၂ ကရံၣ်သူး 13:9 - Sgaw Karen Common Bible

⁹ ပသးခုပဝဲဖဲပဂံၢ်စၢ်ဘါစၢ်အခါန့ၣ်သုဂံၢ်ဆူၣ်ဘါဆူၣ်န့ၣ်လီၤ. ဒီးလၢတၢ်န့ၣ်အဃိ, ပဃ့ဘါထုကဖၣ်ပဝဲဒ်သိးသုကကဲထီၣ် ပှၤလၢပှၤပှဲၤန့ၣ်လီၤ.

၂ ကရံၣ်သူး 13:9 Iomraidhean Croise

ရိမ့ၤ 15:2

အခိၣ်တလိာ်, လၢပဒီပုၢ်ဝဲၢ်တဖၣ်အတၢ်ဂ့ၤဒၣ်ဝဲအဂီၢ် န့ၣ်ပဝဲတဂၤဒီးတဂၤပကြၢးမၤမုာ်အီၤဒ်သိးအတၢ်စူၢ် တၢ်နာ်ကဘၣ်တၢ်သူၣ်ထီၣ်ဂၢၢ်ကျၢၤအီၤအဂီၢ်လီၤ.

1 ကရံၣ်သူး 1:10

လၢပကစၢ်ယ့ၣ်ၡူးခရံာ်အမံၤအဃိန့ၣ်, ယဃ့ကညးသုဝဲကိးဒံကိးဂၤဒဲး, ပုၢ်သ့ၣ်ဝဲၢ်သ့ၣ်ဧၢ, ဒ်သိးသုကအၢၣ်လီၤတူၢ်လိာ်တဂၤဒီးတဂၤအတၢ်စံးတၢ်ကတိၤ, ဒီးသုတအိၣ်ဒီးတၢ်လီၤမုၢ်လီၤဖးလၢသုသိးသုကျါတဂ့ၤန့ၣ်လီၤ. ပာ်ဖှိၣ်ထီၣ်သုသးတဖျၢၣ်ဃီလၢာ်လၢာ်ဆ့ဆ့, အိၣ်ဒီးတၢ်ဆိကမိၣ်တမံၤဃီ, ဒီးတၢ်တိာ်ပာ်တမံၤဃီန့ၣ်တက့ၢ်.

1 ကရံၣ်သူး 2:3

လၢတၢ်န့ၣ်အဃိဖဲယဟဲဆူသုအိၣ်န့ၣ်, ယဂံၢ်စၢ်ဘါစၢ်, ဒီးကနိးကစုာ်ယဲဒီဂၤညါလၢတၢ်ပျံၤတၢ်ဖုးအဃိ

1 ကရံၣ်သူး 4:10

လၢခရံာ်အဂီၢ်ပမ့ၢ်ပှၤသူၣ်တဆးသးတဆး, ဘၣ်ဆၣ်သုဝဲသုကူၣ်ဘၣ်ကူၣ်သ့လၢသုတၢ်ပာ်ဖှိၣ်ဃုာ်သုသး တပူၤဃီဒီးခရံာ်အပူၤလီၤ. ပဝဲပဂံၢ်စၢ်ဘါစၢ်, ဘၣ်ဆၣ်သုဂံၢ်ဆူၣ်ဘါဆူၣ်လီၤ. ပဘၣ်တၢ်ကွၢ်တလီၤပှၤဘၣ်ဆၣ်သုဒိးဘၣ်တၢ်မၤလၤကပီၤသုလီၤ.

၂ ကရံၣ်သူး 11:30

ယမ့ၢ်ဘၣ်ကတိၤတၢ်ကဖၢလၢန့ၣ်, ယကကတိၤတၢ်ကဖၢလၢဘၣ် ဃးဒီးတၢ်သ့ၣ်တဖၣ်လၢအပာ်ဖျါထီၣ်ယတၢ်ဂံၢ်စၢ်ဘါစၢ်လီၤ.

၂ ကရံၣ်သူး 13:11

ဒီးခဲကနံၣ်အံၤဒီပုၢ်ဝဲၢ်သ့ၣ်ဧၢ, ပလီၤဖးမုာ်မုာ်လီၤ. ဂဲၤပျုၢ်ဂဲၤဆှးလၢ တၢ်လၢတၢ်ပှဲၤအဂီၢ်တက့ၢ်. ဒိကနၣ်ယတၢ်သကွံၢ်ကညးတဖၣ်အိၣ်ဒီးတၢ်သူၣ်လီၤ ပလိာ်သးလီၤပလိာ်လၢတဂၤဒီးတဂၤအဘၢၣ်စၢၤဒီး အိၣ်မူလၢတၢ်ဃူတၢ်ဖိးအပူၤတက့ၢ်. ဒီးကစၢ်ယွၤလၢအဘၣ်ဃးဒီးတၢ်အဲၣ်တၢ်ကွံဒီး တၢ်ဃူတၢ်ဖိးတဂၤန့ၣ်ကအိၣ်ဒီးသုလီၤ.

