၂ ကရံၣ်သူး 13:8 - Sgaw Karen Common Bible

⁸ အဂ့ၢ်ဒ်အံၤ, တၢ်လၢအထီဒါတၢ်မ့ၢ်တၢ်တီန့ၣ်ပမၤအီၤတသ့နီ တမံၤဘၣ်. ပမၤသ့ဒၣ်ထဲတၢ်လၢအမၤစၢၤအီၤလီၤ.

၂ ကရံၣ်သူး 13:8 Iomraidhean Croise

လံာ်စီၤပၤအခီၣ်ထံးတဘ့ၣ် 22:28

စီၤမံၤကါယၤစံးဝဲ, “နမ့ၢ်ဟဲက့ၤမုာ်မုာ်န့ၣ်ဒီးယွၤတကတိၤဘၣ်တၢ်ခီဖျိယၤန့ၣ်ဘၣ်.” ဒီးစံးအါထီၣ်ဝဲ, “ပှၤကိးဂၤဒဲးဧၢ, ဒိကနၣ်တၢ်လၢယစံးတ့ၢ်န့ၣ်တက့ၢ်.”

တၢ်ကတိၤဒိ. 21:30

ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

တၢ်ကတိၤဒိ. 26:2

နမ့ၢ်တကြၢးဒိးဘၣ်အီၤဒီး, တၢ်ဆိၣ်အၢတဖၣ်မၤဘၣ်ဒိဘၣ်ထံးနၤ တသ့ဘၣ်. တၢ်တဖၣ်န့ၣ်လီၤဂာ်ဒ်ထိၣ်တဖၣ်လၢအယူၤပူၤကွံာ်ဝဲဒီး တစီၢ်လီၤနီတဘျီဘၣ်အသိးန့ၣ်လီၤ.

လံာ်မၢ်ကူး 9:39

ယ့ၣ်ၡူးစံးဘၣ်အဝဲသ့ၣ်, “တဘၣ်တြီအီၤတဂ့ၤ. အဂ့ၢ်ဒ်အံၤပှၤလၢအမၤကဲထီၣ်တၢ်လီၤလးတမံၤမံၤလၢ ယမံၤအပူၤန့ၣ်, မၤဝဲဝံၤအလီၢ်ခံကကတိၤစံးအၢစံးသီယၤ တအိၣ်နီတဂၤဘၣ်.

၂ ကရံၣ်သူး 10:8

အဂ့ၢ်ဒ်အံၤ, ယမ့ၢ်ကတိၤပာ်ကဖၢလၢယသးအါကဲၣ်ဆိးတစဲး ဘၣ်ဃးဒီးတၢ်စိတၢ်ကမီၤလၢကစၢ်ဟ့ၣ်လံယၤ (တၢ်စိတၢ်ကမီၤလၢတၢ်ကမၤထီၣ်မၤထီသုအဂီၢ်ဒီးတမ့ၢ်တၢ် ကမၤဟးဂီၤသုအဂီၢ်ဘၣ်) ဒၣ်လဲာ်န့ၣ်, ယတမဲာ်ဆှးယဲဒၣ်ဘၣ်.

၂ ကရံၣ်သူး 13:10

လၢတၢ်န့ၣ်အဃိယကွဲးတၢ်အဝဲအံၤဖဲယအိၣ်လီၤဖးဒီး သုလီၤ. အဝဲအံၤန့ၣ်မ့ၢ်ဒ်သိးဖဲယဟဲတုၤန့ၣ်, အလီၢ်သုတအိၣ်လၢယကမၤသုဆူၣ်ဆူၣ်လၢတၢ်သူ တၢ်စိတၢ်ကမီၤလၢကစၢ်ယွၤဟ့ၣ်တ့ၢ်ယၤ (တၢ်စိတၢ်ကမီၤလၢတၢ်ကမၤထီၣ်မၤထီသု အဂီၢ်, တမ့ၢ်တၢ်ကမၤဟးဂီၤသုအဂီၢ်ဘၣ်) အပူၤ တဂ့ၤအဂီၢ်န့ၣ်လီၤ.

၂ ကရံၣ်သူး 13:7

ပဃ့ဘါထုကဖၣ်တၢ်ဆူကစၢ်ယွၤအအိၣ်ဒ်သိးသုသုတမၤ ကမၣ်တၢ်နီတမံၤတဂ့ၤ. တမ့ၢ်ဒ်သိးအကအိၣ်ဖျါလၢ ပမၤနၢၤတၢ်ဘၣ်. မ့မ့ၢ်, ဒ်သိးပမ့ၢ်အိၣ်ဖျါဒ်ပှၤလီၤတိၢ်တဖၣ်သနာ်က့, သုကမၤတၢ်လၢအကြၢးအဘၣ်အဂီၢ်န့ၣ်လီၤ.

၂ ကရံၣ်သူး 13:9

ပသးခုပဝဲဖဲပဂံၢ်စၢ်ဘါစၢ်အခါန့ၣ်သုဂံၢ်ဆူၣ်ဘါဆူၣ်န့ၣ်လီၤ. ဒီးလၢတၢ်န့ၣ်အဃိ, ပဃ့ဘါထုကဖၣ်ပဝဲဒ်သိးသုကကဲထီၣ် ပှၤလၢပှၤပှဲၤန့ၣ်လီၤ.

၁ တံၤမသ့း 1:20

လၢအဝဲသ့ၣ်အကျါမ့ၢ်စီၤဟူၤမ့းနဲဒီးစီၤအလ့းစၣ်ဒြူးလၢ ယစံၣ်ညီၣ်တ့ၢ်ဒီးဟ့ၣ်လီၤကွံာ်အီၤဆူမုၣ်ကီၤလံၢ်အစုပူၤ, ဒ်သိးတၢ်အံၤကကဲထီၣ်တၢ်သိၣ်လိအဝဲသ့ၣ်လၢကဆိကတီၢ် အတၢ်ကတိၤတရီတပါယွၤအဂီၢ်န့ၣ်လီၤ.