်ယွၤအိၣ်လၢခရံာ်အပူၤပျၢ်သုတၢ်ကမၣ်အသိးန့ၣ်တက့ၢ်.