၂ ကရံၣ်သူး 13:4

အဂ့ၢ်ဒ်အံၤ, အဝဲမ့ၢ်ဘၣ်တၢ်မၤသံအီၤလၢထူၣ်စုညါအလိၤလၢ အတၢ်ဂံၢ်စၢ်ဘါစၢ်အပူၤသနာ်က့, အဝဲဒၣ်အိၣ်မူဝဲလၢကစၢ်ယွၤ အစိကမီၤလီၤ. လၢတၢ်ပာ်ဖှိၣ်ထီၣ်ပသးတပူၤဃီဒီးအီၤ အပူၤန့ၣ်, ပဂံၢ်စၢ်ဘါစၢ်စ့ၢ်ကီး, မ့မ့ၢ်လၢပတၢ်ဘၣ်ထွဲဒီးသုအပူၤန့ၣ်ပကအိၣ်မူပဝဲဒီးအီၤ လၢကစၢ်ယွၤအစိကမီၤလီၤ.

၂ ကရံၣ်သူး 4:12

အဝဲအံၤအခီပညီမ့ၢ်ဝဲ, တၢ်သံမၤတၢ်လၢပပူၤ, ဘၣ်ဆၣ်ဒီးတၢ်မူမၤတၢ်လၢသုပူၤန့ၣ်လီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

ကလီးစဲ 1:28

ပစံၣ်တဲၤတဲလီၤခရံာ်ဒီးတဲပလီၢ်ပှၤကိးဂၤဒီးသိၣ်လိသီ လိပှၤကိးကလုာ်ဒဲးလၢတၢ်ကူၣ်သ့ခဲလၢာ်အပူၤ, ဒ်သိးပကဆှၢက့ၤပှၤတဂၤစုာ်စုာ်ဒ်ပှၤဒိၣ်တုာ်ခိၣ်ပှဲၤလၢခရံာ် အပူၤအသိးဆူကစၢ်ယွၤအအိၣ်အဂီၢ်န့ၣ်လီၤ.

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

၁ သ့းစၤလနံ 3:10

မုၢ်ဆါဒီးမုၢ်နၤန့ၣ်ပဃ့အီၤလၢပသးဒီဖျၢၣ်ညါ, ဒ်သိးအကပျဲပထံၣ်လိာ်ဘၣ်ပသးမဲာ်သကိးမဲာ်, ဒီးဟ့ၣ်သုတၢ်လၢသုလိၣ်ဘၣ်ဒံးလၢသုတၢ်စူၢ်တၢ်နာ်အပူၤ န့ၣ်လီၤ.

၂ တံၤမသ့း 3:17

ဒ်သိးကစၢ်ယွၤအပှၤကညီကလၢထီၣ်ပှဲၤထီၣ်ဒီးကအိၣ် ကတဲာ်ကတီၤအသးလၢကမၤတၢ်အဂ့ၤတမံၤလၢ်လၢ် အဂီၢ်န့ၣ်လီၤ.

ဧ့ၤဘြံၤ 12:23

ဆူပှၤဂီၢ်မုၢ်လၢအပှဲၤဒီးတၢ်သးခုဒီးတၢ်အိၣ်ဖှိၣ်ဘၣ်ဃးဒီး ဝဲၢ်ကိလၢအမံၤအိၣ်ကွဲးအသးလၢမူခိၣ်တဖၣ်အအိၣ်, ဒီးဆူကစၢ်ယွၤလၢအစံၣ်ညီၣ်ပှၤခဲလၢာ်အအိၣ်, ဒီးဆူပှၤအတီအလိၤအသးလၢအဘၣ်တၢ်မၤလၢထီၣ်ပှဲၤထီၣ်အီၤ တဖၣ်အအိၣ်,

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ဧ့ၤဘြံၤ 6:1

မၤသးဒ်န့ၣ်ဒီးမ်ပသုတအိၣ်လၢၤဒၣ်ဖဲတၢ်ဘၣ်ဃးဒီး တၢ်စူၢ်တၢ်နာ်ခရံာ်အခီၣ်ထံးန့ၣ်တဂ့ၤ, မ်ပလဲၤသကိးဆူတၢ်ဒိၣ်တုာ်ခိၣ်ပှဲၤအပူၤန့ၣ်တက့ၢ်. မ်ပသုတက့ၤကဒါက့ၤဆူတၢ်ပာ်လီၤကဒီးတၢ်အခီၣ်ထံးလၢ အမ့ၢ်, တၢ်ပီၢ်ယၢ်လီၤက့ၤပသး, တၢ်ဃၣ်ကဒါက့ၤသးလၢတၢ်သံအတၢ်ဖံးတၢ်မၤဆူတၢ်နာ် ကစၢ်ယွၤအအိၣ်,

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.