၂ ကရံၣ်သူး 13:7 - Sgaw Karen Common Bible

⁷ ပဃ့ဘါထုကဖၣ်တၢ်ဆူကစၢ်ယွၤအအိၣ်ဒ်သိးသုသုတမၤ ကမၣ်တၢ်နီတမံၤတဂ့ၤ. တမ့ၢ်ဒ်သိးအကအိၣ်ဖျါလၢ ပမၤနၢၤတၢ်ဘၣ်. မ့မ့ၢ်, ဒ်သိးပမ့ၢ်အိၣ်ဖျါဒ်ပှၤလီၤတိၢ်တဖၣ်သနာ်က့, သုကမၤတၢ်လၢအကြၢးအဘၣ်အဂီၢ်န့ၣ်လီၤ.

၂ ကရံၣ်သူး 13:7 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 4:10

ဘၣ်ဆၣ်စီၤယၤဘ့းဘါထုကဖၣ်တၢ်ဆူအံၣ်စရ့လးအကစၢ် ယွၤဒီးစံးဝဲ, “ကစၢ်ယွၤဧၢ, ဆိၣ်ဂ့ၤယၤဒီးဟ့ၣ်လဲၢ်ထီၣ်ယအိၣ်ယဆိးအလီၢ်တ က့ၢ်. အိၣ်ဒီးယၤဒီးတြီဃာ်န့ၢ်ယၤလၢကယဲၢ်တၢ်အၢတၢ်သီ တမံၤလၢ်လၢ်လၢကမၤဆူးဆါယၤန့ၣ်တက့ၢ်.” ဒီးကစၢ်ယွၤဟ့ၣ်အီၤတၢ်လၢအဃ့ဝဲဒၣ်န့ၣ်လီၤ.

လံာ်မးသဲ 6:13

သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

လံာ်ယိၤဟၣ် 17:15

ယတဃ့နၤဒ်သိးနကထုးထီၣ်ကွံာ်အဝဲသ့ၣ်လၢ ဟီၣ်ခိၣ်ချၢအဂီၢ်န့ၣ်ဘၣ်. မ့မ့ၢ်, ယဃ့နၤလၢနကအံးကွၢ်ကဟုကယာ်အဝဲသ့ၣ်ဒ်သိး အကပူၤဖျဲးဒီးတၢ်အၢတၢ်သီတဂၤအဂီၢ်န့ၣ်လီၤ.

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

ရိမ့ၤ 12:17

ပှၤတဂၤဂၤမ့ၢ်မၤအၢသုဒီး, တဘၣ်မၤဆၢအီၤလၢတၢ်အၢတ ဂ့ၤ. ကျဲးစၢးမၤတၢ်လၢပှၤခဲလၢာ်ဆိကမိၣ်ဝဲလၢအမ့ၢ်တၢ်ဂ့ၤ န့ၣ်တက့ၢ်.

ရိမ့ၤ 13:13

မ်ပကအိၣ်မူဂ့ၤဂ့ၤဘၣ်ဘၣ်ဒ်ပှၤတဖၣ်လၢအလဲၤတၢ်လၢ မုၢ်ဆါအတၢ်ကပီၤအပူၤအသိးန့ၣ်တက့ၢ်. မ်ပကဟးဆှဲးတၢ်မၤပွဲဧိၤလီဧိၤလၢအအိၣ်ဒီးတၢ်အီမူၤ အီဘှီး, တၢ်အိၣ်မူလီၤရၢၢ်လီၤစၢၢ်, တၢ်ကလုာ်ကလိၤ, တၢ်အ့ၣ်လိာ်ဆိးက့လိာ်ဒီးတၢ်သူၣ်က့ၣ်သးကါတဖၣ် န့ၣ်တက့ၢ်.

ရိမ့ၤ 16:10

ယဆၢဂ့ၤဆၢဝါဘၣ်စီၤအၤပ့းလ့ၣ်လၢအပာ်ဖျါထီၣ်တ့ၢ်လံ ဝဲအတၢ်သးတီဒီးခရံာ်န့ၣ်လီၤ. ယဆၢဂ့ၤဆၢဝါဘၣ်ပှၤတဖၣ်လၢအဘၣ်ဃးဒီးစီၤအရံးစတီးဘူလူး အဒူၣ်ဖိထၢဖိန့ၣ်လီၤ.

1 ကရံၣ်သူး 11:19

သပှၢ်ကတၢၢ်တၢ်လီၤမုၢ်လီၤဖးကအိၣ်ဝဲဒၣ်လၢသုသိးသုကျါ, ဒ်သိးပှၤလၢအဂ့ၤအဝါတဖၣ်ကဘၣ်တၢ်ထံၣ်သ့ၣ်ညါအီၤဖျါဖျါ အဂီၢ်န့ၣ်လီၤ.

၂ ကရံၣ်သူး 10:10

ပှၤစံးဝဲ, “စီၤပီလူးအလံာ်ပရၢတဖၣ်ဆူၣ်ဝဲကိၤဝဲ, ဒီးအသဟီၣ် ဆူၣ်လီၤ. မ့မ့ၢ် ဖဲအဝဲအိၣ်လၢပသိးပကျါန့ၣ်အဂံၢ်စၢ်ဘါစၢ်ဒီး အတၢ်ကတိၤတဖၣ်တမ့ၢ်တၢ်နီတမံၤဘၣ်.”

၂ ကရံၣ်သူး 10:18

အဂ့ၢ်ဒ်အံၤ, ပှၤတဂၤဘၣ်တၢ်ဘၣ်သူၣ်ဘၣ်သးအီၤဖဲကစၢ်ဆိ ကမိၣ်ဂ့ၤအီၤဒီးတမ့ၢ်ဖဲအဆိကမိၣ်ဂ့ၤလီၤအသးဒၣ်ဝဲအခါ န့ၣ်ဘၣ်လီၤ.

၂ ကရံၣ်သူး 13:6

ယနာ်လၢသုကသ့ၣ်ညါလၢပတမ့ၢ်ပှၤလၢအလီၤတိၢ်တဖၣ်ဘၣ်လီၤ.

၂ ကရံၣ်သူး 13:8

အဂ့ၢ်ဒ်အံၤ, တၢ်လၢအထီဒါတၢ်မ့ၢ်တၢ်တီန့ၣ်ပမၤအီၤတသ့နီ တမံၤဘၣ်. ပမၤသ့ဒၣ်ထဲတၢ်လၢအမၤစၢၤအီၤလီၤ.

၂ ကရံၣ်သူး 13:9

ပသးခုပဝဲဖဲပဂံၢ်စၢ်ဘါစၢ်အခါန့ၣ်သုဂံၢ်ဆူၣ်ဘါဆူၣ်န့ၣ်လီၤ. ဒီးလၢတၢ်န့ၣ်အဃိ, ပဃ့ဘါထုကဖၣ်ပဝဲဒ်သိးသုကကဲထီၣ် ပှၤလၢပှၤပှဲၤန့ၣ်လီၤ.

၂ ကရံၣ်သူး 6:4

အခိၣ်တလိာ်လၢတၢ်ကိးမံၤဒဲးလၢပမၤအီၤအပူၤန့ၣ် ပဒုးနဲၣ်လၢပမ့ၢ်ကစၢ်ယွၤအခ့အပှၤတဖၣ်ခီဖျိပတူၢ်တၢ်ကီတၢ်ခဲ တၢ်ဖှီၣ်တၢ်ယာ်ဒီးတၢ်နးတၢ်ဖှီၣ်တဖၣ် လၢတၢ်သူၣ်စူၤသးစူၤ အပူၤန့ၣ်လီၤ.

၂ ကရံၣ်သူး 8:21

ပတၢ်တိာ်ပာ်ကွၢ်စိမ့ၢ်ဝဲ, ပကမၤတၢ်လၢအကြၢးဝဲဘၣ်ဝဲ, တမ့ၢ်ထဲလၢကစၢ်ယွၤအမဲာ်ညါဘၣ်. မ့မ့ၢ်လၢပှၤကညီ အမဲာ်ညါစ့ၢ်ကီးန့ၣ်လီၤ.

ဖံလံးပံၤ 4:8

တၢ်ကတိၤလၢခံကတၢၢ်န့ၣ်, ယဒီပုၢ်ဒီဝဲၢ်သ့ၣ်ဧၢ, မၤပှဲၤသုတၢ်ဆိကမိၣ်ဒီးတၢ်သ့ၣ်တဖၣ်လၢအဂ့ၤ, ဒီးကြၢးဒီးတၢ်စံးထီၣ်ပတြၢၤ, ဒ်ပစံးတၢ်အသိး, တၢ်လၢ အမ့ၢ်အတီ, တၢ်လၢအအိၣ်ဒီးအလၤအကပီၤ, တၢ်လၢအဘၣ်, တၢ်လၢအစီဆှံ, တၢ်လၢအလီၤအဲၣ်လီၤကွံ, တၢ်ဟူထီၣ်သါလီၤလၢအဂ့ၤတဖၣ်န့ၣ်တက့ၢ်.

၁ သ့းစၤလနံ 5:23

မ်ကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်မၤစီထီၣ်ဆှံ ထီၣ်သုလၢလၢပှဲၤပှဲၤဒီးဒုးပူၤဖျဲးသုနီၢ်ဒီဂၤညါသး, သးသမူဒီးနီၢ်ခိ, လၢတၢ်ကမူၤကမၣ်ကိးမံၤဒဲး, ဖဲပကစၢ်ယ့ၣ်ၡူးခရံာ်ဟဲက့ၤန့ၣ်တက့ၢ်.

၁ တံၤမသ့း 2:2

လၢစီၤပၤတဖၣ်အဂီၢ်ဒီးပဒိၣ်ပပှၢ်ခဲလၢာ်အဂီၢ်, ဒ်သိးပကအိၣ်မူဘၣ်ခုၣ်ခုၣ်မုာ်မုာ်လၢတၢ်ယူးယီၣ် ကစၢ်ယွၤဒီးလၢတၢ်လီၤယူးယီၣ်ပာ်ကဲလၢကျဲကိးဘိ ဒဲးအပူၤအဂီၢ်န့ၣ်တက့ၢ်.

၂ တံၤမသ့း 2:15

ကျဲးစၢးမၤတၢ်အဂ့ၤကတၢၢ်ဒ်သိးနကမၤန့ၢ်ကစၢ်ယွၤအတၢ်ဘၣ် အသး, ဒ်ပှၤမၤတၢ်ဖိတဂၤလၢအမဲာ်ဆှးအလီၢ်တအိၣ်ဘၣ်လၢ အတၢ်မၤအဃိ, ဒီးဒ်ပှၤလၢအသိၣ်လိကစၢ်ယွၤအကလုၢ် ကထါအတၢ်မ့ၢ်တၢ်တီ, တီတီလိၤလိၤတဂၤအသိးန့ၣ်တက့ၢ်.

၂ တံၤမသ့း 4:18

ဒီးကစၢ်ကမၤပူၤဖျဲးယၤလၢတၢ်အၢတၢ်သီခဲလၢာ်ဒီးကဟံးန့ၢ် ဒီးဆှၢယၤပူၤပူၤဖျဲးဖျဲး ဆူအမူခိၣ်ဘီမုၢ်အပူၤလီၤ. မ်တၢ်လၤကပီၤဘၣ်အီၤအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.